Azərbaycanlı şair Əziz MUSA.”Şuşa bizi gözləyir” poemasından bir parça

This image has an empty alt attribute; its file name is 62343206_702250623526083_4229520764732178432_o.jpg

Azərbaycan Yazıçılar və Jurnalistlər Birliklərinin üzvü, “İlham çeşməsi” qəzetinin təsisçisi və baş redaktoru,
Azərbaycan Respublikası Prezidentinin Təqaüd Fondunun təqaüdçüsü

28 il bundan qabaq bu günü mən Təbriz şəhərində idin. Dostum gilə qonaq getmişdim Azərbaycan nümayəndə heyyəti Tehranda Ermənistanın nümayəndə heyyəti ilə görüşüb müqavilə imzalayırdı.
O vaxtkı baş prokror Murad Babayev başda olmaqla bir dəstə Təbrizə gəlməli idi.Azərbaycan incəsənət ustaları başda Zeynəb Xanlarov olmaqla TƏBRİZDƏ idilər. . May ayının 8- də könsert olmalı idi. Döstum bilet almışdı Biz ayın 7- də Şəhriyarım məqbərəsini ziyarət edib axşam evə qayıdanda gördük ki ermənilər konsrtin afişalarını cırır.
Səhər tezdən dostum ağlaya-ağlaya gəlib dedi ki, ermənilər Şuşanı işğal ediblər. Elə bil başıma bir qaynar su tökdülər.
Azərbaycan nümayəndə heyyəti də kor-peşiman bakıya döndü.
Mən də səhərisi günü geriyə qayıtdım.

(POEMADAN BİR PARÇA)

Axır gilə-gilə gözümün yaşı,
O yerlər yuxuma girir hər gecə.
Unuda bilmirəm torpağı, daşı,
Ay Allah bu dərdə tablaşım necə.

Hələ qan qoxuyur yurdun səhəri,
Dağlara nur saçan günəş görünmür.
Viranə qalıbdı kəndi, şəhəri,
Qaçqın, köçkün ellər geriyə dönmür.

Qalıb yad əlində ölkənin tacı,
Şuşada bülbüllər susubdu çoxdan.
Həsrətin, hicranın yoxmu əlacı,
Ulu qeyrətimiz düşübdü taxtdan.

Daha fələklər də bizlərə baxmır,
Cıdırda dolaşır qotur yabılar,
Səsimiz, ünümüz zirvəyə qalxmır,
Yiyəsin gözləyir bağlı qapılar.

Qəm, qüssə göyərir torpaqda, daşda.
Yollarda , izlərdə abrımız gedib,
Biz necə gəzdirək papağı başda,
Qarabağ talanıb, Şuşamız gedib.

Yolları bağlıdı hələ bu köçün,
Çobanı, qoyunu nəfsin quludu.
Doğma Qarabağa qayıtmaq üçün,
Bir yol var , o da ki, döyüş yoludu.

Azərbaycanlı şair Əziz MUSA.”Alın yazısı”

Azərbaycan Yazıçılar və Jurnalistlər Birliklərinin üzvü, “İlham çeşməsi” qəzetinin təsisçisi və baş redaktoru,
Azərbaycan Respublikası Prezidentinin Təqaüd Fondunun təqaüdçüsü

Buludlar tutubdu göyün üzünü,
Ayımı, Günümü görə bilmirəm,
Yuyuram, sərirəm hələ sözümü,
Solur gül, çiçəyim dərə bilmirəm.

Keçib ürəyimin düz ortasından,
O kaman qaşından atdığın oxun,
Ayrıla bilmirəm qəmin yasından,
Üzür ürəyimi sənin yoxluğun.

İncidən də sənsən, küsən də sənsən,
Dönmüsən naləyə şeirlərimdə
Dünya bizim olar, əgər istəsən,
Qarışııq düşübdü xeyir, şərim də.

Bu necə möcüzə, bu necə sirdi,
Açır yanağında lalə, qızılgül.
Ruhum gözlərində çoxdan əsirdi,
Sənsiz uşaq kimi ağlayır könül.

İtibdi sözümün naxışı, tamı,
Qəlbimin ağrısı üzümə çıxır.
Dəli eyləyirsən vallah adamı,
Göylərin leysanı gözümdən axır.

Bir dəfə yazılır alın yazısı,
Səni mənə yazıb, taleyi yazan,
Sənsiz gedən deyil bu can ağrısı,
Qoyma yaz ömrümü talasın xəzan.

Z.İ.Sultanovun Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi vəzifəsindən azad edilməsi haqqında Azərbaycan Respublikası Prezidentinin Sərəncamı

Z.İ.Sultanovun Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi vəzifəsindən azad edilməsi haqqında Azərbaycan Respublikası Prezidentinin Sərəncamı

Z.İ.Sultanovun Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi vəzifəsindən azad edilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

Zakir İmran oğlu Sultanov Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi vəzifəsindən azad edilsin.

İlham Əliyev
Azərbaycan Respublikasının Prezidenti
Bakı şəhəri, 9 may 2020-ci il.

R.Y.Bayramovun Azərbaycan Respublikası Mədəniyyət nazirinin müavini vəzifəsindən azad edilməsi haqqında Azərbaycan Respublikası Prezidentinin Sərəncamı

R.Y.Bayramovun Azərbaycan Respublikası Mədəniyyət nazirinin müavini vəzifəsindən azad edilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

Rafiq Yasin oğlu Bayramov Azərbaycan Respublikası Mədəniyyət nazirinin müavini vəzifəsindən azad edilsin.

İlham Əliyev
Azərbaycan Respublikasının Prezidenti
Bakı şəhəri, 9 may 2020-ci il.

Rafiq ODAY.”Olmasın”

This image has an empty alt attribute; its file name is 79644024_835032433613820_2564097335432839168_n.jpg

Hirslənəndə nə var vurub,
Yıxandan qorxun olmasın.
Səni uzaqlar yıxacaq,
Yaxından qorxun olmasın.

Yolunda neçə qan durub,
Qəlbə yaxının yan durub.
Həsrətində hey yandırıb,
Yaxandan qorxun olmasın.

Söz ver dedm, dastan yedim,
Hər nə yedim, dostdan yedim.
Yad əlində didim-didim
Yaxandan qorxun olmasın.

Hicran dolu qəmsə tirə,
Ələnəcək qəm sətirə.
Qorx aşkarlar qəm gətirə,
Yuxundan qorxun olmasın.

Bu yol niyə döngələndi,
Sanıram, yardan gələndi.
Nə gəlsə, vardan gələndi,-
Yoxundan qorxun olmasın.

Səbrim ta tükənmiş heydi,
Ağ baxtimmi qara geydi?!
“Məhəbbət bir bəla şeydi…” –
Yox, ondan qorxun olmasın!

07.05.2020.

Xalq şairi Vahid ƏZİZ.Yeni şeirlər

AĞLAMA…

Qatar deyil-qəm gətirə,
ötən günlərə ağlama,
saçlarına qətrə-qətrə
yağan dənlərə ağlama,

Qəhərdən divar da uçar-
daşın da öz yaddaşı var,
özünü-özünə qaytar!
keçən illərə ağlama,

Gah istəyə,gah arzuya
uyduq,sevilirdik güya.
Gənclik deyil–qayıtmaya,
solan güllərə ağlama,

Həyatdır;görüş yerindən
azmı olub peşman gələn?
“Hayıf”-deyib gözlərindən
axan sellərə ağlama,

Təkəbbürdən əlini çək,
qismət öz işin görəcək,
köz tutan mütləq sönəcək-
donan küllərə ağlama,

Bəlkə,özün də bilmədən,
qurtulmusan fəlakətdən,
əllərindən,görüşmədən,
gedən əllərə ağlama,

Onlar–daha uzaqlarda;
kim nə yerdə,hansı harda?
kölgəmizi divarlarda
qıran tinlərə ağlama,
ötən günlərə ağlama…

GƏLƏ BİLMƏDİN…
O boyda eşq bir salama dəymədi?
Bəxtiyar VAHABZADƏ

Ürəyim yerinə çətin ki,gələ,
o acı gülüşlə axı,nə dedin?
özünü vuraydın “Görməməzliyə”,
elə biləydim ki:”Korsan,görmədin”.

Sənə:”Can!”-deməyə dil saxlayaydım,
görüşə gəlməyə gül saxlayaydım,
qəlbimdə “Məzara” əl saxlayaydım,
elə düşünəydim:”Hələ ölmədin”.

Bəxti gətirənlər daş kimi yatar,
son bahar gülü də xəzana qatar,
hərdən harayından qulağım batar-
məni ürəyindən hələ silmədin?!

Mənsiz–gözlərində axı,qəm idim,
axı,anlayırdın,gülüm,kimidim!
qədrini bilməli təcə mən idim–
hayıf ki,sən bunu bilə bilmədin!

Həyatım,çiçəyim,gözümün çəni,
hansı yollar qırdı qədəmlərini?
o payız nə cürə apardı səni?–
yenə baharıma gələ bilmədin…

İTGİ…

Zaman keçir,vaxtım birtir,
ömrü başa vururam,
çiynimdəki mələklərlə
üzbəsürət dururam.

Onlar yazan dəftərlərdə
yazılanlar görünməz,
sualların yeri Dərgah,
burda cavab verilməz.

Qalxıb ömrün zirvəsinə
göz gəzdirdim cahana,
o,bizlərə yaşam verdi,
bizsə düşmənik ona.

Gülşənləri oraqlayıb
qara kollar bitirdik,
Dünya özü Cənnətimiş,
biz Cənnəti itirdik…

Yaza bilmirəm

Hər gecə qəsd edib öldürmə məni,
sənli yuxuları yoza bilmirəm,
içimdə gizlənən məndəki “Məni”,
ağladan olmasa–yaza bilmirəm,

Soyuq yaş güc gələr gözün yağına,
get-gedə qarışar “qara”-“ağına”,
elə alışmışam eşqlər dağına,
dağladan olmasa yaza–bilmirəm,

Hər kəs öz bağrında bir çiçək əkib,
hər kəs bir inancın önündə çöküb,
məsum körpə kimi qoynuna çəkib,
bağladan olmasa–yaza bilmirəm,

Hamı bir-birinə arabir dəyib,
ən odlu qırmanclar Şairi döyüb,
Füzuli–gerçəyi tərsinə deyib;
aldadan olmasa–yaza bilmirəm!

Gülüm,güləşdirmə heç kimnən məni,
durnayam-saxlatma köçümnən məni,
yaxşı ki,sən varsan!-içimnən məni,
çağladan olmasa–yaza bilmirəm,

Mənimdir gerçək də,acı yalan da,
sınıram çox şeyi yada salanda,
üzümə “can”-deyib qapı dalında,
saxladan olmasa–yaza bilmirəm,

Sən də,Vahid ƏZİZ,yaxşı ki,varsan,
hayıf ki binəva dövrana yarsan!
uzağı olardım dərdli bir ozan;
Tanrıdan olmasa–yaza bilmirəm…

Coşqun XƏLİLOĞLU.”Bakıdan Berlinədək”

Böyük Vətən Müharibəsində qəhrəmanlıq
göstərmiş azərbaycanlıların əziz xatirəsinə!

Bakıdan Berlinədək
Cəsarətlə döyüşdü,
Min əzaba qatlaşdı,
Dəyanətlə döyüşdü.

Mərdlik yolunu seçdi,
Alovdan-oddan keçdi,
Zəfər şərbətin içdi,
Mətanətlə döyüşdü.

Tab etdi çox sınağa,
Tuş olmadı qınağa,
Doğma yurda, torpağa,
sədaqətlə döyüşdü.

Ordenlər sinəsində, 
Qətiyyət var səsində,
Qan-qada cəbhəsində,
Ləyaqətlə döyüşdü.

Həzi, Mehdi, Gəraydır,
Biri orduya taydır,
Yenilməz bir alaydır,
Şücaətlə döyüşdü.

Yorğanı oldu səngər,
Xilas etdi kənd, şəhər,
Üzünə güldü zəfər,
Qətiyyətlə döyüşdü.

Keçsə də, neçə illər, 
Dəyişsə də, nəsillər,
Sizi sevəcək ellər,
Söyləyəcək fəxrlə;
-Qorxmaz, qoçaq babalar
Rəşadətlə döyüşdü.

Azərbaycanlı gənc yazar Nemət TAHİR.Yeni şeirlər

Azərbaycan Jurnalistlər Birliyi Sumqayıt şəhər təşkilatının Gündəlik Analitik İnformasiya Agentliyinin və Azərbaycanın Mədəniyyət və Ədəbiyyat Portalının Qarabağ bürosunun rəhbəri

Cavabsız sevgi

Nazını çəkməyə hazırdım hər an
Çünki mənasızdır əzabsız sevgi
Ancaq ki, insanı bir ağac kimi
İçindən çürüdür cavabsız sevgi

Yanımda olsan da, mənə uzaqsan
Hər yandan üstümə həsrət çilənir
Baxışın bənzəyir ölüm hökmünə
Gözündən üzümə nifrət çilənir

Sanmaki, hər işin doğrudur, düzdür
Ömrünü puç edər əyrilər bir gün
Sevgimə gülərək alçaltma məni
Nifrətin sevgiyə çevrilər bir gün

Daha məni heç nə təəccübləndirmir
Daha mənə heç nə qeyri-adi gəlmir.Fikirlərim dar beynimə,Hisslərim qafiyəyə,Ruhum isə “can” adlanan bu qəfəsə sığmayır.Sıxılıram, boğuluram..“Haqqa” doğru yol gedirəm,“Həqiqət”i özləyirəmTamlığından ayrı düşmüş yarpaq üzərində bir şeh damlasıyam.Buludlara qovuşmaqçün günəşin doğmağını gözləyirəmMən, keçmişindən xəbərsiz,Gələcəyinə biganə manqurtlaşan gəncliyəm,Məhvə məhkum bir xalqın son gümanı,ümidiyəmAtası şəhid, anası faişə bir uşağın “insanliğ”a nifrətiyəmHər şeyin nəfsinə qurban verənəsgərin əzab çəkən vicdanıyam,qeyrətiyəm.Əsirlikdə təhqir olan qadınların ismətiyəm.“Söz” tapıb ifadə edə bilmədiklərim içimi yandırır, kül eləyir.Mən Qarabağda yandırılmış,xaraba qalmış bir yurdamTamahına aldanaraq tələyə düşmüş,qarşısında şikar durmuş,gözləri bərələ qalmışBoz qurdam.Bədənimi buz kəsibdir,donmuşam,bəlkə,yenidən qış gəlibdir?…yox!yox!Deyəsən,elə mən ölmüşəm..Ağzımdan çıxaraq havada iz buraxan,Nəfəs deyil,içimdəki od-alovun istisidir,tüstüsüdür
Darıxdım sənsiz…. 
Yenə payız gəldi sənsiz ömrümə Otağım qaranlıq,divarlar soyuq Tavana rəsmini çəkir gözlərim Qəlbim buz parçası,duyğular soyuq 
Qara buludlartək nigarançılıq Həsrət gözlərimə kölgə salıbdır Səni görməsəydim dəli olardım Yaxşı ki,yadımda şəklin qalıbdır 
Səninlə üz-üzə durmuşuq sanki Gözümüz danışır,səssiz-səmirsiz Bilməm, ayrılıqmı qorxutdu məni? Yanımda olsan da darıxdım sənsiz. 
Dodağım
Məktubun sonunda öpürəm yazdınAğacda yarpaqtək əsdi dodağımOnu belə kövrək görəndə dilimDedi sızlamağın bəsdi dodağım
Bir an da əhdindən üz döndərməyibHaqlını haqsıza qurban verməyibSənin qeybətinə dözə bilməyibDişimlə dilimi kəsdi dodağım

Ədəbiyyatşünas-alim Vüqar Əhməd “Ziyadar” Mükafatına layiq görülüb

This image has an empty alt attribute; its file name is 52f5a3c813cc.jpg

“Cəhaləti aradan qaldırmaq uğrunda hər bir addımı dəstəkləyirik!” devizi ilə fəaliyyətini uğurla davam etdirən “Yazarlar.az” saytı tərəfindən AMEA-nın Nizami Gəncəvi adına Ədəbiyyat İnstitutunun Mətbuat tarixi və publisistika şöbəsinin müdiri, filologiya elmləri doktoru, professor, yazıçı-publisist Vüqar Əhməd “Koroğlu” romanına görə “Ziyadar” Mükafatına layiq görülüb. Kitabın “Ön söz”ünün müəllifi AMEA Folklor İnstitutunun Mifologiya şöbəsinin müdiri, filologiya elmləri doktoru, professor Seyfəddin Rzasoydur. Bədii əsərin rəyçisi “Ədəbiyyatşünaslıq plyus” Yaradıcılıq Birliyinin sədri, filologiya üzrə fəlsəfə doktoru Zəkulla Bayramlı, redaktoru isə Mətbuat tarixi və publisistika şöbəsinin kiçik elmi işçisi, Azərbaycan Jurnalistlər Birliyi Sumqayıt şəhər təşkilatının Gündəlik Analitik İnformasiya Agentliyinin (gundelik.info) və Azərbaycanın Mədəniyyət və Ədəbiyyat Portalının (edebiyyat-az.com) “Publisistika” şöbəsinin redaktoru, Təhminə Vəliyevadır.

Tarixi mövzuda qələmə alınan əsər “Ecoprint” nəşriyyatında çap olunub. 352 səhifədən ibarət əsər müəllifin 4-cü romanıdır.



“Ulu öndərimiz ürəklərdə yaşayır”

“Ulu öndərimiz ürəklərdə yaşayır”

Bakı şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sistemi Azərbaycan xalqının ümummilli lideri, ulu öndər Heydər Əliyevin anadan olmasının 97-ci il dönümünə həsr olunmuş virtual tədbirlər və layihələr həyata keçirir.

Bu layihələrdən biri Respublika Uşaq-Gənclər İnkişaf Mərkəzinin vokal dərnəyinin üzvlərinin ifasında Esmiralda Hüseynovanın bəstələdiyi “Heydər baba” mahnısıdır. Kollektivin bədii rəhbəri Esmiralda Hüseynovadır. Mahnını izləyicilərə təqdim edirik.

Mahnı https://www.youtube.com/watch?v=rqUDo9hb-tE  linkdə yerləşdirilib.

Yağmur ƏSMƏRSOY.”Onda bildim ki…”

Azərbaycan Jurnalistlər Birliyi Sumqayıt şəhər təşkilatının Gündəlik Analitik İnformasiya Agentliyinin və Azərbaycanın Mədəniyyət və Ədəbiyyat Portalının Bakı Bürosunun Rəhbəri

Şair dostum əzizim dəyərlim gözəl insan qohumum el oğlum şair Alik Dənizsevər dən gözəl bir şeir dəyər vermək poeziyanın ən gözəl nemətidir şairimizə uğurlar diləyirəm darıxmışam sizin üçün…

Onda bildim ki,
Sevməkdən çox sevilməlisən.
Bir söz üçün
Gündə min yol ölməlisən.
Axtar tap,
Tələsmə yazmağa,
Nə zamanım var.
Gördüyüm yuxuları yozmağa
Onda bildim ki,
Məndən keçənlərin
Sağ olun da unuduldum,
Görməməzliyə vurduğum şeyləri
Oldu da Yudum-yudum
Hər içimə atdıqca
Hər gün biraz biraz içdim
Onda bildim ki
Bir dərdlik də ölə bilər insan.

AMEA-da “Heydər Əliyevin dövlətçilik təlimi və müasir dövr” adlı Beynəlxalq onlayn elmi konfrans keçirilib

Azərbaycan Milli Elmlər Akademiyasının təşkilatçılığı ilə “Heydər Əliyevin dövlətçilik təlimi və müasir dövr” adlı Beynəlxalq onlayn elmi konfransı keçirilib. Ümummilli lider Heydər Əliyevin anadan olmasının 97-ci ildönümünə həsr olunmuş konfransa Azərbycanla yanaşı Türkiyə, Qazaxıstan, Rusiyadan elm xadimləri qatılıblar. Konfransı giriş sözü ilə AMEA-nın birinci vitse-prezidenti, millət vəkili, akademik İsa Həbibbəyli açaraq bildirib ki, “Azərbaycan xalqının görkəmli dövlət xadimi Heydər Əliyev XX əsrin  yetişdirdiyi nadir dünya liderlərindən biridir. O, keçmiş SSRİ-nin siyasi bürosunda idarəetmədə təmsil olunmaqla yanaşı, uzun müddət  Azərbaycanın rəhbəri olmuşdur. Azərbaycana rəhbərlik etdiyi birinci mərhələdə xalqını gələcək müstəqilliyə hazırlamaq üçün böyük işlər görmüş, milli oyanışda mühüm rol oynamışdır. Onun Azərbaycanı müstəqilliyə hazırlama xidmətlərinə 1978-ci ildə Azərbaycan dilini rəsmi dövlət dili elan etməsini, zabitlər hazırlayan Cəmşid Naxçıvanski adına Hərbi Liseyin məhz Azərbaycanda açılmasını və digər çoxsaylı işlərini nümunə göstərmək olar”.

