Duman sıpər çəkir sən gedən yola,
Ağrısı, acısı sinəmdə qalır.
Əksin həsrətimlə gəzir qol-qola,
Yaxşı nəyimiz var dünəndə qalır.

Sən gedən yollarda səbrim daralır,
Gözlərim şehlənir yol gözləməkdən.
Əsəbim yolları gözümdən salır,
Özümdən bezirəm özüm də bəzən.

Özümdən qaçıram özüm olunca,
Qapına gəlməyə üzümdə gəlmir.
Həsrətin əlində gözüm oyuncaq,
Yollardan yığışıb gözüm də gəlmir.

Sən məni tərk edib getdiyin gündən
Yollar qənşərimə əliboş çıxır.
Sözüm dərd üyüdür…Özüm bu gün də
Hara əl atıram, əlim boş çıxır.

Həsrətdən alışır yolların üzü,
Od tutub yanıram hey için-için.
Necə bu yollardan əlimi üzüm-
Gözümün söz yaşın bu yollar içir…

Bir də görəcəkmi gözlərim səni,
Bir də güləcəkmi baxışlarımız.
Gecə də, gündüz də gözlərəm səni
Təki- çiçəkləsin eşq baharımız!

Həyat dostun olsa sənin ürəyin
hara getsən sanma dogru gedirsən
gözlərinlə görmədiyin mələyin
sanki görüb günü-gündən sevirsən…

Heç bilmirsən içindəki şeytanın
dərdi nədir sənlə uzun yoldasan
qəlbindəki bəslədiyin insanın
yaratdığı ən məşhur əsərisən…

Barmaq deyil əldir səni gəzdirən
yetər ki sən bu dünyadan incimə
bu həyatda səni daim bezdirən
şərik olur duyduğun sevincinə…

Kaş muradım sən olaydın ay Fidan!
ruhum sənin mələyinlə bəzənsin
gecə-gündüz sevib səni hər zaman
ruhum sənlə öz dünyamda gəzinsin…

Səhərin açılmasına hələ çox qalmışdı. Hava çox soyuq idi. Dünəndən bəri aramsız yağan qar hər tərəfi ağ örpəyə bürümüşdü. Fərəc kişi əllərində tutduğu ağır zənbillərlə küçəni üzü yuxarı qalxırdı. Qış tətilini başa vurmuş qızı Aytacı yenidən rayondan Bakıya kirayə qaldığı mənzilə aparırdı. Əllərində əlcək olmadığından arabir dayanır, zənbilləri yerə qoyaraq barmaqlarını ovuşdurur, sonra yenidən yoluna davam edirdi. Qar dənəcikləri sürətlə üzünə çırpılaraq onun yeriməsini çətinləşdirirdi. Tez-tez çevrilərək özündən bir-iki addım arxada addımlayan qızına nəzər yetirirdi. Övladının üşüdüyünü düşünürdü. O, bir anlıq dayanaraq Aytacın əlindəki balaca zənbili də öz əlinə aldı və bərk – bərk tapşırdı: “Əllərini paltonun cibinə sal. Evə çatana kimi çıxarma. Barmağların dona bilər”.

Yol uzandıqca zənbillər onun soyuqdan donmuş barmağlarını bıçaq kimi kəsirdi. Barmağları keyimişdi. Fərəc kişi bunların fərqinə varmadan düşünə-düşünə qürurla yoluna davam edirdi. Aytac bu il ali məktəbi bitirirdi. Müəllim olacaqdı. Atasının davamçısı olduğu üçün qızını ürəyində alqışlayırdı.

Mədəsində kəskin ağrılar vardı. Neçə saat idi ki, ac idi. Avtobus yolda yeməkxananın yanında saxlayanda qızına yemək üçün müəyyən şeylər almışdı. Özü üçün xəsislik etmişdi. Qızına kirayə ev üçün pul, əlavə aylıq cib xərcliyi verməliydi. Özlüyündə puluna qənaət etmiş olurdu. O yeməsə də olardı. Təki qızı ac qalmasın. Aytac yeyərkən nə qədər israr etsə də, “toxam” deyib heç nəyə əl vurmamışdı. “Qoy balam doyunca yesin”- deyib aclığını biruzə verməmişdi.

Qızı başını onun qollarına söykəyərək yuxulamış, o isə onu oyatmamaqdan ötrü səhərə kimi qolunu tərpətməmişdi.

Yol yorğunluğu bir yandan, soyuq da bir yandan….

Mənzil başına çatanda Fərəc kişi taqətdən düşdüyünü hiss etdi. Qızı qapını açan kimi özünü güclə içəri saldı və sobanın yanındakı kresloda əyləşdi. Bir anlıq gözləri qaraldı. Aytac sobanı yandırıb arxaya çevriləndə atasının bənizinin ağardığını, halsız olduğunu gördü. Göz yaşlarının saxlaya bilmədi. Aytac özünü itirməyərək cəld isti su gətirərək atasının ayaqlarını suya qoydu. Yun adyal ilə onu bürüdü. Atasının soyuqdan donmuş barmağlarını əllərinin içinə alaraq ehmalca ovuşdurmağa başladı. Barmağlar soyuqdan qıp-qırmızı qızarmışdı. Bir az keçdikdən sonra isti suyun təsirindən barmağlar sanki canlanmağa başladı. Fərəc kişi qızının canfəşanlıqla onun əlini ovxalamasını görərək kövrəldi. Atasının özünə gəldiyini görən Aytac “Ata, elə bildim soyuqdan donmusan, barmağların bükülmürdü, sandım ki…..”- sözlərinin arxasını gətirə bilməyib hönkürdü.

Fərəc kişi əlləriylə qızının saçlarını oxşadı:

Qızım, ölüm haqdır. Hamımız bu dünyada qonağıq. Zamanı gələndə köçüb gedəcəyik. Sən cavansan, oxumusan. Əminəm ki, mən ölsəm də yolumu davam etdirəcəksən. Şərəfli müəllim olub, xalqımızın övladlarına yazmaq, oxumaq öyrədəcəksən. Çünki, onlar bizim sabahımızdır.

