Category: Azərbaycan ədəbiyyatı

Yenə avtobusa çatmadı… Dayanıb nəfəsini dərdi. İş yerindən buracan qaçmışdı… Əllərini dizinə dayayıb tənginəfəsliyini yatırmaq istədi. Alnındakı tər damlalarına elə bil havadan toz bulaşmışdı. Hər axşam hamama keçməmiş yemək masasına belə otura bilmirdi. Titrəyən dizlərindən əllərini götürüb yavaş-yavaş dayanacağa tərəf getdi… Az qala addımlarını sürüdü. Daha tələsməyin mənası yox idi. Ən tezi yarım saatdan sonra növbəti avtobus gələcəkdi. Bir andaca isti bir külək vurdu, gözlərinə elə bil qum doldu. Bütün hirsini ancaq küləyə ünvanlaya bildi:
-Elə bil Bakıdı eee… Səni andıra qal… Bozanaq-tozanaq vaxtıdı elə, başın üçün…
Sonra da gülümsədi. Gəncəni Bakıya bənzətmənin təkcə külək olmadığını düşündü. Elə yarım saata gələn şəhərarası avtobus da Bakıyla eyni deyildimi? Dayanacağa çatıb şüşəyə söykəndi. Üzünü isti şüşəyə yapışdırıb ayağının ucuyla təzə döşənmiş daşların üstündə adını yazırdı: “Turan”…
Növbəti avtobusun dayanmasını dayanacaqdakı adamların canlanmasından başa düşdü. Başını qaldırıb baxdı, “4” nömrəli avtobus idi…
-Eh… – sol əlini də şüşəyə söykəyib “26” nömrəli avtobusun həsrətini çəkdiyini düşündü indi də…
Gözlərini yumdu. Yaddaşının hansısa səhifəsindən xoş bir hekayə axtarmağa başladı. Amma, tapammadı. Fikrini cəmləyib qarışıq səsləri ayırd eləməyə cəhd etdi.
-Bizimki də… Neçənci dəfədi ee…
Bunu deyən güllü-güllü don geymiş ortayaşlı, arıq bir qadın idi. Sonrasını yanında dayanmış ağ ətəkli, qara koftalı qadının qulağına pıçıldayırdı…
-Bu, mənim üçün ölümə bərabər olardı…
Səsin sahibini axtardı. Sağ tərəfində duran uzun oğlan idi. Özündən boyda xeyli kiçik qızın qarşısında durmuşdu. Danışırdı.
-Ölərəm, Dilarə… Ölərəm, inan!
Dilarə… Öz-özünə düşündü ki, bir zamanlar onun da Sevdası vardı… Saf, təmiz, mələk kimi… Və bircə dəfə onu öpməklə mələkliyini, saflığını itirmiş Sevda… İndi, illər sonra özünü qınayırdı ki, axı, niyə Sevdanı atdı onda? Niyə onun başqasıyla evlənməsinin doğru seçim olduğunu dedi ki? Bəyəm başqasını öpmüşdü ki, Sevda? Axı, o Sevdanı sevdiyi kimi, qız da onu sevirdi. Bütün arzularına sarılmışdı ona olan hissləriylə… Onun üçün ölə də bilərdi… Bax, buna əmin olduqdan sonra Sevdadan uzaqlaşmışdı… Özlüyündə qət elədiyi bir qərar vardı ki, əgər bir qız, bir oğlandan ötrü ölməyi gözə alırsa, deməli, o, heç də yaxşı qız deyil… Deməli, o qız mələk deyil… Deməli, qızın bu düşkünlüyü onun adiliyidi…
İndi isə… İllər sonra başqa cür düşünürdü… Sevdanın o sevgisini heç kəsdə görməmişdi. Heç kəs onun uğruna heç nədən keçməmişdi. Heç kəs onun üçün bir də qayıdıb mələk olmamışdı. İndi dönə bilsəydi o illərə, Sevdanı başının tacı edərdi… Onu sevən ürəyin qarşısında baş əyərdi. Amma… Bilirdi ki, qayıda bilməz… Qayıda bilməz…
Ona elçi gəldiyini Sevda həmin günün səhəri demişdi Turana. Elçilərin “yox” cavabı ilə qayıtdığını da. Utanıb gözlərini yerə dikərək:
-Mamangil gəlsin, nolur…-demişdi…
O isə, bu sözün qarşısında alçaldığını zənn etmişdi. Hirslənmişdi.
-Ağ gün istəmirsənmi? Get də o oğlana… Evi, maşını… Pulu zibil kimi…
Sevda başını qaldırıb onun üzünə də baxmamışdı…
-Axı… səni sevirəm…
-Nolsun… Mən day istəmirəm… Çıx get!
Sevda yalnız bircə dəfə onun üzünə baxmışdı. Bu baxışlarda sadəcə təəssüf vardı… İtirilmiş illərin, xərclənmiş qürurun təəssüfü:
-Sən … Sən mənim astardığım deyilsən!
Hönkürüb qaçmışdı… Və bir həftə sonra şəhərin ən dəbdəbəli restoranına ağ gəlinlikdə girmişdi…
Turan bunları xatırladıqca daha da istiləndiyini duydu. Boyun-boğazının tərini əli ilə sildi. Saatına baxdı… Günün duran vaxtı idi. 16:22 idi…
-Offf… andıra qal… Gəl də…- avtobusun qarasınca söyləndi…
“25” nömrəli avtobusdan düşən yeniyetmə qızın saçındakı mavi banta baxdı… Sevdanın da beləsi vardı…
Tez də gözlərini təzədən yumdu. Sevdanın son baxışını yenə aydınca görürdü… Həmin günkü kimi… Düşündü ki, görəsən, Sevda “ağ gün”ü yaşayırmı? Onu xatırlayırmı? Nifrətlə yoxsa sevgiylə? Bəlkə yenə təəssüf hissi ilə?
Hərdən də özünü təmizə çıxarırdı bu xatirələrdə.. Sevda onu öpməsəydi o Sevdanı atmazdı… Əvvəlki kimi mələk bilərdi…
Yox… üzüntüsü artırdı… Bu dəfə də üzü univermağa tərəf çevrildi, sağ çiynini şüşəyə söykədi… “26” nömrəli avtobus kitabxana tərəfdən göründü. Dayanacağın qarşısına keçib adamları yara-yara düz yolun qırağına gəldi. Avtobusa minəndə də heç kimə güzəştə getmədi. Özünü içəri atıb açıq pəncərənin birinin qarşısında əyləşdi.
-Bayaqkı külək indi olaydı, bax…- hiss etdi ki, bəsit arzudu… Heç belə də arzu olar?
Üzünü elmi mərkəzə çevirdi. Avtobus yerindən tərpənəndən sonra yanında oturana nəzər saldı. Arıq, uzun qız sadə geyinmişdi. Ağ, qolsuz köynək, cins şalvar… Qara, kiçik çantasını dizləri üstündə tutmuşdu… Qızın üzünə baxmağa cəsarət etmədi. Yenidən eşiyə baxdı.
Avtobusun içərisinə yayılan musiqi çox hüznlü idi. Bu mahnını heç eşitməmişdi. Heç, deyəsən, mahnı da deyildi…
Az keçmədi ki, musiqiyə uyğun deyilən şeirin səsi onu yenidən üzüntüyə köklədi…
Turan ürəyi sıxıldığını hiss etdi… Elə bil onun Sevdanı xatırladığını duymuşdu sürücü. Bu şeir onun üçün idi sanki…
Gözünü hərləyib yanındakı qıza tərəf baxdı. Qara, təmiz gözlərini əlindəki telefona zilləyən qızın çöhrəsində Sevdaya bir oxsarlıq axtardı… Tapdı… Bu qalibanə təbəssüm… Eynən Sevda da belə gülümsəyirdi ona baxanda… Bəlkə də, yazıq qız onu sevdiyi üçün özünü dünyanın bəxtəvəri sayırdı…
Şeirdən fikrini yayındırmaq üçün gizlincə qızın telefonuna baxdı. Qız sms yazırdı:
“Sənin şeirin oxuyur avtobusda.. Yanımda da biz tərəfdə qalan oğlan oturub, sənin dediyin… Turan… Maraqlıdı, şeirin axırını eşidəndə, mimikasına baxacam…”
Turan daxilində yenidən istilik baş qaldırdığını anladı. Bu qız onu tanıyır… Hələ sms yazdığı da… Şeirin axırına diqqət kəsildi:
Qız susdu… hüznlü melodiya davam edirdi… Birdən şeiri səsləndirən qız lap ucadan dedi:
-Müəllif: Sevda Turan…
Turan öncə sinəsinin sol tərəfində bir ağırlıq duydu…
…Nəfəsini dərindən aldı…
…Yanındakı qıza baxdı…
…Qız ona baxıb tez də telefona nə isə yazmağa başladı…
…Qalxmaq istədi… Əlini tavana uzatdı…
…Kimsə çığırdı…
…Avtobus dayandı…
…Təcili yardım maşınından ağ xalatlılar düşdü…
…Turan dayanacaqda uzanmışdı…
…Kimsə dedi:
-İnfarkt keçirib…
-Yazıq… cavan adam…
-Bəs nolacaq?
…Səslər qarışdı…
…Hər şey ağappaq idi…
… Hər şey ağarırdı…
…Səmadan boylanan gün də ağarırdı…

