Category: Azərbaycan ədəbiyyatı

Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,

“Köhül dəftərim” – silsiləsindən

Getmişdim onunla vidalaşmağa,
Buludtək doluydu, qara gözləri.
Baxışı axırdı sola, gah sağa,
Tapa bilməyirdi, çara gözləri.

O, məsum,günahsız, nazənin pəri,
Yanağda gözlərin, yağışdan zəri.
Qəm, qüssə, kədərin, yoxdu bənzəri,
Sitəmdən gəlmişdi, zara gözləri.

Üzgün baxışları çox şey söylədi,
Nəmli çilvələri,-getmə dilədi.
Kipriklər durmadan dürlər ələdi,
Heyranmış, mən adlı, yara gözləri.

O gözlər qaytardı, məni özümə,
Onlar sahib etdi, məni sözümə.
Qoymadı bəd nəzər dəysin gözümə,
Dövransız baxarmış, hara gözləri?!…

Qəriblik bəxtimə yazılan yazı,
Qəlbimə kədərlə calandı dünya.
Qürbətdə qədərmiş vətən həsrəti,
Bulud tək boşalıb dolandı dünya.

Dünya duyğuların xəyal aləmi,
Ürəkdə yaşayır sevinci, qəmi.
Daim halal kəsin olub qəmmi,
Düzləri düzlərə salandı dünya.

Xilqəti yaratdı Uca Yaradan,
Ona həyat verdi torpaqdan, sudan.
Gör kimlər bac alıb doydu dünyadan,
Məzar daşlarına qalandı dünya,

Sənə bel bağlayan yığıldı cana,
Ruhun dərinliyi güc verdi qana,
Bir ömür bəxş etdi Xaliq insana,
Nəfsinə qul olub qalandı dünya.

Kimə həqiqətdir, kimə yalandı,
Sözdə gah ucalan, gah alçalandı.
Acdan üz döndərib toxa qalandı,
Dilimin altında ilandı dünya.

Dünya sevənlərə qədərmiş, Çiçək,
Bu fani dünyanı, gəl sevmə, ürək.
Həyat müvəqqəti, ömürsə gödək,
Ömrü girov verib, alandı dünya.

19.09.16.Kiyev.

(Şair-filoloq Elnur Rəsuloğlu Əliyevə)

Bu dəyirman darğaların…
Ver əlini çıxaq gedək.
Ögeyləşən doğmaların
Sol əlini sıxaq gedək.

Haram kalan, halal talan
Pərdələyir haqqı yalan.
Həqiqəti düzdə qalan
Doğruları yiğaq gedək.

Tərəzinin gözü əyri,
Söz verənin sözü əyri…
Düz dünyanın düzü əyri,
Əyilmədən çıxaq gedək.

Doğruya yalan dünyanın,
Oğruya talan dünyanın,
Əğyara qalan dünyanın
Qapısını çaxaq gedək.

Əməl sözə qənim olsa,
Gözəl gözə qənim olsa,
Əcəl düzə qənim olsa-
Gözünə düz baxaq gedək!

Azərbaycan.Quba

Dedin:”Yol acıqdır üzünə sənin,”
Dünya gözlərimdən düşdü bir anda.
Utandım baxmağa gözünə sənin,
Sözlərin üşütdü həyamı canda.

Nə idi istəyin,nə idi,de nə?
Payız tək saraldım bahar gözümdə.
Qınadım özümü hey dönə-dönə,
Sanki heçə döndü- nə var gözümdə.

Oduna qalanıb yolunda yandım,
Üstümə bir zərrə su çiləmədin.
Dərdinin önündə sipər dayandım,
Yaxşı ki səbrimə kül ələmədin.

Dünyamı yuxulu,mənmi yuxulu?
Səni sevməyim də yuxuymuş,demə.
Çiçəyin çırtlayıb yalan qoxulu,
Zərrəcə insafın yoxuymuş,demə!

Olan insafın da çəkilib göyə,
Daş əsri deyil ki,daşa dönəsən.
Göz də o göz deyil-gözümü döyəm,
Gözümdə həsrətdən yaşa dönəsən.

Ömrün payızında saralan güləm,
Dərdin ümidinə qoymusan məni.
Çətin ki sevinib ürəkdən güləm,
Sən ki dar ayaqda saymısan məni!

Bir dünya qüssəsən gözümdə mənim,
Dərdimin üzünə gülə bilmirəm.
Sən elə etmisən özümdən məni,
Daha özümə də gələ bilmirəm.

Dedin:”Səni anıb gəzməz ürəyim,
Daha mənim üçün quruca adsan”.
Səni ələmədi qüssə ələyim,
Yaxşı ki dar gündə dərdimə yadsan.

Azərbaycan.Quba.
26.12.2002.

Gözüm səndə qaldı, yaman sürüşdüm,
Yıxıldım, daş dəydi dizimə mənim.
Sənin baxışından qəzaya düşdüm,
Allah da baxmadı üzümə mənim.

Sərhəd tanımayan sevgi-məhəbbət,
Nə qaya tanıyır, nə də ki, dağ-daş.
Deyirəm, dünyada bütün sevənlər,
Mənim tək qəzaya uğrayaydı kaş.

Ustad aşıq Pənah Pənahova

Sinəsində sazı-sözü,
Gəzdi doğma yurdu Pənah.
Bayram oldu hər gəlişi,
Harda məclis qurdu Pənah.

Həm şairdi, həm aşıqdı,
Toy-düyünə yaraşıqdı,
Tükənməyən bir işıqdı,
Könüllərdə nurdu Pənah.

Koroğlunun Cünunuydu,
El-obanın yananıydı,
Dindi, meydan onun idi,
Hər sözü bir ordu Pənah.

Hikmət vardı duruşunda,
Ər idi söz vuruşunda,
Böyük sənət yarışında,
Çoxlarını yordu Pənah.

Pərdələrdə gəzə-gəzə,
Barmaqları döndü közə,
Yaratdığı hər bir sözə,
Min bir naxış vurdu Pənah.

Qanında Kür qeyrətinin,
Böyük-kiçik hörmətinin,
Ölməz bu el sənətinin,
Keşiyində durdu Pənah.

Bəs sənin öz izin hanı?
Gedilmiş yola çıxırsan.
Sütük çəkmələr altında,
Didilmiş yola çıxırsan.

Düşmüsən yolun ağına,
Daş dolaşır ayağına,
Özgə məsləkə sığınan,
Ütülmüş yola çıxırsan.

Bu yol ki, belə yellidir,
Demək hər kəsə bəllidir.
Uğurun da təsəllidir,
Güdülmüş yola çıxırsan.

Nə bilirsən hara gedir?
Bütövdür, ya para gedir?
Bəlkə də məzara gedir,
Bitilmiş yola çıxırsan?

Azərbycan Yazıçılar və Jurnalistlər Birliklərinin üzvü,
“Qızıl Qələm” Media Mükafatı laureatı,
“Möhtəşəm Azərbaycan” müstəqil ictimai-siyasi, ədəbi-bədii qəzetinin redaktoru,

Bir gün

Bir gün unudular sənin də adın,
Başına- gözünə döyərsən sən də.
Bağrını yandıran alovun, odun
Tüstüsü gözünə dolar güləndə.

Bir gün əməllərin çıxar qarşına,
Başını yamanca qatar bu dünya.
Üstündə əsdiyin hər nəyin varsa,
Əlüstü özgəyə satar bu dünya.

Bir gün gözlərindən yaş gilə-gilə,
Süzülər gizlicə yanaqlarına.
Qonar yuvasına dönən quş kimi,
‘Bağışla” kəlməsi dodaqlarına.

Bir ovuc torpağam

Hərdən yollarımı duman,çən kəsir,
Ürəyim bir parça gümana əsir.
İllər qatarlanıb elə tələsir,
Özümə yazığım gəlir…

Dolanır qovgalar başımın üstə,
Ayrı bir biçimdə,ayrı həvəsdə.
Canım çırpındıqca quru qəfəsdə,
Özümə yazığım gəlir…

Ocağın gözündə çatlayan közəm,
Çətin bu ağrıya qatlanam, dözəm.
Bir ovuc torpağam, beş arşın bezəm,
Özünə yazığım gəlir…

OL

Ürəyimdə dağ olan kəs,
Kürəyimdə gəlib dağ ol.
Ay üzümə ağ olan kəs ,
El içində üzü ağ ol.

Daş-kəsək atma önümə,
Yetiş dada ,çat ünümə,
Şərik oldun xoş günümə,
Pis günümə gəl ortaq ol.

Deyə-deyə yalan palan,
Keçən keçdi oldu olan,
Mənəm yanan,qeydə qalan,
Yaxşı saydın məni sağ ol.

Mən incidim,sən incimə,
Baxıb sevin dürr incimə,
Polad,qoşul sevincimə,
Xoşbəxt yaşa, min budaq ol.

27.05.2015.

Ürəyim

O qədər dərd uddu , əzab yedi ki,
Qorxuram dözməyə dərdə, ürəyim.
Ürək sındırmadı, könül qırmadı,
Saxladı arada pərdə, ürəyim.

Haqqı , ədaləti böyük saydı o,
Əyrini pislədi, düzü yaydı o,
Könül ovundurdu, qəlb oxşadı o,
Həmişə xeyirdə,şərdə,ürəyim.

Duyğusu yerində, qılıncdan iti,
Həm zarafatı var , həm də nifrəti,
Pisə də , pisliyin etmədi qəti,
Özünü həsr etdi mərdə , ürəyim.

Sösbazdan gen durdu,sözdə atmadı,
Sözü duymayana, sözün satmadı,
Halal mayasına, haram qatmadı,
Ruhum göydə gəzdi , yerdə , ürəyim.

Polad qayğı biçdi, yaxşılıq əkdi ,
Həyatın şələsi çiynində yükdü ,
Qırılıb , bitişmiş, nazik bir tükdü ,
Sən demə , sevərmiş bir də , ürəyim.

14.12.2014.

Dünya qocalıbdır ölmək istəyir
Yaradan rəbbinə dönmək istəyir.

Haqlının haqsızdan qorxduğu vaxtdır
Bilənin bilməzə susduğu vaxtdır
Quldurun qanunu qovduğu vaxtdır
Dünya qocalıbdır ölmək istəyir
Yaradan Rəbbinə dönmək istəyir.

Bəsdir fırlatdılar bu qədər onu
Şalvar əvəzinə satdılar donu
Özü də bilir ki, yaxındır sonu
Dünya qocalıbdır ölmək istəyir
Yaradan rəbbinə dönmək istəyir.