Torpaq cücərdər sirrini,
Torpaq sirrini saxlamaz.
Söylə qanana dərdini,
Qanmaz dərdinə ağlamaz.

Həqiqət ölür dillərdə,
Ədalət yoxmuş illərdə,
Tapdaqda qalan ellərdə,
Bulaqlar axar, çağlamaz.

Qəlbimi isitmir közüm,
Yollarda köhnəlir izim,
Vətənsiz gülərmi üzüm?
Vətənli bunu anlamaz…

Sən yoxsan ..
Gözlm səni gəzir ,
Yoxsan …
Yoxsan ,
Yoxsan yanimda ,
Sənsiz dir dəqqiqə yaşya bilməyn mən ,
Artiq aylardi ,yoxsan yanimda ,
Bu ğün nələri xatitladim ,
Bir bilən ,
Yaral qəlbimi ,
Al-qan elədim…
Yoxluğun ölmdü ,zülmdü mənə,
Ölmlər ,zülmlər yaşadan adam,
Məni xoşbət edən ,
Ömrümə bəzək ,
Ömrümə həsrət ,
İntizar ,
Sevgi ,
Məhhəbət ,
Bitib tükənmyən ,
Goz yaşlari ,
Yalan ,…
Gətirən adam…
Bu gün nələr xatirladim ,
Bir bilsən ,
Yuxuma gelmişdin ,
Cox gileyliydin ,
Özn -özdən ,
Bilrəm səndə cox cətn gəlir ,
Yaşamaq ,cətindi
Yaşamaq ezab..
O qəmli gözlərin ,
Hec güllmür ,
Bir an ,
Yazmagdan ,pozmaqdan
İnciyn ,adam,
Sən məndən ,
Özündən,
Bu hyyatdan ,
Bizdən ,
Yaşadiqlarnizdan ,
Yalanlardan …
İncimisən …..
Həəə…..
Menidə cox üzmüsən ,
Öznüdə…
Bü yoldan dönməyəcəksən ,
Bilirəm ,..
Sənə yaxşi yol..
Yolarin aciq olsun,
Heyat üznə qülsün ,
Arzularina catasan ,
Üzn gülər olasan..
Bəsdi bu bədbinlik ..
Oralarda soyuqdu ,
Üşyən qəlbni ,
Üzmə bu qədər ,
Sonu yox ,
Bu yolun ,
Bitsin deyirəm ,
Sən demisən ,
Men deməmişəm ,
Rahat ol,
Sakit yaşa ,
Bitsin deyirəm ,
Buda son
Sənlə ,mənim…
Sonumuz …
Açilar ,ağlar ,
Bu qəm ,
Bu kedər,
Nəyə lazim idi,
Kimə lazim idi,
Söz verirəm
Sevgilim
Birdaha dünyaya gəlsək ,
Kiməsə ilk baxşdan aşiq olsam ,
Biləcəm bu sənsən ,
Uzaq qacacam ,
Sevmərəm birdaha ,
Dünyaya min dəfə gəlsəm ,
Baxmaram qara gözlərə,
Gözlərimi kor edərəm ,
Oxumaram ,
Savadsiz olaram ,
Səndn uzaq gezərm ,
Gen dolanaram ,
Soz……..
Bu da son………..
Son ………….
8.08.2015 …….

Məni sarsıtsan da sınan deyiləm,
Hələ sınmaq deyil qarılmağım da.
Yapış əllərimdən saman deyiləm,
Gözlərin qorxmaın qırılmagımdan.

Külümü sovurma, qorum alışar,
Qoruna bilməzsən qorun əlindən.
Qaçmasam ağ olar-gorum alışar
Eybinə kor olan korun əlindən.

Bu dünya qədərdir qədərinəcən,
Hər kədər qədərlə yoğrulan dərddir.
Mənə qəm yedirmə yetərinəcən,
Onsuz da yerimə doğulan dərddir.

Buraxıb ağlımı başlı başına
Gözünün yaşıyla bulanan çayam.
Oxu daşa dəyib-daşdan yaşınan
Əsəbi tarıma çəkilən yayam.

Mən ki sən deyiləm-yayı gizləyim,
Bu oxun yiyəsi özüməm, canım.
Üzündən keçmədim həya gözləyib,
Özümə toy tutdu, özümə canım.

Qəlbimdən keçənlər gözümdən bəlli,
Qəlbimə girənlər bağrımı dəlir.
Mən kiməm nəçiyəm-sözümdən bəlli,
Sənin kimliyini bir ALLAH bilir.

Gözünün kökünü saraldar bir gün,
Gözunun rənginə çalar baxtın da.
Nə qədər düşməyib ümüdün ölgün,
Özünü dərk elə bir yol vaxtında.

Azərbaycan.Quba.

Sənsiz dünyam daralıbdır,
Rəngi-ruhum saralıbdır.
Sən gedəli qaralıbdır,
Damarda qanım, necəsən!
Necəsən, canım, necəsən?

Dərdin-qəmin məni əzir,
Dada yetmir, qurban-nəzir.
Eşqimiz dillərdə gəzir,
Şöhrətim, şanım, necəsən?
Necəsən, canım, necəsən?

Çoxmu çəkər bu dərd-qəhər?
Ovut məni gəl, birtəhər.
Ay üzümə doğan səhər,
İşıqlı danım, necəsən?
Necəsən, canım, necəsən?

Aləmi yandırır ahım,
Mən qul olum, sən də şahım.
Üz tutduğum qibləgahım,
De, din-imanım, necəsən?
Necəsən, canım, necəsən?

Gəl qılma dostun tərkini,
Qəbul et onun ərkini.
Şad eylə, Mais Təmkini,
Xoş keçsin anım, necəsən?
Necəsən, canım, necəsən???

Nə getdiyim yerlər səni unudub
Nə gəldiyim həmin masa həmin ev
nə təssəli məni bir an ovudub
Ürəyimə necə deyim yenə sev

Ruhumun qidasın səndən almışam,
Bir quru canım var, o sənə qurban.
Qoynunda boy atıb, mən ucalmışam,
Dahilər məkanı, gözəl Naxçıvan.