Sən zülmət gecələrin bir ümid çırağısan,
Sən elin ağsaqqalı, sən yurdun dayağısan,
Sən hürriyyət sədası, azadlıq sorağısan,
Hər qarışda izin var, bu izi silmək çətin,
Sən ulu öndərisən bu xalqın, bu millətin.

Vətənin hər daşını sevginlə naxışladın,
Bu yurda kəc baxanın yolunu yoxuşladın,
Sən qalan ömrünü də xalqına bağışladın,
Əbədiyyət rəmzi var kökündə bu ülfətin,
Sən ulu öndərisən bu xalqın, bu millətin.

Əshabi-kəhf timsallı neçə pirlər burada,
Hər qayanda qorunur neçə sirlər burada,
Sənə yön çevirdilər “91-lər” burada,
Bir daha bəlli oldu xalqına sədaqətin,
Sən ulu öndərisən bu xalqın, bu millətin.

Sən haqqa arxa durdun, əsarətə yox dedin,
Acın dərdini bilməz heç bir zaman tox, dedin,
Oyan, ey ulu millət, qaranlıqdan çıx dedin,
Aydınlıq nuru qonsun üzünə məmləkətin,
Sən ulu öndərisən bu xalqın, bu millətin.

Bu dövlətin qırılmaz təməlində yaşarsan,
Ən müqəddəs, ən ülvi əməlində yaşarsan,
Vətən sevdalıları cəm elində – yaşarsan,
Xalq görür bəhrəsini çəkdiyin hər zəhmətin,
Sən ulu öndərisən bu xalqın, bu millətin.

Sənə xalq məhəbbəti sonsuz – dərindən dərin,
Yüksəliş müjdəlidi hər açılan səhərin,
Daha yolu rəvandı aşılmaz zirvələrin,
Bütün dünya çevirib yurduma öz diqqətin,
Sən ulu öndərisən bu xalqın, bu millətin.

Ən böyük əmanətin İlham Əliyev bizə,
Bir də müqəddəs Vərən – döğma ocaq, ev bizə.
Onunçün o, qatır ki, gecəsini gündüzə,
Heç zaman laxlamasın özülü bu qüdrətin,
Sən ulu öndərisən bu xalqın, bu millətin.

Azərbaycan – Türkiyə qardaşlıq nümünəsi,
Bütün cahan bir ola boğa bilməz bu səsi,
Hələ qarşımızdadır Qarabağ təntənəsi,
Ürəyində gömərik düşmənin bəd niyyətin,
Sən ulu öndərisən bu xalqın, bu millətin.

And içirik günəşin sübh doğan çağına,
And içirik qan ilə boyanan torpağina,
And içirik üçrəngli müqəddəs bayqağına,
Kokünü kəsəcəyik hər zülmün, hər zillətin,
Sən ulu öndərisən bu xalqın, bu millətin.

12 dekabr 2014-cü il tarixdə Azərbaycan Xalqının Ümummilli Lideri, “Müasir Azərbaycan” əsərinin müəllifi Heydər Əlirzə oğlu Əliyevin vəfatının 11-ci ildönümü tamam olur.Bununla əlaqədar olaraq, Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Rəhbərliyinin qərarına əsasən, Ümummilli Lideri anmaq, yada salmaq məqsədilə “Dastana çevrilən Rəhbərin ömrü” adlı layihə həyata keçirir.Layihə çərçivəsində Ümummilli Lider haqqında qələmə alınan ədəbi-bədii nümunələr, poeziya örnəkləri, poemalardan parçalar, məqalələr Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının səhifələrində dərc olunaraq facebook sosial şəbəkəsində ictimaiyyətin nəzərinə çatdırılacaq.
Layihə çərçivəsində yazılarının dərc olunmasını istəyən yazar dostlarımızdan xahiş olunur ki, yazılarını facebookda olan hesabıma və ya office@edebiyyat-az.com, office@gundelik.info elektron poçtlarından hər hansı birinə göndərsinlər.Yazılar 9 dekabr 2014-cü il saat 14:00-dan-11 dekabr 2014-cü il saat 17:00-a qədər qəbul olunur.