Doyub artıq qana udquna bilmir
Savaşlar qurtarmır müharibə dinmir
Əslər oldu ki, kimsə sevinmir
Dünya qocalıbdır ölmək istəyir
Yaradan Rəbbinə dönmək istəyir

Bir adam tapmır ki, dərdini deyə
Nə qədər ah nalə ucalar göyə?
Artıq günahsızlar ölməsin deyə
Dünya qocalıbdır ölmək istəyir
Yaradan Rəbbinə dönmək istəyir

Şirin təqdim etdi zəhər acını
Bəzəkli göstərdi taxtı tacını
Onun üçün vurur qardaş bacını
Dünya qocalıbdır ölmək istəyir
Yaradan Rəbbinə dönmək istəyir

İmtahan dünyası oldu millətə
Kimi cəhənnəmə kimi cənnətə
Daha dönə bilmir heçbir cəhətə
Dünya qocalıbdır ölmək istəyir
Yaradan Rəbbinə dönmək istəyir!

“Gənc Ədiblər Məktəbi”nin müdavimi, AYB və AJB üzvü,
Prezident təqaüdçüsü, Gənclər müfakatçısı

O, arvadını sevdiyi kimi bu dünyada heç kimi sevməmişdi. Ona elə gəlirdi ki, bir gün, bir neçə saat Bayansız qalsa, dünyası dağılar. Qurduğu bütün arzular, “gələcək” adlı sonsuzluğa doğru getdiyində ürəyinə yığıb apardığı bütün ümidlər Bayanla bağlı idi. Sanki, arvadının varlığı tarixin hansı dönəmində tikildiyi bəlli olmayan çox qədim, möhkəm bünövrəli bir qala idi; o isə bu qalanı hər gün üzü günəşə doğru aparan sərkərdəyə bənzəyirdi.
O, uzun illərdi ki, poçtda yükdaşıyan işləyirdi. Hər səhər saat doqquzdan evdən çıxır, bir də axşam altıda qayıdırdı. Hər axşam da yolunu evlərinin yanındakı kiçik mağazadan salır, sol cibindən arvadının yazdığı siyahını çıxarır, bircə-bircə aldığının adını karandaşla qaralayırdı. Günlər çox gözəl keçirdi… Neçə ildi ki, sakit, təmkinli və məsuliyyətli ailə başçısı kimi öz xoşbəxtliyinin dadını çıxarmağa çalışırdı və bunu bacarırdı.
O, bu gün də kiçik mağazada növbədə dayanmışdı. Yaşlı qadın və on-on iki yaşlı bir oğlan uşağından sonra siyahısını çıxarıb satıcıya tərəf addımladı. İki şirin bibər, bir kiloqram yumru düyü, on beş yumurta, bir şüşə alma sirkəsi, kəpək əleyhinə şampun və şokolad ətirli sabun. Siyahının sonunda gülən adamcıq işarəsi də vardı. Gülümsədi… Bayanın uşaq ərköyünlüyü onun bütün yorğunluğuna qarşı mövcud olan zərdab kimi idi; kiçicik bir uşaq şıltaqlığı və o, tam enerji ilə günün günortadan sonrasını davam edirdi.
O, şokoladı uşaqlıqdan sevmirdi. Bayanın istədiyi şokolad ətirli sabunu alsa da, əlini onunla yumaq heç də xoşuna gəlmirdi. Özünü məcbur edərək sabun əriyib yox olana qədər dözməyi qərara almışdı. Çünki, hər dəfə əlini yuyandan sonra Bayanın ovuclarını burnuna yapışdırıb var gücüylə bu qoxunu içinə çəkdiyini görürdü. Gördükcə də bu sabunun tez yaxud gec əriməsini arzulamasına tərəddüd edirdi. Onun üçün sabundan gələn şokolad ətri kəskin dərəcədə dəhşətli idi. Bəzən axşamlar darvazadan girincə bu sabunun ətri burnuna toxunur, onu sağ əlinin ovcu ilə burnunu ovxalayaraq asqırmağa məcbur edirdi.
O, bir gün işdən bir saat tez çıxmışdı. Kiçik mağazada növbəsi də az olmuşdu. Odur ki, addımlarını daha gümrah ataraq dölmələrinin başına yaxınlaşırdı. Bu vaxt qara papaqlı gödəkçə geyinmiş bir gənc oğlanın dölmədən çıxaraq tələsik addımlarla əks tərəfə getdiyini gördü. Oğlanı tanımırdı. Dölmədə cəmi iki darvaza vardı: onların və əmisigilin. Onlara kimsə gəlsəydi Bayan mütləq zəng edib xəbər verərdi. Əmisigil isə yay tətilini Hacıkənddəki evlərində keçirirdilər. Beynini çox yormasa da özlüyündə bu qərara gəldi ki, oğlan əmisigilin evinə oğurluğa gəlmiş olar. Həmin axşam əmisinə zəng edib evin təhlükəsizliyi barədə bir az söhbət etdi. Əmisi ona darvazanın üstündəki videokameranın və dəstəyə qoşulmuş siqnalizasiya sisteminin necə işləməsini öyrədəcəyini söz verərək “sabah görüşərik”-deyib sağollaşdı.
O, bu gün nahardan sonra işdən icazə alıb evə tələsirdi. Əmisi onu öz evində gözləməliydi. Bu dəfə kiçik mağazaya da dönmədi. Birbaşa əmisigilə gedəcəkdi. Ordan çıxandan sonra mağazaya qayıtmağa vaxtı qalardı. Əmisigildən saat dörddə çıxıb üzü öz evlərinə tərəf dayandı. İlk dəfə idi ki, öz darvazalarının üz-üzə dayandığı şir başı təsvir olunmuş darvazanın yanında balaca və miskin olduğunun fərqinə varırdı. Düşündü ki, bu yay keçdi, gələn yay kredit götürüb darvazanı yeniləsə, heç də pis olmaz. Fikirli-fikirli dölmənin sonuna tərəf irəlilədi. Əli ilə sol cibini üstdən sığalladı, Bayanın siyahı yazdığı kiçik kağız parçası xəfifcə xışıldadı. Dodaqlarının kənarları azca qırışdı, lakin burnuna toxunan kəskin qoxu onu gülməyə qoymadı. Qara gödəkçəli oğlan onun yanından sürətlə keçərək dölmədən çıxdı. O isə adətinə xilaf çıxaraq əlinin içi ilə burnunu ovuşdurmadı, əksinə, gözlərini bərəldərək asqırdı. Oğlandan geriyə kəskin dərəcədə dəhşətli şokoladlı sabunun ətri qalmışdı…

***

Elə tez alışanam
Adicə bir xoş sözə,
Bir kiçik gülümsəmə,
Yüngül bir nəvazişə

Çiçək kimi boy verib
Günəşə boylanıram.
Elə tez alışanam,
Alışıram, yanıram…

İnsanlara inanıb,
Hər dəfə aldanıram.
Gizlədirəm özümü
Aldanmağı danıram.

Elə tez alışanam,
Həyat adlı bu nəsnə
Vursa da hey silləni
Körpəcə uşaq kimi.

Unuduram yenə də
Üzərinə qaçıram…
Elə tez alışanam
Alışıram hər şeyə.

Ağrıları udmağa
Özümdən pay ayırıb
Başqa dünya qurmağa.
Mən də belə dəliyəm…

Alışanam mən, qağa!
Öldürməz hər dərd məni
Alışdım yaşamağa,
Alışdım yaşamağa…

25.10.2016

P.S. bütün gün camaata çiçəkdən, böcəkdən yazdır, mənə gələndə ağlat. P.S.S. İlham pərisi də hər şeyə alışan olduğumu bilir.

Getmisən

Bir ovuc göz yaşı qoyub yerinə
Yuxumu gözümdən alıb getmisən.
Gedəndə bir zəhmət hər şeyi topla,
Xatirələr burda qalıb, getmisən..
.
Bu yolun deyəsən dönüşü yoxmuş,
Mənə yoxuş düşüb, enişi yoxmuş,
Deyəsən sənin də yüklərin çoxmuş,
Həsrətini yolda salıb getmisən.

Kim belə sevgini yaşardı səndə,
Mən yenə qayayam külək əsəndə.
Bəlkə istəyindi… İstəməsən də
Hicran dəryasına dalıb getmisən.

21.10.2016

Oktyabrın 21-i Sumqayıt şəhərində “İnkişaf zamanı” proqramı və “MitOst”un dəstəyi ilə “Sosial dəyişikliklər naminə incəsənət” proyekti çərçivəsində “EcoArt” layihəsinin ilk mərhələsi keçirilib.
25 nömrəli məktəbdə keçirilən layihədə həmin məktəbin 20 şagirdinə ekoloji incəsənət mövzusunda təlimlər keçirilmişdir. Təlim görmüş şagirdlər tullantılardan əl işləri hazırlamaq vərdişlərinə yiyələnərək əl işləri hazırlamışlar.
Layihə təşkilatçılarından olan Toğrul Bayramlının sözlərinə görə, ekologiya elmi yer üzərində həyatın davamı və inkişafı ücün vacib olan bir istiqamətdir. Ekoloji biliklər yaş və peşədən asılı olmayaraq hamıya lazımdır. Bu səbəbdən, “EcoArt” ayihəsinin icrasına start verilmişdir.
Layihənin əsas məqsədi diqqəti ekoloji problemlərə yönəldərək əhali arasında maridləndirmənin aparılması, şəhərin daha təmiz görünüş alması, tullantıların təkrar emalının həvəsləndirilməsi, mötivlərinin artırılması, ekoloji mədəniyyətin erkən yaşda formalaşdırılmasına nail olmaq, ekoloji tərbiyyənin yaş səddini unudub bu işə könüllü yanaşan hər bir gəncin əli ilə digər insanlara da səsimizi yetirə bilməkdən ibarətdir. Həmçinin həyat üçün ətraf mühitin qorunmasının vacibliyini çatdırmaq, əhalinin tullantıları xüsusi konteynerlərə atmasına nail olmaq, vətandaşları zibilatma mədəniyyətini və zibil qutularına atılmayan tullantıların ətraf mühitə zərərli olduğu fikrini aşılamaq, gənclərin ətraf mühit mövzusunda öz fikirlərini, düşüncələrini, qabiliyyət və bacarıqlarını nümayiş etdirmələrinə və bu sahədə təcrübə əldə etmələrinə imkan yaratmaq, məişət tullantılarının düzgün idarə olunması məsələləri haqqında çəkilən rəsmlərlə əhali arasında informasiyanın daha da yayılmasına dəstək olmaqdan ibarətdir.
Qeyd edək ki, layihənin növbəti mərhələsində Sumqayıt şəhərində yerləşən məhəllələrdəki tullantı konteynlərinin üzərində ekoloji problemlərə maraq oyadan, ekoloji mədəniyyəti, təmizliyi təbliğ edən rəsmlər çəkiləcəkdir.