Günəşimsən, aya döndərib məni
Atdı sevgi adlı fəzaya Tanrı.
Sonra ordan geri göndərib məni
Məhkum etdi ağır cəzaya Tanrı.

Bu cəza ayrılıq, bu cəza hicran,
Nə edim? Buna da dözməliyəm mən.
İsti küləkləri qumlar sovuran
Səhrada Məcnuntək gəzməliyəm mən.

Ağlamaqla bitir hər günüm mənim,
Unutmayacağam olanları mən.
Gözdən uzaq keçir sürgünüm mənim,
Özümə dost billəm heyvanları mən.

Ayım sona yetər, ilim qurtarar,
Məni iztirabdan ölüm qurtarar.

II fəsil
Talesiz torpaqlar,bəxtsiz talelər

Başsız bir başçını məmləkətində,
Başla yeriyirdi çolaq ayaq da.
Hər gecə diksinib güllə səsindən,

Yatdı səksəkəli Ana torpaq da.
Səhəri gözündə açdı yuxulu,
Talesiz torpaqlar,bəxtsiz talelər.
Ayrılıq qorxulu,ölüm qoxulu,

Həyata hamilə cehiz talelər.
Hər gün bir faciə doğdu dan yeri,
Biganə yanaşdı o başbilənlər.
Onlar bilmədilər,sabah hər biri, (daha&helliip;)

Qəlbimdə çox sözüm var ,
Kimə deyim, bilmirəm ,
Sənsiz küçələrə ,
Sənsiz , keçən günlərə,
Sənsizliyimə ?
Ehhhhh ……..
Ürəyimdə sən varsan ..
Həsrətin var ,
Kədərimlə baş-başayam ,
Sənsizliklə çapalayan,
Bu qəmimlə …
Səssiz-səmirsiz,
Lal kimi divarlala ,
Tənhalığımla ,
Göz yaşlarımla ,
Qəlbimdə ahımla …
Yaşamaq budusa ,
Yaşayıram mən ,
Bu yayın qızmarında ,
Üşüyürəm mən,
Darıxıram ,ölürəm ,
Sənsiz ne edirəm ,
Heç özüm də bilmirəm..
Ağlımda bir fikrim var ,
Anam var ..
O çox ağlar …
Yox ,yaşıyacam mən ,
Sənsiz, sənlə ,
Xəyalınla küsə-küsə,
Barışa-barışa,
Dalaşa -dalaşa ,
Xəyalınla ,
Yaşıyacam mən ,
Sənsiz ,sənlə …
Ömrüm boyu ,
Bu kədərlə ,
Bu iztirab ,bu qəmimlə ,
Baş-başa qalacam mən …

Körpəcə məhv olan qız uşaqları,
İstənmir ”səhv” olan qız uşaqları.
Torpağa gömülür qız uşaqları,
”Ana Torpaq” sözü burdan yaranıb.

Sanır ki, sevgidən yoğrulur onlar,
Doğmamış, zamansız boğulur onlar.
Bətinden torpağa doğulur onlar,
”Ana torpaq” sözü burdan yaranıb.

Bu körpə quşcığaz köməksiz, yalın,
Alın körpələri, dəhşətdən alın,
Torpağın altından göyə ucalan,
”Ana Torpaq” sözü burdan yaranıb

Sədası göylərin qatından gəlir
Qisməti taleyin çatından gəlir
Qığıltı Torpağın altından gəlir
”Ana Torpaq” sözü burdan yaranıb

Bilirəmki sevirsən məni.
Yoxsa niyə getmirsən
Bax mənsiz ola bilmirsən
Niyə özünü aldadirsan
Məni sevdiyini demirsən!
Elə bilirsənki getsən unudacaqsan.
Yenə geri gəlib yalvaracaqsan
Mənsiz necə olacaqsan
Sən məni sevirsən axi
İndi həyatimiz bir
Biz birik kimsə ayiramaz ikimizi
Hər gəlişində səni daha çox sevirəm
Necə gedirsən elədə geri dönürsən
Artiq səndə bilirsən məndən ayrila bilmirsən
Mən olmayanda mənsiz ola bilmirsən
Mən olmayanda mənsiz gülmürsən
Sən başqasini yox ancaq məni sevirsən
Bəsdi daha özünü incitmə
Mənsiz özünü dəli etmə
Mən qal deyirəm səndə getmə
Mən səni səndə məni sevirsən..

“Zərrələr” 31.07.2015-ci il tarixində qədəmini Salyan royununa qoydu. Abdulla Məcidovun dəstəyi ilə Salyan rayon mərkəzi kitabxanasında oxu zalının şöbə müdiri Qaçayeva Sevinc Cahangir qızı ilə görüşdük. Əlbətdə Abdulla bəy öncədən gedişimizin səbəbini xəbər vermişdi. Sevinc xanım kitabla tanış olulduqdan sonra kitabxananın oxu zalı ilə bizi tanış etdi və kitabxananın imkanlarından danışdı. Zərrələr kitabı ilə tanışlıq zamanı üzvümüz, Aqil Sabiroğlunun adını xüsusi vurğuladıq. Əlbətdə bütün bölgələrdən olmasa da, bölgələrimizin çoxundan zərrələrimiz var. İstər bölgələrdən istərsə də paytaxtdan olan Zərrələrimizə uğurlar diləyirəm. Buna var qəlbimlə inanıram ki, bu kitabxanalarda oxunacaq və seviləcəksiniz.

Hörmətlə: Layihə rəhbəri və tərtibatçısı Gülnarə İsrafilqızı

birdən ölmümümə doğru gedirəm
birdən dirilərək yoxa dönürəm
birdən azalıram özüm özümdən
birdən əriyərək çoxa dönürəm.

Bu halım hal-bahal qorxudur məni
birdən asanlaşır, çətinləşirəm.
birdən öz içimdə məğlub oluram
birdən öz içimdə mətinləşirəm.

hər şey birdən olur, hər şey qəfildən
od tutub alışır gözümün üstü.
birdən çiçəkləyir, birdən də solur
birdən də şehləyir üzümün üstü.