Habil YAŞAR 1983-cü il fevral ayının 26-da Bakı şəhərində anadan olub.1990-2000-ci illərdə Bakı şəhəri 271 saylı orta məktəbdə təhsil alıb.2000-2004-cü illərdə Azərbaycan Dövlət Pedaqoji Universitetinin Filologiya fakültəsində bakalavr dərəcəsi üzrə ali təhsil alıb.”Səni sevdim sevəcəyəm”(2001), “Məni sevgi yaratdı”(2003-təqdimat Yazıçılar Birliyi,Natəvan klubu),“Yoxluğumun Varlığı”(2012) kitablarının müəllifidir.2004-2005-ci ildə ordu sıralarında hərbi xidmətdə olub.
Azərbaycan Yazıçılar Birliyinin üzvüdür.Dünya Gənc Türk Yazarlar Birliyi(Maliyyə Nəzarət Təftiş Komissiyası Sədri-2013)
Azərbaycan Respublikası Gənclər Təşkilatı Milli Şurası(Maliyyə Nəzarət Təftiş Komissiyası
üzvü-2009)
Beynəlxalq İnsan Hüquqları(2007)
Dünya Azərbaycanlıları Konqresi üzvü (2010)
CASCFEN (MTK üzvü-2012)
Azərbaycan Yazıçılar Birliyinin Gənclər Şurasının üzvü (2014)
Fəaliyyət: Şərqi Avropa Ölkələri Gənclər Əməkdaşlığı Konfransı(2009-Bakuruyani,Gürcüstan)
Londonda(10-13 dekabr2010)keçirilən Dünya Azərbaycanlıları Konqresinin XI qurultayının iştirakçısı
Seçkilər(Məntəqə katibi2012-ə dək)
Mükafatlar: Prezident təqaüdçüsü(Ədəbi fəaliyyətinə görə)
“Vicdanlı Qələm”(“Qafqaz”Media İctimai Birliyi,jurnalistika fəaliyyətinə görə)
Qazaxıstanın Türküstan şəhərində keçirilən “19 Mayıs Türk Dünyası Genclik Buluşması” nda etdiyim xidmətlərdən dolayı təşəkkürnamə
“Müşfiq” mükafatçısı(“Xəyal” Production2012)
Türk dünyasına xidmət ödülü(Dünya Gənc Türk Yazarlar Birliyi 2013)
Sultan Özateş 1. Uluslararası Ankara Kültür ve Sanat Şölenində Şiir-yazı yarışmasında 2856 şer işrə 3-cü yer.(2014-26 yanvar).
Müxtəlif: “XX-XI ƏSRİN ZİYALI VƏ YARADICI İNSANLARI”Ensklopedik kitabda bir səhifə(2008)
“Çağdaş Azerbaycan Şiiri”(2009-Ankara,türkiyə türkcəsində iki şer)
Sözləri: Habil Yaşar, Musiqisi və İfaçısı: Abış Surxayoğlu. Qadınlar

Körpə dilənir

Görürəm mən nələr,görmürəm Allah,
Ağlıma gəlməyən,başıma gəlir.
Niyə yaşayıram,ölmürəm Allah,
Böyüklər bir yana,körpə dilənir.

Əl açıb yalvarır,körpə dil tökür,
Bir tikə çörəyə ehtiyacı var.
Mənimsə qəlbimə qaranlıq çökür,
Necə yaşayacaq həyatı onlar.

İstehza baxışlar,acı gülüşlər,
Hədəf qızcığazın üzərindədir.
Adamın başına göydən daş düşər,
Bu körpə balanın günahı nədir?

Dilənir bir mələk,günahsız bəndə,
Heç kəsə bu tale qismət olmasın.
Ağlayım eybi yox,mən öz içimdə,
Amandır körpələr qoy ağlamasın.

Körpənin gününə yanır ürəyim,
Xəcalət çəkirəm utandığımdan.
Yaşamağa haqqım varmıdır mənim,
Bir insan taleyi məhv olur aman.

Yalvarış

Məni hidayətə yetirən Allah,
Bu gözəl islama gətirən Allah,
İşimi xeyirlə bitirən Allah,
Məni xoş məqsədə,amala yetir.

Mühəmməd eşqinə bağışla məni,
Sağçılardan eyıə,bağışla məni,
Müjdələ ehsanın yağışla məni,
Görməyə o hüsnü-camala yetir.

Dünəni bu günə qovuşduran sən,
Dərdimi-sərimi sovuşduran sən,
Ümmanı zərrəyə doluşduran sən,
Mənim də elmimi kamala yetir.

Sənin istəyinlə sənə gələrəm,
Usandım demədən yenə gələrəm,
Gün olar sonuncu günə gələrəm,
Məni axirətdə vüsala yetir.

Yana-yana gözlərimdə yaş sənə,
Gecə-gündüz səcdə edər baş sənə,
Bir an öncə qovuşaydım kaş sənə,
Məni rəhmətinə,cəlala yetir.

Həzrəti Mühəmməd başımın tacı,
Həyatı olubdur acıdan,acı,
Tükənməz könlümün bu ehtiyacı,
Məni o nəbiyə,rəsula yetir.

Əlim ətəyindən üzülü qalmaz,
Ruhum səndən bir an küsülü qalmaz,
Sevmədiyin nə var özülü qalmaz,
Məni istədiyin halala yetir.