 SSRİ-nin süqut dövrünün şərhini verən akademik əlavə edib ki, həmin dövrlərdə Naxçıvanda yaşayan Heydər Əliyevin sayəsində üçrəngli bayrağımız ilk dəfə 1990-cı il noyabrın 17-də Naxçıvan Muxtar Respublikası Ali Məclisində qaldırılmış, Muxtar Respublikanın adından “Sovet Sosialist” sözləri çıxarılmış, SSRİ-nin qorunub-saxlanması ilə bağlı keçirilən referendumda Muxtar Respublika iştirak etməmişdir.

 Daha sonra ümummilli liderin müstəqillik illərindəki fəaliyyətinə işıq salan  akademik İsa Həbibbəyli onun daxili və xarici siyasətdə tutduğu məqsədyönlü istiqamətin tarixinə nəzər salıb. Heydər Əliyevin Türkiyə Cumhuriyyəti ilə münasibətlərə xüsusi önəm verdiyini, 1994-cü ildə Çinə, sonralar bir neçə dəfə ABŞ-a səfərlər ediyini müstəqil Azərbaycan dövlətinin tanınmasında, əlaqələrin qurulmasında mühüm addımlar olduğunu diqqətə çatdırıb. Müasir dövrdə onun siyasətinin Prezident İlham Əliyev tərəfindən layiqincə davam etdirildiyini vurğulayıb.

Akademik həmçinin Heydər Əliyevin elm, incəsənət və ədəbiyyat xadimlərinə xüsusi diqqət və qayğısından da bəhs edib. Eləcə də, onun qayğıkeşliyinin bu gün elm adamları tərəfindən yüksək qiymətləndirildiyini əlavə edib. Buna nümunə olaraq AMEA Nizami Gəncəvi adına Ədəbiyyat İnstitutunda hazırlanan ikicildlik “Ədəbiyyatda Heydər Əliyev obrazı tarixi gerçəklikdən ideala” kitabını misal gətirib.

Sonra Beynəlxalq Türk Akademiyasının prezidenti, professor Darxan Kıdırali “Türk xalqları arasında qarşılıqlı əlaqələrin inkişafında Heydər Əliyevin rolu” mövzusunda məruzə edərək əsas diqqəti Heydər Əliyevin Qazaxıstan-Azərbaycan və ümumiyyətlə, türk dünyası üçün xidmətlərinə yönəldib. Bildirib ki, Heydər Əliyevlə Nursultan Nazarbayevin şəxsi dostluq münasibətləri dövlətlərimizin də əlaqələrinin inkişafına təsir göstərib. TÜRKSOY və digər bu kimi qurumların yaranmasında Heydər Əliyevin rolunu xüsusi vurğulayıb. Türk dövlət başçılarının Zirvə görüşlərinin keçirilməsinin onun adı ilə bağlı olmasını, “Dədə Qorqud”, “Manas” kimi dastanlarımızın yubileylərinin qeyd edilməsində xüsusi xidmətlər göstərdiyini bildirib. Bugün onun yolunu uğurla davam etdirən Prezident İlham Əliyevin Türk Şurasının, TürkPa-nın. TÜRKSOYun, Beynəlxalq Türk Akademiyasının fəaliyyətinə böyük təkan verdiyini nəzərə çatdırıb.

Videokonfransda Şimali Kiprin Yaxın Doğu Universitetinin professoru Fəxrəddin Sadıqoğlu “Kiprdə Heydər Əliyev xatirəsinin əbədiləşdirilməsi istiqamətində görülən işlər”, Rusiyanın Rostov şəhərində yerləşən “Cənub Universiteti”nin (İdarəetmə, Biznes və Hüquq İnstitutu) rektoru, professor İmran Əkbərov “Azərbaycan-Rusiya münasibətlərinin formalaşmasında Heydər Əliyevin rolu”, KÜNİB-in rəhbəri, professor Ramazan Qorxmaz “Heydər Əliyev və Azərbaycan-Türkiyə münasibətləri” mövzusunda məruzələrlə çıxış ediblər.

Daha sonra AYB-nin katibi, “525-ci qəzet”in baş redaktoru Rəşad Məcid “Heydər Əliyev və Azərbaycan mətbuatı” adlı məruzəsində Ümummilli liderin mətbuat üçün gördüyü işləri və onunla bağlı xatirələrini bölüşüb. Baş redaktor qeyd edib ki, “Heydər Əliyevin hələ sovet dövründə ədəbiyyata və ədəbiyyat xadimlərinə, jurnalistlərə verdiyi dəyər əfsanə kimi danışılırdı. Biz də 1993-cü ildən sonra onun addımlarını işıqlandırırdıq. “525-ci qəzet”in müxbiri həmişə onun keçirdiyi görüşlərdə olub, ən müxtəlif suallara cavab alıb. Onun 6 avqust 1998-ci ildə imzaladığı fərmanla senzura tamamilə ləğv edildi, bununla da tam yeni bir mənzərə yarandı. Həmişə problemli situasiya yarananda ulu öndər mətbuatın tərəfində olub. O, Azərbaycan qəzetlərini və televiziyalarını diqqətlə izləyirdi və mətbuatın qaldırdığı problemlərə xüsusi həssaslıqla yanaşırdı. Ümumiyyətlə o, ictimai idarəetmənin ustası idi”.

Onlayn elmi konfransda AMEA-nın Naxçıvan bölməsinin sədri, akademik İsmayıl Hacıyev “Heydər Əliyevin Naxçıvan dövrü fəaliyyəti”, Dilçilik İnstitutunun direktoru, akademik Möhsün Nağısoylu “Heydər Əliyev və Azərbaycan dili”, Memarlıq və İncəsənət İnstitutunun direktoru, AMEA-nın müxbir üzvü Ərtegin Salamzadə “Heydər Əliyevin obrazı xalçaçılıq sənətində”, Fəlsəfə İnstitutunun direktor müavini, fəlsəfə elmləri doktoru Eynulla Mədətli “Azərbaycan diplomatiyasının inkişafında Heydər Əliyev fenomeninin rolu”, AMEA Qadınlar Şurasının sədri, professor Rəna Mirzəzadə “Heydər Əliyev və Azərbaycan qadını” mövzusunda məruzələrlə çıxış ediblər.

AMEA-nın digər əməkdaşlarından Ədəbiyyat İnstitutunun Uşaq ədəbiyyatı şöbəsinin müdiri, filologiya elmləri doktoru Elnarə Akimovanın “Ədəbiyyatda Heydər Əliyev obrazı”, Yeni Azərbaycan Partiyası AMEA ərazi partiya təşkilatının sədri, biologiya üzrə fəlsəfə doktoru Ulduzə Mehvalıyevanın “Heydər Əliyev Yeni Azərbaycan Partiyasının qurucusu kimi”, Ədəbiyyat nəzəriyyəsi şöbəsinin müdiri, professor Tahirə Məmmədin məruzələri dinlənilib.

Videokonfransda Ədəbiyyat İnstitutun direktor müavinləri, filologiya elmləri doktoru, dosent Əlizadə Əsgərli, filologiya üzrə fəlsəfə doktoru, dosent Aygün Bağırlı, Rəşad Qasımov və İnstitutun elmi katibi, filologiya üzrə fəlsəfə doktoru Mehman Həsənli də iştirak ediblər.

Ədəbiyyat İnstitutun digər əməkdaşlarından Azərbaycan – Türkmənistan – Özbəkistan ədəbi əlaqələri şöbəsinin müdiri, filologiya elmləri doktoru Almaz Binnətova, İnstitutun Təhsil şöbəsinin müdiri, sosiologiya üzrə fəlsəfə doktoru Samir Səttarov, Ədəbiyyat İnstitutunun YAP ilk özək       təşkilatının sədri, filologiya üzrə fəlsəfə doktoru, dosent Xədicə İsgəndərli, İctimaiyyətlə əlaqələr şöbəsinin müdiri Gülnar Qasımlı da konfransa qatılıb.

Onlayn konfransda Dendrologiya İnstitutundan Tünzalə Zeyvəliyeva, AMEA Gənc Alimlər və Mütəxəsislər Şurasının sədri, fizika üzrə fəlsəfə doktoru Famin Salmanov, AMEA Rəyasət Heyəti aparatının İctimaiyyətlə əlaqələr, mətbuat və informasiya şöbəsinin Elektron informasiya sektorunun müdiri Nərgiz Qəhrəmanova da iştirak ediblər.

Gülnar Səma

Nizami Gəncəvi adına Ədəbiyyat İnstitutu,

İctimaiyyətlə əlaqələr şöbəsi

Rafiq ODAY.Seçmə şeirlər

This image has an empty alt attribute; its file name is 79644024_835032433613820_2564097335432839168_n.jpg

AĞLAMA, LEYSAN GÖZLÜM…

Dünya belə dünyadı,
Baş açmazsan felindən.
Bir də gördün lalı da
Tora saldı dilindən.
Aləmdən bac alan da
Dad eyləyib əlindən.
Ağlama, mələk üzlüm, ağlama,
Ağlama, leysan gözlüm, ağlama,
Ağlama, boyuna qurban.

Bu dünyadan pay umdun,
Bəxtinə güldümü gör?
Gözündən axan yaşı
Bircə yol sildimi gör?
Namərdə könül verdin,
Qədrini bildimi gör?
Ağlama, mələk üzlüm, ağlama,
Ağlama, leysan gözlüm, ağlama,
Ağlama, boyuna qurban.

Ömür öz köçündədi,
Yaşadın, yaşamadın.
Bir qarışqa yükünü
Daşıdın, daşımadın.
Bu necə ağlamaqdı –
Gözünün yaşı – yadın!
Ağlama, mələk üzlüm, ağlama,
Ağlama, leysan gözlüm, ağlama.
Ağlama, boyuna qurban.

Karvan bayaqdan ötüb,
Gecikən sən olmusan.
Butan vaxtında gəlib,
Gec içən sən olmusan.
Tez ikən özgə idin,
Gec ikən sən olmusan.
Ağlama, mələk üzlüm, ağlama,
Ağlama, leysan gözlüm, ağlama.
Ağlama, boyuna qurban.

HAVADAN AYRILIQ QOXUSU GƏLİR

Əbəsmiş dayanmaq bu yağış altda,
Qismətim yenə də qəhər olacaq.
Göyün ulduzları yır-yığış altda,
Yəqin ki, bir azdan səhər olacaq.
Gecədi, birtəhər sovuşub gedir,
Qarşıdan səhərin qorxusu gəlir.
Özümü öyrədim ayrılıqlara,
Havadan ayrılıq qoxusu gəlir.

Dan yeri ayrılıq doğdu bu səhər,
Bu sərsəm doğuşdan, qəfil doğuşdan
İçimə ayrılıq toxumu düşdü,
Bilmədim azımı, çoxumu düşdü.
Gözümdən süzülən göz yaşıdımı,
Yoxsa ki, bir əlçim yuxumu düşdü.
Bəlkə ona görə səkilərin də,
Otun da, daşın da, kol-kosların da.
Gecəni yatmayan bu «dostlar»ın da
Qapanır gözləri, yuxusu gəlir.
Özümü öyrədim ayrılıqlara,
Havadan ayrılıq qoxusu gəlir.

Ağlaya bilmirəm ağac gözüylə,
Çiçək gülüşüylə gülə bilmirəm.
Nə məndən bir yolluq sağ qalan olmaz,
Nədəki, bir yolluq ölə bilmirəm.
Göz yaşım gözümdə donub haçandı,
Çətini hər şeyin sonunacandı.
Ölməyin, qalmağın sonu bəllisə,
Hər şeyin cilidi, donu bəllisə,
Bəs niyə hayana əl ətıramsa,
Əlimə hicranın yaxası gəlir?
Özümü öyrədim ayrılıqlara,
Havadan ayrılıq qoxusu gəlir.

ÖZÜN DEMƏDİNMİ…

Sən mənim dünyada ən şirin yuxum,
Sən mənim ən gözəl dərdimsən, gözəl.
Bir özgə dərd varsa, mən orda yoxam, –
Gecəli, gündüzlü dərdim – sən, gözəl.

Göynətdi sinəmi bu “Göyçəgülü”,
Oxşadım bu yercə, bu göycə gülü.
Harda görmüşəm mən bu göyçək gülü? –
Əl atıb çəməndən dərdim – sən, gözəl.

Özgə aləmi var bu bar dərməyin,
Sevənlər, sevgidən qubar dərməyin!
Qisməti bu günmüş nübar dərməyin, –
Özün demədinmi, “dər, dinsəm…”, gözəl!

NƏ DANIM

Daha titrək əllərindən
Üzülüb əlim, nə danım?!
Hamıdan ağıllı olan,
Hamıdan dəlim, nə danım?

Qəlb didən oxun yox idi,
Sevgisiz yuxun yox idi,
Bir kərə “yox”un yox idi,
Ay mənim “bəli”m, nə danım?!

Aramıza iblis girdi,
Girdi, özü də pis girdi.
Seryağublar şər püsgürdü,
Vuruldu pəlim, nə danım?!

Daha düşmür pay qarmağa,
Baxıb gülür çay qarmağa,
Heymi qalıb hayqırmağa? –
Olmuşam həlim, nə danım?!

Hanı o xoş anlı çağım,
Ötüb dəliqanlı çağım,
Ömürlə qanlıbıçağam,
Gülür əcəlim, nə danım?!

Hər tərəf kor, hər yan sağır,
Göydən həsrət, nisgil yağır,
Bəlkə son deyil, sən çağır,
Mən donüm gəlim… nə danım…

YAŞAYAQ

Ver, dünya, yükün çoxunu,
Çəkim, beləcə yaşayaq.
Ürəyimə qəm toxumu
Əkim, beləcə yaşayaq.

Özgə dərd arama nolar?!
Yaraşır harama, nolar?!
Toxunma yarama, nolar?! –
Həkim, beləcə yaşayaq.

Bu qapıya yoxmu bir çəm,
Ay insafsız – birim, bircəm.
Qısıl mənə olaq bir cəm, –
Təkim, beləcə yaşayaq.

Qəzəl desin, şeir desin,
Şər desin, ya xeyir desin.
Boş ver, qoy nə deyir – desin,
Hər kim, beləcə yaşayaq.

Ərkini geyib əyninə,
Alma lap məni eyninə.
Barı eylə ürəyinə
Təhkim, beləcə yaşayaq.

ARTIQ

Yeni dünya düzəninin
Təməli görünür artıq.
Şeytanların, iblislərin
Əməli görünür artıq.

Bu sözə qul oldu bizlər:
“Nəfsi toxlar əyilməzlər”.
Min illərlə yeyilməzlər,
Yeməli görünür artıq.

Bir “Xəndək” var, bir “Xeybər” var,
Gör nə qədər bixəbər var.
Nə “xeyir”dən bir xəbər var,
Nə “bəli” görünür artıq.

Sonu varmış sabahların,
Göyə bülənd bu ahların,
Yerli, yersiz günahların,
Bədəli görünür artıq.

YAZIĞIN GƏLSIN

Çiynini fil yükü altına vermə,
Qarışqa, özünə yazığın gəlsin.
Misqalla ölçülən öz yükün ilə,
Barış qal, özünə yazığın gəlsin.

Çox da ömrü boyu əkin əkməyən,
Həmişə sahibdi dolu təknəyə.
Olarsan özgənin yükün çəkməyə
Alışqan, özünə yazığın gəlsin.

Dönməmiş uğruna it ulyanlara,
Dinməzcə qoşul yat uyuyanlara.
Mənəmlik havasın at – milyonlara
Qarış qal, özünə yazığın gəlsin.

Özü bir oyundu, düzü, dünyanın,
Seyrəlir birbəbir düzü dünyanın.
Edərlər başına düzü-dünyanı,
Darısqal, özünə yazığın gəlsin.

QALMADI

Bu gün olanlar oldu ta,
Sabaha nəsə qalmadı.
Yollar yoxuşa dirəndi,
Getməyə kəsə qalmadı.

Son ümid də axtalandı,
Gözlərdə qan laxtalandı.
Fələk satan, bəxt alandı, –
Biz düşdük nəhsə, qalmadı.

Dan söküldü, qürub getdi,
Yalandan vay qurub getdi.
Gedənlər hayqırıb getdi,
Bir söz də pəsə qalmadı.

Gülüm, saçların qulacdı,
Baxdım – gözümdə gül açdı.
Dünya yaxşıya qol açdı, –
Heç zaman pisə qalmadı.

Bu son bir başlanğıc ola,
Eşidən başdan qıc ola,
Kim görüb ki, eşq qocala, –
Adəmdən bizə qalmadı.

Qafqaz ƏVƏZOĞLU.”Şuşam”

Qafqaz Əvəzoğlu

Azərbaycan Yazıçılar və Jurnalistlər Birliklərinin üzvü, Süleyman Rəhimov adına Qubadlı rayon ədəbi ictimai birliyinin sədri, ”Sözün Sehri” qəzetinin təsisçisi, Qubadlı Rayon İcra Hakimiyyətinin mətbu orqanı “Bərgüşad” ictimai-siyasi qəzetinin Baş redaktoru, ”Qızıl qələm” və “Qızıl kitab” mükafatları laureatı, Azərbaycan Jurnalistlər Birliyi Sumqayıt şəhər təşkilatının Gündəlik Analitik İnformasiya Agentliyinin (gundelik.info) və Azərbaycanın Mədəniyyət və Ədəbiyyat Portalının (edebiyyat-az.com) Qubadlı bürosunun rəhbəri

8 may 1992 – Şuşanın işğal günüdür

Nadan gözlərində qiymətsiz oldun,
Dönüb oyuncağa satılan Şuşam!
Alışdın bir anda, yandın bir anda,
Ocaqtək qalanıb çatılan Şuşam,
Dönüb oyuncağa satılan Şuşam!

Şuşa alınarsa bir paslı güllə,
Vurmayıb başına söz verən hələ…
Dönüb ümidlərim tamam müşkülə,
Düşən yuvasından pərən bir quşam,
Dönüb oyuncağa satılan Şuşam!

Tər güllü qucağın, çiçəkli çölün,
Qanına bələndi neçə oğulun –
Didəmdə yurd salıb sovrulan külün,
Qəlbindən gözünə süzülən yaşam,
Dönüb oyuncağa satılan Şuşam!

Hələ bir kimsəyə çatmayır ünün,
Hələ bir zülmətdi hər gələn günün.
Sinəsi gülləli neçə büstünün,
Ümid qığılcımı sönür hər axşam,
Dönüb oyuncağa satılan Şuşam!

Olmasa bu qədər qeyrət çəkənin,
Qoynuna qayıtmaq gümandı sənin!
İnanıb vədinə yadın, özgənin,
Hələ xəyallarla qucaqlaşmışam,
Dönüb oyuncağa satılan Şuşam!

1995.

Azərbaycanlı şair Əziz MUSA.”Necə də qəşəngsən”

Azərbaycan Yazıçılar və Jurnalistlər Birliklərinin üzvü, “İlham çeşməsi” qəzetinin təsisçisi və baş redaktoru,
Azərbaycan Respublikası Prezidentinin Təqaüd Fondunun təqaüdçüsü

Necə də qəşəngsən, vurğunam sənə,
Sən ki, bir gözəllik ilahəsisən.
Baxmaqdan doymuram o gül hüsnünə,
Sən sevgi çələngi, eşq nəgməsisən.

Könlümü oxşayır gül üzün sənin,
Çirindi gülüşün, baldı dodağın,
Elə bil nəğmədir, xoş təbəssümün.
Vallah tamaşadı alma yanağın.

Sanki günəş gülür gül camalında,
Gözlərin can alır od-alovuyla.
Nurlu bir Günəşdi qara xalın da.
Sən bəhsə girirsən Günəşlə, Ayla.

Tanrının sevimli bir bəndəsisən,
Üzü qələm çəkib o göz, qaşına.
Elə Ay da sənsən, elə Gün də sən,
Ulduzlar dolanır sənin başına.

Şəfəqlər süzülür, baxışlarından,
Yaradan heyrandı öz mələyinə.
Yoxdu bu dünyada o göz, qaşından,
Heyranam gözəlim, gözəlliyinə.

Azərbaycanlı şair Əziz MUSA.”Çağır”

This image has an empty alt attribute; its file name is 62343206_702250623526083_4229520764732178432_o.jpg

Azərbaycan Yazıçılar və Jurnalistlər Birliklərinin üzvü, “İlham çeşməsi” qəzetinin təsisçisi və baş redaktoru,
Azərbaycan Respublikası Prezidentinin Təqaüd Fondunun təqaüdçüsü

Bənövşəli bağlar nigaran qalıb,
Lalənin bağrın yar, qanı tökülsün.
Nərgizin gözündə şeh damcılanıb,
Əyil öp, qızılgül sevinsin , gülsün.

Yanır pərvanənin qanadı odda,
Mən də bir dəliyəm Məcnundan betər,
İnad çəpərini sən özün adda,
Nazını çəkməyə bu ömrüm yetər,

Gəl isit qəlbimi, öz nəfəsinlə,
Yoxdu səndən özgə başqa bir kimim,
Ruhuma sığal çək, incə səsinlə,
Sənsiz ay camallım, mən necə dinim.

Göylərin üzünü buludlar alıb,
Sevgimə həyan ol, ruhuma qanad,
Taleyim eşqindən asılı qalıb,
Günəş tək nur çilə, qoy gülsün həyat.