AYB, DGTYB və “Gənc Ədiblər Məktəbi”nin üzvü,
Azərbaycan Respublikası Prezidentinin Təqaüd Fondunun təqaüdçüsü

Bütün səhvlər, xəyanətlər
Bəxtimin yeddi rəngiymiş…
Bəd görünən əlamətlər
Qaratoyuq nəğməsiymiş…

Ciyərə çatmır havası…
Bakının dumanı sarı….
Qara qızın baxt davası
Yola salır “xoş baxtlar”ı…

Sevdiyim “3”-lər “böyüdü”…
Boyu boyuma çatmadı…
Yazdı gör kimlər öyüdü?!
-eh…
“Öyüdlülər” azalmadı…

Dərdi bilən söz söyləməz…
Uçar….uçar… qanadı söz…
Desinlər-bu qız düzəlməz!!!
Desinlər ki, tutmadı söz!!!

Bircə sən bil…o bildiyin
Yaman ağrıtdı bu qızı..
Hamının atdığı yerdə
Təkcə söz tutdu bu qızı!!!

Dekabr ayı,
Axşamüstü,
Saat yeddi…
Bölür kecir küçələri
Tənha qadın silueti…
Qızarır işıqfor
Qarışır aləm…
Hürür küçə iti kimi
Yer-yerdən müxtəlif maşın fitləri,
Çilikləyir incə qadın ruhunu
Kobud kişi səsləri:
-Dayan!
-Hara gedirsən?
-Korsan, görmürsən?!
Və bir daha üzülür,
Bir qadının ümidi.
Görmədiyi sığalı,
Duymadığı sözləri
Hiss etmək ümidiylə
Boylanır yola sarı…
Anlayır tənha qadın,
Baş götürüb qaçdığı
Dörd divarın dili var.
Ən azından evində,
Sevdiyi bir tənhalıq,
Bağırmayan ümid var…

Zərrələrimiz Azərbaycanın üçüncü şəhəri Lənkəran mərkəzləşdirilmiş kitabxanasına qədəmini qoydu. İlk olaraq bizi Xidmət şöbəsinin müdiri, Məmmədova Xədicə xanım çox isti münasibətlə qarşıladı. Oxu zalları ilə tanış olduq kitabxana çox müsbət təəsürat yaratdı. Sonra isə mərkəzləşdirilmiş kitabxana sisteminin drektoru Məmmədova Validə Ağaəli qızı ilə görüşdük. Kitab,kitabxanadakı kitabların sırasına daxil edildi. Uğurlar Zərrələr…

Hörmətlə: Layihə rəhbəri və tərtibatçısı Gülnarə İsrafilqızı

Dilləndirir aşıq qardaş sazını ,
Mənimtək inləyir saz yavaş-yavaş .
Dərdlərim ucaldır zil avazını ,
Ay qələm , dərdimi yaz yavaş-yavaş .

Azərbaycan Yazıçılar və Jurnalistlər Birliklərinin üzvü,
“İctimaiyyət və təhsil” qəzetinin təsisçisi və baş redaktoru

HƏR GÜN SƏHƏRİMİZ XEYRƏ AÇILSIN
Səmalardan enir ruhum, ilhamım,
Coşmasam, gecələr çıxmaz hilalım.
Təkcə xoş əməllər, fikrim, xəyalım,
Ömrümüzə xoş arzular saçılsın,
Hər gün səhərimiz xeyrə açılsın!

Azərbaycab Yazıçılar Birliyinin və Jurnalistlər Birliyinin üzvü, Prezident təqaüdçüsü

Allah, qurban olum, anama dəymə!

Bir nəfərin dilindən

Anam süd qoxulu bağımdı mənim,
Ruha qida verən çağımdı mənim.
Dağdı başım üstə, dağımdı mənim,
Allah, qurban olum, anama dəymə!

MƏN SƏNİ SEVMƏYİM, BƏS KİMİ SEVİM?

Baş qoyum dizinə Əhsabi-kəhfim,
Səndə bağışlanır günahım, səhvim,
Əcəmi memarım, sənət şərəfim,
Mən səni sevməyim, bəs kimi sevim?

Azərbaycan Yazıçılar Birliyinin üzvü,
İsmayıllı Yazarları Ədəbi İctimai birliyinin sədri,
“İsmayıllı Xəbərləri” qəzetinin təsisçisi və baş redaktoru

Yolum üstə çıxanlarla deyişdim,
Hələ də dadmadım balını, dünya.
Körpəydim, uşaqdım, gəncdim, yetişdim,
Sənsə dəyişmədin halını, dünya.

Sanki yoxdu işimiz,
Çoxalıb təşvişimiz,
Arvadımız, kişimiz,
Dəymiş söylədi kalçün,
Ölürük qalmaqalçün.

Azərbaycan Yazıçılar və Jurnalistlər Birliklərinin üzvü,
“İctimaiyyət və təhsil” qəzetinin təsisçisi və baş redaktoru

Səmalardan enir ruhum, ilhamım,
Coşmasam, gecələr çıxmaz hilalım.
Təkcə xoş əməllər, fikrim, xəyalım,
Ömrümüzə xoş arzular saçılsın,
Hər gün səhərimiz xeyrə açılsın!

Zülmətdən günəşin gələn vaxtıdır,
Dünyanın sevilib gülən vaxtıdır,
Süsənlər bağların bar-baharıdır,
Ömrümüzə xoş arzular saçılsın,
Hər gün səhərimiz xeyrə açılsın! (daha&helliip;)

Sən bir uşaqsanmiş mən bir oyuncaq
Sən demə sevgimiz əyləncə imiş.
O ara verməyən gizli görüşlər
Günlərdən asilmiş yelləncək imiş.