2008

Yazmaq istəyirəm səni büsbütün…

Yazmaq istəyirəm sevgilim səni,
Yazıb ürəyimi boşaltmaq üçün.
Bəlkə də səninlə məndən xəbərsiz,
Bu dünya durduqca yaşatmaq üçün,
Yazmaq istəyirəm səni büsbütün…

Yazmaq istəyirəm ovsun gözündən,
Könlümü oxşayan şirin sözündən,
Bəlkə də xəbərin yoxdu özündən,
Özünü özünə tanıtmaq üçün,
Yazmaq istəyirəm səni büsbütün…

Yazmaq istəyirəm ruhumla səni,
Mürəkkəblə deyil, qanımla səni,
Görmək istəyirəm yanımda səni,
Bir ömür yolunu oxumaq üçün,
Yazmaq istəyirəm səni büsbütün…

29.11.2014 02/00

22 noyabr 2014-cü il tarixdə saat 16:00-da, Bakı şəhəri, Səbail rayonu, Axın Poeziya Klubunda Azərbaycan Respublikasının Prezidenti yanında Gənclər Fondu tərəfindən həyata keçirilən “Vətən sevgisi sərhədlə başlamır, sərhədlə bitmir” layihəsi çərçivəsində işıq üzü görən “Bitməz könlümüzün Vətən sevgisi” antologiyasının təqdimat mərasimi keçirilib.Kütləvi informasiya vasitələrinin nümayəndələrinin də iştirak etdiyi tədbirdə Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar Birliyinin üzvü, tanınmış şair Nüsrət Kəsəmənlinin oğlu Rəşad Kəsəmənli,Azərbaycan Yazıçılar Birliyinin aylıq ədəbi-bədii orqanı “Qobustan” jurnalının şöbə müdiri Narıngil Nadirqızı, Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar Birliyinin üzvü, Azərbaycan Respublikası Prezidentinin Təqaüd Fondunun təqaüdçüsü,”Ulduz” jurnalının “Poeziya” şöbəsinin redaktoru Fərqanə Mehdiyeva, Azərbaycan Yazıçılar Birliyinin aylıq ədəbi-bədii orqanı “Azərbaycan” jurnalnın “Poeziya” şöbəsinin redaktoru Qəşəm Nəcəfzadə,
Azərbaycan Yazıçılar və Jurnalistlər Birliklərinin üzvü, şair, jurnalist Namiq Dəlidağlı,Dünya Gənc Türk Yazarlar Birliyinin Yönətim Kurulunun başqan yardımcısı, gənc xanım yazar Əfsanə Bayramqızı, Gündəlik İnformasiya Agentliyinin Baş məsləhətçisi, DGTYB üzvü, gənc xanım yazar Gülnarə İsrafilqızı, Axın Poeziya Klubunun sədri, DGTYB və “Gənc Ədiblər Məktəbi”nin üzvü, gənc xanım yazar Günay Həsənli, Azərbaycan Milli Elmlər Akademiyasının Nizami adına Ədəbiyyat İnstitutunun əməkdaşı, DGTYBüzvü, gənc xanım yazar Gülnar Səma,Bakı Slavyan Universitetinin “Ədəbi Yaradıcılıq” fakültəsinin tələbəsi, gənc xanım yazar Ülkər Piriyeva, “Gənc Ədiblər Məktəbi”nin üzvü, gənc xanım yazar Gültən Qədirli, DGTYB Yönətim Kurulunun üzvü, gənc yazar Emil Rasimoğlu, AYB və DGTYB üzvü, gənc yazar Qabil Ədalət, Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının “Şərq bölgəsinin ədəbiyyatı” bölməsinin Baş redaktor müavini, DGTYB üzvü, gənc yazar Vasif Zöhraboğlu,
Gündəlik İnformasiya Agentliyinin “Xəbərlər” bölməsinin əməkdaşı, şair, jurnalist, gənc yazar Məmməd Hacızadə, Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının fotoqrafları, DGTYB üzvləri, gənc yazarlar Nofəl Ümid və Sərvər Kamranlı, Gündəlik İnformasiya Agentliyinin Direktoru Kamran Murquzov, Gündəlik İnformasiya Agentliyinin Mətbuat xidmətinin rəhbəri, “Hüseyn Arif” Ədəbi Birliyinin üzvü, gənc yazar Kənan Aydınoğlu, Gündəlik İnformasiya Agentliyinin “Ədəbiyyat” bölməsinin əməkdaşı, gənc yazar İsa Həsənoğlu, DGTYB və “Gənc Ədiblər Məktəbi”nin üzvü, gənc yazar İltimas Səmimi, Azərbaycan Yazıçılar Birliyinin və “Gənc Ədiblər Məktəbi”nin üzvü, gənc yazar Elşad Barat və və digər qonaqlar iştirak ediblər.Düzənlənən tədbirə qatılan qonaqlar gənc yazar Qabil Ədalətin rəhbəri və tərtibatçısı olduğu layihənin Vətənpərvərlik ruhda böyüməkdə olan gənc nəslin inkişafı və dünya görüşünün dəyişməsinə müsbət təsir edəcəyindən söhbət açdılar.
Tədbir iştirakçılarının bir qismi yeni işıq üzü görmüş antologiyada yer alan şeirlərindən səsləndirdilər, yeni layihənin uğurlu və davamlı olmasını dilədilər.
Tədbirin aparıcısı, DGTYB Yönətim Kurulunun üzvü, gənc yazar Emil Rasimoğlu layihənin həyata keçirilməsində göstərdikləri köməyə görə hər kəsə təşəkkürünü bildirdi xüsusi fərqlənin gənc yazarlar-Əfsanə Bayramqızını, Gülnar Səmanı, Nofəl Ümidi, Sərvər Kamranlını, Kənan Aydınoğlunı “Diplom”lara layiq gördü.Tədbirin gedişatında “Bayat” Ədəbi Birliyinin mətbu orqanı “Bayat” dərgisinin yeni sayının işıq üzü görməsi haqqında da məlumat tədbir iştirakçılarının nəzərinə çatdırıldı.
Nəhayət, tədbirin sonunda layihə rəhbəri və tərtibçisi Qabil Ədalət düzənlənən tədbirdə iştirak edən hər kəsə təşəkkürünü bildirdi və yeni yaradıcılıq uğurları və fəaliyyəti dilədi.Tədbirin sonunda xatirə şəkilləri çəkdirildi.