İlk addım atmaq da ağrdı, ağır,
Çox həsrət çəkmişəm illər boyunca.
Gəlmirsən nə olar, onda sən çağır,
Gəlim görüşünə mən qaça-qaça.

Şair-publisist Hikmət MƏLİKZADƏ.”…Öldüyü gündü bəlkə”

This image has an empty alt attribute; its file name is 10291071_455253494660228_1338165152726257845_n-300x300.jpg

Azərbaycan Yazıçılar Birliyinin üzvüAzərbaycan Respublikasının Prezident Təqaüd Fondunun təqaüdçüsü

***

…Öldüyü gündü bəlkə
Atamın ən dar günü…
Təqvimdə ağ rəngdədi,
Ömrümün bazar günü.

Əcəl dil tapır tez-tez
Dost ilə, sirdaş ilə…
Ürəyin şüşə imiş,
Sındırdım bir daş ilə.

Şeytanı uşaq kimi
Gəzdirirəm dalımda.
İki xətt üst-üstədir
Tərcümeyi-halımda.

Tanrıya ərk elədin,
Ona sal meyli, quzum.
…Nə məndən Məcnun çıxar,
Nə səndən Leyli, quzum.

Şair-publisist Hikmət MƏLİKZADƏ.”Mənə nankor dedi bir saxta gözəl”

This image has an empty alt attribute; its file name is 10291071_455253494660228_1338165152726257845_n-300x300.jpg

Azərbaycan Yazıçılar Birliyinin üzvüAzərbaycan Respublikasının Prezident Təqaüd Fondunun təqaüdçüsü

***

Mənə nankor dedi bir saxta gözəl,
Susdum, insanlığa imanım itdi.
Qəfil tufan qopdu, yer-göy oynadı,
Gəmim lövbər saldı, limanım itdi…

…Titrək gözlərimə kim atdı onu?
Hər dəli baxışı baxışmı sanım?!
Deyən, mənimki də belə gətirib…
Qəmi həyatıma naxışmı sanım?!

Şükür, gözüm kimi nəfsim də toxdur,
Hər nazlı gülüşə azmıram ey, mən.
Məhəbbət qupquru düşüncə imiş…
Ta sevgi kitabı yazmıram ey, mən…

Tez-tez ütü çəkdim günaha, nəm-nəm,
Vida yaylığına qat saldın, heyif.
Mən ağ kağız kimi qorudum səni,
Özün bu ağlığa çat saldın, heyif.

Kimsə günah səpib könül bağıma
Damım neçə ildi damır da, bitmir.
Sevgi çör-çöp deyil, əsəbi qadın,
Hər elçi daşında mamır da bitmir.

Ölüm xoş ətirli yaz çiçəyimi?
Əzrayıl gələndə şad olur adam.
Məni bir daş kimi uzağa atma,
Uzağa düşəndə yad olur adam.

Mustafa Nedim TEPEBAŞI.”NAMUS İNSANIN ONURUDUR”

Son zamanların ya da yakın zamanın en cesur ve en insancıl, en doğru açıklamasını Diyanet İşleri Başkanı yapmış, aynı zamanda bu açıklama Diyanet tarihinin de yakın zamandaki en saygın, en güncel ve en sosyal açıklaması olmuştur. Allah’ın haram kıldığı eşcinselliğin, Dünyada yaşanabilecek en rezil işlerden biri olduğunu hiç değilse bu açıklamayla cümle âlem yeniden, bir daha duymuş olduğu gibi bu rezaleti kimlerin savunduğu da ortaya çıkmış oldu.
Bence, Diyanet İşleri Başkanın konuşmasını bahane ederek Yüce İslam Dinine yapılan bu rezil saldırı hakkında ilk başta hukukçular dava açmalıdırlar diye yazacakken soruşturma açıldığını öğrenmiş olduk. Hukuk demek; her türlü haksızlık ve saldırıya karşı koymak, herkesin ve her şeyin hakkını korumak demektir, buna inanç ve ahlâk kuralları da dâhildir. “Sesi çağlar öncesinden gelen” sözü tam da bu anlamda yani hukuk açısından bir saldırıdır ve tahrik yüklü düello sözüdür. Bu sözleriyle Allah katından gelmiş bir dini, aklı sıra aşağılayarak bir kavga ortamı açmak için Allah’ı da eleştirecek kadar cüretkâr ifadeler kullananların kimlere hizmet etmiş oldukları bilinmektedir, ümit ediyorum ki; hukuk bu tuzağı görecek ve gerenini yapacaktır.
HİV virüsünün eşcinsellik aracılığı ile oluştuğu, ürediği, bu gayrimeşru ilişki içerisinde olanların kanlarından alanlara bulaşarak yayıldığı ilmen ve tıbben sabitken nasıl bir insan hakkından söz edilmektedir? Eşcinsellik, ahlaksızlık olmaktan başka asla hak değildir, bilakis haksızlığın ta kendisidir. Bu gayrı ahlâkî ilişki sonucu ortaya çıkan HİV virüsünün, çeşitli yollarla masum insanlara bulaşmasına ve günahsız insanların, çare ararken sürüm sürüm sürünmelerine, hatta ölümlerine sebep olanlar hakkında dava açılmalı ve ilgilileri yargılanmalıdır.
Kimi kişiler belayı kendileri çağırır, kimileri de menfaatlanmak için bela üretirler, heveslerine uyanlar da belalarını bulurlar. İşte tarih şahittir ki; geçmişte Allah, bir topluluğu bu yüzden yani ahlâksızlıkları yüzünden, homoseksüellikleri, eşcinsellikleri yüzünden helak etmiştir, yaşananları tarihten silmek mümkün değildir, bu kişiler daha nasıl bir bela görmek istemektedirler? İnsanın gözü bir kere dönmeye görsün; bakan gözler görmez olur, kör olur. Bu nasıl bir ahlâk yozlaşmasıdır ki; ahlak dışı bir fiil insan hakları olarak görülebilmektedir. Kafamda sivri sorular dolaşmaktadır; bu kadar masum insanların ölümüne sebep olan, hayatı işlemez hale getiren coronavirüsün üremesine sebep önce yarasalar deniliyordu, şimdi yarasalar olmadığı söyleniyor, o zaman bunun altında ne vardır? Zaman her şeyi ortaya çıkaracaktır, Belki de Allah bizi bunlarla imtihan ediyor.
Genel olarak bilinen şudur ve tarih de bu tür ibretlik olaylarla doludur; Ahlâk kurallarını korumayan toplumlarda insan onuru güvende olamaz, namus ilkeleri korunamaz, namus, insanın onurudur.
Kişilerin keyfi davranışları yüzünden şahsen ben helak olmak istemiyorum, Allah’ın gazabına uğramak da istemiyorum, toplumun böyle bir sıkıntıya düşmesini de istemiyorum. Bunların bu cesareti buldukları boşlukların kapatılmasını beklediğimizi de belirtmek istiyorum.
Bu yazı 30.04.220 tarihinde YORUM GAZETESİ’inde yayınlanmıştır.

Mustafa Nedim TEPEBAŞI.”Anlatıldığına göre;”

Yunus aleyhisselam otuz yaşına gelince Nineve ahâlisine peygamber olarak gönderildi. Putlara tapan Nineve halkını senelerce Allahü Teâlâ’ya îmân ve ibâdet etmeye dâvet etti. Kavmi ona îmân etmedikleri gibi birçok ezâ ve cefâda bulundular. Onunla alay ettiler. Fakat Yunus aleyhisselam yılmadan ve ümitsizliğe kapılmadan onları hak dîne dâvet etti. Allah Teâlâ’nın azâbıyla korkuttu. Fakat Nineve halkı, “Tek bir kişinin hatırı için azap inip herkesi yok edecekse müsâde et bu azap gelsin.” deyip alay ettiler.
Yunus aleyhisselam kavminin küfürde israr etmesine üzülüp onların arasından ayrıldı. Allah Teâlâ ona vahyedip; “Kullarımın arasından ayrılmakta acele ettin. Geri dön, kırk gün daha onları îmâna çağır.” buyurdu. Yunus aleyhisselam bu ilâhî emir üzerine kavmine döndü ve onları hak dîne dâvete devam etti. Otuz yedi gün aralarında kaldı. Kavmi yine inanmadı. Bunun üzerine Yunus aleyhisselam; “O halde üç güne kadar başınıza gelecek azâbı bekleyin. Bunun alâmeti önce benizleriniz sararacaktır.” buyurdu ve ilâhî bir emir gelmeden üzüntüyle aralarından ayrıldı.
Yunus aleyhisselamın haber verdiği gün gelince Ninevelilerin benizleri sarardı. Gökyüzü karardı. Şehri simsiyah bir duman kapladı. Herkesi korku ve telaş sardı. Feryat ve figâna başladılar. “Yunus aleyhisselam aramızda ise korkmayın, eğer gitmişse azâb bizi helâk edecektir.” diye söyleştiler. O zaman Allah Teâlâ kalplerine pişmanlık hissini verdi. Onlar tövbe etmek arzusu ile yaşlı sâlih bir zâta geldiler ve ne yapmaları gerektiğini sordular. O zât da henüz azâbın gelmesine iki gün olduğunu ve tövbe etmelerini ve azâbı kaldırması için dua etmelerini tavsiye etti.
Bunun üzerine Nineve halkı şehrin yakınındaki bir yüksek tepeye çıkıp Allah Teâlâ’ya ve O’nun peygamberi Yunus aleyhisselama îmân ettiler. Allah Teâlâ’ya dua edip azâbı kaldırmasını niyaz ettiler. O zamana kadar yaptıkları her türlü kötülük ve haksızlığa da tövbe ettiler. Hattâ öyle oldu ki, evlerindeki başkasına âit olan taşları söküp sahiplerine iâde ettiler. Bunun üzerine Allah Teâlâ tövbelerini kabul edip, azâbı üzerlerinden kaldırdı. Duânın yapıldığı gün Cumâ günüydü.

Kitabxanalar “Ulu öndər xatirələrdə” adlı videoçarx hazırladı

KitabxanalarUlu öndər xatirələrdə”

adlı videoçarx hazırladı

Bakı şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sistemi (MKS) Ucar rayon Mərkəzi Kitabxanası ilə birğə layihə əsasında Azərbaycan xalqının ümummilli lideri, dahi siyasətçi Heydər Əliyevin anadan olmasının 97-ci ildönümünə həsr olunmuş videoçarx hazırladı. “Heydər Əliyev – milli sərvətimizdir” sözlər videoçarxin devizi olmuşdur.

Qeyd olunmalıdır ki, Azərbaycan dövlətinin memarı və qurucusu, xalqının və dövlətinin müstəqilliyi, inkişafı naminə böyük və əvəzedilməz işlər görmüş, bununla bağlı tarixi proseslərə təsir göstərmiş ümummilli lider Heydər Əliyev hər zaman fəxr edəcəyimiz, qürur hissi ilə xatırlayacağımız dahi şəxsiyyətdir.

Videoçarxda qeyd olunur ki, Azərbaycan xalqının ümummilli lideri Heydər Əliyev müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi kimi düşmüşdür.

Burada Ümummilli liderin keçdiyi həyat yolu qısa şəkildə işıqlandırılır: Azərbaycan KP MK-nın birinci katibi, SSRİ Nazirlər Soveti sədrinin birinci müavini və SSRİ-nin rəhbərlərindən biri, Naxçıvan Muxtar Respublikasının Ali Məclisinin sədri, Yeni Azərbaycan Partiyasının sədri, Azərbaycan Respublikasının Prezidenti.

Daha sonra vurğulanır ki, dünya şöhrətli siyasətçi Heydər Əliyevin Azərbaycan rəhbərliyinə qayıdışı ilə ölkənin ictimai-siyasi, sosial, iqtisadi, elmi-mədəni həyatında, beynəlxalq əlaqələrində dönüş yarandı, elmi əsaslara, beynəlxalq norma və prinsiplərə uyğun müstəqil dövlət quruculuğu prosesi başlandı. Ümummilli lider Heydər Əliyev milli ideyanın yaranması, xalqa çatdırılması istiqamətində xalqımıza çox böyük, əhəmiyyətli elmi-nəzəri bir irs ərməğan etmişdir. Həmin irs üzərində bu gün müstəqil Azərbaycan dövləti sürətlə inkişaf etməkdədir. Ulu öndərin bizə qoyduğu bu irsin öyrənilməsi və tədqiqi baxımından son illərdə çox böyük işlər görülmüş, nailiyyətlər əldə edilmişdir. Ölməz öndərimiz Heydər Əliyevin müəyyənləşdirdiyi müstəqil dövlətin ideya prinsipləri yalnız bugünkü Azərbaycan üçün deyil, gələcəkdə də ölkəmizin inkişafı üçün başlıca mənbə rolunu oynayacaqdır. 

Videoçarxda Ulu öndərin məşhur sözləri, nitqlərindən fraqmentlər, maraqlı və tarixi fotoşəkillər, onun haqqında yazılan bir neçə kitabın fotoşəkilləri də əks olunmuşdur.

Videoçarxı https://www.youtube.com/watch?v=8wJeufV90rE

linkdə izləmək olar.

Xalq şairi Vahid ƏZİZ.Yeni şeirlər

GEİ-GEDƏ DÜNYADA İQLİM DƏYİŞİR…

Bilməzdim “Çəkilin” ipəyi olar,
ondan qol-budaqlı “Şah tut,”,”Bedana”,
bağın da həyattək öz qanunu var–
gərək ağaclar da hərdən budana.

Ətrin bihuş edər,saralan ərik,
sənə həvəslənib heyva saralar,
burnu dənzərəni kal-kal yeyərik,
meyvənin şirini qurd-quşa qalar.

Çoxu xəyalımda düymə-düymədi;
talanan bağbanın qoruduğuydu,
sonralar “harama” əlim dəymədi–
olaylar “uşaqlıq oğurluğuydu”.

Tapardıq bostanın yolun əlüstü,
güya “son baharda hər şey bilinir!”,
çoxdandır nə “yanlış”,nələr “dürüstdü”?
daha nə yaz bilir,nə payız bilir.

“Aysberqlər” əriyib suyla birləşir–
Şimal okeanı sayın itirir,
get-gedə dünyada iqlim dəyişir,
məni “köçərilər” fikri götürür.

Əl saxla!,Yetmədi?,Yorulmamısan?
daha göylərin də səbri çatdladı,
bu gidi dünyanln əşrəfi insan
ağıl ucbatından qaçaqaçdadı!!

Qələm də yorulub,mən də…bezirik!
bədbəxtmi,xoşbəxtmi yeni nəsillər?
quşları da qaçaq salanlar bizik,
onlar bir-birinə qəsd eləmirlər…

KOR BULAQ…

Sən də çəkdin bu dövrandan,
hayıf sənə,a kor bulaq,
mayıf olduq ağlamaqdan;
axırıməz budur,bulaq.

Qart bağlayıb səndəki lil,
hey axardın səfil-səfil,
“Azadlıq” da bir şey deyil–
səni basan gicirtkandan
yellər tutur qotur,bulaq.

Ah,necə də alışmışdıq!
gözəl idi həyat,işıq,
indi aləm çoox qarışıq-
hələ orda otur,bulaq.

Xəta-bəla şərikimiz,
çatlayanı öz içimiz,
a sirdaşım,kimik ki biz?-
ümmanlar da batır,bulaq.

Haqqın qarışıqmı başı?
ya çiynimdə Mələk naşl?!
usta-söykəndiyin daşı,
fəhlə lili satır,bulaq.

Gözündə bir xırda çınqıl,
hələ darıx,hələ sıxıl,
“Azadlıq” bir uzun nağıl,
yuxu məni tutur,bulaq!

Bir diyarda hər birimiz,
didərgindir ellərimiz,
“Ətək” gəzən əllərimiz
baxaq,nə vaxt çatır,bulaq?
aç gözünü,a kor bulaq…

QURBANLIQLAR…

İti,bazarında atından baha,
mən belə dünyanın nəyindən küsüm?
.Məmməd ARAZ

Get-gedə üst-üstə yığıldı borclar,
arada soyuyub söndü kürələr,
“Qurbanlıq”-deyilib kəsildi qoçlar,
keçi ümidinə qaldı sürülər.

Dünya ömürlərı qəribə bölür;
zaylar sahib çıxır “yaxşı,babata”,
dağ kimi möhkəmlər qəfildən ölür,
illər zarıncısı dönür həyata.

Bezirəm taleyin keşməkeşindən,
bəzən xəyalımdan çıxır öz adım,
baş aça billsəydim dünya işindən,
bəlkə də bir yana varıb çıxardım.

Korşalmır sümüyə dirənən bıçaq,
amma ki,boğaza canlar dirəşir,
mütləq qıdıqlayıb onu yıxacaq,
çünkü pəhləvanla-təlxək güləşir!

Biz də,Məmməd ARAZ,batdıq günaha,
gördüyün o “astar” vaxtın “üzüymüş”,
“İti bazarında atından baha”–
dünyada ən ucuz insan özüymüş…

ELƏ BİLDİM…

Vaxt başıma indi yığır ağlımı,
görmədiyim yaxın-uzaq qalmayıb,
uşaq vaxtı qoca gördüm babamı-
elı bildim:”Babam uşaq olmayıb”.

Nağıllarda anladaram oğluma:
“Hər ağacı kaş,basaydım bağrıma,
hərdən özüm qəsd elədim bağıma”
gec anladım–bu cürə bağ olmayıb!

Yaraladım neçə qolu-budağı,
nə yaxşı ki,ağıl verdi yarpağı:
“Peyvənd tutmaz özcə bağın budağı,
tutsa belə,qol-budağı olmayıb!”.

Ayıb olar,yolu kimnən soruşum,
büdrəyəndə gah ayağım,gah huşum?
ya Qürbətdə,ya qəbirdə tay-tuşum,
yaşıdlardan salamatı qalmayıb.

Odur–bizi xəlbir-xəlbir ələyən,
gölü-ümman,”mıxı-mismar eləyən”!
həndəvəri ələk-vələk eliyən,
nə səbəbdən məni saya salmayıb?
Uşaq vaxtı qoca gördüm babamı,
elə bildim: “Babam uşaq olmayıb”..

