Od baxışlar od götürməz,
Kişi olan od götürməz.
Mərd üstündən ad götürməz,
Sonra da vurmaz dizinə.
Qaraya ağ, ağa qara-
Qara yaxar qəlbiqara…
Dərd gəzər qarabaqara,
Dar günün düşər izinə.
Tox gözü götürməz acı,
Gülmə aca acı-acı!
Bir gün olar şirin acı,
Döyər dizinə-dizinə.
Kimi xərclər ömrü hədər.
Kimini də udar qədər.
Məndən ötən sənə dəyər,
Barı, bir yol gəl özünə!
Od alışmaz buz içində,
Ot göyərməz toz içində,
Gor çatlasa bez içində,
Çevrilər astar üzünə!
Azərbaycan.Quba.