“Bitməz könlümüzün Vətən sevgisi” adlı antologiya 2014-cü ildə Bakı şəhərində
Azərbaycanın Respublikasının Prezidenti yanında Gənclər Fondu tərəfindən maliyyələşdirilən və həyata keçirilən “Vətən sevgisi sərhəddən başlamır, sərhəddə bitmir” adlı layihə çərçivəsində “Yazıçı” nəşriyyatı tərəfindən 124 səhifə olmaqla, 600 tirajla işıq üzü görüb.Layihənin rəhbəri Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Baş redaktor müavini, AYB və DGTYB üzvü, gənc yazar Qabil Ədalətdir.Layihə çərçivəsində Azərbaycan Respublikasında yaşayıb, ədəbi-bədii yaradıcılıqla məşğul olan yazarların vətənpərvərlik ruhda ədəb-bədii nümunələri, poeziya örnəkləri, məqalələri, poemaları, publisistik qeydləri və digər nümunələri eyni adlı kitabda cəmləşdirilib.Kitabın məsləhətçiləri Müharibə Veteranı Qadınlarına Sosial Yardım İctimai Birliyinin sədri Radə Abbas, Təmamət Azər, korrektoru Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının “Şərq bölgəsinin ədəbiyyatı” bölməsinin Baş redaktor müavini, DGTYB üzvü, gənc yazar Tural Adışirindir.

TƏRCÜMEYİ-HAL

Emil Rasimoğlu -1991-ci il iyun ayının 27-də Salyan rayonunun Yuxarı Xalac kəndində anadan olmuşdur.1998-ci ildə Xalac kənd 2 saylı orta məktəbinə getmiş, 2009-cu ildə həmin məktəbi bitirmişdir. Hələ məktəbdə oxuyarkən-2003-cü ildən bədii yaradıcılığa başlamışdır. 2008-ci ildən “Kürün töhfəsi” ədəbi birliyinin üzvü, 2012-ci ildən Dünya Gənc Türk Yazarlar Birliyinin üzvü, 2013-cü ildən Dünya Gənc Türk Yazarlar Birliyi İdarə Heyətinin üzvü, “Gənc Ədiblər Məktəbi”nin üzvü, 2012-ci il oktyabr ayından “Ziyalı Ocağı” İctimai Birliyinin Redaksiya, Yaradıcı, Nümayəndə Heyətinin Fəxri üzvü, Azərbaycanın Mədəniyyət və Ədəbiyyat Portalının Birinci Qurultayında Azərbaycanın Mədəniyyət və Ədəbiyyat Portalının Redaksiya, Yaradıcı, Nümayəndə Heyyətinin üzvü və “Azərbaycan ədəbiyyatı”, ”Türkiyə ədəbiyyatı”, ”Publisistika”, ”Elektron kitablar” bölmələrinin əməkdaşı, 2013-cü ildən Azərbaycanın Mədəniyyət və Ədəbiyyat Portalının Fəxri üzvü seçilmişdir. Şeirləri “Yeni Azərbaycan”, ”Respublika gəncləri”, ”Kaspi”, ”Aysberq və həyat”, “İlham çeşməsi”, “Yeni Axtarış”, “İrəvan Press”, “Möhtəşəm Azərbaycan”,”Qələbə” və digər qəzetlərdə, 2010-cu ildə “Muğanın səsi”, 2012-ci ildə “Bölgələrdən səslər” kitablarında çap olunmuş, Dünya Gənc Türk Yazarlar Birliyinin elektron orqanına, Azərbaycanın Mədəniyyət və Ədəbiyyat Portalına yerləşdirilmişdir.Şeirləri Azərbaycan türkcəsindən Türkiyə türkcəsinə tərcümə edilmişdir. Müntəzəm olaraq dövrü mətbuatda şeirləri çap olunur. 2013-cü ildə Dünya Gənc Türk Yazarlar Birliyi tərəfindən diplomla təltif olunmuşdur. Azərbaycan Dəniz Balıq Sənayesi Kollecinin tələbəsidir.

Getmə uzaqlara…

Qəlbimdən,bəxtimdən,nə də gözümdən,
Ayrılıb ox kimi itmə,sən Allah.
Axtarıb tapmaram,ölüm taparam,
Getmə uzaqlara,getmə sən Allah.

Oldun taleyimə nəsib,sevgilim,
Ürəyim səsinlə əsib,sevgilim.
Əlimi boş qoyub,küsüb,sevgilim,
Getmə uzaqlara,getmə sən Allah.

Çoxları baharda qəmlə qışlayıb,
Hələ sevgi çağım indi başlayıb.
Mənə bir ömürlük dərd bağışlayıb,
Getmə uzaqlara,getmə sən Allah.

Sən getsən,ruhum da,çıxıb gedəcək,
Məni torpaq üstə yıxıb gedəcək,
Gələnlər gözünü sıxıb gedəcək,
Getmə uzaqlara,getmə sən Allah.

Gələr Günəşdə yox,yağışımda nur,
Görünməz cığırada,yoxuşumda nur.
Sinəmdə od sönər,baxışımda nur,
Getmə uzaqlara,getmə sən Allah.

Aylar da,illər də,kəm gələcəkdir,
Kipriyin üstünə nəm gələcəkdir,
Bəs getsən,görüşə kim gələcəkdir?!
Getmə uzaqlara,getmə sən Allah.

Ocaq var nur yoxdu,ocaq var çəndi,
Tək-tənha kədərlə otaq var çəndi,
Uzaqlar dumandı,uzaqlar çəndi,
Getmə uzaqlara,getmə sən Allah.

Mütləq bilib…

Torpağından dərgahına üz tutub,
Dizim üstə qol açmışam,İlahi!
Ürəyimlə qollarıma,qolumla,
Dualara yol açmışam,İlahi!

Bel bükmədim yerdə “mən”in önündə,
Xeyrə qarşı şər-düşmənin önündə.
Mütləq bilib bircə sənin önündə,
Varlığımla alçalmışam,İlahi!

Nəfəs verdin cana gəldim anamda,
Zülmətində hey dincəldim anamda.
Doğulanda qupba güldüm anamda,
Eşqin ilə gül açmışam,İlahi!

Özgə yəhərində,özgə yəhərdə,
Səyyah oldum yaratdığın “şəhər”də.
Tapıb səni hər açılan səhərdə,
Yolun üstə əl açmışam,İlahi!

Mən kim idim qamətimi şux tutam,
Bədənimə ruhumu dayaq tutam,
Yer üzündə söz kəsəm,ayaq tutam,
“Danış”:-dedin,dil açmışam,İlahi!

Zaman dərdi…

Vətənimin taleyində neyləyim,
Qara yelli zaman dərdi var imiş.
Yaşadıqca düşünürəm, İlahi,
Yaman günün, yaman dərdi var imiş.

Qiyamətdi! Ana sına, ürəkdən,
Can qovurub yana, sına ürəkdən…
Neçə şəhid anasına ürəkdən,
Ah çəkdirən “cavan” dərdi var imiş.