Azərbaycanlı gənc yazar Nemət TAHİR.Yeni şeirlər

Azərbaycan Jurnalistlər Birliyi Sumqayıt şəhər təşkilatının Gündəlik Analitik İnformasiya Agentliyinin və Azərbaycanın Mədəniyyət və Ədəbiyyat Portalının Qarabağ bürosunun rəhbəri

20 Yanvar

Odlar yurdu qan ağladı

Qana boyandı o gecə

Azadlığın pöhrələri

Qanla sulandı o gecə

Güllə yağırdı şəhərə

Bizi boğdular qəhərə

Ümid yox idi səhərə

Vaxt da dayandı o gecə

Bu çeynənmiş cəsədlərə

Bu cavanca şəhidlərə

Analar bir ağı deyin

Gül-çiçəkli məzarlara

Qəbiritsan,xiyaban yox

Azadlığın bağı deyin

ANA

Sökülməzdi dan yeri

Açılmazdı heç səhər

O şirin laylaların

Olmasaydı gecələr

Mən dünyaya gəlməmiş

Tanıdıb bir mələyi

Mənə əmr etdi Xudam

Anacan söyləməyi

Saçmasaydı Günəş nur

Itərdi zülmətdə Ay

Ana,sən bir Günəşsən

Mən sənə nisbətdə Ay

                                     AXTARIRAM GÖZLƏRİNİ

                                                         Bu həsrətin əl izi var

                                                         Ürəyimin yarasında

                                                         Eşq dünyamda bir sən varsan

                                                         Baxsan onun harasında

                                                         Mələk ruhlu əlllərini

                                                         Gül qoxulu tellərini

                                                         Axtarıram gözlərini

                                                         Baxışların arasında

                                                         Baxıb ilham alaydım mən

                                                         Bir damla yaş olaydım mən

                                                          Şəkil olub qalaydım mən

                                                          Gözlərinin qarasında

İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı

İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq və “İncəsənət xadimləri üçün Azərbaycan Respublikası Prezidentinin mükafatlarının təsis edilməsi haqqında” Azərbaycan Respublikası Prezidentinin 2002 ci il 28 may tarixli 707 nömrəli Fərmanına uyğun olaraq qərara alıram:

1. Səhnə fəaliyyəti ilə bağlı aşağıdakı aparıcı incəsənət xadimlərinə Azərbaycan Respublikası Prezidentinin mükafatları verilsin:

Abbasov Tariyel Abbasqulu oğlu

Abbasova-Budaqova Afaq Nurəhməd qızı

Abdullayev Kyazım Ənvər oğlu

Abdullayev Mətləb Fətəli oğlu

Abdullayev Sərxan Qəhrəman oğlu

Abdullayeva Xurşud Lütfəli qızı

Abdurahmanov Yusif Fikrət oğlu

Adıgözəlov Yalçın Vasif oğlu

Ağaverdiyeva Məsməxanım Aslan qızı

Axundov Bəxtiyar Ağayar oğlu

Allahverdiyev Vasif Kərim oğlu

Allahverdiyeva Naibə Siyavuş qızı

Babayeva İnarə Əhməd qızı

Bağırov İzaməddin Zeynal oğlu

Bayramov Salman Bayram oğlu

Bəxtiyarov Rəşad Bəhram oğlu

Butenko İqor Leonidoviç

Cəfərov Mircavad Mirqəfər oğlu

Cəfərov Novruz Adil oğlu

Cəfərov Samir Qadir oğlu

Dadaşov Əmrah Balaxan oğlu

Eyvazov Anar Əli oğlu

Eyvazov Yasəf Alxas oğlu

Eyyubov Musa Eyyub oğlu

Əbdülsəmədova Zemfira Feyzulla qızı

Əflaki Ədilə Osman qızı

Əhmədov Əhməd Ural oğlu

Əhmədov İlkin Qənbər oğlu

Ələkbərzadə Mehriban Zaur qızı

Əliyev Sərvər Bəhlul oğlu

Əliyev Vaqif Səfər oğlu

Əliyeva Afət Məmməd qızı

Əliyeva Böyük Xanım Həsənbala qızı

Əliyeva Dilarə Asif qızı

Əliyeva Münəvvər Sabir qızı

Əliyeva Nərgiz Arzu qızı

Əliyeva Şəfəq Rəsul qızı

Əlizadə Əkbər Müzəffər oğlu

Əmirbəyova Rita Cəmil qızı

Əsədova Səbinə Çingizovna

Əsgərov Əli Rəhim oğlu

Əsgərov Əsgər Əkbər oğlu

Əskərov Qoçaq Məhərrəm oğlu

Ferştandt Makar Sergeyeviç

Gözəlova İradə Vaqif qızı

Hacıyev Əli Əliyusif oğlu

Hacıyev İlqar Xəlil oğlu

Hacıyev Ümüd Səyyad oğlu

Hacıyeva Naylor Fidan Hacıağa qızı

Hacıyeva Sevil İnşalla qızı

Hacıyeva Səbinə Sabir qızı

Heydərova Çinarə Yaşar qızı

Həmidov Əjdər Qüdrət oğlu

Həsənova İradə Aslan qızı

Həşimov Orxan İlqar oğlu

Həşimzadə Xanlar Allahverdi oğlu

Hüseynli Anar Vaqif oğlu

Hüseynov Fizuli İsmət oğlu

Hüseynov Şövqi Ərəstun oğlu

Hüseynov Tofiq Əbdülrəhim oğlu

Hüseynova Kamilla Fikrət qızı

Hüseynova Kəmalə Müzəffər qızı

Hüseynova Laləzər Ramil qızı

Xanlarova Mehriban Aslan qızı

Xasiyev Nadir Şənbə oğlu

Xəlilzadə Rüfət Eldar oğlu

İbrahimov Fuad Natiq oğlu

İbrahimova Səbinə Vaqif qızı

İbrahimova Şəhla İbrahim qızı

İmanov Vaxtanq Yaşar oğlu

İmanova Gülbacı Əliəkbər qızı

İskəndərova Sənubər Sabir qızı

İsmayılov Qurban İbrahim oğlu

Kərimov Loğman Seyfulla oğlu

Kərimova Cəmilə Rüstəm qızı

Kərimova Qərinə Rəhim qızı

Kərimova Nərgiz Faiq qızı

Qarayev Elnar Cəfər oğlu

Qasımov Məmmədsafa Məmmədəli oğlu

Qasımov Yusif Əli oğlu

Qəhrəmanov Abbas Əhməd oğlu

Qəmbərli Ayaz Vahab oğlu

Qəmbərov Salman Hüseyn oğlu

Qəribova Nargilə Dursun qızı

Qrafkin Boris Fyodoroviç

Quliyev Cəmil Elşad oğlu

Quliyev Əyyub Ramiz oğlu

Quliyev Hafiz Məhərrəm oğlu

Quliyev Rövşən Vaqif oğlu

Quliyeva İntizar Təhməzqulu qızı

Qurbanov Cahangir Qafar oğlu

Qurbanov Cahangir Vahid oğlu

Qurbanov Oruc İzzət oğlu

Qurbanova Gülzar Qurban qızı

Qurbanova Pərvanə Yaqub qızı

Mehmandarov Mustafa Adil oğlu

Məhərrəmov Firudin Əliməmməd oğlu

Məmmədxan Ucal İsa oğlu

Məmmədov Anar Ramiz oğlu

Məmmədov Ayşad Kamal oğlu

Məmmədov Maqsud Fazil oğlu

Məmmədov Murad Məmməd oğlu

Məmmədov Sabir Novruz oğlu

Məsimov Qurban Abdulla oğlu

Mikayılov Anar Şamil oğlu

Mikayılova Sonaxanım Məmmədağa qızı

Mirişli Nazim Ramiz oğlu

Mir-Qasım Ayan Oqtay qızı

Mirzəhəsənov Hüseyn-Səfa Qvaməddin oğlu

Mirzəyev Gülağası Ağa Hüseynoviç

Mirzəyev Rafiq İsmayıl oğlu

Mirzəyev Sucəddin Qiyas oğlu

Musayeva Səmayə Məmməd qızı

Musayeva Şükufə İmran qızı

Mustafayeva Laləzar Bəşir qızı

Nəbiyev İbad Fərrux oğlu

Nəsirova Hicran Fətəli qızı

Nəzərov İlham İslam oğlu

Novruzova Nubar Qulu qızı

Nurzadə Əli Qayıb oğlu

Osmanov Bəhram Məcid oğlu

Osmanov Fuad Tacəddin oğlu

Piriyev İvtixar Fəhrat oğlu

Poladov Əkram Nicad oğlu

Rəhmanov Rəhman Tofiq oğlu

Rüstəmov Elşən Mərdan oğlu

Rüstəmov Nurlan İbrahim oğlu

Rzayev Vüsal Elman oğlu

Salahov Əbülfət Yusif oğlu

Salamova Gülcahan Əhməd qızı

Salmanov Nicat Fərhad oğlu

Seyidov Uran Seyid Musa oğlu

Səlimli Mirbala Seyidəsgər oğlu

Səlimov Ruslan Xanbala oğlu

Səmədov Şükür Hacıbala oğlu

Süleymanlı Ceyhun Təvəkkül oğlu

Şarovskaya Natalya Yuryevna

Şeyxov Nizami Hüseyn oğlu

Şərifəliyeva Səidə Vahid qızı

Şıxəliyev Ramin Tofiq oğlu

Şirəliyev Elşən Şıxəli oğlu

Şirəliyeva İlhamə Şərbətəli qızı

Şirməmmədov Namis Xanmirzə oğlu

Vahabzadə Səbinə Qulam qızı

Vəliyev Nofəl Abdulməcid oğlu

Vəliyeva Nigar Natiq qızı

Yaqubova Ella İsmayıl qızı

Zeynalov Azər Zeynalabdın oğlu

Zeynalov Elnur Əli oğlu

Zəki Mehriban Mürvət qızı.

2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

3. “İncəsənət xadimlərinə Azərbaycan Respublikası Prezidentinin mükafatlarının verilməsi haqqında” Azərbaycan Respublikası Prezidentinin 2019-cu il 10 may tarixli 1172 nömrəli Sərəncamının (Azərbaycan Respublikasının Qanunvericilik Toplusu, 2019, № 5, maddə 893) 1-ci hissəsi ləğv edilsin.

İlham Əliyev

Azərbaycan Respublikasının Prezidenti

Bakı şəhəri, 7 may 2020-ci il.

Mənbə: https://president.az/

Azərbaycan mədəniyyət xadimlərinə Azərbaycan Respublikası Prezidentinin fərdi təqaüdünün verilməsi haqqında Azərbaycan Respublikası Prezidentinin Sərəncamı

Azərbaycan mədəniyyət xadimlərinə Azərbaycan Respublikası Prezidentinin fərdi təqaüdünün verilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq və “Azərbaycan Respublikası Prezidentinin fərdi təqaüdünün təsis edilməsi haqqında” Azərbaycan Respublikası Prezidentinin 2002-ci il 11 iyun tarixli 715 nömrəli Fərmanına uyğun olaraq qərara alıram:

1. Azərbaycan mədəniyyətinin inkişafında xidmətlərinə görə aşağıdakı şəxslərə Azərbaycan Respublikası Prezidentinin fərdi təqaüdü verilsin:

Əmirov Cəmil Fikrət oğlu

Göyçayev Teymur Ənvər oğlu

Xanı-zadə Bəxtiyar Oqtay oğlu

Kərimov Fəxrəddin Nuri oğlu

Quliyev Qabil Əzizulla oğlu

Şərifov Vaqif Abdulla oğlu

Tağızadə İranə Tofiq qızı.

2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

İlham Əliyev

Azərbaycan Respublikasının Prezidenti

Bakı şəhəri, 7 may 2020-ci il.

Mənbə: https://president.az/

«Виртуальное путешествие по Азербайджану продолжается – тур в Сиязаньский район

Централизованная библиотечная система Ясамальского района в связи с карантином по поводу пандемии коронавируса с конца марта нынешнего года осуществляет проект «Виртуальное путешествие по Азербайджану». Виртуальные туры уже были осуществлены в Губинский, Бардинский, Хызынский, Гейчайский, Дашкесанский, Гахский, Товузский, Аджебединский, Исмаиллинский районы, города Гянджа и Шеки.

Очередное путешествие состоялось в Сиязаньский район, созданный 11 февраля 1940 года. В районе, территория которого составляет 7384 km1 город, 1 поселок и 32 села. Население района составляет свыше 40 тысяч человек.

Богатство флоры и фауны района отражается на видеоролике. Здесь перечисляются леса Саглочан, Мяшриф, Даггушчу, Арзикюш, Сядан и др. и размещены их фото.

Сиязан богат своей историей. На его территории находятся усыпальница Халила, некрополь Даш гутусу, оборонительные стены Гильгильчай, поселение Бешбармаг, крепость Диндаг фотографии которых можно увидеть на видеоролике. Здесь же содержатся сведения о датах их строительства.

Далее следует список выдающихся сиязанцев. Среди них поэты и писатели Айдын Тагиев, Алисафа Азаев, Октай Гаджи Гусалы, Гяндал Тачайлы, Мехти Новрузов, Ильяс Хатаи.

Интересно выглядят фото кухни этого района – жаренная рыба, кюфтя бозбаш, фясяли, гей гутаб и др.

Завершается видеоролик показом горы Бешбармаг, находящейся на отрогах Большого Кавказского хребта. Здесь же размещены фото рек Ата чай, Гиль-гиль чай.

В исполнении Заслуженной артистки республики Мятянят Искендерли звучит песня Аббасгулу Наджафзаде «Сиязян» на слова Наджмеддина Мурватова.

Видеоролик размещен на линке

“Vətənimizə virtual səyahət” – Siyəzən rayonuna virtual tur

Bakı şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin (MKS) M.Ş.Vazeh adına Mərkəzi Kitabxanası tərəfindən “Vətənimizə virtual səyahət”  layihəsi təşkil olunmuşdur. Layihə əsasında bir çox virtual səyahətlər həyata keçirilir. Xatırladaq ki, Quba, Gəncə, Bərdə, Xızı, Göyçay, Daşkəsən, Qax, Tovuz, Şəki, Ağcabədi, İsmayıllı və s. rayonlara təşkil olunan virtual turlar sosial şəbəkələrdə də təqdim olunur.

Virtual izləyicilər üçün hazırlanmış növbəti səyahət 11 fevral 1940-cı il tarixində yaradılan Siyəzən rayonunadır. Videoçarxda ilk olaraq, bir şəhər, bir qəsəbə, otuz iki kənddən ibarət olan rayonun ərazisi (7384 km2), əhalisi (40500 nəfər) haqqında məlumat verilmiş, bu ərazidə yerləşən müasir bina və parkların siyahısı və fotoları təqdim olunmuşdur.

Təbiətə əsrarəngiz bir rəng qatan rayonun flora və faunası bütün gözəlliyi ilə videoçarxda nümayiş olunur. Bitkilər kateqoriyasına qərbi, dağ nanəsi, cirə, yovşan, itburnu və s. daxil edilmiş, bununla yanaşı meşələrindən Sağlocan, Məşrif, Dağquşçu, Ərziküş, Sədan və digərlərinə aid fotolar toplanmışdır.

Tarixi ilə qədim olan Siyəzən ərazisində Xəlil türbəsi, Daş qutusu nekropolu, Gilgilçay müdafiə səddi, Beşbarmaq yaşayış yeri, Dindağ qalaçası kimi tarixi abidələrin fotoları və yaranma tarixləri ilə bağlı faktlar da videoçarxda əks olunmuşdur.

Videoçarxın davamında görkəmli və tarixi şəxsiyyətlərin siyahısı ardıcıl formada verilmişdir. Siyahıda Aydın Tağıyev, Əlisəfa Azayev, Oktay Hacı Gusalı, Gəndal Taçaylı, Mehdi Novruzov, İlyas Xətai kimi şair və yazıçıların adı da yer alıb.

Mətbəxinə aid balıq qızartması, küftə-bozbaş, fəsəli, göy qutabı və bu kimi ləzzətli yeməklərin fotoları da videoçarxda yerləşdirilmişdir.

Videoçarx Böyük Qafqaz sıra dağlarının ətəklərində yerləşən Beşbarmaq dağı, rayonun müxtəlif zonalarından axan Ata çay, Gil-gil çay kimi çayların fotoları ilə yekunlaşır.

Videoçarxda əməkdar artist Mətanət İsgəndərlinin ifasında  Abbasqulu Nəcəfzadənin Nəcməddin Mürvətovun sözlərinə yazılmış “Siyəzən” mahnısı səslənir.

Videoçarx aşağıdakı linkdə yerləşdirilib:

Beynəlxalq əməkdaşlıq çərçivəsində Böyük Vətən müharibəsində qələbənin 75 illiyinə həsr olunmuş interaktiv plakat hazırlandı

Beynəlxalq əməkdaşlıq çərçivəsində Böyük Vətən müharibəsində qələbənin 75 illiyinə həsr olunmuş interaktiv plakat hazırlandı

Xəbər verdiyimiz kimi, beynəlxalq əməkdaşlıq çərçivəsində Bakı şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sistemi Rusiya Federasiyası Orenburq Vilayətinin P-Pokrovka model kitabxanası ilə 2018-ci ilin payızından əməkdaşlıq etməyə başlamışdır. Bu əməkdaşlıq çərçivəsində uğurlu layihələr həyata keçirilir, mühüm hadisələrə həsr olunan interaktiv plakatlar hazırlanır.

Növbəti interaktiv plakat «Böyük qələbə. Великая победа – 75» sovet xalqının Böyük Vətən müharibəsində (1941–1945-ci illər) qələbəsinin 75 illiyinə həsr olunub.

Plakatda Azərbaycan və rus dillərində verilən materiallarda Böyük Vətən müharibəsində Azərbaycan hərbiçilərinin şücayətindən, azərbaycanlıların antifaşist hərəkatında iştirakından, Vətənimizin övladlarının arxa cəbhədə əmək fəaliyyətindən, ölkə iqtisadiyyatı və xüsusilə də Bakı neftinin əhəmiyyətli rolundan bəhs edilir.

         Plakatda Azərbaycan müharibə illərində, Qafqaz uğrunda döyüşlər, milli hərbi bölmələr haqqında ətraflı məlumat almaq olar.

          Burada akademik Yusuf Məmmədəliyevə həsr olunmuş bölmədə onun ixtira etdiyi yüksək oktanlı benzin («Molotov kokteyli») haqqında məlumatlar verilmişdir.

         İnteraktiv plakatda izləyicilər Sovet İttifaqı Qəhrəmanı adını almış 39 azərbaycanlı  ilə də tanış ola bilərlər. Bundan başqa plakatda Mehdi Hüseynzadə, Həzi Aslanov və Rixard Zorge haqqında vikipediyadan götürülmüş məlumatlar da əks olunmuşdur.

         İnteraktiv plakatda həmçinin Yasamal rayon Mərkəzi Kitabxanası tərəfindən ikiqat Sovet İttifaqı Qəhrəmanı Həzi Aslanovun 110 illik yubileyi ilə əlaqədar hazırlanmış informasiya bülleteni, Həzi Aslanova həsr edilmiş şeirlər toplusu, əfsanəvi partizan Mehdi Hüseynzadənin (“Mixaylo”) 100 illik yubileyi münasibəti ilə hazırlanmış videoçarxla da tanış olmaq olar.

         İnteraktiv plakat MDB kitabxanalarına və həmçinin ölkəmizin bir çox kitabxanalarına göndəriləcək.

         Plakat aşağıdakı linkdə verilmişdir:

https://padlet.com/nikitinmihail56/hbw2spzy9jj47uf2

«Полк бессмертных: дети, внуки и правнуки ветеранов Великой Отечественной войны»


Централизованная библиотечная система Ясамальского района осуществляет проект «Великая победа – 75», посвященный 75 летию победы советского народа в Великой Отечественной войне. В рамках проекта в библиотеке организована книжная выставка, подготовлено информационное письмо о дважды Герое Советского Союза Ази Асланове, собраны стихотворения, посвященные этому герою, проведен конкурс детского рисунка и лучшие рисунки отправлены на суд жюри в Москву.
В рамках данного проекта сегодня читателям представляется композиция-реквием «Полк бессмертных: дети, внуки и правнуки ветеранов Великой Отечественной войны», посвященныйпамяти ветеранов Великой Отечественной войны в исполнении учеников 3 класса средней школы №164 Насиминского района, подготовленный под руководством педагога этой школы Туран Гусейновой.  Туран Гусейнова является дочерью ветерана Великой Отечественной войны Байрамгулу Аманова.
Композицию-реквием можно посмотреть на канале YouTube
https://www.youtube.com/watch?v=CW2AujjIemg
Мы представляем вниманию читателей стихотворение, написанное другой дочерью этого ветерана, известной детской писательницей Солмаз Амановой. 
 Вечная память, Вечный огонь!
  И на войне цветут цветы,
  Не передать их красоты.
  Солдаты Землю стерегут,
  Природу нашу берегут.
  А в мире много так чудес,
  И не боится войны лес.
 Стоит стеной назло врагу,
Цветут ромашки на лугу.
 А на Земле лежит солдат,
 Душа его у райских врат,
 В руке сжимает он цветок,
 Вновь поднимается росток.

Yasamal rayon Mərkəzi Kitabxanasının nəzdindəki Mirzə Şəfi məclisinin üzvü koronavirusdan yazdı

Bakı şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sistemi (MKS) tərəfindən həyata keçirilən “Kitabxana – koronavirusa YOX deyir!” layihəsinə M.Ş.Vazeh adına Yasamal rayon Mərkəzi Kitabxananın nəzdindəki Mirzə Şəfi məclisinin üzvü Eldar Allahverdiyev də qoşuldu.

Eldar Allahverdiyev 137 №-li tam orta məktəbin 5-ci sinif şagirdidir. Məclisin kiçikyaşlı üzvü virtual rejimdə faəliyyət göstərən kitabxanaya “Koronavirusun bizdən aldıqları” adlı yazısını təqdim etdi. O, koronavirus pandemiyasının həyatına təsiri ilə bağlı fikirlərini qələmə alıb.

Hal-hazırda evdə qalaraq əvvəlki həyat tərzi üçün darıxan Eldar Allahverdiyevin yazısı tam mətni aşağıda verilib.

                     Koronavirusun bizdən aldıqları

Mən, Allahverdiyev Eldar 5-ci sinif şagirdiyəm. Mart ayının 3-ü dərsdən çıxanda bizə bildirdilərki, sabahdan martın onunadək dərs olmayacaq. Sevincək halda müəllimdən səbəbini soruşduq. Müəllim bizə koronavirusla bağlı məktəbin dezinfeksiya olunacağını bildirdi. Koronavirus haqqında xəbərlərdə eşitmişdik. Bu virus Çində yaranmışdı. Çinlə bizim ölkə arasında məsafəni fikirləşəndə, bu virusun bizə gəlib çatması mümkünsüz olmağını fikirləşirdik. Biz heçdə əhəmiyyət vermədik, çünki yaxınlaşan təhlükənin fərqində belə deyildik. Evə gəldik və sevincli halda “bir həftə dərslərin olmadığını”, – dedik.

Valideynlərimiz heçdə sevinmədilər, onlar təhlükənin artıq ölkəmizədə gəldiyini hiss edirdilər. Bir neçə gündən sonra dərslərin mart ayının iyirmi doqquzuna qədər uzadılması barədə televiziyada elan verdilər. Yenə də sevinirdik, hətta bu tətilə “Koronavirus bayramı” deyirdik. Amma getdikcə evdə darıxmağa başladıq. Məktəbə getmək, sinif yoldaşlarımızla görüşmək istəyirdik.Səbirsizliklə martın iyirmi doqquzunu gözləyirdik.

Xəbər yayıldı ki, dərslər aprel ayının otuzuna qədər təxirə salınıb. Həəə… artıq vəziyyətin nə qədər təhlükəli olduğunu dərk etməyə başladım. Evdən çölə çıxmırıq, dostlarımızla oynaya bilmirik. Evdə dərslə məşğul olmağımıza baxmayaraq, yenədə nəqədər dərslərdə  gerilədiyimi hiss edirəm. Fikirləşirəm:“Məktəbə gedə bilməmək, təhsil ala bilməmək nəqədər pis bir hiss imiş”.