Azərbaycan Respublikasının Prezidenti Yanında QHT-lərə Dövlət Dəstəyi Şurasının 2016-ci ildə elan etdiyi Qrant müsabiqəsinin qaliblərindən biri də Müharibə Veteranı Qadınlarına Sosial Yardım İctimai Birliyidir.
“Azərbaycan tarixinin Qarabağ həqiqətlərinin təbliğində Azərbaycanda və xarici ölkələrdə tədbirlərin keçirilməsi” adlı layihənin növbəti tədbir 26 oktyabr 2016-cı il tarixində Çilov adası 131 saylı tam orta məktəbdə keçirildi. “Vətən sevgisi şah damarımdan yaxıdır mənə” adlı tədbirin təşkilatçısı məktəb rəhbərliyidir. Tədbiri məktəbin direktoru Musayev Rəfael Məmməd oğlu açdı. İlk olaraq dövlətimizin Himni səsləndi və şəhidlərin ruhu bir dəqiqəlik sayqı duruşu ilə yad edilub söz Radə Abbasa verildi. Layihə rəhbəri Radə Abbas layihə haqda geniş məlumat verdi. Layihənin əsasən Almaniyada, İsveçdə, Hollandiyada və Türkiyədə həyata keçirilməsi nəzərdə tutulur.
Məktəbin müəllimləri ilə birlikdə şagirdlərə Qarabağın tarixi, mədəniyyəti, əraziləri haqda geniş məlumat verildi. Azərbaycanın işğal olunmuş ərazilərində ermənilər tərəfindən törədilən vəhşiliklər, tarix- mədəniyyət abidələrimizin məhv edilməsi və bunun dünyaya çatdırılmasının vacibliyi şagirdlərin nəzərinə çatdırıldı. Məktəb şagirdlərinin hazırladıqları vətənpərvərlik ruhlu şerlər və mahnılar dinlənildi. Şagirdlərin Qarabağ və müharibə ilə bağlı çoxsaylı sualları cavablandırıldı. Məkrəbin müəllimləri, müharibə veteranları Vidadi İsmayılov və Şahbaba Paşayev çıxış edərək belə tədbirlərin keçirilməsinin şagirdlərin dünya görüşünə və tərbiyyəsinə müsbət təsirini qeyd etdilər. Çilov adasında ilk dəfə QHT tədbir keçirdiyini qeyd edən şagirdlər öz təşəkkürlərini bildirilər. MVQSİB-nin sədri Radə Abbasla həyata keçirilən layihələrin əsas məqsədi Ermənistanın Azərbaycan ərazilərinə təcavüzünü və tərəfdarlarının Ermənistanı dəstəklədiyini bildirdi. Xocalıya və Qarabağın ərazilərinə Ermənistanın ordusu ilə Rusyanın 366-cı motoatıcı alayının birgə hücumu nəticəsində girov götürülmş Azərbaycan qadınlarının hələdə girovluqda olduğu və onlara işgəncələr verildiyini bildirdi. Müharibə veteranı Gülpəri Əhmədovada bu tədbirin keçirilməsinin şagirdlərə və ümumilikdə hamıya xoş təsirindən danışdı. Çilov adasında yaşayan bizləri unutmadığınız üçün təşəkkür edirik dedi. Layihə rəhbəri tədbirin təşkili üçün 28 may NQÇİ-nin və 131 saylı məktəbin rəhbərliyinə təşəkkürünü bildirdi. Tədbirdə MVQSYİB-nin mətbuat xidmətinin rəhbəri və atesh.az saytının baş redaktru Qabil Ədalətdə iştirak etdirdi.
Layihənin icrası Avropada davam ediriləcəkdir.

Sumqayıt şəhər Əli Kərim adına Poeziya Evində ustad şair Məhəmmədheseyn Şəhriyarın 110 illik yubiley mərasiminə start verilib
Tədbiri giriş sözü ilə Sumqayıt şəhər Mədəniyyət və Turizm İdarəsinin rəisi Mehman Şükürov açıb. O, çıxışında belə ədəbi–məclislərin təşkil edilməsinin vacibliyini vurğulayıb və bu tədbirlərdə iştirakından məmnunluğunu qeyd edib.
AYB-nin Sumqayıt bölməsinin sədri şair Sabir Sarvan çıxış edərək Şəhriyar şeirindəki millilik, özünəməxsusluq elementlərinin onun bütün xalqımıza sevdirən cəhətləri kimi vurğulayıb.
Tədbirdə iştirak edən Azərbaycan Yazıçılar Birliyinin Cənubi Azərbaycan şöbəsinin rəhbəri Sayman Aruz Şəhriyarı sevərək xatırlayan hər bir azərbaycanlıya minnətdar olduğunu bildirib.
Təbriz Qaradağ Aşıqlar Birliyinin sədri Böyükbəy Ələkbəroğlu öz çıxışı ilə, Təbrizli aşıqlar Aşıq Abbas Məhəmmədi, Aşıq Həsən Babayi isə Şəhriyar sözünün sehrini əsrarəngiz saz havaları ilə bəyan ediblər.
Məclisdə çıxış edən Əsəd Cahangir , Ofeliya Babayeva , Əşrəf Veysəlli , xalçaçı rəssam Fazil Abasquluzadə ayrılıq, həsrət nidalarının ideal poetik həllin tapmış Şəhriyar poeziyasının gözəlliyindən söz açıblar.
Daha sonra xanəndələr Könül Əmiralıyeva, Günay Mehdiyeva, Tural Salmanov və müşayiətcilər Elnur Əliyev, Məhərrəm Qəhrəmanov, Zabil Cavadov şairin sözlərinə bəstələnmiş musiqi nömrələri və muğam parçaları ifa edərək ədəbi – bədii məclisi rövnəqləndiriblər.

Sumqayıt şəhər Mədəniyyət və Turizm idarəsinin mətbuat xidməti

Azərbaycan Respublikasının Prezidenti Yanında Gənclər Fondunun maliyyə dəstəyi ilə noyabrın 4 və 5-i Royal Hoteldə “Enactus Səhər Yeməyi” layihəsi çərçivəsində tədbir keçiriləcək.
Tədbirdə 22 universitetin və Azərbaycanın qabaqcıl şirkət və qurumlarının liderlərinin görüşü gözlənilir. Bu görüşdə Kənd təsərrüfatı, qadınların kiçik və orta sahibkarlığa cəlb edilməsi, onların sosial-ictimai həyatda fəallığının artırılması mövzuları ətrafında müzakirələr keçiriləcək. Görüşdə 100 nəfərin iştirakı planlaşdırılır.
Çətin rəqabət şəraitində universitet tələbələri hələdə sadəcə nəzəri biliklərlə kifayətlənir və praktiki biliklərin formalaşmaması bir çox problemlərin yaranmasına gətirib çıxarır. Qloballaşan dünyada ölkələrarası rəqabət çox şaxəli bir zəmində irəliləməkdədir. Belə bir zamanda ən əsas ünsür isə ölkələrin “məlumat istehsal” etməsidir. Qlobal bilgi istehsalına yüksək töhfə verən ölkələrin qlobal səviyyədə böyük bir üstünlük əldə etməsi şübhəsiz bir reallıqdır. Məsələyə bu şəkildə yanaşıldığı zaman Azərbaycanın inkişaf edən dünyada akademik təcrübəsi və gənc nəslin elmi inkişaf səviyyəsi daha da uğurlu ola bilər.
Gənclərdə araşdırma qabiliyyətinin təşviq edilməsi, müxtəlif yollarla iqtisadiyyatın ayrı-ayrı seqmentlərini dərindən və detallı araşdıraraq yeni metodologiyanı üzə çıxarmaqdır.
Tədbirin əsas məqsədi gənclərdə analitik düşüncənin təşviq edilməsi onlara nəzəri biliklərin praktikada tətbiqetməsinə yardımçı olmaqdır.

Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar Birliyinin üzvü, “Qızıl qələm” media mükafatı laureatı, Azərbaycan Jurnalistlər Birliyi Sumqayıt şəhər təşkilatının Gündəlik Analitik İnformasiya Agentliyinin (gundelik.info) və Azərbaycanın Mədəniyyət və Ədəbiyyat Portalının Naxçıvan Muxtar Respublikası bürosunun rəhbəri, Şairə-jurnalist-publisist Rahilə xanım Dövranın bədii yaradıcılıq fəaliyyəti və yeni işıq üzü görmüş “Dövran həmin dövrandır” şeirləri kitabı haqqında Naxçıvan Muxtar Respublikasının ən nüfuzlu mətbuat orqanlarından biri olan “Nuh yurdu” qəzetinin sonuncu sayında Naxçıvan Muxtar Respublikası Mətbuat Şurasının sədri Rövşən Hüseynovun “Vətən sevgisindən yoğrulan şeirlər toplusu” adlı məqaləsi çap olunub.
Qeyd edək ki, bundan öncə cari ilin yanvar ayının 27-də respublikanın paytaxtı Bakı şəhərində fəaliyyət göstərən “Olaylar” İnformasiya Agentliyində və “Olaylar” qəzetində Gündəlik Analitik İnformasiya Agentliyinin Mətbuat xidmətinin rəhbəri, Azərbaycan Jurnalistlər Birliyinin üzvü, Rahilə xanım Dövranın kiçik oğlu, şair-jurnalist, gənc yazar Kənan Aydınoğlunun “Qızıl qələm” media mükafatı laureatı, şairə-jurnalist-publisist Rahilə xanım Dövranın zəngin bədii yaradıcılıq fəaliyyətindən bəhs edən “Rahilə Dövranın zəngin yaradıcılıq fəaliyyəti” məqaləsi dərc olunaraq, ictimaiyyət nümayəndələrinin nəzərinə çatdırılmışdı.