Tanrım, selnən axan qanın yu, yurdun,
Yarasına məlhəm ola su… yurdun,
Dözəmmirəm, alovlanıb bu yurdun,
Nəfəsində yanan dərdi var imiş.

Ağ səhərli bəxti öldü çağların,
Zirvələrdi önündə alçaqların,
Ayrılıqda tənha, mətin dağların,
Səmasında duman dərdi var imiş.

Bütövlükdə sərhədi var, gör kimin,
Tapdalanan torpaq kimin, yer kimin?!.
Başı məğrur, əli qılınc türkümün ,
Sinəsində Turan dərdi var imiş.

İsa HƏSƏNOĞLU (İsa Həsən oğlu Əliyev) 1993-cü ildə Naxçıvan Muxtar Respublikasının Culfa şəhərində dünyaya göz açıb.1999-cu ildə Culfa şəhər 2 saylı orta məktəbin birinci sinfinə qədəm qoyub.2010-cu ildə orta məktəbi bitirib və həmin il Bakı Dövlət Universitetinin “Komputer elmləri” ixtisası üzrə Tətbiqi riyaziyyat və kibernetika fakültəsinə daxil olub. Hal-hazırda Bakı Dövlət Universitetin magistratura pilləsi üzrə I kurs tələbəsidir.
Ədəbiyyata marağı, onunla yaxından tanışlığı orta məktəb illərinə təsadüf edir. 2009-cu ildən bəri ədəbi fəaliyyəti mövcuddur. Şeirləri “Bakı Universiteti” qəzetində çap olunmuşdur.
2012-ci ildə dərc olunan “Könül dəryası” adlı şeirlər toplusu kitabı oxucularla ilk görüşüdür.
2014-cü ildə Azərbaycan Respublikasının Prezidenti yanında Gənclər Fondu tərəfindən maliyyələşdirilən və Dünya Gənc Türk Yazarlar Birliyi tərəfindən həyata keçirilən “Bölgələrdən Paytaxta… Paytaxtdan Bölgələrə” adlı layihə çərçivəsində işıq üzü görən “Bölgələrdən səslər” kitabının ikinci hissəsində şeirləri dərc olunaraq ictimaiyyətin nəzərinə çatdırılıb.

AZƏRBAYCAN

Bütün varlığımla bağlıyam sənə,
Yolunda şəhidlik hədəfdir mənə,
Üçrəngli bayrağın şərəfdir mənə…
O dalğalandıqca dincəlir canım,
Səadət qatarı Azərbaycanım!

Tarix boyu gəlməz dərdlərin saya,
Soydaşlar bölünmüş o tay,bu taya,
Sorağın yayılmış bütün dünyaya…
Ey mənim şöhrətim,ey mənim şanım,
Ömrümün baharı Azərbaycanım!

Qarabağ qəlbimdə çevrilib közə,
Daş ürək gərəkdir bu dərdə dözə.
Həsrətəm Göyçəyə,Dərbənd,Təbrizə…
Sənsən intizarım,sənsən hicranım,
Könlümün qubarı Azərbaycanım!

Qızında var Nigar,Həcər qeyrəti,
Oğlunda Koroğlu,Babək qüdrəti,
Xalqında yaşayır mərdlik adəti…
Uğrunda fədadır hər damla qanım,
İgidlik yazarı Azərbaycanım!

Nizami,Nəsimi,Füzuli ölməz,
Zəmanə Vaqifdən yetirə bilməz,
Sabirtək satirist bir daha gəlməz…
Ey ürfan aləmim,ey söz ünvanım,
Şairlər diyarı Azərbaycanım!

Görsən də bəlalar çətindən çətin,
İndi müstəqillik olub qismətin.
Zəngindir tarixin,mədəniyyətin…
Gücünlə əriyir yağı düşmanım,
Başı dik,yuxarı, Azərbaycanım!!!

3 avqust 2012-ci il.

Necə dərin gözlərin var!

“Necə dərin gözlərin var!”
Şirin sözlüm,
Gülər üzlüm,
Saf baxışlı ahu gözlüm!
Gözüm doysa, könlüm baxar,
Necə dərin gözlərin var!
O saflığa,dərinliyə
Hər baxdıqca istəsəm də,
İstəməsəm də dalıram.
Gücüm olmur çıxım üzə,
Yavaş-yavaş boğuluram.
Bir gün həmin dərinlikdə burulğana düşsəm əgər,
Gözlərində ölsəm əgər,
Mənə qüsl verməsinlər.
Çünki sənin aydan arı,
Sudan duru, Gözlərində paklaşmışam.
Paklığıma şübhən qalsa,
Yuyulmağım vacib olsa…
Bilirəm ki, gedişimlə çox incidəyəcəm səni,
O halda,ey ahu gözlüm,
Gedişimə axıtdığın, göz yaşınla yuyun məni.

09.07.2014

Ağlama,”sulu göz” deyən olmasın.

Gül üzlüm,ayrılıq vaxtı yetişdi,
Ağlama,”sulu göz” deyən olmasın.
Könlünə əhdimlə qıfıl vururam,
Mən yoxkən qapısın döyən olmasın.

Sən əsgər yarısan,dik tut başını!
Məndən söhbət düşsə,tut göz yaşını,
Yerə dik hayqıran saf baxışını
Nalə çəkdiyini duyan olmasın.

Səni küskün gördüm,böyüdü dərdim
Sınmaz qürurumu yoluna sərdim,
Əlimdə olsaydı sərhəd çəkərdim
O kövrək xətrinə dəyən olmasın.

“Əlvida” deməyə varmayır dilim,
Gizlət kədərini,ey solğun gülüm,
Səni məğrur görüm,əyilməz görüm,
Əyilməz qəddimi əyən olmasın.

Ey İsa, yarının boşdu barmağı,
Eşqinə güvənib qoparma bağı,
Unutma ki,tez-tez məktub yazmağı,
Bəylik libasını geyən olmasın.
19.04.2014

BAHAR QARI

Aram-aram, həzin-həzin,
Qar ələnir göydən yerə.
Geyindirir ağ gəlinlik ağaclara,çiçəklərə.
Hər dənəsi bambaşqadır,
Bir aləmdir,bir dünyadır.
Bir-birini incitmədən,
Bir-birinə toxunmadan rahat-rahat uçuşurlar,
Sanki, yerə yetmək üçün bir-birilə yarışırlar,
Yerə yetmiş dostlarına yetmək üçün tələsirlər,
Təbiəti çox incidən,
Ləkələyən pislikləri örtmək üçün tələsirlər.
Xəbər tutub bundan külək,
Yeri, göyü titrədərək
Əsir, qara vermir aman,
Görünür ki, yağan qarı,
Torpağa qısqanır yaman.