Gözümü bağladin göz görə görə,
Özümə gəlməmiş özündən getdin.
Söz verib and içib peyman bağladiq,
Gözümü açinca sözündən getdin. (daha&helliip;)

25 iyul 2015-ci il tarixində, saat 17.00-da Kitabevim.az-da yeni nəsil Azərbaycan gəncliyinin nümayəndəsi, istedadlı qələm sahibi, Azərbaycan Yazıçılar Birliyinin üzvü, Prezident təqaüdçüsü, Gənc xanım yazar Aliyə Əsədovanın “Payız nəğməsi” adlı ikinci şeirlər kitabının imza günü keçirilib.Kütləvi informasiya vasitələrinin nümayəndələrinin də iştirakı ilə keçən tədbir təxminən
iki saata yaxın davam edib.Müəlllif müxtəlif illərdə qələmə aldığı şeirlərindən səsləndirib.
Tədbirin gedişatında yaradılan şəraitə görə, müəllif Aliyə Əsədova Kitabevim.az evinin Rəhbərliyinə müraciət edərək, onlara dərin təşəkkürünü bildirib, məmnun olduğunu bildirib. Sonra isə yeni işıq üzü görmüş kitablarından tədbir iştirakçıları üçün imzalayaraq hədiyyə edib. Tədbirin sonunda isə xatirə şəkilləri çəkdirilib.

Azərbaycanın Mədəniyyət və Ədəbiyyat Portalının Mətbuat xidməti

“AYDINOGLU CONSULTİNG GROUP” LLC Rəhbəri Sizi, Yeni nəsil Azərbaycan gəncliyinin nümayəndəsini, Azərbaycanın istedadlı gəncyazarını doğum gününüz münasibətilə səmimi qəlbdən təbrik edir, Sizə uzun ömür, möhkəm cansağlığı, xoşbəxtlik, işlərinizdə uğurlar diləyir! Sevib, sevdiyiniz insanlar ilə birgə olun!

Mətbuat xidməti

NƏFSİNƏ QUL OLAN KƏS,
ARTAN YERİN HARANDİR?
DÜZ ƏYRİDƏN SEÇİLMİR,
HƏRƏ BİR CÜR HARİNDİR.

o` ağa bürünən
arzular öldü.
amma basdırmağa
yeri yox dolub.

Bir payız axşamı
Qaralan buludların
Səsi düşər üstünə.
Atar yağışını
Göy üzü giley kimi.
Yollar da burular
Ayağının altından,
Sola dönər,sağa dönər.
Ürəyin “hə”ni, ”yox” u
Bilməyən uşağa dönər.
Elə darıxarsan mənsiz…
Belə darıxarsan mənsiz!

Azərbaycan Yazıçılar Birliyinin üzvü, Prezident təqaüdçüsü

Bankın dördüncü mərtəbəsi

Niyə axı biz həmişə umduğumuzdan küsürük? Kim bilir, bəlkə də bu bizim yeganə xoşbəxtliyimizdir? Axı ən azından küsdüyümüz adamı necə dəyərləndirdiyimizi ölçə bilirik. Biz ondan nə qədər küsürüksə, onu elə o qədər də çox istəyirik… (daha&helliip;)

İnamim ,ümüdüm ,
Qirildi yenə ,
Qəlbimdə sevgi , yox ,
Bir boşluq hök edir,
Bu sevən qəlbim ,
Sən incidmisən ,
Bir daha severmi ,
Eşid inanma ,
Yalanmiş,segində ,
Özndə sənin,
Xəyanət etmisən , (daha&helliip;)

Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının “Cənubi Qafqaz Xalqları üzrə xüsusi müxbir”i,
Azərbaycan Yazıçılar Birliyinin üzvü

Səni görən günden; aşiqin oldum;
Axib yanağindan; yagişin oldum.
Qaranlig yolunda işiğin oldum;
Sən mənə hər şeydən əzizsən gülüm.

EŞQ ÜÇÜN NALƏYƏ MƏN SUREYİ -RƏHMAN DEMİŞƏM
******* ..*****.
Bu xəstə könlümə mən vəslini dərman demişəm,
Lütfü haqqdan diləyib, canına canan demişəm
..***.
Bir mələk olduğunu sən də bilirsən ,bilirəm,
Əff elə qul xətasın, səhv edib ,insan demişəm.
. .***.
Gözəllər içrə səni, kim görüb ,mehparə deyib,
Mən də mehparə bilib , eşqimi pünhan demişəm, (daha&helliip;)

Səni ziyarətə qışda gəlmişdim,
Axır həsrət bitdi,sənə yetişdim.
O soyuq havada suyundan içdim,
Sanki onda gəldim cahana,Təbriz,
Biz sənə övladıq,sən ana,Təbriz.

Azərbaycan Yazıçılar və Jurnalistlər Birliyinin üzvü,
Azərbaycan Respublikası Prezidentinin Təqaüd Fondunun təqaüdçüsü,

İlk dəfə tərs baxdı, zövqüm duruldu,
Pöhrə Ay kimidi nazı ölmüşün.
Bir yol demədi ki, adımı çəkmə,
Min yol adın çəkdim azı, ölmüşün.

Bu kitabxana ilə tanışlıq ürək açıcı olmasa da, biz kitabı kitabxanaya təqdim etdik.

Bu yerdə atalarımızın misalı yadıma düşdü. ” Zər qədrini zərgər bilər” İrqindən dinindən, dünya görüşündən,adət-ənənələrindən asılı olmayaraq bölgələrimi və xalqımı sevirəm ümid edirəm ki, nə vaxtsa təqdim etdiyimiz zərimizin qədrini bilən, bir zərgər tapılacaq…! Maarifin və intellektual səviyyəli insanın yetişməsinin yolu kitabxanalardan keçir. Ədəbiyyat insanların dünya görüşlərinin genişlənməsinə və bir çox dəyərlərə xidmət edir…

Bu kitabxananın təməli dəyişməlidir ki, nəyəsə də xidmət edə bilsin. Ədəbiyyat adına yaşasın və yaşatsın.Kitabxananın xidmət bölməsi o qədər aşağı səviyyədə idi ki, müdiri əvəz edən müdir müavininin adını soruşmağı belə unutdum.Kitab rəfində Viktor Hüqonun “Səfillər” əsərinin o cümlədən dünya ədəbiyyatına aid olan kitabların yerləşdirildiyinə baxmayaraq əminliklə deyə bilərəm ki, heç kəs kitabxanaya müraciət etmir. Bu ciddi problemi aradan qaldırmaq üçün təməldən dəyişiklik edilərsə, ədəbiyyat Astara bölgəsində yaşayan insanların təfəkkürünü, adi gündəlik həyat tərzindən ayırıb bəşəri duyğulara kökləyə bilər…Digər hallarda bu mümkün deyil…

Hörmətlə Layihə rəhbəri və tərtibatçısı: Gülnarə İsrafilqızı

(daha&helliip;)

Müjde ver baharın güzelliğinden,
İçimiz dışımız gülecen olsun.
Güzel düşünelim, gülistan olsun
Bizim bu ellere hiç doyum olmaz.