Kamran MURQUZOV,
Azərbaycanın Mədəniyyət və Ədəbiyyat Portalının
Mətbuat xidmətinin rəhbəri,
Azərbaycan Jurnalistlər Birliyinin üzvü

Azərbaycan Yazıçılar və Jurnalistlər Birliklərinin üzvü,
Azərbaycan Jurnalistlər Birliyinin Sumqayıt şəhər təşkilatının sədri,
”Möhtəşəm Azərbaycan” müstəqil ictimai-siyasi, ədəbi-bədii qəzetinin təsisçisi və baş redaktoru,
”Qızıl qələm”, “Həsən bəy Zərdabi”, “Qafqaz-Media” mükafatları laureatı,
Əməkdar jurnalist

Özün şəklindən qəşəngsən,
Şəklin də özündən gözəl.
Həyat səni düşürməsin,
Heç zaman gözündən, gözəl.

Bu necə bir gözəllikdi? –
Eşqə sığışdırmaq olmur.
Üzündən süzülən nuru,
Yığıb-yığışdırmaq olmur.

Baxırsan həyat dolusu,
Qadınsan – adın üstündə.
Yıxılır evi baxanın,
Kül olur odun üstündə.

Yığış, tez get buralardan,
Sən yer adamı deyilsən!
Gəlişinlə yer üzünü
Tutsun qadamı deyirsən?!

Gör necə əsir etmisən,
Düzü-dünyanı özünə.
Səni görən zindan sanır,
Düzü, dünyanı özünə.

Apar, Tanrım, bu gözəli,
Mələklərə ortaq eylə.
Hamı azad olsun deyə,
Öz hücrəndə dustaq eylə.

Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,

Dünyamız olubdur fırıldaq,yalan,
Abır,ismət,əxlaq,edilib talan.
Nə varsa yox olub əcdaddan qalan,
Qoruya bilmirik Tanrı yazanı-
Allahım,qurulsun Haqqın mizanı.

Artır bəyaz saçlar ağıllı başda,
Bu hala qəlb nədir,əriyər daş da.
Bəllərdik ərləri,mərdi savaşda,
Kilkilər ram edir nərə,sazanı-
Allahım ,qurulsun Haqqın mizanı.

Yalan ayaq açır,hətta yeriyir,
Iblis bic-bic gülür,eyləyir seyir.
Yalançı doğruya şər,böhtan deyir,
Islah etmək üçün yolun azanı-
Allahım, qurulsun Haqqın mizanı.

Zaman mürgüləyir,yuxuya dalib,
Aqillər,adillər kənarda qalıb.
Gülzar bağçalıqda,alaq kök salıb,
Yazımız görməmiş vaxtsız xəzanı-
Allahım, qurulsun Haqqın mızanı.

Nələri görməyib bu qoca Turan,
Bizə kömək olsun müqəddəs Quran.
Əl açıb dərgaha yalvarır Dövran:-
Qoy çəksin suçlular haqlı cəzanı-
Allahın ,qurulsun Haqqın mizanı.

24.10.2015.

Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,

H.Cavidin ev muzeyini ziyarət edərkən Ulu öndər tərəfindən onun nəşini Vətənə gətirənlərin onun məzarı önündəki şəkli və muzeydə qorunan 59 №-li taxta məzar nişanəsini seyr edərkən.

Bir şəklin önündə durmuşam səssiz,
Hissim, duyğularım kükrəyən dəniz.
Xəyallar götürür keçmişə məni,
Titrəyir qəlbimin qürur yelkəni.
Hayqırır şəkildən qorxulu illər,
Xəyanət, haqsızlıq, o qanlı əllər.
Cəllad NKVD, zalım Mircəfər,
Həbslər, işgəncələr, qan, sürgün, nələr…
Tablo silkələnir, Sibir küləyi,
Üşüdür qəlbimdə arzu, diləyi.
Düşüb qanadından birdən xəyalın,
Qanlı Tayqadayam mən ayaqyalın.
Kədər iyi verən qoca məzarlıq,
Gözlərim önündə durur bir anlıq.
Bir məzar görürəm məzlum, biçarə,
Taxtadan başdaşı üstə işarə.
Əlli doqquz sayı qazılıb orda,
Yurdun Əfəndisi uyuyur burda.
Bəs necə sığışıb bu soyuq qəbrə,
Nifrətlə baxıram buzlu Sibirə.
Kəhkəşana sığmaz ülvi duyğular,
Bu kiçik məzara de necə sığar?
Ürəklər dağlayan qərib mənzərə,
Baxın, yaraşırmı heç Səməndərə?
Necə qıydın fələk, söz sultanına?
Gör necə dağ çəkdin Azərbaycana.
Məhv etdin ədalət mücəssiməsin,
Şeirin, sənətin uca zirvəsin.
Paslanmaz qızıltək heç vaxt həqiqət,
Sonda qalib gələr düzlük, sədaqət.
Zaman oyun oynar bəzən ikili,
Əsrdən çox bildik o qırx beş ili.
Öndər gediş etdi mat oldu zaman,
Cavidi vətənə gətirdik aman!
İlahi ədalət tapdı yerini,
Günəşin çöhrəsi yenidən-yeni.
Torpaq qucaqladı müqəddəs nəşi,
Sənə minnətdarıq Yurdun Günəşi!

Gərək çıxmayaydın önümə bir də,
Kaş elə qalaydın dünənimdə sən.
De,niyə dönmüsən günümə bir də?
Sən ki sənə bağlı dünənimdəsən.

Yadıma düşdükcə sənli o çağım,
Yenə də ürəyim yerindən çıxır.
Külü də sovrulub sənli ocağın,
Başımın üstündə şimşəyi çaxır.

Yeriyir üstümə dərd dönə-dönə,
Yeyir ürəyimi sənli fikirlər.
Sən özün-özünü saldın düyünə,
Dumanlı,çisənli,çənli fikirlə.

Düşüb şübhələrin bəd qəlibinə,
Dedin:”Yanılmışam sevən anımdan.”
Köçürə bilmədin məni qəlbinə,
Kəsildin məhəbbət imtahanından.

Getdin,qədərimə yar oldu dünyan,
Əsdi qara yellər yollarım üstə.
Payız yarpağı tək saraldı sevdam,
Eşqin gül tək soldu qollarım üstə.

Geyib dərd donunu kəsilir qənim,
Sevdalı dünənim,yaslı bu günüm.
Məni də salmısan gözümdən-məni,
Gözümdən düşənlə necə öyünüm?!

Dəlir ürəyimi məsum görkəmin,
Gözümə dağ çəkir baxışların da.
Mənə bəxş etdiyin ayrılıq qəmi
Sızlayır alnımın qırışlarında.

Gərək çıxmayaydın yoluma bir də,
Kaş elə qalaydın dünənimdə sən.
Söylə necə dözüm sən boyda dərdə,
Necə zənn eləyim dünənimdəsən?!

Azərbaycan.Quba.
09.07.2000.

Dedin:”Yol acıqdır üzünə sənin,”
Dünya gözlərimdən düşdü bir anda.
Utandım baxmağa gözünə sənin,
Sözlərin üşütdü həyamı canda.

Nə idi istəyin,nə idi,de nə?
Payız tək saraldım bahar gözümdə.
Qınadım özümü hey dönə-dönə,
Sanki heçə döndü- nə var gözümdə.

Oduna qalanıb yolunda yandım,
Üstümə bir zərrə su çiləmədin.
Dərdinin önündə sipər dayandım,
Yaxşı ki səbrimə kül ələmədin.

Dünyamı yuxulu,mənmi yuxulu?
Səni sevməyim də yuxuymuş,demə.
Çiçəyin çırtlayıb yalan qoxulu,
Zərrəcə insafın yoxuymuş,demə!

Olan insafın da çəkilib göyə,
Daş əsri deyil ki,daşa dönəsən.
Göz də o göz deyil-gözümü döyəm,
Gözümdə həsrətdən yaşa dönəsən.

Ömrün payızında saralan güləm,
Dərdin ümidinə qoymusan məni.
Çətin ki sevinib ürəkdən güləm,
Sən ki dar ayaqda saymısan məni!

Bir dünya qüssəsən gözümdə mənim,
Dərdimin üzünə gülə bilmirəm.
Sən elə etmisən özümdən məni,
Daha özümə də gələ bilmirəm.

Dedin:”Səni anıb gəzməz ürəyim,
Daha mənim üçün quruca adsan”.
Səni ələmədi qüssə ələyim,
Yaxşı ki dar gündə dərdimə yadsan.

Azərbaycan.Quba.
26.12.2002.

Kasıbın bir tikəsinə,
Min tikəli şərik çıxır.
Nübarına əl dəyməmiş,
Əlli yerdən yerik çıxır.

Bəxtinə düyün düşübdür,
Taleyindən gen düşübdür,
Düz yoluna çən düşübdür,
Qarşısına gədik çıxır.

Cındırından cin ürküdür,
Amma ürəyi güzgüdür,
Kasıbçın “Pul əl çirkidir”,
Məsəli də müdrik çıxır.

Yaşamağa ümidi var,
Düşünür ki, çarə tapar…
Həsrətlə gözlədiyi bar,
Yetişəndə çürük çıxır.

Mən piyada, ömür atlı,
Arzularım yel qanadlı,
Əzabı da toy-büsatlı,
O ilimə çatammadım.

Ürəyimin köz vaxtında,
Sevgi dolu söz vaxtında,
Ha yüyürdüm, öz vaxtında,
Öz fəslimə çatammadım.

Daş-kəsəyi qaya bildim,
Gölməçəni dərya bildim,
Hər ürəyi duya bildim,
Öz könlümə çatammadım.

Nə təzanə, nə sim oldum,
Sığal çəkən nəsim oldum,
Səbr oldum, dözüm oldum,
Mənzilimə çatammadım.

Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,

BU GÜN ƏDƏBİ MÜHİTİMİZİN SEVİMLİSİ, ƏDƏBİYYATIMIZIN VƏ MƏDƏNİYYƏTİMİZİN MÜBARİZ TƏSSÜBKEŞLƏRİ, GÖRKƏMLİ QƏLƏM SAHİBİ VƏ İSTEDADLI JURNALİSTLƏRİMİZ OLAN KAMRAN VƏ KƏNAN AYDINOĞULLARININ DOĞUM GÜNÜDÜR. ƏZİZLƏRİMİZ OLAN ƏKİZ QARDAŞLARI AD GÜNLƏRİ MÜNASİBƏTİ İLƏ SƏMİMİ QƏLBDƏN TƏBRİK EDİR, ONLARA SEVDİKLƏRİ İLƏ BİRLİKDƏ UZUNÖMÜR, CANSAĞLIĞI ARZULAYIRIQ! AÇILAN HƏR SABAH,GÜN ONLARI DAHA BÖYÜK UĞURLARA GÖTÜRSÜN İNŞALLAH!!!
AD GÜNÜ MÜBARƏK, KAMRAN, KƏNANIN

Gül açıb könlündə dostun, sirdaşın,
Bu gün ad günüdür, əkiz qardaşın.
Yurdsevər, eloğlu, cüt vətəndaşın
Gözü aydın olsun Ata, Ananın,
Ad günü mübarək, Kamran, Kənanın!