30.03.201

SANIRDIM

Qabaqlar mən belə deyildim,gülüm,
Dünyanı mənasız, əbəs sanırdım.
Xəyanət mərmisi dəyəndən bəri,
Özümü ürəkdən şikəst sanırdım.

Gedişi sakitcə , sezilməz oldu,
Hirsimdən göz yaşım süzülməz oldu,
Bir müddət ayrılıq dözülməz oldu,
Duyduğum hər səsi o səs sanırdım.

Mənə həmdəm oldu naleyi-ahım,
Aldandım yox ikən təqsir, günahım,
Nə dünənim vardı, nə də sabahım,
Həyatı aldığım nəfəs sanırdım.

Qəlbimi verməzdim daha kimsəyə,
Sən gəldin, baxışım döndü hər şeyə.
Bir zaman yalqızdım, tənhaydım deyə
Ömrümü kiçik bir qəfəs sanırdım.

Güldürdün hər şeyə nifrət edəni,
Firavan həyata döndərdin məni,
Özüm də bilmədən sevmişəm səni,
Mən səni keçici həvəs sanırdım.

Günay HƏSƏNLİ (Həsənli Günay Nəriman qızı) 1987-ci il noyabr ayının 9-da Gəncə şəhərində anadan olub. Orta təhsilini Tovuz rayon Dönük Qırıqlı kəndindəki D.Süleymanov adına tam orta məktəbdə alıb.
Çox erkən yaşlarından şeirlər yazmağa başlayıb. Şeirləri dövrü mətbuatda mütəmadi dərc olunub. “Qızıl qələm”, “Heydər ata” və s. mükafatlara layiq görülüb.
Respublikada nəşr olunan “Kompas”, “İslahat”, “Dövlət və qanun”, “Tovuz”, “Azərbaycan Dünyası”, “SM-press”, “Azərbaycan”, “Azad Qələm” və bir sıra almanaxlarda ədəbi-bədii publisistlik yazıları müxtəlif qəzetlərdə dərc olunub. SMTV(hazırkı TTV) adlı televiziya şirkətində aparıcı-repartyor kimi çalışıb. Hal-hazırda Axın İctimai Birliyində ümumi şöbə rəhbəri və Günəş jurnalında xususi müxbir kimi çalışır. Axın Poeziya Klubunun sədridir.Varislər Ədəbi Məclisinin, Dünya Gənc Türk Yazarları Birliyinin və Gənc Ədiblər Məktəbinin üzvüdür.
Bakı Slavyan Universitetinin tələbəsidir.Bir oğlu, bir qızı var.

HEYİF ÇIXIR

Etibar yox bu dünyaya,
Dünya məndən heyif çıxır.
Heç bilmirəm neynəmişəm,
Düşməni tək mənə baxır.

Neçə dağın partlatmışam,
Vüqarımı sınıb görən?
Sinəsinə od tulladım,
Meşəsimi yanıb görən?

Məcrasından çıxarmışam
Çaylarının axarını?
Bacarsaydım dəyişərdim
Həqiqətin baxarını.

İnsanına kələk qurub,
Çevirmişəm oyuncağa?
Evcik qurub oynatmışam?
Biri ata, biri ana…

Dartılmışam sapand kimi,
Tışlanmışam göy üzünə?
Çoxmu möhkəm dəymişəm ki,
Göylərinin göy gözünə?

DAŞ

Daş olub tökülmüşəm,
Bu dünyanın başına.
O da döndərib mənim,
Baharımı qışıma.

Vaxtsız belimi büküb,
Qara damımı söküb,
O da daşını töküb,
Mənim dərsli başıma.

Sağdan atdım ona daş,
Soldan atdım ona daş,
Çevrilib gəldi birbaş
Dəydi mənim başıma.

Daş atma, daşa dəyər,
Oxu çək, qaşa dəyər,
Min baş, bir başa dəyər,
Kül dünyanın başına.

20.04.2014

Zaman

Sən məni haraya gətirdin zaman?
Namus da,qeyrət də,ar da satılır.
Hərraca qoyulub insan ürəyi
Bülbüllə yanaşı sar da satılır.

İnsanlıq adında şey qalmayıbdır,
Belke orda-burda közərəni var.
İnsanlıar əyilib doğru yolundan,
Bəlkə də bir neçə düzələni var.

İnsan ləyaqəti,insan qeyrəti,
Hər addım başında tapdanıb gedir.
Yerində dayanıb,dursan da sakit,
Zaman özü səni bax, məcbur edir.

İnsan öz əliylə qazır quyunu,
Qazanın özünü salır bu zaman.
Pulu olan deyir yıxılmaram mən,
Mağallaq aşanda ağlayır yaman.

Dəyirman daşı tək fırlanır zaman,
Bu gün biri qalxır, sabahsa enir.
Əhli-cahan bilir onun işini,
Bax,insanlar nə danışır,nə dinir.

Dinib neynəyəcək təlxək zamana,
Dərhal onu zaman araya qoyar.
Min kələk gətirər onun başına,
O da bu həyatdan tamamca doyar
.
Tərki-dünya olar insanın ruhu,
Bununla bir ömür bitmiş sayılar.
Bir körpə dünyaya göz açar bu vaxt,
Bu qanuna “zaman”adı qoyular.

15.08.2004

Ölüm məni istəmir
Mən ölüm istəyirəm,
Ölüm məni istəmir.
Məni öldürmək üçün
Gəlib rüşvət istəyir.
Tumarlayıb başını
Sevə-sevə söylədim.
Qardaşımsan,bacımsan,
Səni istəyir bu can.
Apar məni nə olar!
Lap ata, anam da ol,
Şirinimsən, acımsan.
Gəl çıx otur başımda
Sən mənom daşa dönmüş
Şəkilli baş tacımsan.
Boylanma mənə gendən
Qorxma gəl mənə sarı.
Səni sevdiyim qədər,
Sevə bilməz yar-yarı.
Selə dönüb gəlirsən,
Yuyursan sağ-solumu.
Aparsan bütöv apar
Gəl qırma qıç,qolumu.
Mən səni gözəyirəm,
Gözləyənim var deyə.
Neçə qollar açılıb,
Hey səsləyir “gəl” deyə.
Mən ölüm istəyirəm,
Ölüm məni istəmir.
Məni öldürmək üçün
Gəlib rüşvət istəyir.
Söylə sənə nə verim?
Acgöz olub getmisən.
Dünyanın varındanmı?
Arlının arındanmı?
Yarlının yarındanmı?
O uca zirvələrin,
Ərinməz qarındanmı?
Söylə sənə nə verim?
Gücüm canıma çatar,
Gəl də canımı apar.
Canımı rüşvət verim…
“Ölümü aldarıram,
Susun,susun,dinməyin!”
Rüşvət verdiyim canın,
Həmin o can olduğun
Ölümə bildirməyin…

25.04.2014

DOYUM

Gəl bağrıma basım səni,
Başımı çiyninə qoyum.
Kövrəlmişəm sənin kimi,
Bərkdən ağlıyım, doyum.