Azərbaycan Respublikasının Prezident Təqaüd Fondunun təqaüdçüsü,
Azərbaycan Yazıçılar və Jurnalistlər Birliyinin üzvü

Bu həyat elə bil qəm çəlləyidir,
Yenə də sinəmin dağı çoxalıb.
Mən ki bacarmıram fikir çəkməyi,
Nədən saçlarımın ağı çoxalıb?!

Niyə yenidən gəldin həyatıma?!!
Mən səndən başqasini sevə bilmədim!
Səndən başqasina səni sevirəm demədim.
Qəlbimdə yaşadirdim gizlicə səni.
Niyə yenidən gəldin həyatima?!

Ağlatdin məni bilə-bilə
Yenidən gəldin həyatima gülə-gülə
unudurdum səni yalandan sevmirəm deyə-deyə!!
Niyə yenidən gəldin həyatima?!
(daha&helliip;)

MƏN TÜRKƏM

Mən türkəm, türklüyümlə öyüləsi boyum var,
Oğuz kimi mərd elim, azər adlı soyum var,
Yağı bağrını yaran harayım var, hoyum var,
Mən türkəm.

Türkəm, türkün öcünü düşməndən alasıyam,
Mən sultan Bəyazidin, Teymurun balasıyam,
Babəkin, Cavanşirin alınmaz qalasıyam,
Mən türkəm.

Nizami, Yunus İmrə qələmindən sipərim,
Koroğlu qalxanından dəmir düşmən çəpərim.
Xətai qılıncında polad gücüm, təpərim,
Mən türkəm. (daha&helliip;)

* * *

Yenə yuxum qaçaq düşüb,
Bu gecə – dözüm gecəsi.
Yeyib bitirəcək məni
Ömrün ən uzun gecəsi.

Oyanacaq xatirələr,
Elə ki, oyaq biləcək.
Keçmişin künc-bucağından
Kimlər tökülüb gələcək.
(daha&helliip;)

Zərrələr növbəti qədəmini Cəlilabad rayon mərkəzi kitabxanasına qoydu. 24.07.2015-ci il tarixində Cəlilabad mərkəzi kitabxanasında oxuculara xidmət şöbəsinin müdiri, Elnarə Əhədova ilə görüşdük. Xüsusən kitabxana daxilində olan bölmələr diqqəti cəlb edirdi. Biz bütün şöbələrlə tanış olduq. Kitabxananın direktor müavini, İsrafilova Qənimət, uşaq şöbəsinin müdiri Rəna Təhməzova, bu şöbənin multimediya mütəxəsisi Cahan Əbillova və digər işçilər tərəfindən hörmətlə qarşılandıq. Kitabı rəsmi olaraq, kitabxana fonduna hədiyyə etdik. Zərrələrə uğurlar diləyirik.
Sonsuz sevgi və hörmətlə Layihə rəhbəri və tərtibatçısı Gülnarə İsrafilqızı.

Azərbaycan Yazıçılar və Jurnalistlər Birliklərinin üzvü,
“İctimaiyyət və təhsil” qəzetinin təsisçisi və baş redaktoru

Səmalardan enir ruhum, ilhamım,
Coşmasam, gecələr çıxmaz hilalım.
Təkcə xoş əməllər, fikrim, xəyalım,
Ömrümüzə xoş arzular saçılsın,
Hər gün səhərimiz xeyrə açılsın!

Zülmətdən günəşin gələn vaxtıdır,
Dünyanın sevilib gülən vaxtıdır,
Süsənlər bağların bar-baharıdır,
Ömrümüzə xoş arzular saçılsın,
Hər gün səhərimiz xeyrə açılsın!

Boz küləklər saçlarımı yolubdu,
İncə ruhum yanar məşəl olubdu,
Hərdən sinəm şeir, sözlə dolubdu,
Ömrümüzə xoş arzular saçılsın,
Hər gün səhərimiz xeyrə açılsın!

Xeyirxahlıq ruhun öz bəhrəsidir,
Sevən könüllərin söz töhfəsidir,
Hüriyyət saflığın pak nəfəsifdir,
Ömrümüzə xoş arzular saçılsın,
Hər gün səhərimiz xeyrə açılsın!

ADIMI «TƏRANƏ» QOYDUN

Anama

Adımı «Təranə» qoydun,
Nənəmin oxuduğu
bayatıdan, ninnidən
kövrək ruhuma axan
təranəylə böyüdüm.
Rəngindən, görkəmindən yox,
təranəsindən tanıdım
palıdı, çinarı, söyüdü.
Təranə-təranə yaddaşımı təzələdi
Çayın, şəlalənin, bulağın öyüdü.
Adımı «Təranə» qoydun,
İldən-ilə yaşa doldum,
Günbəgün təranələşdim.
Bir vaxt itirdim nənəmi,
bulağı, söyüdü… (daha&helliip;)

Sagkən qara olan bəxtim,
Ağ olacaq məndən sonra.
Daşlara tuş gələn canım,
Dağ olacaq məndən sonra.

Görün, nələr deyir səbrim:
-Döz, bilinər bir gün- qədrin!
Güllərə qərq olan qəbrin,
Bağ olacaq – səndən sonra…

Qulağıma gəlir səslər:
Nədəndir bu bəhsəbəslər?..
Demə məni sevən kəslər
Doğulacaq- məndən sonra.

Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının “Cənubi Qafqaz Xalqları üzrə xüsusi müxbir”i,
Azərbaycan Yazıçılar Birliyinin üzvü

Daha səni qınamıram
Qoca dünya ulu dünya
Sən heç düzələn deyilsən
Kor fələyin qulu dünya

Həqiqət az, haqsızlıq çox
Vurulur ürəklərə ox.
Bircə kəlmə düz deyən yox
Yalanlarla dolu dünya.

Məna vardır dünənimdə
Çaqqal çoxdur vətənimdə.
Gül yerinə çəmənimdə;
Bitir tikan kolu dünya

Zeynəbəm ürəyim yanar
Nadan, naşı lovğalanar
Qarabağda mərdiməzar;
Bağlayıbdır yolu dünya

Evimizdən uzaq, qərib şəhərdə
Nə yaxşı var imiş dostlarım mənim.
Dostluğa qəlblərin verib şəhərdə,
Dostluğa and içmiş dostlarım mənim.

Universitetin yaxınlığında
Həmişəki yerə yığışdıq yenə.
Piyada gəzərək “Sahil” bağında
Olub-keçənlərdən danışdıq yenə.

Dostlarım narahat sordular məndən:
– Qorxmusan ki? Ağzın uçuqlayıbdır!
Dedim ki, dostlarım, bu olub dünən,
Qorxu məni yaman pis haqlayıbdır.

Qız tanışlığımı bilirdi onlar,
Təsadüfən olub bu iş, hadisə.
Mən danışdıqca hey gülürdü onlar,
Danışım, gülün siz gülüncsə, sizə.

Dəstəyi götürüb ecahanlıqdan,
Ağlıma gələn bir nömrəni yığdım.
Mənə cavab verən qız olduğundan,
Bilərəkdən onu “dostum” çağırdım.

Qızla tanış olub telefonda mən,
Bir xeyli danışdım, söhbət eylədim.
Görüş təyin edib, əlbət, sonda mən,
Tanrının işinə hörmət eylədim.

Bazar günü axşam saat altıda
Metronu seçmişdik görüş yeriyçün.
Dəyişməliydi həyat altıda,
Məncə, olmalıydım xoşbəxt həmən gün.

Həsrətli günlərim illərtək uzun,
Kədərli, mənasız, üzücü keçdi.
Yuxuda bir gözəl büzərək ağzın,
Mənə nəzər salıb gözucu keçdi.

Dostlarım pisliyə yozub yuxumu,
Getmək bilmədilər məsləhət mənə.
Yetişdi həmən gün. Pozub yuxumu,
Ağalıq elədi məhəbbət mənə.

Özümü çatdırıb, minib qatara,
Tələsdim, tələsdim görüş yerinə.
Sürətlə şütüyən dönüb qatara,
Külək kimi əsdim görüş yerinə.

İki qız durmuşdu görüş yerində,
Biri kök, var idi bığı, birçəyi.
O birisi isə yer üzərində
Məskən salmış gözəl göylər mələyi.

Elə çatırdım ki, cananıma mən,
Gözəl qız dedi: “Bax, sevgilin gəlir!”.
Həmən an tüpürüb dabanıma mən,
Necə qaçdığımı bir allah bilir.

Güzgüdə özümə nəzər salanda
Görürəm ki, ağzım uçuqlayıbdır.
Yəqin sevgilimi gördüyüm anda
Qorxu məni yaman pis haqlayıbdır.

Odur ki edirəm məsləhət sizə,
Yad qızla görüşə getməyin, dostlar!
Başınıza gələr belə hadisə,
Mən etdiyim səhvi etməyin, dostlar!
 

* * *

Getdikcə qəlbində qısqanclıq artır,
Allahdan sübhünə şəfqət dilə sən.
Ömrün şosesində bil sürət artır,
Gülərsən sonuna rəhmət diləsən.

Ayna,zülmət ömrə doğan Ay,nadan!
Özünü görmürsən hələ aynadan?
Özgənin səhvini görən,ay nadan,
Özün öz səhvini gətir dilə sən.

Qələm yox, bil tutub əlin yabanı,
Qarşıq salmısan ya dan,ya banı?
Ruhun əcnəbidir,dilin yabanı,
Gəl vurma, hər sözdə dilə zərbə sən.

Bayrağımın dalğasından

Vətən göyün meh oxşaya,
Bayrağımın dalğasından.
Bayraq ləpə-ləpə yaya,
Səsin efir dalğasından.

Bayrağımın bu üç rəngi,
Hər biri bir məna rəngi.
Hər sübh ana, nəğmə rəngi,
Ay – ulduzun dalğasın dan.
Coşqun, məni bu yurd uma,
Təki xoşbəxt ol,yurdum a!
Zəfər səsin doğ yurduma,
Düşmən ürksün dalğasından.

21.07.2015

Bu gün dostluğumda olan bir xanım: “Sevgidən yazırsız, sevgi varmı,-dedi,-nişanlım gedib Bakıda imkanlı bir dul xanımla eevlənib,məni tərk edib”. Buna yazdığım şeir.

Bir sevgi yaşadıq,yox ilki,sonu,
Gəl sonsuz bir hisdən sonra ummayaq.
Uzanır xəyalın kölə kölgəsi,
Gəl bütöv bir ömrü xəyal sanmayaq.

Hər qaş qaralanda, bir ac qurd kimi,
Baxıb göy üzünə həsrət ulayır.
Fərhadın Şirinə pak məhəbbəti,
Ölen esrlere başın bulayır.

Sənin məhəbbətin bir damla yaştək,
Mənim kirpiyimdən asılı qalıb.
Sevgi ucuzlaşıb bu adi gerçək,
Qəlbə yox,ciblərə qısılı qalıb.

Qurduq arzulardan qurduq, bir qala,
Həsrət bürclərində keşikçi oldu.
Zamandan-zamana doğan yollara,
Xəyanət yoluxdu,keçici oldu.