Günəş də gülərüz olubdur bu gün,
Süslənib masalar, büsat, toy, düyün.
Eşidin ey dostlar, gur alqış deyin
Bu vətən, bu xalqa, candan yananın,
Ad günü mübarək, Kamran, Kənanın!

Əkiz növcavanlar, mərd, igid, göyçək,
Hər kəs mehrin salır, onları görcək.
Alqışçün səfərbər, əldə gül, çiçək
Cəsur övladları Azərbaycanın,
Ad günü mübarək, Kamran, Kənanın!

Alqışlar, təbriklər, diləklər min- min,
Yüz yaş nəsib etsin, onlara Rəbbim.
Qürur, iftixarla döyünür qəlbim
Ana duyğusudur, sözü Dövranın,
Ad günü mübarək, Kamran, Kənanın!

Oktyabrın 28-də saat 18:00-da Azərbaycan Respublikası Mədəniyyət və Turizm Nazirliyi və Azərbaycan Yazıçılar Birliyinin birgə təşkilatçılığı ilə respublikanın paytaxtı Bakı şəhərində Beynəlxalq Muğam Mərkəzində Azərbaycanın dahi şairi Məhəmmədhüseyn Şəhriyarın anadan olmasının 110 illik yubileyinə həsr olunmuş tədbir keçiriləcək.
İctimaiyyət nümayəndələrinin, media təmsilçilərinin, mədəniyyət, ədəbiyyat, incəsənət xadimlərinin iştirakı ilə keçiriləcək tədbirdə “Heydərbaba şairi” Məhəmmədhüseyn Şəhriyarın bədii yaradıcılıq fəaliyyətindən danışılacaq, müxtəlif illərdə qələmə aldığı ədəbi-bədii nümunələr səsləndiriləcək.

Ünvan: Dənizkənarı Milli Park-Bulvar, Neftçilər prospekti, 9

Sumqayıt şəhər rəhbərliyi Heydər Əliyev parkında yerləşən “Poeziya evi”ndə Azərbaycan Yazıçılar Birliyinin Sumqayıt bölməsinin üzvləri ilə görüşüb.

AZƏRTAC xəbər verir ki, görüşdə çıxış edən yazarlar söz adamlarına göstərilən diqqət və qayğıya görə minnətdarlıqlarını bildiriblər.

Çıxışlarda şəhərdə görülən işlər, o cümlədən Heydər Əliyev Mərkəzinin, şahmat və incəsənət məktəblərinin tikilib istifadəyə verilməsi, “Sülh” küçəsində aparılan genişləndirmə işləri, möhtəşəm park-bulvar kompleksinin yaradılması yüksək qiymətləndirilib.

Sumqayıt Şəhər İcra Hakimiyyətinin başçısı Zakir Fərəcov “Poeziya evi”nin yazıçıların istifadəsinə verilməsini əlamətdar hadisə adlandırıb.

Z.Fərəcov şəhərdə həyata keçirilən yeni layihələrdən söz açıb, gələcək planlardan danışıb.

Görüşdə Sumqayıt və sumqayıtlılara göstərilən diqqət və qayğıya görə Prezident İlham Əliyevə minnətdarlıq ifadə olunub.

Yazarlar müəllifi olduqları şeirləri oxuyub, arzu və istəklərini bildiriblər.

Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,

“Könül dəftərim” – silsiləsindən

Güntək, Aytək camalı,
Təmiz adı, amalı.
Vardır ağlı, kamalı,
Mən sevdiyim gözəlin.

Zərdən buta, naxışı,
Naz, qəmzədir yaxışı.
Ürək üzür baxışı,
Mən sevdiyim gözəlin.

Sehrə, tilsimə salır,
Görən donub, mat qalır.
Gözləri canlar alır,
Mən sevdiyim gözəlin.

Cilvə, ağıl aldadır,
Başım qalma- qaldadır.
Hər kəlməsi bal dadır,
Mən sevdiyim gözəlin.

Qaş kaman, kiprik- oxdu,
Hey atıb, yaram çoxdu.
Dövran, günahı yoxdu,
Mən sevdiyim gözəlin…

Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,

“BİR İNSAN ÖMRÜNƏ NƏLƏR SIĞARMIŞ”- ULU ÖNDƏRİMİZ HAQQINDA YAZDIĞIM POEMADAN KİŞİK BİR PARÇA.

Dövlət müstəqilliyimiz əbədidir!

O azadlıq şəhərinin qapısıdır,
Təşnə,cadar dodaqlara sərin sudur.
O,müdrikdir,Uluların Ulusudur.
Dəyişsə də zaman, dövran, bizimlədir!

Olmasada aramızda Ulu Rəhbər,
O,diridir, hər bir zaman bizimlədir.
O, xoşbəxtlik,firavanlıq, parlaq zəfər,
El atası, Baş Komandan bizimlədir!

Müdrik əli bayrağımım dəstəyində,
O, yaşayır bu vətənin ürəyində.
Haça dadın, Ağrı dağın ətəyində,
Qoç Koroğlu,həm Oğuz xan bizimlədir!

Dalğaları parçalayan sərt limanım,
O,dəqiqəm, O ,saniyəm, saat anım.
Dağ çayıtək yürüş edən həyacanım,
Bamsı Beyrək, Salur Qazan bizimlədir!

Salnamədir uca-uca göydələnlər,
Vürüşlardan, döyüşlərdən bizə xəbər.
Körpələrin gülüşüdür təzəcə tər,
O, sahilsiz, sonsuz ümman bizimlədir!

Diləməsən könüllər rahatlıq tapa bilməz,
Qiyamətdə dağlar da yerindən qopa bilməz.
Mərdlər də yəhər üstə bir atı çapa bilməz,-
Sınanılmış həqiqət, deyilmiş hikmətdi bu.

Sənin bax, təkliyini xalqa bəyan eyləmək,
Mələkləri özünə yeni həyan eyləmək,
Din, imanın uğrunda bu gün üsyan eyləmək,
Sınanılmış həqiqət, deyilmiş hikmətdi bu.

Dünya malından ötrü göz yaşını tökməmək,
Müşrikin, münafiqin yanında da çökməmək,
Nə bir qaya uçurub, nədə bir ev sökməmək,
Sınanılmış həqiqət, deyilmiş hikmətdi bu.

Ümidini hər zaman tək Allaha bağlamaq,
Məsumlar, imamalara ürək dolu ağlamaq,
Arada abır-ismət, bir də həya saxlamaq,
Sınanılmış həqiqət, deyilmiş hikmətdi bu.

Həsrətdən il uzunu gözün yaşına dönmək,
İgidlikdə, ərlikdə dağın başına dönmək,
Kaman kimi qızların qara qaşına dönmək,
Sınanılmış həqiqət, deyilmiş hikmətdi bu.

“Quran”ı zaman-zaman özünə rəhbər tutmaq,
Yaşayıb bu dünyanın qəm, kədərin unutmaq,
Qəzəbi nifrət kimi qəhər yerinə udmaq,
Sınanılmış həqiqət, deyilmiş hikmətdi bu.

Cəmi altıca günə bir də “Ol!” əmrindən,
Yoxdan var eyləmisən bu dünyanı sən, Allah!
Yenə şükür söyləyim gərək ki, kərəminə,
Bu ömrün hər gününə, hər anına mən, Allah!

Bilirəm ki, izninlə dağ başından qar atar,
Kimi öz niyyətinə, kimi murada çatar.
Gözlərdən gəlib keçsə, günlər də qatar-qatar,
Çatmaz yüz camalına: nə duman, nə çən, Allah!

Vaxt olub ki, haqlıca özümü danlamışam,
Hikmətinin önündə ruhlanıb, canlanmışam.
Dinləyib haqq “Quran”ı, doğrusu, anlamışam,
Mülkündə ola bilməz bəndələrin tən, Allah!

Gərək ki, hikmətinin önündə mən olum mum,
Daşların arasından süzülüb mən olub qum.
Yenə Ana torpaqda becəridsə arpa, tum,
Necə tərif deməsin mənlə birgə dən, Allah?!

Səpilən arpa, buğda bu torpaqda əkilməz,
İmam Zaman ağanın həsrəti də çəkilməz.
Diləməsən bir nütfə bir bədənə tökülməz,
Gələ iblməz ortaya: bir insan, bir gen, Allah!

2010-cu il.Bakı şəhəri

20 YANVAR şəhidlərinin əziz xatirəsinə.

Bu yağış-məhrəmi qaynar qazanın,
Bu yağış-məlhəmi qəbir qazanın.
Bu yağış torpağa şəhid ehsanı,
Bu yağış gözlərdən nidamış hərbə.
Qırmızı yağışlar yağarmış qəlbə.

Bu yağış-yanvarın çillə yağışı,
Qırmızı üzlərə sillə yağışı,
Mənliyə tuşlanan güllə yağışı,
Alovlu başlara yağan daş zərbə,
Qırmızı yağışlar yağarmış qəlbə.

Bu yağış-qəzəbi dillənən baxış,
Mürgülü gözlərdən zillənən baxış.
Bu yağış yollara səpilən qarğış,
Bu yağış ürəyə sancılan qəlpə,
Qırmızı yağışlar yağarmış qəlbə.

Bu yağış-yurdumun tale naxışı,
Qərənfil yağışı-qədər yağışı,
Ana-bacıların nifrət baxışı,
Bu yağış yağıya yönələn hədə…
Qırmızı yağışlar yağarmış qəlbə.

Bu yağış Bakının fağır başına,
Köz kimi səpilib,yağıb başına.
Elə bil bu dünya axır boşuna,
Bu yağış millətə dəyən daş zərbə…
Qırmızı yağışlar yağarmış qəlbə.

Bu yağış al qana çalan yağışdır,
Qəlbimi ilan tək çalan yağışdır.
Ümidi yadlara qalan baxışdır,
Güman çəkilibmi,Allahım,qeybə?
Qırmızı yağışlar yağarmış qəlbə!

Azərbaycan.Quba.
22.01.1990.