Televizordan Suriyadakı uşaqların məktəbə getmək üçün üsyanlarını görəndə, deyirdim:“Məktəb üçündə belə üsyan olar?!” Sən demə biz əlimizdə olan imkanların qədrini bilmirdik. İndi anlayıram ki, təhsildən uzaq qalmaq, məktəbə gedə bilməmək heçdə yaxşı hal deyilmiş. Bəzəndə fikirləşirəm ki, Suriyada yaşayan insanlara olan haqsızlığa dünya ölkələri biganə qaldığına görə Allah təala bütün dünyanı cəzalandırır.

Koronavirus bizdən  hal hazırda təhsilimizi, sərbəstliyimizi alıb. Amma çalışaq sağlamlığımızı almasın.Koronavirusun bizə öyrətdikləridə oldu məsələn: ehtiyatlı olmağı, təmizliyə riayət etməyi, yaxınlarımızı qorumağı.

Ümid edirəmki, tez bir zamanda bu qara buludlar dünyamızı tərk edəcək, al günəş üzümüzə güləcək. Yenidən gözəl günlərə geri dönəcəyik.Dərslərimizə qaldığımız yerdən davam edərək, biliklərimizi dahada dərinləşdirəcəyik.

Atalarımız yaxşı deyib: “Yaman günün ömrü az olar”.

Azərbaycanlı şair Saqif QARATORPAQ.Yeni şeirlər (II hissə)

Azərbaycan Yazıçılar Birliyinin üzvü, “Hüseyn Arif” Ədəbi Məclisinin sədri

Mən bir səhər hamıdan çıxıb gedə bilərəm,
Bir söz də söyləmərəm,qınamaram heç kimi.
Nə varsa yaddaşımdan qazıyaram,silərəm,
Səbrim yoxdu,dayanıb sınamaram heç kimi.

Canım,vallah,yalandı şairlik də,filan da,
Bax,hər gecə özümü ürəyimdən asıram.
Bir əzabın odunda közərdirəm sözləri,
Mən şeir ha yazmıram,sinəmə dağ basıram.

Bilirəm,acizlikdi kimdənsə sevgi ummaq,
Təbəssümlə,baxışla yalvarmaqdı kiməsə.
Elə yanıb əllərim,uzatmağa qorxuram,
Bir vaxt yaman düşmüşdüm bir dəlisov həvəsə…

Qəm yemə,keçdi getdi…indi susuz səhrayam,
Bir əlçim bulud tapım gözlərimi sıxmağa.
Güclə sürüyüb gedir hərə öz şələsini,
Axtarsan bir adam yox,kövrəlib darıxmağa.

Zamanın qatarında kim yatmış,kim oyaqdı?!
Kim var bircə gecəılik düşüb qonaq qalmağa?!
Qoymadılar qayıdam bir gün uşaqlığıma,
Qoymadıar məni də dönüb adam olmağa.

Köhnələrdən…

Qaçırdı hamını göy gurultusu,
Çəkildi xəlvətə boz sərçələr də.
Bir dəli yağışdı,bir də ikimiz,
Gəzib dolaşırıq boş küçələrdə.

Bir ara əlindən çıxdı çətirin,
Az qaldı küləyə qoşulub gedə.
Bayaqdan dolaşır ayaqlarıma,
Bir pişik balası çıxıb döngədən.

Dağıdıb saçını söyüd ağlayır,
Çolaq dilənçinin boş qalıb yeri.
Yağış asta-asta yuyub aparır
Hisini-pasını qoca şəhərin…

Bir sevgi məktubu ilişib qalıb
Titrəyə-titrəyə bir gül koluna.
Sahildə üşüyən qoşa fidan şam
Girib bir-birinin yenə qoluna.

Axşam necə düşüb xəbərimiz yox,
Qara gözlərindən vaxt axıb gedir.
Bir azca üzünə soyuq baxanda,
Incik qonaq kimi eşq çıxıb gedir…

Gün günə bənzəməz,tale taleyə;
Bir ömür axtarsan tapılmaz itik.
“Sənə demədimmi qoşulma mənə…”
“ Çox gecdi…sonuncu qatar da getdi…”

…Bir də haçan yana sönən işıqlar?
Qurut ürəyimdə yaş əllərini.
Doldurub bir ovuc işıq da apar
Evə qayıdanda boş əllərini.

Azərbaycanlı şair Saqif QARATORPAQ.Yeni şeirlər (I hissə)

Azərbaycan Yazıçılar Birliyinin üzvü, “Hüseyn Arif” Ədəbi Məclisinin sədri

Pıçıltı

Nə bir rahat yuxum var,
nə yuxumda bir dinclik.
Bir nazik ipin üstdə oynamaq zülüm işdi.
Səni çəkib yuxumdan evimə gətirmişəm,
gör necə xarabadı…
Divarlarda boya-boy hər yerdə sənin şəklin.
Gəlişinə sevinən qapım necə ağlayır,
pəncərəm açıq qalıb
görən hansı axşamdan?
Masamın üstü dolu…yer yox barmaq qoymağa,
burda nələr desən var,bir sevincdən savayı.
Ağ varaqlar üşüyür sükutun soyuğundan…
əllərin nə soyuqdu.
Sən gələndən dayanıb divardakı saat da,
əqrəblər üst-üstədi.
Sonsuzluğun içində biz ikicə nəfərik.
Sən yaralı göyərçin…
Istəmirəm mən sənə dəmir qəfəs olmağı,
yaranı sarımağa bir azca göz yaşım var.
Ağacların yarpağı
Gecənin qulağına gör nələr pıçıldayır…
Şam əriyib qurtarıb…
Bir söz denən,yandırım ürəyimi sübhəcən.

***

Heyif,mən də beləyəm,
Bir az zalım adamam.
Hər addımda aldanan,
Uşaq kimi inanan.

Gözlərimi qırpmadan
Tərk edərəm bu canı.
Mənimçün canı vermək,
Can deməkdən asandı.

Qoy səni aldatmasın
Şairliyim,filanım.
Ələsən,çıxar üzə
Neçə-neçə yalanım.

Dərdim başımdan aşsa
Söyləmərəm birini.
Özümlə aparacam
Neçə gizli sirrimi.

…Çox da gülməli deyil
Taleyin zarafatı.
Günahkaram sənintək,
Sevirəm bu həyatı.

Əziz MUSA.Yeni şeirlər (II hissə)

Azərbaycan Yazıçılar və Jurnalistlər Birliklərinin üzvü, “İlham çeşməsi” qəzetinin təsisçisi və baş redaktoru,
Azərbaycan Respublikası Prezidentinin Təqaüd Fondunun təqaüdçüsü

SƏNİ GÖRMƏYƏNDƏ

Sənsiz öz köksünü ötürür bu yaz,
Göylər də açılmır dərddən, kədərdən,
Sənsiz azan yoxdu, gecikir namaz,
Əlimi üzmüşəm mən göydən ,yerdən,

Ümid böyüdürəm köksümdə hələ,
Sənsiz günlərimi ağlayıram mən,
Axır gözlərimdən yaş gilə-gilə,
Yaralı sinəmi bağlayıram mən,

Sənsiz dünya mənə məzardı indi,
Məni yuxularda qoyub getmisən,
Nolar ruhumu yavaşca dindi,
Sən könül bağımı viran etmisən.

Sənsiz ağı deyir ağlayır ürək,
Şeirimə, sözümə bükmüşəm səni
Qara gözlərimdə oynayır şimşək,
Sənli misralarım incidir məni.

Ən şirin sözləri sənə qoşuram,
Həsrətdən alışır dilim, dodağım,
Səni görməyəndə vallah çaşıram,
Gəl güldür qəlbimi, ay gülyanağım.

BU SEVGİ

Üzür ürəyimi, üzür bu həsrət,
Hicranın əlindən gəl qurtar məni.
Ağlayır, sızlayır sevgi, məhəbbət,
Ürəkdən sevirən inan ki, səni.

Gözümü yolunda kor eyləmişəm.
Hər gün misra-misra əriyirəm mən,
Gülüzlüm mən sənə, can söyləmişəm,
Kəsib yollarımı indi duman, çən.

Gözlərim qaynayan bulağa dönüb,
Düşünmə, ürəyim döyünər sənsiz,
Sənsiz ayım sönüb, günəşim sönüb,
Goynunu bükübdü bənövşə, nərgiz.

Gəl oxşa ruhumu, könlümü nolar,
Dirsəklən yastığa, fikirləş bir az,
Sevgisiz gül, çiçək saralar, solar,
Cünəşdən nur əmib, gülər bahar, yaz.

Qayıt, sən ömrümə, günümə, qayıt,
Həsrətə öyrətmə qəib eşqimi,
Vallah əfsanədi sevgisiz həyat,
Sevgisiz, Tanrı da sevməz heç kimi.

Əziz MUSA.Yeni şeirlər (I hissə)

Azərbaycan Yazıçılar və Jurnalistlər Birliklərinin üzvü, “İlham çeşməsi” qəzetinin təsisçisi və baş redaktoru,
Azərbaycan Respublikası Prezidentinin Təqaüd Fondunun təqaüdçüsü

SƏNSƏN

Ay mənim qismətim, ay mənim payım,
Sənsiz bu dünyanı neyləyirəm mən.
İşıqlı səhərim, Günəşim, Ayım,
Qəlbimdən keçəni söyləyirəm mən.

Sənsən bağ-bağçanın yar-yaraşığı,
Səninlə necə də bəxtiyaram mən,
Sənsən gözlərimin nuru, işığı,
Səndən şəfəqlənən bir baharam mən.

Sən mənə xoşbəxtlik, sevinc vermisən,
Könül sarayımın sultanı sənsən.
Qurbanın olaram əgər istəsən,
Göylərin, yerlərin xoş nəğməsisən.

Yerlərin göylərin bir mələyisən.,
Sənsən çiçəklərin, güllərin təri,
Necə də gözəlsən ey nazlı süsən,
Sənsən gözəllərin ay bəxtəvəri.

Nəğmələr qoşuram hər zaman sənə,
Sənin eşqin ilə qanadlanıram,
Heyranam o gözəl , göyçək hüsnünə,
İlhamı hər zaman səndən alıram.

SÖYLƏ

Günəş iftar açıb, Ay oruc tutub,
Yuxumu danışım, qulaq as bir az,
Demə yollar, izlər bizi unudub,
Bizsiz gülərmi heç, söylə bahar, yaz.

Ay başımın tacı, gözümün nuru,
Bəxt yazan səni də yazıbdır mənə.
Sevgimiz təmizdi, eşqimiz duru,
Dərd, kədər qalama yanan qəlbimə.

Saçlarım nə vaxdır sığal görməyir,
Fikrim, xəyalım da, ruhum da sənsən,
Ayrılıq nə vaxtdır qəddimi əyir,
Səpmə saçlarıma vaxt, vədəsiz dən.

Susuz balıq kimi çırpınır ürək,
Dur gəl, bal eşqimin sən pətəyi ol,
Ah-nalə götürmür müqəddəs fələk,
Könlümün ən şirin bir istəyi ol.

Sənsiz öz köksünü ötürür bu yaz,
Yollara baxıram mən səhər , axşam,
Mənim tər bənövşəm, gəl eyləmə naz,
Sənsiz qanadları qırılmış quşam,

Ruhumu göylərdən qaytar geriyə,
Qoyma Əziz Musa qalsın avara,
Qoyma ayaq açıb, dərd, qəm yeriyə,
Dur gəl, qapımızı açaq bahara.

Azərbaycanlı şairə Rahilə xanım DÖVRAN.Seçilmiş şeirlər (II hissə)

Şairə-jurnalist-publisist Azərbaycan Yazıçılar Birliyinin üzvü, Gündəlik Analitik İnformasiya Agentliyinin Naxçıvan Muxtar Respublikası Bürosunun Rəhbəri, “Qızıl qələm” media mükafatı laureatı

BİLMİRƏM
/”Vətənimdir” – silsiləsindən/

Bəd illər az qalır qərinə olsun,
Qübarı könüldən silə bilmirəm.
Çatlamış, boş sənək çətin ki, dolsun,
Şuşasız, Laçınsız, gülə bilmirəm.

Neçə ki, Kəlbəcər qolu bağlıdır,
Neçə ki, Ağdamım sinədağlıdır.
Neçə ki, “stepan”, “Qarabağlıdır”,
Necə yaşayıram, hələ bilmirəm.

Cəbrayıl yaralı, həm də qəfəsdə,
Füzuli can verir, qulağı səsdə.
Qubadlı, Zəngilan, kürəyi üstə,
Məzarım qazılıb, ölə bilmirəm.

İrəvan, Zəngəzur, Göyçəm hardadır?
Mehri, Qafan, Vedim, gör nə haldadır.
Gorusum, Ağkilsəm, çoxdan dardadır,
Həsrətin zirehin, dələ bilmirəm.

Aprel döyüşləri, mesaj- düşmənə,
Bir kimsə dünyada, qızammaz mənə.
Zərbələr vuracam, hey dönə- dönə,
Yurdda eldən- elə, gələ bilmirəm.

Yüksəldək Murovdan “Cəngi”nin səsin,
Silək Ulu Yurdun, qara ləkəsin.
Dövran vəsf eləsin, Odlar Ölkəsin,
Nəyi gözləyirik, bilə bilmirəm?!…

GƏLDİM, DAĞLARA GƏLDIM
/”Ömürdən- gündən” – silsiləsindən/

Al əimi əlinə,
Qoy dönüm dağ gülünə.
Qat mehinə, yelinə,
Səndə qalmağa gəldim.

Süsən, sünbül, lalələr,
Sənə üz tutub gələr.
Ruhum, təbim dincələr,
İlham almağa gəldim.

Buludlar qatar- qatar,
Əl uzatsan əl çatar.
Zirvəndə qartal yatar,
Qanad çalmağa gəldim.

Ahutək süzə- süzə,
Düşdüm dağlara, düzə.
Vürğunam saza, sözə,
Ozan olmağa gəldim.

Dövran batmaz günaha,
Inamı var dərgaha.
Dönən deyiləm daha,
Məskən salmağa gəldim…

Azərbaycanlı şairə Rahilə xanım DÖVRAN.Seçilmiş şeirlər (I hissə)

Şairə-jurnalist-publisist Azərbaycan Yazıçılar Birliyinin üzvü, Gündəlik Analitik İnformasiya Agentliyinin Naxçıvan Muxtar Respublikası Bürosunun Rəhbəri, “Qızıl qələm” media mükafatı laureatı

 BU GÜN KƏLBƏCƏRİN İŞĞALI GÜNÜDÜR-

YA QİSMƏT
Vətən borcumuz çox, ömrümüzsə az,
Kəlbəcəri bir də görəm- ya qismət.
Taledən, qismətdən kimsə qaçammaz,
Dağında lalələr dərəm- ya qismət.

Zirvədə buludu qatar- qatardır,
Güneyi nərgizli, quzeyi qardır.
Dörd fəslin hamısı burda bahardır,
Süsəni sünbülə hörəm- ya qismət.

Səs sala dağına Şəmkirin sazı,
Bütün igidlərə çata avazı.
Ola qoç döyüşü, qeyrət davası,
Köksümü qabardıb, gərəm- ya qismət.

Yığam Mübariztək vətən gəncini,
Çaldıram Murovda sanlı cəngini.
Qaçıram düşmənin murdar rəngini,
Hayqıram:- “Ər oğlu-ərəm”- ya qismət.

Qarşısı alınsın qanlı sellərin,
Ordum xilaskarı doğma ellərin.
Dövran da yurdunun bütün güllərin,
Ayağı altına sərə, – ya qismət.

BU GÜN HEÇ KİMİN UNUTMAYACAĞI ” 31- MART AZƏRBAYCANLILARIN SYQIRIMI! GÜNÜDÜR/

TÜRK SAVAŞI
Daş yazılar salnamədir qalın-qalın,
Oxuyun siz keçmişimdən xəbər alın.
Sədasını dinləyin siz daş qavalın,
Türk elləri döyüşlərdə deyil naşı,
Qiyamətdən betər olar türk savaşı.

Od yaranıb, od doğulub, od diyarım,
Sönməz oddur, oğlum, qızım, ixtiyarım.
Oddur kaman, oddur sazım, oddur tarım,
Alovdandır, atəşdəndir od yaddaşı,
Qiyamətdən betər olar türk savaşı.

Yad baxışlar kor olubdur od elimdə,
Qədəm basıb qovrulublar od selimdə.
Şahinlərim qiyyə çəkib at belində
“Cəngi”ləri titrədibdir dağı, daşı,
Qiyamətdən betər olar türk savaşı.

Vətən üçün candan keçən fədaim var,
Tomrisim var, Cavanşirim, Xətaim var.
İsrafilim, Mehdim, Həzim, Gərayım var,
Əziləcək yağıların mənfur başı,
Qiyamətdən betər olar türk savaşı.

Sevinməsin o kəmfürsət, qanlı yağı,
Uzaq deyil Qarabağın zəfər çağı.
Çəkiləcək pak torpaqdan yad ayağı,
Dövran qoymaz yad əlində bir qarışın,
Qiyamətdən betər olar türk savaşı.

Azərbaycanlı şairə-publisist Nəcibə İLKİN.Yeni şeirlər (II hissə)

This image has an empty alt attribute; its file name is necibexanim-300x300.jpg

Azərbaycan Yazıçılar və Jurnalistlər Birliklərinin üzvü, Azərbaycan Respublikası Prezidenti Təqaüd Fəndunun təqaüdçüsü, “Azad qələm” ədəbi-bədii, ictimai-publisistik qəzetinin və “Ali Ziya” ədəbi-bədii, elmi-publisistik jurnalının təsisçisi və baş redaktoru

Şəhid ayım, aprelim

Bahar nəfəsli sinən güllələrə tuş gəldi,
Ağu dedi bülbülün, qaranquşun nəğməsi.
Çiçəklərin, güllərin gözlərindən yaş gəldi,
Daraldı hər bir yerdə təbiətin nəfəsi.
Şəhid ayım, aprelim!

Qönçə-qönçə gül açan güllərin güllələndi,
Şəhid ətrin yayıldı, qara geydi buludlar.
Hər arzun, hər diləyin qəlbində düyünləndi,
Torpağına, daşına başın əydi buludlar.
Şəhid ayım, aprelim!

Dalğalandı dəniz tək, çaxdı ildırım kimi,
İgidləri hayladı azadlığın işığı.
Ölümə sinə gərən ərən oğullarına,
Əbədiyyət yaratdı o bahar yaraşığın.
Şəhid ayım, aprelim!

Nəfəsində igidlik toxumları səpildi,
Şəhidlərin ruhunda açıldı danın gözü.
Qönçələrin qan əmdi, küləklərin acıdı,
Çiçək açdı dilində azadlıq adlı sözün.
Şəhid ayım, aprelim!

İnamından güc aldı, igidlərin nərəsi,
Könlün qana boyandı, nəfəsin lalə rəngi.
Səngəri salamladı qaranquşun müjdəsi,
İntiqam, qisas dedi azadlığın çələngi.
Şəhid ayım, aprelim!

Vətən adllı tarixin düşüb igid payına,
Aprel şəhidlərimin qızıl səsli bu ünü.
Şəhidlərim doğuldu dil açdı sinən üstdə,
Apeliin ikisində yazıldı doğum günü.
Şəhid ayım, aprelim!
2019 aprel

Şeirimin bahar gözü,
Yaşla dolub, kövrəlibdi.
Yaz nəfəsli ürəyimdə
Qış yenidən dirçəlibdi.

Hər sözümün bənövşəsi,
Qara xallı laləsi var.
Vətən deyən dillərimin
Göyə qalxan naləsi var.

Misra-misra qocalıram,
Kəlmə-kəlmə can verirəm.
Şeir-şeir ucalıram,
Vətən boyda qan verirəm.

Sözlərimin soyqımı,
Dillərimdən asılıbdı.
Qələm tutan əllərimi
Gör kimlər daşa basıbdı.

Azərbaycanlı şairə-publisist Nəcibə İLKİN.Yeni şeirlər (I hissə)

This image has an empty alt attribute; its file name is necibexanim-300x300.jpg

Azərbaycan Yazıçılar və Jurnalistlər Birliklərinin üzvü, Azərbaycan Respublikası Prezidenti Təqaüd Fəndunun təqaüdçüsü, “Azad qələm” ədəbi-bədii, ictimai-publisistik qəzetinin və “Ali Ziya” ədəbi-bədii, elmi-publisistik jurnalının təsisçisi və baş redaktoru

Yaşada bilmədim sənsiz dünyamı,
Gəl mənə yenidən zülüm ver, zülüm.
Yaşamaq nə qədər şirin olsa da,
Mənə öz qoynunda ölüm ver, ölüm!

Demə ki, gəncliyim ötüb keçibdi,
Qəlbim həsrətindən şərbət içibdi,
Ürəyim tək səni həmdəm seçibdi,
Vüsaldan bir azca dilim ver, dilim.