Kişilər seviblər,biz sevəmmədik,
Biz kişi olmadıq,deyəkmi,bala?!
Biz onlar yaşayan dövrə düşmədik,
Bu dövr tab gətirmir, bir-iki bala.

Qəlbimdə qırılır eşq süxurları,
Həsrət süxurları alır öz yerin.
Qəlbə çəpər çəkən həsrət qolları,
Dağıdır qəlbimin episentrin.

21.07.2015

Ay xumar baxışlım, ay gülər üzlüm,
Tək sənsən könlümün gözəl maralı.
Sən mənim dərdimi qanan, düşünən,
Bir anda düşmərəm sənnən aralı.

Sən mənim yarama məlhəm olmusan,
Mənlə ağlamısan, mənlə gülmüsən.
Dərdi-qəmlərimi yarı bölmüsən,
Uzaq düşmə qoyma məni yaralı.

Bir dənəmsən sənnən ayrı kimim var,
Sözümüz bir, dil-dil ötən simim var.
Nail deyər dəmlər üstə dəmim var,
Yanaq lalə, gözün, qaşın qaralı.

25 iyul 2015-ci il tarixində, saat 17.00-da Kitabevim.az-da yeni nəsil Azərbaycan gəncliyinin nümayəndəsi, istedadlı qələm sahibi, Azərbaycan Yazıçılar Birliyinin üzvü, Prezident təqaüdçüsü, gənc xanım yazar Aliyə Əsədovanın “Payız nəğməsi” adlı ikinci şeirlər kitabının imza günü keçiriləcək.Kütləvi informasiya nümayəndələrinin iştirakı da gözlənilir.İştirak etmək istəyən hər kəs dəvətlidir.

Ünvan: 28 may metrosu tərəfdə dəmiryol xəstəxanası yanında AKsentrin 2-ci mertebesinde olacaq .Unvan Puşkin küçesi-32.

Azərbaycanın Mədəniyyət və Ədəbiyyat Portalının Mətbuat xidməti

Gündəlik İnformasiya Agentliyinin Rəhbərliyi Sizi, Çağdaş Azərbaycan ədəbiyyatının görkəmli nümayəndəsini, istedadlı qədim sahibini, Gündəlik İnformasiya Agentlikləri və Azərbaycanın MMədəniyyət və Ədəbiyyat Portalının “Qarabağ bölgəsinin ədəbiyyatı” bölməsinin Baş redaktorunu, Redaksiya heyətinin üzvünü və əməkdaşını doğum gününüz münasibətilə səmimi qəlbdən təbrik , Sizə uzun ömür, möhkəm cansağlığı, işlərinizdə uğurlar diləyir!

Mətbuat xidməti

Gündüz Sevindik 1978-ci il iyul ayının 24-də Ağcabədi rayonunda anadan olub.Şeirləri müxtəlif mətbu orqanlarda dərc olunub.Azərbaycan Yazıçılar Birliyinin üzvüdür.
2012-ci ildə Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurası tərəfindən maliyyələşdirlilən və Dünya Gənc Türk Yazarlar Birliyi tərəfindən həyata keçirilən ”Bölgə yazarlarına dəstək” layihəsi çərçivəsində “Bölgələrdən səslər” kitabında şeirləri dərc olunaraq ilk dəfə olaraq Respublika səviyyəsində ictiamiyyətin nəzərinə çatdırıldı.

Fələstinli uşaq və…

Dünyanın sonudu bura bəlkə də,
Burda mələklər də günah axtarır.
Bu qara uşağın uşaq dünyası,
Bu qara ölkədə Allah axtarır.

Yeməyin üstündən yarımçıq durub,
Dünyanı qarpıztək kəsib yeyəcək.
Verməyin Anaya siz bu uşağı,
Bu uşaq anasın basıb yeyəcək.
(daha&helliip;)

Yedin, bitirdin, məni,
Ömrüm boyu əl çəkmədin,
Hey mənimlə sən bərabər ,
Bütü ömrüm,
Mənimləsən,
Kədər…
Niyə məni bu qədər sevdin?
Niyə, məndən uzaq durmadim?
Nə istədin sən məndən?
Nə vermisən ,ala bilmirsən?
Kədər…
Gözlərim heç gülmədi ki,
Ürəyimdə daima sən,
Ömrüm boyu mənimləsən,
Kədər…
Mən istərdim, sənsiz olum,
Üzüm gülsün, bəxtim gülsün,
Həyatımda sevinc olsun,
Çox az da olsa…
Əl çəkmədin,
Məndən…
Kədər!!!
Sevincimi, məndən aldın,
Mən xoşbəxtkən ,
Mənlə qaldın,
Həyatimda qaranlıqlar,
Yenə mənlə yol yoldaşı,
Qüssə, kədər,
Dostum oldun,
Yol yoldaşım,
Ömrüm boyu,
Mənlə qaldın,
Mənimləsən,
Sən, mənim özümsən ,
Kədər…
19.07.2015

22 iyul 2015-ci il tarixində Azərbaycan milli mətbuatının yaradılmasının 140 illik yubileyi münasibətilə yeni nəsil Azərbaycan gəncliyinin nümayəndəsi, istedadlı qələm sahibi, Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Baş redaktor müavini və “Nəsr” bölməsinin redaktoru, Azərbaycan Respublikası Mədəniyyət və Turizm Nazirliyi ilə Azərbaycan Yazıçılar Birliyinin birgə layihəsi olan “Gənc Ədiblər Məktəbi”nin və Dünya Gənc Türk Yazarlar Birliyinin üzvü, istedadlı gənc yazarlara dəstək məqsədilə birillik verilən Prezident təqaüdünə layiq görülən “Ruzigar” qəzetinin redaktoru, şairə, jurnalist Şəfa Vəliyeva peşəkar fəaliyyətinə görə, “Qafqaz Media” İctimai Birliyi tərəfindən “Peşəkar jurnalist” fəxri adına layiq görülüb.

Azərbaycanın Mədəniyyət və Ədəbiyyat Portalının Mətbuat xidməti