Hər axşam qoşulub tənha qüssənə.
Qəmini qəlbində közləyəcəksən.
Elə od qoyacaq intizar sənə,
Bu odu hamıdan gizləyəcəksən,
Sən mənim yolumu gözləyəcəksən.

Gündüzlər qəlbində yaşaran ümid.
Gecələr yuxunu ərşə çəkəcək.
Donacaq gözündə yaşaran ümid,
Qəmli baxışın da hey yol çəkəcək,
Sən mənim yolumu gözləyəcəksən.

Gözünün odunu alacaq yollar,
Yenə düyünlənib baxışlarına.
Bu yollar həsrəti gözünə yollar…
Düşərək xatirə yağışlarına,
Sən mənim yolumu gözləyəcəksən.

Mənə qalan olsa-gözün qalacaq-
Sevinci,kədəri yaradan baxış.
Sənin o günlərdə gözün qalacaq,
Gözündən gələcək yar atan baxış,
Sən mənim yolumu gözləyəcəksən.

Nə qədər gec deyil-bir daşın,düşün,
Nə qədər düşməyib işlər düyünə.
Belə at oynatma,atından düşüb
Üz tutub qarşıdan gələn hər günə,
Sən mənim yolumu gözləyəcəksən!

Azərbaycan.Quba.
1985-ci il.

El içində saf dolan , pak adla xoş niyyət qazan,
Ol ləyaqət timsalı , şəksiz səlahiyyət qazan.

Olma şöhrət , var əsiri , çünki yoxdur faydası,
Axirət dünyasına hazırla yük , xeyrət qazan.

At lovğalıq hissini , ol sadə Allah bəndəsi,
İnsan ol , insanlara hörmət elə , biət qazan.

İstəsən könlün firavan , ömrün olsun çox rahat,
Ol şirindil , qəlbi saf, hər kəslə ünsiyyət qazan.

Ömür Allahdan mükafatdır , Müzəffər , düz yaşa,
Haqqa layiq ol , döyüş nəfsinlə , hürriyyət qazan.

Mərhum şairimiz Məmməd Araza

Vətən səni oğul deyib səsləyir,
Sevin, ustad, həqiqətdir gümanın.
Bəxt gülünü qayalarda bəsləyir,
Ləçəyində xalı yoxdur xəzanın.

Sözlərini pıçıldadın daşlara,
Od-alovlu ürək hara, daş hara,
Söykəndiyin qayalarmı qışqıran,
Sədasımı əsrlərin, zamanın?

Ürəklərdə arzu olub hər arzun,
Bu məhəbbət alovunda gəl, qızın,
Qonur gözlü Ana Kürün, Arazın,
Nəğməsini ürəyindir yazanın.

Vətən daşı olmaq arzun, muradın,
Tariximi qayalarda aradın.
Güvənməli dağa döndü inadın,
Sərhəd oldun yollarına yamanın.

Bu torpağın taleyi kəm, bəxti kəm,
Ürəkləri didir həsrət, didir qəm.
Neçə kərə xəyalımla keçmişəm,
Təbrizimdən qovmaq üçün dumanı.

Ürəyimi aça-aça boşaldım,
Böhtanlardan qaça-qaça boşaldım,
Güman adlı bir ünvana baş aldım,
“Məmməd Araz bulağı”ymış ünvanın.

Hər şerini kəlmə-kəlmə yoğuran,
Qələminin qüdrətində dağ, aran.
Əbədiyyət zirvəsində ağaran,
Ömür adlı həyanındır, həyanın…

Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,

“Mənim dünyam” – silsiləsindən

Sönmür nə həsrəti,nə məhəbbəti,
Qulaqda sırğadır hər nəsihəti.
Olmayıb kimsəyə bir qəbahəti,
Gülərüz,mehriban,ailəyə həyan-
O,mənim babamdı,məşəltək yanan.

Yaxşıya heç zaman yaman demədi.
Atəşdən,alovdan köynək geymədi.
Ömründə bir tikə haram yemədi,
Harama düşməndi,Haqqa inanan-
O,mənim babamdı ,məşəltək yanan.

Elin sərvətiydi zəkası,ağlı,
Qoca bir palıddı torpağa bağlı.
Başımız üstündə qübbəydi,tağlı,
Tufanlar önündə məğrur dayanan-
O,mənim babamdı məşəltək yanan.

Zəhmətdən yoğrulmuş nurlu mayası,
Bağı,bağçasıydı kiçik dünyası.
Üzümü,ənciri,ərik,gilası,
Sabahlar günəşdən erkən oyanan-
O,mənim babamdı ,məşəltək yanan.

Dillər əzbəriydi təmiz,pak adı,
Çağlayan çeşməydi gözəl həyatı.
Damarımda axan həzin bayatı,
Əbədi aləmə müqəddəs karvan,
O,məmim babamdı,məşəltək yanan.

Onsuz bu gen dünya olub mənə dar,
Məbədə dönübdür yatdığı məzar.
Qalmasın oğuldan,qızdan intizar,
Sevimli nəvəsi –Rahilə Dövran-
O,mənim babamdı ,məşəltək yanan.

Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,

“Könül dəftərim” – silsiləsindən

Nə zamandır gülmürəm,
Öləmmirəm, ölmürəm.
Heç səbəbin bilmirəm,
Niyə, zalım olmusan?

Sevgi oyuncaq deyil,
Kimə salmısan meyil?
Dön dinə, Haqqa əyil,
Niyə, zalım olmusan?

Bilməm, nəymiş günahım?
Necə üzünə baxım?
Dağ – daşı yaxır ahım,
Niyə, zalım olmusan?

Tapıb uyğun zamanı,
Qırdın əhdi, peymanı.
Rəzil etdin Dövranı,
Niyə, zalım olmusan?

“Qubanın təbiəti” silsiləsindən
Şahdağından,Babadağdan yön alan,
Çaylarının nəğməsi min avazlı.
Dərələrdən cığırlara boylanan

Nərğiz nazlı,lalə nazlı-ğül nazlı.
Burda dağın duruşunda bir vüqar,
Yaşıl meşə Əlçapanın kürkümü?
Şahdağının çal saçları dümağ qar

Bu mənzərə təbiətin hökmümü?!
Möcüzəmi daş üstündə ağaclar,
Burda ot da daş üstündə göyərir.
Sanki sirdir bu yerlərdə nə ki var-

Buludlarla salamlayır göy yeri.
Burda çılğın dağ çayının özəyi,
Şəlalə də daim coşur, hayqırır.
Dağ kəlləri Babadağın bəzəyi,
Səmasında qartalları qıy vurur.

Qayalar da burda qartal duruşlu,
Bulaqların buz suları bal dadır.
Dərə boyu daim eniş-yoxuşlu,
Kəmər yollar yolçuları aldadır.

AZƏRBAYCAN.QUBA.
1986.

Sən kimi sevirsən heç bilirsənmi?
Qəlbi qara daşdır qurban olduğun.
İlanı yuvadan çıxarar dillə,
Şeytana qardaşdır qurban olduğun.

Sənə ünvanlanan sözünə bəndsən,
Sözündən daha çox özünə bəndsən,
Oğrun baxışına,gözünə bəndsən,
Sevən qəlbə daşdır qurban olduğun.

Ona fərq eləməz sənsən,ya qeyri,
Sözündə düz olmaz gözündən əyri…
Yüz yol söyləsəm də sənə,nə xeyri?
Desəm:”Qəlbi daşdır qurban olduğun”.

Nə qədər gec deyil-bir düşün,daşın,
Atdığın addımdan,fikrindən daşın!
Barı,tök ətəkdən bu sevda daşın,
Dərd verən bir daşdır qurban olduğun.

Abdulla Haqqa yar-yar da yarına…
Həqiqi yar olan darda yarınar.
Təkcəgöz yaşıdır dərdə yarınan,
Qədərə sirdaşdır qurban olduğun,
Kədərə yoldaşdır qurban olduğun.

Azərbaycan.Quba.
22.03.2016

Ağı deyib, məni səslər,
Göz yaşında oxşar, bəslər,
Dərd-qəmimə susan kəslər,
Dil açar sinəm üstündə.

Seçib haqqın dərgahını,
Səsləyəcək Allahımı.
Əfv etməkçün günahımı,
Əl açar sinəm üstündə.

Qalammarıq nə sən, nə mən,
Biz gedərik, dünya həmən…
Üstündə gəzdiyim çəmən,
Gül açar sinəm üstündə!

Sən mənə bir şəkil göndər,
Baxıb ona, dəli olum.
İçimdə yanan ocağın,
Alovlanan dili olum.

Sən mənə bir şəkil göndər,
Öz-özümə aşıb-daşım.
Gecə-gündüz qoy şəklinə
Baxmağa qarışsın başım.

Sən mənə bir şəkil göndər,
Can alıb, dursun qəsdimə.
Öpüm, şəkildə üzündən,
Basım sinəmin üstünə.

Səni sənsiz belə sevmək,
Bir az mənə rahat olur.
Rəsmini də görəmməsəm,
Ürəyim narahat olur.

Gözəl, sənin gözəlliyin,
Bütün dünyaya bəllidir.
Nə vaxt sənə qovuşmaqçün,
Şəkil də bir təsəllidir.

Sən mənə bir şəkil göndər,
Sevim, oxşayım rəsmini…
Sənə yazsam da, bu şeiri,
Gizli saxladım ismini.

Ölüm mənə vız gəlir,
Mən ömürdən qorxuram.
Sükutu kiridirəm,
Səs-səmirdən qorxuram,

Bu düyünlər, bu sirrlər,
Hisslərimi əzirlər…
Pambıqla baş kəsirlər,
Mən dəmirdən qorxuram.

Dünya cığal, qəlbqıran,
İti qurda qısqıran…
Çoxluca su aparan,
Bu xəmirdən qorxuram.

Məramımı ləngidən,
Hövsələmi təngidən,
Yollarımı səngidən,
Bu səbrdən qorxuram.

Sevinc dərdə əriyir,
Təsəllilər kiriyir…
Cəmlər birdən törəyir,
Mən O Birdən qorxuram

Öyrəş müstəqilliyə,
Dirçəl a xalqım mənim.
Çox bəlalar çəkibdir,
Bu gülüstan Vətənim.

Qoru bu gülüstanı,
Əziz tut ki , canından.
Su içib hər ləçəyi,
Şəhidlərin qanından.

Qandan-qadadan keçən,
Əmanətdir azadlıq.
Məhəbbətdən su içən,
Səadətdir azadlıq.

Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,

Xəstə təxəyyüllü,içləri kinli,
Qalmayıb bir nəfər imanlı,dinli.
Hər kəs özün sayır tanınmış,ünlü,
Tanıya bilmirəm bu insanları.

Hörmət də,izzət də,çəkilib ərşə,
Dünyanın düzəni dönübdür tərsə.
Qalmayib ehtiyac ehkama,dərsə,
Tanıya bilmirəm bu insanları.

Qanqallar boy atıb bağ olubdular,
Təpələr çevrilib dağ olubdular.
Kiçiklər böyüyə ağ olubdular,
Tanıya bilmirəm bu insanları.

Dövran çox görübdür,dumanı,çəni
O üzdən artıbdır saçının dəni.
Allahım hifz etsin onlardan məni,
Tanıya bilmirəm bu insanları.

Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,

Hələ vaxt var deyən kəsin,
Dünya çox çəkdi nazını.
Fələk qəfil kəsdi səsin,
Dünən qıldıq namazını.

Inanmırdı Haqq yazana,
Rişxənd edərdi azana.
Çırpınırdı çox qazana,
Itirdi çoxdan azını.

Tamah hissi alovlandı,
Gah itirdi, gah qazandı.
Imanını, dini dandı,
Kəsdi nəzir, niyazını.

Qafil idi, yazıq nadan,
Enməzdi göydən, fəzadan.
Qorxmazdı qədər, qəzadan,
Əcəl sıxdı boğazını.

Nə görmüşdü pulda, varda?
Qazandığı qaldı burda.
Görən necə yatır gorda?
Yazan yazdı son yazını.

20.10.2015.

Yaman uzun çəkdi sükutun dili,
Gözlərim üşüdü lal baxışından.
Mən kiməm alnımdan yazını silim?
Qaçmağa yer də vox göz yağışından.

Bu yağış daşlaşan sözləri yuyur,
Hələ ki dərdimə acıyır səbrim.
Bir yandan sükutun içimi oyur,
Bir yandan dişini qıcıyır səbrim.

Üzünə baxmağa baxışım aciz,
Dinib-danışmağa söz tutmur dilim.
Bu necə sevgidir,səssiz-səmirsiz,
Sükutdan alışıb yanıram,gülüm!

Yoxsa ayrılıqmı bu sükut,görən?
Əsir əzalarım hey əsim-əsim.
Bəlkə gözlərində fərsizəm,kürəm,
Tənha bir qüssəyəm-ağlın nə kəsir?!

Bəlkə kor olubdur ağlımın gözü,
Ürəyim açılmır-dərdə əl açır.
Vaxtında batmadı ağlıma sözün,
Görəsən,sükutmu eşqin əlacı?

Gözlərin könlünü gizlədə bilmir,
Gözündə tək mənim əksimdir,demə.
Sevdalı ürəyim dərdimə əsir,
Səni sevməyim də tilsimdir,demə.

Qəlbimin açarı səndədir səndə,
Qəlbi qıfıllayıb əsir etmisən.
Qıfılı açmağa dil yoxdu məndə,
Dilimə baxışla təsir etmisən…

Yaman uzun çəkdi sükutun dili,
Gözlərim üşüdü lal baxışından.
Mən kiməm alnımdan yazını silim?
Qaçmağa yer də vox göz yağışından.

Külək çaldi yel kökləyən kamançani,
Şahə qalxdi ağaclarin həyəcani.
Yarpaq örtdü yay ətirli göy xonçani,
Payız yaman tələsdi.

Susdu şirin nəğməsi də turaclarin,
Doluxsundu nanəsi də yamaclarin.
Həna yaxib əllərinə ağaclarin
Payız yaman tələsdi.

Gözüm düşdü ağaclarin sirğasina,
Əsmə külək, sirğa düşər, sirğa sinar!
Həsrət qaldi bu cöllər də durnasina,
Payız yaman tələsdi.

Rübənd saldi çöhrəsinə ulduzlar da,
“Sari gəlin” yenə dindi ağizlarda.
Köçən köçdü, nişanlandi…
Bu qızlar da
Bu payız yaman tələsdi.
Payiz yaman tələsdi…

Bəlkə, mənə ərki var,
Dərdin boşu, bərki var.
Fələk verən dərd ki var;
Boğaza yığır məni!

Dad, bu dərddən, dad, Ağa,
Qoy, bu dərdə qadağa.
Salıb dilə, dodağa,
Ağıza yığır məni.

Soruşmadan ismimi,
Oda yaxır cismimi.
Gündə çəkir rəsmimi,
Kağıza yığır məni!..

Canım zülümdən qurtulur,
Ötüb çağla dil-dil, ölüm.
Sevincimdən ağlayıram,
Sən də mənə bax, gül, ölüm!

Üstümə ağ kəfən sərib,
Dostunu çox sanma qərib.
Mübarək əlinlə dərib,
Başım üstə səp gül, ölüm…

Düşünmə ki, yerim dardır,
Tanrım hər vaxt mənə yardır.
Gözüm üstə yerin vardır,
Nə vaxt gəlirsən, gəl, ölüm!

Qonşu olduq itlə, əldə
Çomaq saxlaya bilmədik.
Çatan gəlib od apardı,
Ocaq saxlaya bilmədik.

Nahaqla qaldıq üz-üzə,
İnanan olmadı düzə,
Yandırıb verdilər bizə
Çıraq, saxlaya bilmədik.

Bəxtimizə doğmadı gün,
Yollarımız düyün-düyün.
Ruhumuzu qisas üçün,
Oyaq saxlaya bilmədik.

Açdıq yurdun yarasını,
Tapammadıq çarasını,
Kiçiltdilər Qarasını,
Heç bağ saxlaya bilmədik.

Anlamadıq himi-cimi,
Aldatdılar naşı kimi,
Başımızda kişi kimi,
Papaq saxlaya bilmədik.

Tariximdir, sal sənəddir,
Varlığıma zəmanətdir,
Babalardan əmanətdir
Torpaq, saxlaya bilmədik.

(Türkiyənin Soma kömür mədənlərində
faciəvi şəkildə həyatlarını itirən mədənçilərin
əziz xatirələrinə)

Kömür mədənləri, yeraltı dünya…
Zülmətin çəkisi ümiddən ağır.
Burda işçilərin qara bəxtinə,
Qara “buludlar”dan qara qar yağır.

Buranın göyü də, yeri də qara,
İşıq həsrətini qaranlıq boğur.
Burda nə axşam var, nə də ki səhər,
Burda nə ay çıxır, nə günəş doğur…

Yaşamaq eşqini qıraqda qoyb,
Ölüm dünyasına endi insanlar.
Bu zülmət daünyada qəlblərindəki,
İşığa, ümidə sindi insanlar.

Çoxunun qürurla dediyi kimi;
İnsanı ucaldır halal iş, əmək.
Yaşayıb yaşatmaq arzularının,
Bədəli ölümün özüymüş demək.

Bir tikə saf çörək qazanmaq üçün,
Getdilər əzaba, zülümə kimi.
Halal işləriylə, əməkləriylə,
Onlar ucaldılar ölümə kimi.

18.05.2014

Sumqayıt şəhər N.Nərimanov adına mədəniyyət mərkəzində Mədəniyyət və Incəsənət Universitetinin dosenti, kafedra műdiri, Əməkdar artist Azad Şűkűrovla görűş keçirilib. H.Ərəblinski adına Sumqayıt Dövlət Dram teatrının aktyoru, Əməkdar artist Rauf Ağakişiyevin aparıcılığı ilə keçən tədbirdə Azərbaycanın müstəqillik qazanması, xalqın bu yolda göstərdiyi şücaət və qəhrəmanlıqlar, 25 ildə qazanılan iqtisadi-siyasi uğurlar haqqında məlumat verilib.
Daha sonra şəhər Mədəniyyət və Turizm idarəsinin rəisi Mehman Şükürov çıxış edərək öz sevimli müəllimini doğma şəhərdə qarşılamaqdan məmmunluq hissi duyduqğunu bildirib.
O, şəhərdə son bir ildə aparılan tikinti, abadlıq və quruculuq işlərinə diqqət çəkərək bildirib ki, bizim yeni tikilən mədəniyyət ocaqlarımızı belə sənətkarlarımız öz gəlişləri ilə işıqlandırmalıdırlar. İnanırıq ki, bu səpkili tədbirlər daha çox olacaq və sumqayıtlılar bizim sənətkarlarımızla daha sıx təmas qura biləcəklər.
Tədbirdə Azad Şükürovun həyatı və yaradıcılığı haqqında videoçarx izlənilib. Daha sonra səhnəyə dəvət olunan sənətkar sumqayıtlılarla görüşdən və bu görüşün məhz belə bir tarixi gunlə ust-ustə düşdüyündən qurur duyduqunu bildirib. Görüşün təşkilatçılarına, əməyi olan hər kəsə təşəkkür edib.
O, öz çıxışında müəllim tələbə münasibətləri, sənətə gəlişi, yaratdığı obrazlar haqqında danışıb, tamaşaçıların suallarını cavablandırıb.
Səmimi keçən görüşdə tamaşaçılar təkcə yaratdığı obrazlarla deyil, həm də bədii qiraət ustası kimi tanınan sənətkarın ifasında Zəlimxan Yaqubun “Azərbaycan oxusun”, Rəsul Rzanın “Unutmayın”, Bəxtiyar Vahabzadənin “Baş”, Ramiz Rövşənin “Qapı” şeirlərini maraqla dinləyiblər.
Tədbirə qatılan H.Ərəblinski adına Sumqayıt Dövlət Dram Teatrının aktrisası, Əməkdar artist İlahə Səfərova çıxış edərək müəllimi haqqında xoş xatirələrini tamaşaçılarla bölüşüb.
Tədbir gənc mədəniyyət işçisi Elvin Əlizadənin və müğənni Leyla Məmmədovanın ifasında musiqi nömrələri ilə sona yetib.