Qaçmaq istəyirəm…
Məni gözündən asan tənhalıqdan.
Boynumda dəyirman daşı kimi fırlanıb
məni boğan haqsızlıqdan…
İllərlə yerdə qalıb yanı göyərmiş arzulardan
Mənə qucaq açan bulud-bulud xəyallardan.
Qaçmaq istəyirəm…
Ürəyimi uçuran yad baxışlı hislərdən
Mənə yalan sevgi bağışlayıb
Üzümə yaxşı deyən pislərdən.
Ürəyində saxtalıq yaşadıb
üzdə saflıq gəzdirmək istəyənlərdən…
Qaçmaq istəyirəm…
Qəlb oğrularından,
talanmış ürəklərə min sifətlə yer tapıb
girmək istəyənlərdən.
Özünü dəryada hiss edib köpək balıq kimi
bir anda səni udmaq,
Onsuz da qırılmış arzularını,
incilərini yenidən darmadağın edib
səni tale burulğanında qərq etmək istəyənlərdən…
Qaçmaq istəyirəm…
Yad fikirli, özgə baxışlı doğmalardan,
İçini qurd kimi gəmirən iblis niyyətli kabuslardan.
Səni dərk etməkdən, anlamaq dərəcəsindən uzaq,
könül evimə kül üfürənlərdən.
Qaçmaq istəyirəm, qaçmaq…
Arxamca gəlməyin ey ürəyi üzülmüş ümidlərim
Arxamca gəlməyin ey yolda-irizdə düşüb itən dərdi-sərim.
Qoyun bir az dincəlim…

Azərbaycanlı şairə Xəyalə SEVİL.Yeni şeirlər (II hissə)

“Gənc Ədiblər Məktəbi”nin müdavimi, Azərbaycan Yazıçılar Birliyinin (AYB) üzvü, Azərbaycan Respublikası Prezidenti təqaüd fondunun təqaüdçüsü

Fərqanə xanıma…

-Quşmu olub uçub getdi?
-Qanadları ki, ruhudu.
Nə üzü var, nə səsi var,
Oyandığımız yuxudu.

-Ordasanmı ev yiyəsi?
-Ürəkmi var döyünəsi?
Boş bədənə geyinəsi
Heç quru canı yoxudu.

Yaşdı yanağımı döyən,
Ey ruhu göylərə dəyən.
De: “Torpağın bətnindəyəm
Tanrı yazdı, o, oxudu.”

***

Sağ olsun ürəyim də
Xatırladır özünü.
Hərdən bir sancı tutur,
Elə bil ki, sinəmə
Çıxıb atır özünü.
Tanrı işini bilir,
Gözlərimi kuzə verib.
İz itirib qaçıb göyə,
Amma gəl ki, taleyimdə
Özünü biruzə verib.
Sən də məndən uzaq durdun,
Gəlmə, bir də uzaq dur.
Mən özümü
Götürdüm bu oyundan.
Tək oynamaq yasaqdır.

Azərbaycanlı şairə Xəyalə SEVİL.Yeni şeirlər (I hissə)

“Gənc Ədiblər Məktəbi”nin müdavimi, Azərbaycan Yazıçılar Birliyinin (AYB) üzvü, Azərbaycan Respublikası Prezidenti təqaüd fondunun təqaüdçüsü

Yanağım torpaq deyil,
Suyu özünə çəksin.
Mən Günəş istəyirəm,
Ayı özünə çəksin.

Sən də məni bahar san,
Baxıb güllü donuma.
Özümə sadiq qalım,
Eh! Tanıma, tanıma.

Hər ayrılığın sonu
Beş-altı şeir qədərdi.
Hardan baxsaq bu sevgi
Bir ayrılıq edərdi.

Xəyallarım rəngli dualar kimi
Çatacaq göy üzünə.
Bir gün Tanrı eşidəcək səsimi,
Bir gün Tanrı boylanacaq səsimə.
İndi mənə hamı yaddı,
İndi mən hamıya yadam.
Dünya boyda ev-eşikdə
Ev-eşik tapmayan adam.
Gözüm gözləmə salonu,
Başımı qatıb durmuşam.
Bir gün Tanrı gələcək…
Bədənimin sol küncündə
Qırmızı çadır qurmuşam.

Azərbaycanlı şairə Xatirə FƏRƏCLİ.Yeni şeirlər (II hissə)



OVUNDUM

Gördüm bir kimsədən mənə haray yox,
Özüm öz dadıma çatdım, ovundum.
Dərdimi-sərimi qoyub bir yana,
Başımı başlara qatdım, ovundum.

Gah gizli, gah aşkar çəkdim acını,
Ram etdim ruhumun ehtiyacını,
Axıb yanağıma düşən damcını
Silib titrək əllə atdım, ovundum.

Əyilməz başlara bəlaymış inad,
Məni də qəlibə saldı bu həyat.
Laylaya, öyüdə yatmazdım bir vaxt,
Qədər sığalına yatdım, ovundum.

Gör nə arzuladım, nəyə qovuşdum,
Yovuşmaz günlərə naçar yovuşdum.
Bir dəli şimşəkdim, keçdim, sovuşdum,
Eləcə, içimdə batdım, ovundum.

Təbəssüm kimi

Burda asta danış, güllər inciyər,
Çiçəklər diksinər, hüşənər səsə
Bu nə eşq, nə ahəng, bu nə mənzərə,
Yaşıl bəyaz ilə girişib bəhsə.

Ürəyim kəpənək qanadı burda,
Qonur o budağa, qonur bu gülə,
Bəzəkli, həvəsli ağaclar ilə
Rəqs edib,
rəng verir hər əsən yelə.

Basdırın bahara, çiçəyə məni,
Bundan ayrı nə var cənnət adında?!
Şəkillərdə donan təbəssüm kimi
Qoy dünya beləcə qalsın yadımda.



Azərbaycanlı şairə Xatirə FƏRƏCLİ.Yeni şeirlər (I hissə)

Yel apardı dünyamı

İstəklər ümmanında
Çırpınardım, yanardım.
Mən dünyanı nə boyda,
Necə geniş sanardım.

Ümidlərim elə çox,
İnamım lap çox idi.
Yel apardı dünyamı,
Yoxsa divlərmi yedi?!

Heç bir ilğım, heç bir rəng
Qamaşdırmır gözümü.
Bu adam yığınına
Yad görürəm özümü.

Bir nəfəsəm bəlirgin,
Tükənmişəm, sönmüşəm.
Məkanım göylər idi,
Artıq yerə enmişəm.

Dünya bir rəngdədir ağrılarımla.

İtsəm də itkilər dağıntısında,
Gəzsəm də kəndbəkənd, ölkəbəölkə,
Dünya bir rəngdədir ağrılarımla
Mən elə dünyayla yaşıdam bəlkə.

Ölüm də, unutmaq, unudulmaq da,
Fanidə əvvəlki qaydadır elə.
Ağrının da rəngi, məxsusluğu var
Yaşanar eləcə, gəlməz ki, dilə.

Zamanı, məkanı, taxtı, gərdişi,
Kim gəlib, kim gedib, hesabımı var?!
Sorma bu dünyanı saran süstlüyü
İnsan bapbalaca, dünya dardan dar.

Azərbaycanlı şairə Adilə NƏZƏR.Yeni şeirlər (II hissə)

This image has an empty alt attribute; its file name is adilexanim.jpg

HARDA BİR ŞAİR ÖLSƏ
şeirimdən bir parça…
yenə bu gecənin səssiz qonağı şair Ferqane Mehdiyevanın xatirəsinə… ((

Tək bircə misrasından sözünü tanıyaram,

Duyğuları gözümdən qəmi silib aparar.

Hüznündən, həsrətindən özünü tanıyaram,

Harda bir şair ölsə, qəlbim tufan qoparar.

… Mən də belə dəliyəm, gör nələr düşünürəm…

Harda bir şair ölsə, mən burda üşüyürəm…

Kiminçün yazır şair, nədir onu dindirən?

Nədir təmiz ruhunu göy üzündən endirən?

…Çətindir şair ömrü, çətindir şair yolu.

Bircə gün yaşamazlar şairlər gözüdolu… –

susdurarlar, vurarlar…

sonra o şeirlərlə elə onu vuranlar

özləri gözü dolu salamına durarlar…

onu yola salarlar…

Harda bir şair ölsə..

Şeı̇rlər gecə doğulur

Gecənin qaranlığına
ağ yağışlar yağır yenə..
Ruhumla ağlım arası
bir təzə hiss can çəkişir,
havalanır mən adında fağır yenə.

Canımda bir dəli qız var,
dilində bir dəli söz var –
sevgi qoxur, həsrət qoxur…
Yazılmağa tələsdikcə,
bu gecənin qucağına ulduz axır…

İçəridə dəli qızın
can yandıran susmaları..
Bayırdasa yanvarın son damlaları…

Artır ürək döyüntüsü
divardakı saatın da..
Allahın könlü açılır,
göyün yeddinci qatında…

Duyğuların tərcümanı
bir gözəl şeir doğulur,
Sevgi sevincə boğulur…
Gözlərini bir-bir yumur pəncərələr…
Şair yaşayır gecələr…

Azərbaycanlı şairə Adilə NƏZƏR.Yeni şeirlər (I hissə)

This image has an empty alt attribute; its file name is adilexanim.jpg

Bir üz çəkəm –
qonur gözlü,
açıq baxışlı,
iti zehnli ,
gülümsər qəlbli ,
təmiz ruhlu,
bütöv sözlü …
dalanlarda azmamış,
yalanlara bulaşmamış,
gerçəkləri aşmamış… –
ADAM qoyam adını…

* * *
O mövzuda nə vaxt söhbət düşərsə,
Gülən üzüm kölgələnər, saralar.
Bir balanın harda gözü yaşarsa,
Burda gözüm toran tutar, qaralar.

Əgər bilsə ki, ürəyimdə nə var –
Gəlib səcdə edərdilər adamlar.
Yel əsdikcə korunlayan qadam var,
Göyüm açılanda yerim daralar.

Fikrim, zikrim dağdan keçər, azaram,
Kədərimi vərəq-vərəq yazaram,
Hamıdan, hər kəsdən uzaq gəzərəm,
Qorxuram, qız-oğul hanı? -soralar.

Demə niyə bulud kimi dolmuşam,
Dərd gül açır, qucağından solmuşam.
Xəbərin yox, çox ağlağan olmuşam,
Yorulmuşam, yüküm çox bu aralar.

Küləkləri dolamışam telimə,
Nə elədim düşdü elin dilinə,
Ay Adilə, ağla mənim halıma,
Halım ürək dağlar, könül paralar.

Azərbaycanlı şairə AY BƏNİZ ƏLİYARLI.Yeni şeirlər (II hissə)

This image has an empty alt attribute; its file name is 74987308_2354162254709962_1203001377328988160_n.jpg

***

Tanrım, göyünü təmizlə,
buludlarını arıtla.
Üstünə gəlirik yenə
bu qədər topla, barıtla…

Baxma, dilimiz duadı,
yalançı sərgi-sərmədi.
Gözlərimiz iti güllə,
ayaqlarımız mərmidi.

Bir gün neçə sifətdəyik,
adam arından tər tökür.
Bizi torpaqdan yaradıb,
torpaq etdiyinə şükür.

***

Nə xeyirdə xeyir idi,
Nə mümkündə qeyri idi,
Hər kəs bir az əyri idi…
“Dünyanın düz vaxtıydı.”

Bir belə düzlük nağıldı,
Düyünün çözdük dağıldı.
Kim deyir, yanan ağıldı,
Ürəyin köz vaxtıydı.

Çox deyil ki, düşün bir az,
Bir gün, əlbət, bitir həvəs.
Tanrı göz ilə görünməz,
Bədənin göz vaxtıydı.

“Biri vardı, biri yoxdu.”
Haqqı vardı, siri yoxdu…
Qələminin xırı yoxdu,
Ölümün söz vaxtıydı.

Azərbaycanlı şairə AY BƏNİZ ƏLİYARLI.Yeni şeirlər (I hissə)

This image has an empty alt attribute; its file name is 74987308_2354162254709962_1203001377328988160_n.jpg

Bir çəmən var idi, rüzgarlar əsən,
Qucağı doluydu bənövşə, süsən.
Bir gül də var idi dünyadan küsən,
Yaman üşüyürdü bu səhər çağı.

O boyda çəməndə sanki tək idi,
İçini çəkirdi, fikrə gedirdi.
Xeyiri yox idi, eh, nə edirdi,
Yaman üşüyürdü bu səhər çağı.

Yenə ləçəklərin öpürdü duman,
Bir bahar şehiylə dolmuşdu yaman.
Boş yellər telini qoxlayan zaman,
Yaman üşüyürdü bu səhər çağı.

Yeni çiçəklərlə gəlmişdi bahar,
O solub gedirdi, başqa yolmu var?
Ona ümidlənib bitən xəyallar
Yaman üşüyürdü bu səhər çağı.

Ömür keçdi, bu ömürdə
daddığı nəydi, göründü.
Gecə-gündüz göz yaşına
qatdığı nəydi, göründü.

Ürək yeni dərdə gəbə,
Can üfürür köhnə təbə.
Susub mərtəbə-mərtəbə
çatdığı nəydi, göründü.

Kim var ömürdən narazı?
Yalanı-dolanı hazır,
Açıldı ilanın ağzı,
Udduğu nəydi, göründü.

Библиотека организовала виртуальный тур в город Сумгайыт

Как сообщалось ранее, Централизованная библиотечная система Ясамальского района обеспечивает продолжительность проекта «Узнаем Родину». Осуществляя в период режима карантина проект «Виртуальное путешествие по Азербайджану» зрители с помощью просмотра видеороликов знакомятся с красивыми уголками Азербайджана.

Очередной видеоролик посвящен городу республиканского значения Сумгайыту. Здесь же содержится информация о двух больших поселках: поселке Джорат и поселке Гаджи Зейналабдина Тагиева, территориально входящих в состав города Сумгайыта.

Видеоролик содержит интересные сведения об истории города, первые письменные упоминания об этом поселении.

Показ ролика начинается с упоминания первых создателей города, живущих и сейчас в родном городе. Среди них Мазахир Абдуллаев, Дадаш Дадашев, Аслан Османов, Гюльбахар Велиева, Замина Гасанова, Мустафа Салахов, Минаря Таирова, Офеля Бабаева, Ашраф Шафиев, Джафар Гулиев.

Здесь можно познакомиться с крупными промышленными объектами. Среди которых, сданная в эксплуатацию в 1941 году Сумгаыйтская ТЭЦ-1, а также Азербайджанский трубопрокатный завод (1947), пущенный в эксплуатацию в 2009 году Сумгайытский технологический парк и находящимся в его составе самым крупным предприятием – заводом электрического оборудования и многими другими современными промышленными предприятиями.

Сумгайытский химико-производственный парк был создан  Указом Президента Азербайджанской Республики Ильхама Алиева от 21 декабря 2011 года.

На видеоролике размещены фотографии парка культуры и отдыха им.Насими, парка Людвигшафен, муниципального парка, парка Гейдара Алиева, Аллеи шехидов. Особое место отведено приморскому бульвару – любимому месту отдыха сумгайытцев и гостей города.

Размещены также фото памятников выдающихся личностей Азербайджана, а исторические памятники, находящиеся в поселке Джорат придают ролику особую привлекательность и вызывают интерес зрителей.

Особое место выделено фотографиям с связи с празднованием 70-летнего юбилея города.

На видеоролике звучит песня «Сумгайыт» в исполнении Народного артиста, оперного певца Лютфияра Иманова.

Видеоролик размещен на линке https://www.youtube.com/watch?v=zsAagGZiqBc

Следует отметить, чтобы сделать видеоролик доступным маленьким зрителям он размещен на странице Facebook «Китабсевяр ушаглар» («Дети-книголюбы») и на одноименном канале YouTube.

Цикл виртуальных путешествий продолжается.

Kitabxana tərəfindən Sumqayıt şəhərinə virtual tur təşkil olundu

verdiyimiz kimi, Bakı şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin (MKS) M.Ş.Vazeh adına Mərkəzi Kitabxanası “Ölkəmizi tanıyaq” layihəsini davamlığını təmin edir. “Vətənimizə virtual səyahət” layihəsi ilə karantin rejimində olan Azərbaycanın gözəl guşələri silsilə videoçarxlar vasitəsi ilə tanıdılır.

Növbəti videoçarx respublika əhəmiyyətli şəhər olan Sumqayıt haqqındadır. Videoçarxda Sumqayıt şəhərinin tərkibində olan Corat və Hacı Zeynalabdin qəsəbələri əks olunmuş, şəhərlə bağlı ilk yazılı məlumat izləyicilərə çatdırılmış, şəhərin tarixi və aparılan tədqiqatlar haqqında ümümi məlumatlar verilmişdir.

Videoçarxda Sumqayıt şəhərinin ilk qurucuları arasında – Məzahir Abdullayev, Dadaş Dadaşov, Aslan Osmanov, Gülbahar Vəliyeva, Zəminə Həsənova, “Şöhrət” ordeni ilə təltif olunmuş Mustafa Salahov, Minarə Tahirova, Ofelya Babayeva, Əşrəf Şəfiyev, Cəfər Quliyev kimi ziyalılar haqqında qısa məlumatlar fotolarla əks olunmuşdur.

Videoçarxı izləyənlər şəhərdə yerləşən istehsalat və sənaye müəssisələri ilə bağlı maraqlı məlumatlar əldə edə bilərlər. Həmin müəssisələrə 1941-ci ildə istismara verilmiş “Sumqayıt İstilik Elektrik Müəssisəsi-1”, Azərbaycan Boruyayma Zavodu (1947), 2009-cu ildə salınmış Sumqayıt Texnologiyalar Parkı (STP) və tərkibində ən böyük müəssisələrdən biri olan Elektrik Avadanlıqlar Zavodu (EAZ), Mexaniki Emal zavodu, Qaynaq Quraşdırma Zavodu, STP-nin Alüminium və Mis Profilləri Zavodu (2014), “Alyans Tekstil” MMC şirkəti, metaltökmə və emal sahələri üzrə fəaliyyət göstərən “Aztexnolayn” MMC-nin Texniki Avadanlıqları Zavodu, “Bismak” zavodu (2004) və s. daxildir.

Videoçarxda Azərbaycan Respublikasının Prezidenti İlham Əliyevin 2011-ci il 21 dekabr tarixli Fərmanı ilə Sumqayıt Kimya Sənaye Parkının yaradılması da qeyd edilmişdir.

Nəsimi adına Mədəniyyət və İstirahət Parkı, Şəhidlər Xiyabanı, Lüdviqshafın parkı, Bələdiyyə parkı, Heydər Parkı, Sumqayıt Bulvarı fotolarda əks olunmuşdur.

Videoçarxda Azərbaycan tarixi üçün böyük əhəmiyyət kəsb edən görkəmli şəxsiyyətlərin abidələri və heykəllərinin fotoları verilmişdir, Corat qəsəbəsində yerləşən tarixi abidələrə aid fotolar isə videoçarxa xüsusi bir rəng qatmışdır.

Videoçarx Sumqayıtın 70 illik yubileyi ilə əlaqədar maraqlı tədbirlərin fotoları ilə davam edir.

Videoçarxda xalq artisti, opera müğənnisi Lütfiyar İmanovun “Sumqayıt” mahnısı səsləndirilmişdir.

Sumqayıt videoçarxını aşağıdakı linkdə izləyə bilərsiniz: https://www.youtube.com/watch?v=zsAagGZiqBc

Qeyd edək ki,  “Vətənimizə virtual səyahət” adlı layihəyə daxil olan videoçarxlar “Kitabsevər uşaqlar” Facebook səhifəsində və YouTube kanalında da yerləşdirilib.

Videoçarxlar silsilə şəklində davam edir.

Ədəbiyyatşünas-alim Vüqar Əhməd “Ziyadar” Mükafatına layiq görülüb

“Cəhaləti aradan qaldırmaq uğrunda hər bir addımı dəstəkləyirik!” devizi ilə fəaliyyətini uğurla davam etdirən “Yazarlar.az” saytı tərəfindən AMEA-nın Nizami Gəncəvi adına Ədəbiyyat İnstitutunun Mətbuat tarixi və publisistika şöbəsinin müdiri, filologiya elmləri doktoru, professor, yazıçı-publisist Vüqar Əhməd “Koroğlu” romanına görə “Ziyadar” Mükafatına layiq görülüb. Kitabın “Ön söz”ünün müəllifi AMEA Folklor İnstitutunun Mifologiya şöbəsinin müdiri, filologiya elmləri doktoru, professor Seyfəddin Rzasoydur. Bədii əsərin rəyçisi “Ədəbiyyatşünaslıq plyus” Yaradıcılıq Birliyinin sədri, filologiya üzrə fəlsəfə doktoru Zəkulla Bayramlı, redaktoru isə Mətbuat tarixi və publisistika şöbəsinin kiçik elmi işçisi, Azərbaycan Jurnalistlər Birliyi Sumqayıt şəhər təşkilatının Gündəlik Analitik İnformasiya Agentliyinin (gundelik.info) və Azərbaycanın Mədəniyyət və Ədəbiyyat Portalının (edebiyyat-az.com) “Publisistika” şöbəsinin redaktoru, Təhminə Vəliyevadır.