Sumqayıt şəhər Mədəniyyət və Turizm idarəsinin mətbuat xidməti

Azərbaycan Respublikasının Prezidenti yanında Elmin İnkişafı Fondunun qrantı əsasında nəşr olunmuş “Qarabağ geyimləri” kitab-kataloqunun təqdimatı keçiriləcək. Azərbaycan Respublikasının dövlət müstəqilliyinin bərpasının 25-ci ildönümünə həsr edilmiş tədbirə “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyi təşkilati dəstək göstərir. Kitabın müəllifləri Fəzail Vəliyev və Gülzadə Abdulovadır. Təqdimat 2016-cı il 21 oktyabr tarixində “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin zalında saat 11:00-da keçiriləcək.
Ünvan: AZ-1008, Bakı şəhəri, N.Nərimanov rayonu, G.Qədirbəyova küçəsi, 9. Əlaqə: (012) 489 08 94, (012) 489-95-06

Respublikanın paytaxtı Bakı şəhərində fəaliyyət göstərən “Ziyalı Ocağı” İctimai Birliyinin maliyyə dəstəyi ilə həyata keçirilən layihə çərçivəsində işıq üzü görən “Buta” almanaxının təqdimat mərasiminin vaxtı dəyişdirilib.Cari ilin sentyabr ayının 23-də “Buta” almanaxının təqdimat mərasiminin keçirilməsi nəzərdə tutulsa da, müəyyən səbəblərdən təxirə salınmışdı.
Birliyin mətbuat xidmətindən edebiyyat-az.com-a bildiriblər ki, cari ilin dekabr ayında ictimaiyyət nümayənədələrinin, media təmsilçilərinin, bədii yaradıcılıq nümunələri çap olunan müəlliflərin iştirakı ilə “Buta” almanaxının təqdimat mərasimi keçiriləcək.
Qeyd edək ki, layihənin rəsmi informasiya dəstəyi Azərbaycan Jurnalistlər Birliyi Sumqayıt şəhər təşkilatının Gündəlik Analitik İnformasiya Agentliyi və Azərbaycanın Mədəniyyət və Ədəbiyyat Portalı olacaq.

Kamran MURQUZOV,
Azərbaycanın Mədəniyyət və Ədəbiyyat Portalının
Mətbuat xidmətinin rəhbəri,
Azərbaycan Jurnalistlər Birliyinin üzvü

Azərbaycan Yaradıcılıq Fondunun və Dini İşlər üzrə Dövlət Komitəsinin birgə elan etdiyi “Dini motivli şeirlər” müsabiqəsinin qaliblərinin adları açıqlanacaq.
Fondun mətbuat xidmətindən Gundelik.info-ya bildiriblər ki, yaxın günlərdə ictimaiyyət nümayəndələri və media təmsilçilərinin iştirakı ilə keçiriləcək təqdimat mərasimində yazıları çap olunan müəlliflərə kitab hədiyyə olunacaq.
Qeyd edək ki, müsabiqəyə 65 müəllifin yazısı təqdim olunub.

Kamran MURQUZOV,
Azərbaycanın Mədəniyyət və Ədəbiyyat Portalının
Mətbuat xidmətinin rəhbəri,
Azərbaycan Jurnalistlər Birliyinin üzvü

Sumqayıt şəhər Mədəniyyət və Turizm idarəsinin, Azərbaycan Yazıçılar Birliyi Sumqayıt bölməsinin, və S.Vurğun adına Mərkəzi Kitabxananın birgə təşkilatşılığı ilə şair Əjdər Olun yaradıcılığına həsr olunmuş bədii-qiraət müsabiqəsi keçirilib. Şairin özünün də qatıldığı müsabiqə S.Vurğun adına Mərkəzi Kitabxanada keçirilib. Müsabiqədə Sumqayıt şəhər Mərkəzləşdirilmiş Kitabna Sisteminin oxucuları iştirak ediblər.
Tədbiri giriş sözü ilə Sumqayıt şəhər Mədəniyyət və Turizm idarəsinin rəisi Mehman Şükürov açıb. O, bildirib ki, belə müsabiqələrin təşkili oxucuların ədəbi zövqünün formalaşmasında, kitaba marağının artmasında böyük rolu olur. Odur ki, biz hər şeyi uşaqlardan başlamalıyıq. Cünki, bizim davamçımız onlardır. Oxuculara müsabiqədə uğurlar arzulayan idarə rəisi Əjdər Ola öz xoş arzularını çatdırıb.
Daha sonra AYB Sumqayıt bölməsinin sədri Sabir Sarvan Əjdər Olun yaradıcılığı haqqında danışıb və müsabiqənin şərtləri haqqında məlumat verib.
AYB Sumqayıt bölməsinin sədri Sabir Sarvanın, Əjdər Olun və S.Vurğun adına Mərkəzi Kitabxananın əməkdaşı Natavan Axundzadənin münsifliyi ilə keçirilən müsabiqənin sonunda Zəhra Bəşirli I yerə, İlahə Bağıyeva və Nigar Mehtiyeva II yerə, Xoşqədəm Bağıyeva, Aytac Hüseynova və Nəzrin Hüseynova III yerə layiq görülüblər.
Qaliblərlə birlikdə müsabiqədə fərqlənən digər iştirakçılar da fəxri-fərman, pul və şairin kitabları ilə mükafatlandırılıblar.
Bundan başqa 2016–cı il ərzində oxucular arasında keçirilən bədii–qiraət müsabiqələrinin təşkilində səmərəli fəaiyyətinə və bu müsabiqələrdə şöbənin uğurlarına görə S.Vurğun adına Mərkəzi Kitabxananın Uşaq şöbəsinin müdiri Yeganə Hüseynova, Əjdər Olun poeziyasına həsr olunmuş bədii-qiraət müsabiqəsinin təşkilində fəal iştirakına görə N.Gəncəvi adına Uşaq Kitabxana-Klubun böyük kitabxanaçısı Səadət Allahverdiyeva, bölmənin tədbirlərinin işıqlandırılmasında xidmətinə görə Mədəniyyət və Turizm İdarəsinin Mətbuat Xidmətinin rəhbəri Sevinc Bəhmənli, bədii-qiraət müsabiqələrinin təşkilində yaxından köməyinə görə S.Vurğun adına Mərkəzi Kitabxananın Metodika və Biblioqrafiya şöbəsinin böyük metodisti Natavan Axundzadə AYB Sumqayıt bölməsi tərəfindən mükafata layiq görülüblər.

Sumqayıt şəhər Mədəniyyət və Turizm idarəsinin mətbuat xidməti

Azərbaycan Yazıçılar və Jurnalistlər Birliklərinin üzvü,
Azərbaycan Jurnalistlər Birliyinin Sumqayıt şəhər təşkilatının sədri,
”Möhtəşəm Azərbaycan” müstəqil ictimai-siyasi, ədəbi-bədii qəzetinin təsisçisi və baş redaktoru,
”Qızıl qələm”, “Həsən bəy Zərdabi”, “Qafqaz-Media” mükafatları laureatı,
Əməkdar jurnalist

Çiynini fil yükü altına vermə,
Qarışqa, özünə yazığın gəlsin.
Misqalla ölçülən öz yükün ilə,
Barış qal, özünə yazığın gəlsin.

Çox da ömrü boyu əkin əkməyən,
Həmişə sahibdi dolu təknəyə.
Olarsan özgənin yükün çəkməyə
Alışqan, özünə yazığın gəlsin.

Dönməmiş uğruna it ulyanlara,
Dinməzcə qoşul yat uyuyanlara.
Mənəmlik havasın at – milyonlara
Qarış qal, özünə yazığın gəlsin.

Özü bir oyundu, düzü, dünyanın,
Seyrəlir birbəbir düzü dünyanın.
Edərlər başına düzü-dünyanı,
Darısqal, özünə yazığın gəlsin.

Gündəlik Analitik İnformasiya Agentliyinin
Mətbuat xidmətinin rəhbəri,
Azərbaycan Jurnalistlər Birliyinin üzvü

Müstəqil müsair Azərbaycan dövlətinin müstəqilliyinin bərpasının 25 illik yubileyinə

Ruhuma dopdoğma duyğular kimi,
Sevinir Xəzəri Azərbaycanın.
İslam dünyasında sülh tərəfdarı,
Tanınır səfəri Azərbaycanın.

Günü başlayasan Haqqın sözündən,
Aləm yaradasan, dünya, özündən.
Şükürlər olsun ki, yenə gözündən,
Dağılır kədəri Azərbaycanın.

Yenə dilə gəldi könlümün simi,
Dar günə düşəndə çağırım kimi?!
Gözümün önündə qapılar kimi,
Açılır səhəri Azərbaycanın.

Danışma sən mənə o Şah Qacardan,
Könlümü oxşayan bu ilk bahardan.
Bu doğma torpaqdan, doğma diyardan,
Duyuolur zəfəri Azərbaycanın.

Mən hələ Gəncədən söhbət açmıram,
Sözümü ortada qoyub, qaçmıram.
Süleyman mülkündən hələ köçmürəm,
Gözəldi gülləri Azərbaycanın.

Dünyanın yolunu Haqqa döndərin,
Sevgidən bir pay da mənə göndərin.
Çiçəklər ölkəsi-ULU ÖNDƏRİN,-
Möhtəşəm əsəri-Azərbaycanın.

Haqqın vergisinə Haqq kimi baxan,
Dağılmış evlərdə min büsat quran.
Elə arxalanan, elə inanan,
Yaşasın RƏHBƏRİ Azərbaycanın.

Bakı şəhəri.17 oktyabr 2016-cı il.

Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,

Yenə kövrəlibdir, dolub buludlar,
Üzləri çevrilib ana torpağa.
Görünür göylərin yerə sözü var,
Güman var gürşada, ya leysan yağa.

Günəş də tutulub, qaş- qabaqlıdır,
Dağlarda, düzlərdə sərin meh gəzir.
Şimşəklər pusquda, himə bağlıdır,
Dişlərin qıcırdıb, əmrə müntəzir.

Təlaşla alçaqdan uçuşur quşlar,
Öncədən duyublar gələn yağışı.
Qovrulan ot- alaf nurla qovuşar,
Tanrıya yönələr dua, alqışı.

Bəhs ilə yarışan nur tuluqları,
Çırparlar özlərin ota, yarpağa.
Coşar sakit axan çayın suları,
Can gələr ey Dövran, daşa, torpağa.

Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,

“Könül dəftərim” – silsiləsindən

Heç də sanma asandı,
Canım alışdı yandı.
Yazıq könlüm usandı,
Sevdamı sən, bilmədin.

Ey daş ürək, gül sinə,
Yol tapmadım köksünə.
Məni qoydun pis günə,
Heç dərdimi, bölmədin.

Olacaqdın baş tacım,
Dərdlərimə əlacım.
Xoş ağrımsan, xoş ağrım,
Baxma üzə, gülmədin.

Toxunmadım telinə,
Qərq oldum qəm selinə.
Düşdüm əğyar dilinə,
Göz yaşımı, silmədin.

Tükəndi and, amanı,
Ötdü gənclik zamanı
Kim sevər ta Dövranı?
Səslədi hey, gəlmədin…