Tarixi mövzuda qələmə alınan əsər “Ecoprint” nəşriyyatında çap olunub. 352 səhifədən ibarət əsər müəllifin 4-cü romanıdır.

Yağmur ƏSMƏRSOY.”Nə şəklim var”

This image has an empty alt attribute; its file name is 91867555_103574201312333_636146783239536640_n.jpg

Azərbaycan Jurnalistlər Birliyi Sumqayıt şəhər təşkilatının Gündəlik Analitik İnformasiya Agentliyinin və Azərbaycanın Mədəniyyət və Ədəbiyyat Portalının Bakı Bürosunun Rəhbəri

Nə şəklim var,
Nə də şəkil çəkdirməyi sevdim.
Qapısı açılmamış
Evdim…
Gələnim getdi,
Gedənim qayıtmadı.
Varmıdır gedişlərin
Bir adı.
Bəlkə də hə
Bəlkə də yox,
Şəkil çəkdirənlərdən olmadıq
Yol aldıq yürüdük gedənlərdən olduq.

02.05.2020

Şəfa VƏLİYEVA.”Epidemiyada darıxan qoca ” (Hekayə)

“Gənc Ədiblər Məktəbi”nin müdavimi, Azərbaycan Yazıçılar Birliyi Gənclər Şurasının və Azərbaycan Jurnalistlər Birliyinin üzvü, Azərbaycanın Mədəniyyət və Ədəbiyyat Portalının Baş məsləhətçisi, Prezident təqaüdçüsü, Gənclər müfakatçısı

Bahar bu il daha gözəl gəlmişdi…  Ağaclar yaşıl yarpaqlarını, ağ, çəhrayı çiçəklərini üzlərinə rübənd edib xəfifcə gülümsəyirdilər.
 

Günəş işıqlarının gur qəhqəhələri otağın pəncərəsindən içəri təpilir, masanın küncünü, yerə sərilən xalçanın solğun saçaqlarını, qocanın çəliyinin ucundakı kiçik dəmir parçasını qıdıqlayırdı. Qoca divanda uzanıb mütəkkəni başının altına qoymuşdu. Gözucu çəliyinin qıdıqlanmasına baxır, min fikrə düşürdü. O, yaşadığı ömrün  səksən səkkizinci  baharını belə qarşılamağı heç ağlına da gətirməzdi. 


Hələ ötən il özünə söz vermişdi ki, səkkizlər qoşalaşan  baharda  kəndə gedəcək, əvvəlcə ata-anasının, sonra da iyirmi ildi onu bu dünyanın  su tutmaz üzündə tək qoyan üzüdönmüşünün məzarına baş çəkəcək, elə qəbristanlığın üst tərəfindəcə bitən nərgizlərdən bir ovuc yığacaq, “İmdad qayası”nın dibində oturacaq, çəliyini  də yanına uzadacaq, üzü kəndə baxa-baxa o nərgizlərin çiçəklərinin arxasındakı yumrucuqları yeyəcək…  Bir ildi hər dəfə bu haqda fikirləşəndə ağzında qalan  iki tək-bir cüt dişinin ucunda qəribə göynərti duyurdu.  Hiss edirdi ki, o, böyüdüyü kənd üçün, nərgiz yumrucuqları yemək üçün təkcə ürəyiylə, ruhuyla deyil, barmaqlarının ucunacan, dişlərinin dibinəcən darıxıb… Ömründə belə darıxmaq tanımamışdı. Hər şey üçün darıxmağı anbaan tanıyırdı;  sevmişdi, sevdiyi qonşu qızını ona verməmişdilər, sevdiyiyçün darıxmışdı. Bir gün  anlamışdı ki, bu darıxmaq onun sevgisi qədər güclü deyil, sevdiyini götürüb o kənddən çıxmışdı, darıxmağa ilk dəfə onda qələbə çalmışdı…


Sonra illər boyu ata-anasıyçün, kiçik qardaşıyçün darıxmışdı… Bu darxımaq sevdiyiyçün darıxmağa bənzəmirdi, həm də heç bənzəmirdi… İndi  onun ürəyindəki  göynəyə  gözlərinin acışığı da qarışırdı. Hərdən ümid edirdi ki, heç olmasa, bircə gilə gözlərindən yaş çıxsa, o acışıq da, o göynək də öləziyər, bir hovur dizlərini yerə qoyarlar. Amma, yox, bu darıxmaq “Diziaynalı pəhləvan”a dönürdü,  hər dəfəsində onu bir barmağıyla yenir,  vicdan dağının zirvəsinə qaldırır, ordan günah gölünün sahilinə tullayırdı.  Darıxmağa məğlub olandan sonra gözlərini sıxıb iki gilə yaş çıxarmağa da heyi qalmırdı… İlbəil gücsüzləşdiyini hiss edir, bir yandan da öz gücsüzlüyünə, bu dəfə “əlahəzrət darıxmağa” itaət etməyə məcbur qaldığına yanırdı. Bir gün sevdiyinin də onun kimi “darıxmağa kəniz olduğunu” anladı…  Canının bir parçası bildiyi sevdiyinin ürəyindəki nisgilin iki qatını öz ürəyinə yükləyəndə dərk etdi ki, baxışlarını onun baxışlarından yayındırır. Günbəgün bir-birindən gizlənən bəbəklər  onların xoşbəxtlik hilalının üzündəki ləkələrə bənzəyir, hilal iriləndikcə ləkə də böyüyürdü… Bir gün yenə darıxmağın onu günah gölünün sahilinə  tulladığı anlarda yapışmışdı sevdiyinin biləyindən, üz tutmuşdu avtovağzala…İki nəfərlik bilet və üzü kəndə gedən avtobusun çirkli pəncərəsindən görünən ala-boz çöllər…


Onlar kəndə çatanda axşam idi,  mal-qoyun örüşdən qayıdırdı, hamı kəndin girəcəyindəki “Lətifin bulağı”nın yanında toplaşmışdı. Avtobusu elə orda saxlatmışdı, sevdiyinin biləyindən bu dəfə daha ürəklə, daha cəsarətlə yapışıb çəkmişdi… Avtobusdan düşər-düşməz  özünü həmkəndlilərinə sarı atmışdı, hamını bir-bir qucaqlayıb bağrına basmışdı;  babasıyla qan düşməni olan Xanbaba kişini də, nənəsinin kəlağayısının ucuna daş bağlayan Növrəstə arvadı da… Sevdalarına uluların yadigarı bu kəndi qurban edənləri  kənd camaatı sevinclə, gülüşlə qarşılamışdı.


Başını Xanbaba kişinin kürkünə söykəyə-söykəyə, üzünü Növrəstə arvadın güllü şalının saçaqlarına sürtə-sürtə bir də onda ayılmışdı ki, öz ata ocağının alaqapısına çatıb. Dizləri titrəmişdi, alaqapının yanında mal-qara üçün qoyulmuş yastı duz daşının üstündə oturmaq istəmişdi. Arxadan ovcunun içinə  ürkək barmaqlar təpiləndə anlamışdı ki, yox, bura qədər gəlib çıxandan sonra onun titrəməyə, döyüşün bu məqamında darıxmağa qələbə çalmadan qollarını yanına salmağa haqqı yoxdur… Həm də sevdiyinin barmaqları belə ürkəkcəsinə onun ovcunun içində tərləyərkən heç yoxdur… Bir əlli sevdiyinin əlindən yapışmışdı, o biri əliylə alaqapını itələyib qəti addımlarla həyətə girmişdi.  Tövlədən çıxan atasıyla əldamından çıxan anası toqquşmuşdu, əvvəl bir-birlərinə, sonra da təəccüblə qarşılarında dayanmış oğullarına baxmışdılar. Qəfildən atası üzünü çəpərin o tayına tutub haraylamışdı:


– Quda, ay quda! Gözümüz aydın, qaçaqlar gəlib!


Çəpərin o tayından sevdiyinin atasının səsi daha gur eşidilmişdi:


– Ayə, mən quzunu kəsim, sən manqalı qala!


Özünü atasının üstünə atmışdı, bir əliylə onun çiynini qucaqlayarkən bir əliylə sevdiyinin əlini anasının önlüyünün cibinə salmışdı. Başı atasının sinəsində dəli bir hönkürtü çıxmışdı ürəyindən… O hönkürtü  selə dönüb axmış,  darıxmağı qabağına qatıb onun ruhundan  çıxarmış, uzaqlara, hələ heç kimin adını qoya bilmədiyi o uzaq diyara qovmuşdu…


Ondan sonra darıxmaq onunçün “suyun başında oturan əjdaha” olmamışdı. Hərdən-hərdən, şəhərin səs-küyü içində qulağına bir quzu mələrtisi gələndə, bazarda qaloşların qiyməti düşəndə, mağazada kartofu kiloyla alanda darıxmışdı kəndli ömrü üçün… Bu darıxmağın başına daş salmağı yaxşı bilirdi, həmin günün sabahı sevdiyiylə yan-yana avtovağzaldakı kassanın qabağında bitirdi… Və onların darıxmağı  kənddə keçirdikləri ilk axşamdaca quzuların mələrtisində, dayçaların kişnərtisində itirdi…


-Uşağımız olmayacaqmı? –demişdi bir dəfə sevdiyi  sözlərinə yarınisgil, yarıümid  qataraq.


– Allah bilir… – deyə cavab vermişdi sevdiyinə…


Bir də onda anlamışdı ki, darıxmaq yenə “əlahəzrətə” dönür sevdiyinin ürəyində, bu dəfə hökmünün sonsuz  olacağına əmindir özü də… Ürəyində darıxmağı çox qınamışdı, söymüşdü; “kişisən, mənimlə cəngə çıx, sevdiyimə dəymə!”-demişdi,  sonunda bu mübarizədə aciz olduğunu dərk etmişdi…  Sevdiyi  bala üçün darxıdıqca, o,  sevdiyinin gözlərinin içinə daha uzun-uzun baxmağı,  duyğularını bu gözlərdə azdırmağı, beləcə, ona darıxmağı unutdurmağı öyrənmişdi…  Sevdiyinə darıxmağı unutdurduğu anlarda özünü cəngavər sanırdı… Ürəyinin dərinliyində isə artıq qəbul etmişdi ki, darıxmaq mərd düşmən deyil… Bu gün boy göstərməsə də, sabah yeni həmlələriylə birotaqlı evlərinin içində at oynadacaq; kitab rəfində  “Dünya uşaq ədəbiyyatı” seriyasından bir kitab artacaq, tikiş maşınının yanında  uşaq önlüyünün eskizləri peyda olacaq, ya da sevdiyinin paltosunun cibindən üstündə uşaq şəkli olan  təqvim çıxacaq… Beləcə, o, darxımağın bu yönünü də tanımışdı… Tanıdıqca,  çiyinləri bükülür, saçında bir tel daha ağarır, barmaqlarının ucunun dərisi bir az da sərtləşirdi… O, sevdiyini darıxmağa uduzurdu…


… İyirmi il əvvəl darıxmaq sevdiyini onun ömrünün naxışlarından sökmüş, əcəlin əriş-arğacına qatmışdı… İyirmi il idi ki, “sevdiyim” deyə başladığı cümlələri  “üzüdönmüş”lə başlayırdı… Qəribədi ki, iyirmi ildə bir dəfə də olsun üzüdönmüş üçün darıxmamışdı… Darıxmaq sevdiyini aparandan bəri qoca heç nəyə toxunmamışdı, dəhlizdəki asılqanda boynu tozlanan qəhvəyi paltonun cibindəki uşaq şəkilli təqvim də olduğu kimi dururdu, tikiş maşınının siyirməsindəki önlük eskizləri də…   Saçağı sökülən mütəkkənin rəngi getmiş üzü də iyirmi il idi ki, dəyişdirilmirdi,  qoca başını bu mütəkkəyə söykəyəndə  ilk dəfə  yaxasını darıxmağa tanıdan  qonşu qızının mehrini hiss edir, gülümsəyir: “Gör nətərdi sevdiyinçün darıxmaq, ay üzüdönmüş? Mən gələnədək darıx o qəbristanlıqda….”- deyə  pıçıldayırdı…


İndi, ömür nəğməsinin səksən səkkizinci sətrində qoca yaman darıxırdı… Hər gün ürəyi atlanır, gödəkçəsinin cibindəki pullarını, sənədlərini yoxlayır: “Bu gün deyəcəklər, daha virus yoxdu, bu gün deyəcəklər…”- deyə-deyə radionu açır, “Xəbərlər” proqramı başlayanacan  qışda endirimlə aldığı təzə ayaqqabılarını cidd-cəhdlə geyinməyə çalışırdı. Ayaqqabısının bir tayını geyinib o biri tayına çatanacan aparıcı qızın səsi evə yayılırdı:


– Bu gün də  dünyada koronavirusa yoluxanların sayı artdı. “Evdə qal-sağlam qal” şüarına əməl edərək, özünüzü qoruyun. Xüsusən,  altmış beş yaşdan yuxarılar, unutmayın, eviniz sizin qalanızdır…


Ardınca da “Bu qala bizim qala…” mahnısı səslənirdi… Qocanın əlləri boşalır, geyindiyi ayaqqabısına baxır, geyinmədiyi ayaqqabısına əyilmiş barmaqlarıyla sığal çəkir, sanki onu təsəlli etməyə çalışırmış kimi pıçıldayırdı: “Darıxma, yəqin sabah səni də geyinərəm…”  Ayaqqabısını, gödəkçəsini dəhlizdə rahatlayandan sonra bir müddət üzüdönmüşün  paltosuna baxır, asta-asta  otağa qayıdırdı. Çəliyini divanın ayaq tərəfinə söykəyir, başını mütəkkəyə əmanət edir, qonşu qızın mehriylə xumarlanırdı…


Heç ağlına da gətirməzdi ki,  səksən səkkizinci baharı belə-əli bir ağaca dəymədən, ayağını bir daş incitmədən, üzüdönmüşün məzarına baş çəkmədən qarşılayacaq… Desəydilər, inanmazdı ki, ömrünün bu vaxtında dişlərinin dibinəcən nərgiz yumrucuqları üçün darıxacaq… Qat-qat kitablardan oxusaydı, gülüb keçərdi ki, bu bahar şəhər bazarında quzuqulağı, quzuqarnı, yemlik, gicitkən satılmayacaq, o da hərəsindən bir manatlıq alıb özünə kənd süfrəsi açmayacaq…


… Günəşin qəhqəsiylə qıdıqlanan çəliyinə baxa-baxa qocanı heyrət bürüyürdü…  Ona elə gəlirdi ki, indiyədək günəş heç vaxt belə ürəkdən gülməyib, ağaclar belə nazlanmayıb,  quşlar belə qəşəng oxumayıb…  Qoca yavaş-yavaş durub pəncərənin qarşısına keçdi, açıq pəncərədən eşiyə boylandı. Yaxınlıqdakı xəstəxananın həyətində dayanan təcili tibbi yardım maşınından bir xəstə düşürürdülər.  Xüsusi geyimli tibb işçilərinin təkcə gözləri görünürdü. Qocanın ürəyi  sıxıldı… Əli çatsaydı, o tibb işçilərinin hamısının üzündəki maskanı cırıb atar, onları ətrafa  baxmağa məcbur edərdi. Haray çəkərdi ki: “Başınızı qaldırın, bir ətrafa baxın, görün nə gözəldi ağaclar… Nə gözəldi gün işığı…”  Boğazını arıtlayıb fikrindəkiləri ucadan demək istədi. Elə bu vaxt tibb işçilərindən biri ona baxıb əl elədi. Qoca duruxdu… Ürəyində tibb işçilərinin dərdinə yandı… Yandığı dərd kösöv-kösöv közərdikcə ilin-günün bu vaxtında canını, ruhunu  həyat ağacının köklərinə şirə edən tibb işçilərinə ürəyində həsəd apardı… Qəhərini dodaqlarına yığıb  köksünü ötürdü… Sonra gülümsədi… Damarları çıxmış əllərini  havaya qaldırıb yellədi, gözlərindən axan iki damla yaşı  bahar nəsimi yalayıb keçdi… Səsi titrəsə də qoca ürəyindəkiləri dilinə gətirməkdən utanmadı:


-Mən sizinçün darıxmışam, ay adamlar! –deyə  gücü çatdıqca bağırdı…


Az keçmədi ki, qocanın yaşadığı binanın bütün pəncərələri  bircə-bircə açıldı, quşların cəh-cəhinə qadın-kişi gülüşləri, uşaq ağlamaları qarışdıqca qocanın gözlərində axan yaşlar çoxalır, əllərinin titrəməsi artırdı…  İndi qoca üçün darıxmağın bir adı nərgizgülü yumrucuğuydusa, bir adı da baharı yaşamaq idi… Bu il bahar daha gözəl gəlmişdi…


2020, aprel

Şəfa VƏLİYEVA.”Dost, sənin pəncərənə”

“Gənc Ədiblər Məktəbi”nin müdavimi, Azərbaycan Yazıçılar Birliyi Gənclər Şurasının və Azərbaycan Jurnalistlər Birliyinin üzvü, Azərbaycanın Mədəniyyət və Ədəbiyyat Portalının Baş məsləhətçisi, Prezident təqaüdçüsü, Gənclər müfakatçısı

Əntiqə Kərimzadə üçün …

dost, sənin pəncərənə
günəş rəsm çəkmədi?
bu yaz da baxışların
eşq adlı gül əkmədi?

dost, biz də itirmişik
bizi itirənləri…
ölümünə sevmişik
eşqi bitirənləri…

mənəm də…
bildiyin kimi…
ara-sıra yazıram…
qoyub getdiyin kimi;
sevdalarda azıram…

gəlmək keçsə könlündən
yandır xatirələri…
unutma ki, Gəncədə
bir qız sevir külləri..

2018

Şəfa EYVAZ.”Çağırış”

Təhsil Problemləri İnstitutunun Kurikulum Mərkəzinin böyük elmi işçisi, Azərbaycan Dövlət Pedaqoji Universitetinin müəllimi, Azərbaycanın Mədəniyyət və Ədəbiyyat Portalının Məsul katibi


Ay mənim ömrümün saat əqrəbi,
Yaman tez keçirsən ömrümdən, yaman.
Günlər əvəzləyir biri-birini
Nə sən qayıdırsan, nə durur zaman.

Ay mənim ömrümün yaralı yeri,
Qaysaq tutmağına varmı bir güman?
Kimsə söyləməsin unudum səni,
Kimsə toxunmasın yarama, aman.

Ay mənim ömrümün günəş sevgisi,
Nə qədər sürəcək bu zülmət duman?
Ay xəstə adamın son təsəllisi,
Gəl, qayıt sevinsin bu tənha liman.

Şəfa EYVAZ.”Bizim fərqimiz”

Təhsil Problemləri İnstitutunun Kurikulum Mərkəzinin böyük elmi işçisi, Azərbaycan Dövlət Pedaqoji Universitetinin müəllimi, Azərbaycanın Mədəniyyət və Ədəbiyyat Portalının Məsul katibi

Bilmirəm bəlkə də bir gün
səni unudacağam,
Ancaq içimdə ölən duyğularım bir də göyərməyəcək.
Sən uzaqda – göylərin, lap dərinliyində
parlayan bir ulduzsan
Mənsə o ulduza həsrətlə baxan
bir qızam.
Sən göydən məhəbbətlə enən
qar dənəciyi,
Mən onu əlimdə saxlamağa çalışan uşaq.
Sən məndən uzaqda yaşanmış keçmiş,
Mən hələ yaşanacaq gələcəyəm.
Bizi bir-birimizdən indi ayırır.
Sevgilim,imkansız oldu sevgimiz,
Ya çox uşaq olduq,
ya da çox böyük,
Doya-doya yaşamadıq onu biz
Doya-doya yaşamadıq onu biz…

Şəfa EYVAZ.”Səssiz bir sükutla bağırır gecə”

Təhsil Problemləri İnstitutunun Kurikulum Mərkəzinin böyük elmi işçisi, Azərbaycan Dövlət Pedaqoji Universitetinin müəllimi, Azərbaycanın Mədəniyyət və Ədəbiyyat Portalının Məsul katibi

***
Səssiz bir sükutla bağırır gecə,
Saat əqrəbləri çalır ömrümü.
Çiy palçıq zənn edir məni bu dünya,
Gündə bir qəlibə salır ömrümü.

Alır verdiyini gözüm doymamış,
Bükür göy əskiyə bəyaz günümü.
Bəzən də aldadır saf uşaq kimi,
Ovcunun içinə alır ömrümü.

“Koroğlu” romanı çapdan çıxıb

AMEA-nın Nizami Gəncəvi adına Ədəbiyyat İnstitutunun Mətbuat tarixi və publisistika şöbəsinin müdiri, filologiya elmləri doktoru, professor, yazıçı-publisist Vüqar Əhmədin “Koroğlu” romanı çap olunub.
İnstitutdan AZƏRTAC-a bildirilib ki, kitabın “Ön söz”ünün müəllifi AMEA Folklor İnstitutunun Mifologiya şöbəsinin müdiri, filologiya elmləri doktoru, professor Seyfəddin Rzasoydur. Bədii əsərin rəyçisi “Ədəbiyyatşünaslıq plyus” Yaradıcılıq Birliyinin sədri, filologiya üzrə fəlsəfə doktoru Zəkulla Bayramlı, redaktoru isə Mətbuat tarixi və publisistika şöbəsinin kiçik elmi işçisi Təhminə Vəliyevadır.
Tarixi mövzuda qələmə alınan əsər “Ecoprint” nəşriyyatında çap olunub. 352 səhifədən ibarət əsər müəllifin 4-cü romanıdır.
Mənbə:https://azertag.az

SEVGI BOYDA GƏNCƏ – GƏNCƏ BOYDA SEVGI

(Mikayıl Yanarın “Gəncənin dastanı” kitabı barədə…)

Çətinliklər gördün, yaşadın dözdün,

Əcnəbi adları daşıdın, bezdin,

Dahi Nizamıylə dünyanı gəzdin,

Göstərdin özünü cahana, Gəncəm!

Doğmasan, əzizsən, ey ana Gəncəm!

Mikayıl Yanarın çinarlar şəhəri, Nizami yurdu, İmamhüseyn ocağı –  Gəncəyə olan sevgisi Gəncənin yaşı qədər ulu, Gəncənin boyu qədər ucadır. Bu sevgi zaman-zaman doğuldu – Nizami, Məhsəti, Cavad xan, Hadi, Qəmbər Hüseynli, Fikrət Əmirov… zirvəsində boy atdı, bütün gəncəlilər kimi Mikayıl Yanarın da köksünü qabartdı.

Mikayıl Yanar Gəncədə doğulmasa da (Tovuz rayonunun Qovlar qəsəbəsində dünyaya gəlib), Vətən hərarəti, Vətən sevgisinin məhz Gəncədən rişələndiyinə inandı, bu sevgiyə tapındı. Və onun Vətənə olan sevgisi qafiyələndi, misra-misra cilalandı, bənd-bənd sıralandı, qoşmaya, gərayılıya, dastana çevrildi. Qarşımdakı kitab – “Gəncənin dastanı”  (Bakı, “Azərnəşr” 2018. İkinci kitab, 488 səh.) sadaladıqlarımın bariz örnəyidir. Kitabın redaktoru və önsöz müəllifi filologiya elmləri doktoru, şair İslam Sadıqdır.  ““Gəncənin dastanı” kimi irihəcmli əsəri Mikayıl Yanara Gəncə sevgisi yazdırmışdır. İnsanı bu qədər ağır iş görməyə yalnız böyük sevgi ruhlandıra bilərdi. … Bəli, Gəncə Mikayıl Yanarı özünə məftun eləyib, şair Gəncənin dəli-divanəsidir. ”, deyərək, kitaba xeyir-dua da verdi İslam Sadıq.

Çox nəfis tərtibatla işıq üzü görən kitab 16 bölümdən ibarətdir, hər bir bölümdə Gəncənin ulu tarixinin onurlu səhifələrindən və Gəncədən başlayaraq dünyaya səs salan ziya yolçularından söhbət açılır.

“Nəhəng muzeyisən Azərbaycanın” – bu bölümdə müəllif tarix boyunca Gəncənin keçdiyi çətin sınaqlardan, yadellilərin qədim şəhərin sinəsinə çəkdiyi çalın-çarpaz dağlardan söz açır:

Yelizavetpol oldun, ancaq yenə də,

Gəncə çağırdılar səni hər yerdə.

Və yaxud:

Kirovabad dağı çəkildi sənə,

Sinənə min ağrı töküldü yenə.

Lakin Gəncənin bədii obrazı təkcə ağrılarla qələmə alınmır, musiqi kimi notdan-nota düşərək səsli peyzaj yaradır, şən nəğmələr oxuyur,

Xan çınarlar tamaşadır, tamaşa,

Çöl-çəməni bəzənib al-qumaşa.

Laləsi, nərgizi çıxıb yarışa,

Ana təbiətin yazıdır Gəncə!

Yaxud:

Kəpəzə, Qoşqara tapılmaz əvəz,

Xaşbulaq yaylağı heç ələ düşməz…

WhatsApp Image 2020-02-18 at 14.27.18 (1)

– oxucu ruhuna sığal çəkir, oxucunun sinəsini onurla doldurur, çəngə çevrilib, cəngiyə səsləyir.  Bu fərəhdən “Nizami məqbərəsi” qüdrətiylə güclənən, tarixin aynasında Şeyx Nizamini olduğu kimi – uca, məğrur, övliya –  göstərməyə çalışan “Nizami muzeyi”nin də sinəsi qabarır:

Keçmişimin payıdır,

Bizim Gəncə muzeyi

Burda daşlar dil açır,

Danışır hər qonaqla.

və bu boy, Nizaminin nəhəng misrası, Gəncə çayının boyu qədər uzundur:

Ulu torpsğımın öz misrasıdır,

Onunla bağlıdır çox xatirələr.

Nizaminin nəhəng bir misrasıbır,

Uzanıb Kəpəzdən düz kürə qədər… (Gəncə çayı).

Cavad xanın döyüşlərdən macal tapanda sığındığı Xan bağı, bu bağda hərəsi bir çiçək olan (“Hərəsi bir çiçəkdir, Gəncəmizin qızları” Mikayıl Y.), “büzməli, qat-qat tuman, Ləbbadə, başmaq, kəmər” donlu Gəncə qızları, Gəncənin tarixi məhlələri (Bağmanlar, Todanlı, Şərəfxanlı, Qırıxlı…), yeniləşən Gəncə (Yeni Gəncə, Gülüstan qəsəbəsi), Gəncə xalısında xınalı əllərin izi, Gəncə ipəyində tirməli tellərin nazı, Gəncənin çini qablarında qədim soy-kökümüzün şirin ləhcəsi, sözü işıqlanaraq bədii portretlərin albomuna – “Gəncənin dastanı”na köçdü. Yeri Gəlmişkən, qeyd edim ki, bu bədii portretlərin arasında fotolar da yer alıb ki, oxucu sözün sehrində nağıllaşan Gəncəni gözlə də görmək imkanı qazanır.

Bu kitab sevgiylə yoğrulduğuna görə, vətəni vətən edənlərin heç biri bu sevgidən kənarda qalmadı, Mikayıl Yanar ürəyindən sətirlərə hopdu. “İlahi sözün işığında” bölümündə Gəncənin söz adamları, “Elmdir alimin dövləti-varı”nda, ziyasıyla Gəncənin gözünə nur olan elm adamları, “Sözün qüdrətinə güvənənlər”də qələmiylə dağı-dağ üstünə qoyanlar, “Mətbuat həyatın güzgüsüdür”də tarix boyu gəncəlilərin haq səsini yayan mətbu orqanlar, Gəncənin qəhrəmanları, xeyriyyəçiləri, musiqiçilər, Gəncə folkloru, səhnə adamları, İmamhüseyn şəhərinin dindarları, memarları, heykəltaraşları, sənət sahibləri, idmançıları o qədər dəqiqliklə sıralanıb ki, kitaba Gəncənin bədii ensiklopediyası desək, bəlkə də yanılmarıq.

Mikayıl Yanar tarixin səksən ilini geridə qoyub, doxsana yol başlayıb. Bu illər ərzində on bir irihəcmli şeir və poemalardan ibarət kitab (“Sabahımdan nigaranam”, “Dünyanın yalan üzü”, “Zəman duelə çağırır məni”, “Nəğməli ağaclar”, “Dağ Çayı”, “Ağ qartal”, “Gəncənin dastanı” (birinci cild), “Qədim Gəncə, Yeni Gəncə”, “Üzeyir dünyası”, “Gəncənin dastanı” (ikinci cild)),  saysız-hesabsız publisistik məqalələr müəllifi adını qazanıb.  Şairin “Üzeyir dünyası” adlı kitabına tənqidçi-ədəbiyyatşünas Vaqif Yusifli  belə dəyər verib: “Əlbəttə, müəllifin məqsədi heç də Üzeyir bəyin tərcümeyi-halını, ömür yolunu şeir vasitəsiylə oxucuya çatdırmaqdan ibarət olmayıb. Əsas məqsəd Üzeyir dünyasının-millətsevərliyin-azərbaycançılığın o dahi insanın həyat məramı kimi yaşantılarını, bir xalqın musiqi dünyasının  BÖYÜK DÜNYA ilə qovuşmasını təsvir etmək olub”.

Onu da deyim ki, “Üzeyir dünyası” gəncəlilər və kitabsevərlər arasında yaxşı mənada səs-küyə səbəb olmuşdu.

Mikayıl Yanar Azərbaycan Yazıçılar və Azərbaycan Jurnalistlər birliyinin, Azərbaycan Respublikası, Müharibə, Əmək, Silahlı qüvvələr, Mühafizə orqanları, Veteranlar Şurası və Azərbaycan Ağsaqqallar Şurası Gəncə şəhər təşkilatının plenium və idarə heyətinin üzvüdür. Yaradıcılığından əlavə pedaqoji fəaliyyəti ilə də adı Gəncənin dastanına yazılmağa layiq ziyalıdır. Uzun illər Azərbaycan Ədəbiyyatı və Azərbaycan dilindən dərs deyib, yetirmələrinin səsi yüksək mərtəbələrdən gəlir.

Gəncə ədəbi mühitində Mikayıl Yanarı tanımayan, sevməyən, ona hörmətlə yanaşmayan yoxdur. Mən də o gözəl ədəbi mühitin, sözü ucalarda tutan Gəncə yazarlarının fonunda tanımışam Mikayıl müəllimi. Şair mədəniyyəti, ədab-ərkanı, böyüklə böyük, kiçiklə kiçik olan mülayim xasiyyəti ilə mənə də sevdirib özünü. Lirik, axıcı şeirləri, səlist nitqi ilə Gəncənin ictimai tədbirlərində görünən Mikayıl Yanar bu gün də, bu ahıl çağında da el mərasimlərindən qalmır, ictimaiyyətdən ayrılmır.

Mikayıl Yanar yeni kitablar üzərində işləyir. Sevə-sevə bu yeni kitabları gözləyir,

Ay Gəncəm, gözümdə bir dağsan, bir dağ,

İlhamımın sınmaz qanadı sənsən.

Sirrindən, sehrindən olarmı doymaq,

Yazan qələmimin muradı sənsən!

qələmin daim yazsın, deyirik…

İradə Aytel

Coşqun XƏLİLOĞLU.”Təəssüf” (Hekayə)

    Telefon zəng çaldı. Dəstəyi götürdüm. Uzaqdan gələn səs zəif eşidilsə də, mənə tanış gəldi — Zakir idi. Salamını alıb, səninlə danışmaq istəmirəm, deyib dəstəyi yerinə qoydum.

Bərk əsəbləşdim. Yadıma beş-altı il bundan əvvəl başıma gələn əhvalat düşdü.

   …İşdən qayıdarkən poçtalyonla rastlaşdım.

  • Nə yaxşı oldu, elə sizə gedirdim — poçtalyon çantasından bir kağız çıxarıb — teleqramdı — dedi.

      Teleqramı aldım, tez oxumağa başladım “Səninlə hökmən görüşməliyəm. Məni görmək istəyirsənsə, təcili Moskvaya,  teleqramdakı ünvana gəl, Zakir”.

“Görəsən, əmioğluma nə olub?  Nə üçün belə teleqram vurub?”… Xəyal məni lap uşaqlıq illərinə apardı. Əmimgillə qonşu idik. Ağlım kəsəndən Zakirlə bir yerdə olmuş, necə deyərlər, bir yeyib, bir içmişdik. Eyni orta məktəbdə, eyni sinuidə oxuyurduq. Mən əlaçı idim və dərslərini hazırlamaqda Zakirə də kömək edirdim.

Orta məktəbi bitirəndə valideynlərimizin məsləhəti ilə hər ikimiz sənədlərimizi inşaat fakültəsinə verdik və qəbul olunduq. Qəbul imtahanlarından  yalnız  “əla” qiymət aldığıma görə məni qrup nümayəndəsi təyin etdilər. Tələbəlik dövründə də mən həmişə Zakirə kömək edirdim.

Təhsil illəri başa çatdı. Zakirlə birlikdə rayonlardan birindəki tikinti təşkilatına göndərildik. Orada da bir yerdə işləyir, eyni yataqxanada   yaşayırdıq. İkimiz də əmək fəaliyyətinə fəhlə kimi başladıq. Çox keçmədən məni usta vəzifəsinə keçirdilər. Həvəslə işləyir, seçdiyim ixtisasın incəliklərinə yiyələnməyə çalışırdım. Zakir isə işin ağırlığından gileylənir, çox yorulduğunu bəhanə edirdi. Ona təskinlik verir, “Səbr et, hər şey yaxşı olacaq” — deyirdim. Sözlərimi qulaqardına vuran Zakir işə elə laqeyd yanaşırdı ki, sanki onun  əvəzinə kimsə işləməlidir.

Növbəti müşavirələrin birində idarənin rəisi məni təriflədi və sahə rəisi vəzifəsinə keçirilməyim haqqında əmr verdi. Elə həmin yığıncaqda rəis Zakirin ünvanına tənqidi sözlər dedi və sonra üzünü ona tutaraq:

— Arifdən nümunə götür. İkiniz də işə bir gündə başlamısınız. Ona da bax, özünə də — səsini ucaltdı.

Rəisin sözlərindən əmioğlumun əvəzinə mən pərt oldum. İstəmirdim ki, Zakirin ünvanına bu qədər adamın içində xoşagəlməz sözlər deyilsin.

Yataqxanaya gəldik. O, çox qanıqara idi. Mən zarafat etdim, onun könlünü almağa çalışdım. Amma Zakir özünü elə aparırdı ki, guya onun danlanmağında mən günahkaram.

Mənim təkidimə baxmayaraq, əmioğlum bir neçə gündən sonra işdən çıxdı.

Bir müddətdən sonra onun sorağı  Qərbi Sibirdən gəldi.

İllər keçdi, mən işlədiyim idarənin rəisi vəzifəsinə kimi yüksəldim. Ailə qurdum, ev-eşik sahibi oldum. Bu müddətdə Zakirlə bircə dəfə, əmim vəfat edərkən görüşmüşdüm. O vaxt məlum oldu ki, Tümen vilayətində ticarətlə məşğul olur. Şəhər prokurorunun qızı ilə evlənib. Həyat yoldaşı həkimdir. Zakirin qeyri-millətin nümayəndəsi ilə ailə həyatı qurmasına təəssüflənsəm də, bu haqda ona heç nə demədim.

Əmimin vəfatının səkkizinci günü o, Tümenə qayıtdı. Yola düşərkən çox qəmgin və kədərli idi. Düşünürdüm ki, əmimin vəfatı ona pis təsir edib. “Əmidostumgilə görə  narahat olma. Biz buradayıq, nə lazım olsa,  kömək edəcəyik” — dedim.

Həmin vaxtdan Zakir rayona qayıtmamışdı. Bu müddətdə mənim işlədiyim idarə ləğv olunmuşdu. Ailəmi saxlamaq üçün kiçik bir mağaza açmışdım və burada alış-veriş edirdim. İxtisasım üzrə çalışmasam da, Allaha şükür edirdim ki, bir tikə çörəyə görə kiməsə möhtac deyiləm.

Teleqram məni çox narahat etdi. Əmioğluma nə olub, bəlkə, başında bir məcara var. İşin-gücün bu vədəsində Moskvaya gedib-qayıtmaq üçün “bir ətək” pul lazım olsa da, tərəddüd yeri deyildi.

Çətinliklə bilet tapdım və  ertəsi gün Moskvaya uça bildim. Ürəyimdən qara qanlar keçirdi. Yəqin, yazığın başında bir iş var… Yoxsa o, məni narahat etməz, — düşünürdüm.

       Təyyarədən düşüb birbaşa mehmanxanaya getdim. Qapını döydüm. Bircə dəqiqə keçməmiş qapı açıldı. Əmioğlumdu — Şükür Allaha, lap yaxşı görünür. Sevincimdən gözlərim yaşardı. Qucaqlaşdıq, öpüşdük.

       O, xidmətçi qadına qəhvə gətizdirdi. Oturub xeyli söhbət etdik. Zakir imkanlı kommersant olmuşdu. Moskvada və Tümendə mağazaları, yanacaqdoldurma məntəqələri, bir neçə yerdə evi var. Əmanət kitabçasındakı məbləği mənə göstərəndə əmioğlumun bu qədər pulu olduğuna sevindim. Sonra o, təzəcə aldığı “Mersedes” maşınının rahatlığından söz açdı. Mən onun uğurlarına şad olduğumu bildirdim.

        Zakir mənə suallar verib yaşayışımla, ailəmlə, işimlə maraqlandı. Mən onun suallarına  heç nəyi artırıb-əksiltmədən  cavab verdim.

        Gözləyirdim ki, Zakir mətləb üstünə tez gəlsin, nə lazımdırsa desin, məsləhətləşək və çıxış yolu tapaq.

        Birdən Zakir qəh-qəhə ilə güldü:

— Deməli, bir həsirsən, bir də Məmmədnəsir. Gördün ki, cücəni payızda sayarlar?  Bax mənim var-dövlətimə. Yadında saxla, həmişə sənin vəziyyətin yaxşı olub, indi isə mənim vəziyyətim səninkindən  yaxşıdır. Özü də qat-qat…

         Üzünə baxdım, hər rəngə çalırdı, gözlərindəki qeyri-adi parıltıdan sanki ilan zəhəri tökülürdü.

Özümü güclə toplayıb ayağa qalxdım:

     — Bəs,məni bura nə üçün çağırmısan?

  • Sənə səndən üstün olduğumu başa salmaq üçün.

   Həmin dəhşətli anlar məni necə də sarsıtdı. Hirsimdən az qaldım ki, dəli  olum. Tez-tələsik mehmanxananı tərk etdim. Elə həmin gün Bakıya qayıtdım. Bir neçə gün özümə gələ bilmədim. Əmioğlumun-doğma bir adamın nankorluğu məni çox sarsıtmışdı. Həmin vaxtdan nə qədər  keçsə də, Zakirin hərəkətini unuda bilmir, qəlbimdə ona qarşı  olan bütün yaxşı hislərin məhv olduğunu başa düşürəm. Amma təəssüf edirəm. Gərək belə olmayaydı.

Bir qrup ziyalı qadın ölkə başçısına təşəkkür məktubu ünvanladılar

2019-cu ilin dekabr ayından Çinin Mərkəzi Hubey əyalətinin Uhan şəhərində aşkar olunan və bu gün dünyanı öz cənginə alan Covid-19 koronavirus pandemiyasına artıq iki yüz ondan çox ölkədə milyonlarla insan yoluxmuş, yüz minlərlə insan isə həyatlarını itirmişlər. Ümumdünya Səhiyyə Təşkilatının təqdim etdiyi statistik rəqəmlər virusun günbəgün daha çox insan canı aldığını təsdiqləyir. 
Yeni tipli pnevmaniya Covid-19 ölkəmizin həyatındanda yan ötməmişdir. Lakin Azərbaycan Respublikasının Prezidenti cənab İlham Əliyevin və Birinci vitse-prezidentimiz Mehriban xanım Əliyevanın həyata keçirdikləri  uzaqgörən  qabaqlayıcı tədbirlər nəticəsində bu ağır bəla ölkəmizdə az fəsadla keçməkdədir. Virusun daha çox yaşlı nəsli öz cənginə aldığını nəzərə alaraq, bu qrup əhalinin xüsusi qayğı ilə əhatə olunması, altmış beş yaşdan yuxarı insanların ciddi təcrid etmə tədbirləri ilə qorunması, uşaq bağçası, bütün təhsil müəssisələrinin vaxtında karantinə bağlanması, aztəminatlı tələbələrin təhsil haqqının dövlət büdcəsindən ödənilməsi, aztəminatlı ailələrin müavinətlə,  ərzaq yardımları ilə təmin edilmələri, işləyən əhalinin ödənişli məzuniyyətə çıxarılması və görülmüş digər operativ, ardıcıl vacib tədbirlər bizim ölkəmizi dünyada bu virusla mübarizədə fərqləndirdi. Ölkə başçısı tərəfindən  atılan müdrik addımlar ölkəmizi az itki ilə sürətli yoluxmadan xilas etdi.
Artıq ölkə başçımızın bu sahədəki nümunəvi fəaliyyəti dünya liderləri və Ümumdünya Səhiyyə Təşkilatı, həmçinin xalqımız tərəfindən yüksək dəyərləndirilir. 
Ölkəmizin  bir qrup ziyalı qadınları cənab Prezidentin və Birinci vitse-prezidentin bu çətin karantin günlərində bir dəqiqə belə xalqdan uzaq olmamalarını, əhalimizə göstərdikləri ata, ana qayğılarını, dövlət və xalq arasındakı səmimi birliyi yüksək qiymətləndirərək onlara dərin hörmət, eyni zamanda səmimi minnətdarlıq hissi ilə öz təşəkkür məktublarını ünvanlayıblar.
Cənab Prezidentə və ölkənin Birinci vitse-prezidentinə ünvanlanan təşəkkür məktubunun mətni PDF formatında oxuculara təqdim edilir. 
http://yasamal.cls.az/front/files/libraries/81/documents/940202573.pdf
Təşəkkür məktubu “Vedibasar” qəzetinin bugünkü sayinda da dərc olunub.