Sən gurulda, mən hönkürüm,
Çağlasın Arazım, Kürüm,
Göz yaşıma divar hörüm,
Dərddən ağlıyım, doyum.

Gözümüzdən süzülsün nəm,
Yer üzünə qoysun qədəm,
Mən buludam, bulud da mən,
Hərdən ağlıyım, doyum.

28.09.2014

19 noyabr 2014-cü il tarixdə Ağstafa şəhərində Xalq şairi Hüseyn Arifin Ev Muzeyində Azərbaycan Yazıçılar Birliyinin Qazax Bölməsinin, “Hüseyn Arif” Ədəbi Birliyinin, Ağstafa rayon Mədəniyyət və Turizm şöbəsinin birgə təşkilatçılığı ilə nakam şair Üzeyir Məhərrəmlinin 40 illik yubileyinə həsr olunmuş ədəbi-bədii gecə keçirilib.Tədbiri giriş sözü ilə açan Azərbaycan Yazıçılar Birliyinin Qazax Bölməsinin sədri, Əməkdar incəsənət xadimi Barat Vüsal ilk növbədə tədbir iştirakçılarını salamlayıb, daha sonra nakam şair Üzeyir Məhərrəmlinin həyatı və yaradıcılığı haqqında olan bilgiləri tədbir iştirakçılarına sunub.Kütləvi informasiya vasitələrinin nümayəndələrinin də iştirak etdiyi tədbirdə Azərbaycan Yazıçılar Birliyinin üzvü, “Hüseyn Arif” Ədəbi Birliyinin sədri Saqif Qaratorpaq, “Gənc Ədiblər Məktəbi”nin müdavimi və DGTYB üzvü, gənc yazar Rüfət Axundlu, şair-publisist Firdovsi Heydərli, Tovuz rayonunda fəaliyyət göstərən “Varislər” Ədəbi Birliyinin sədri Əbülfət İslam və digər qonaqlar iştirak ediblər.Düzənlənən tədbirə qatılan qonaqlar nahakm şair Üzeyir Məhərrəmli haqqında öz fikir və düşüncələrini bölüşüblər, şairin müxtəlif illərdə qələmə aldığı şeirlərindən səsləndiriblər.Tədbirin sonunda xatirə şəkilləri çəkdirilib.

22 noyabr 2014-cü il tarixdə, saat 16:00-da, Bakı şəhəri, Səbail rayonu, Axın Poeziya Klubunda Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilən “Vətən sevgisi sərhədlə başlamır, sərhədlə bitmir” layihəsi çərçivəsində işıq üzü görən “Bitməz könlümüzün Vətən sevgisi” adlı antologiyanın təqdimat mərasimi keçiriləcək.Layihənin rəhbəri Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Baş redaktor müavini, DGTYB və AYB üzvü, gənc yazar Qabil Ədalətdir.
Tədbirdə antologiyada ədəbi-bədii nümunələri, poeziya örnəkləri, məqalələri, publisistik qeydləri dərc olunan yazarlara hədiyyə olunacaq.Kütləvi informasiya vasitələrinin nümayəndələrinin də iştirakı gözlənilir.
Ünvan: Azərbaycan Respublikası, Bakı şəhəri, Səbail rayonu, Şəhidlər Xiyabanı, Mehdi Hüseyn küçəsi 1a, Azərbaycan Respublikası Milli Məclisinin yanı

Azərbaycan Respublikasının Prezidenti yanında Gənclər Fondu tərəfindən həyata keçirilən “Gənc yazarların vətənpərvərlik ruhunda şer müsabiqəsi”nin qalibi “Gənc Ədiblər Məktəbi”nin müdavimi, gənc xanım yazar

Deyəsən yarpağın düşür,
Qələbən topdan sürüşür,
Məzarda şəhid üşüyür,
Qışın sağ olsun, vətən!

Min kərə and içmişik,
Şəhid donu biçmişik ,
Torpağını seçmişik,
Daşın sağ olsun, vətən!

Ürəyini böldülər,
Pis günündə güldülər,
Səni başsız bildilər,
Başın sağ olsun, vətən!

19 noyabr 2014-cü il tarixdə saat 11:00-da, Bakı şəhəri, Yasamal rayonu, 21 saylı orta məktəbin akt zalında Azərbaycan Respublikasının Prezidenti yanında Gənclər Fondunun maliyyə dəstəyi və 21 saylı orta məktəbin Rəhbərliyinin birgə təşkilatçılığı ilə “Gənc yazarların vətənpərvərlik ruhunda şer müsabiqəsi” həyata keçirldi.Tədbiri giriş sözü ilə açan DGTYB və AYB üzvü, gənc yazar Qabil Ədalət ilk növbədə tədbir iştirakçılarını salamlayıb, sonra müsabiqəyə qatılan iştirakçıları öz şeirlərini səsləndirmək üçün tribunaya dəvət etdi.Kütləvi informasiya vasitələrinin nümayəndələrinin də iştirak etdiyi tədbirdə Gündəlik İnformasiya Agentliyinin Baş məsləhətçisi, DGTYB üzvü, gənc xanım yazar Gülnarə İsrafilqızı, DGTYB Yönətim Kurulunun başqan yardımcısı, gənc xanım yazar Əfsanə Bayramqızı, “Gənc Ədiblər Məktəbi”nin müdavimi, gənc xanım yazar Əntiqə Səməndər, DGTYB və “Gənc Ədiblər Məktəbi”nin üzvü, “Axın” Poeziya Klubunun sədri, gənc xanım yazar Günay Həsənli, DGTYB üzvləri, Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Fotoqrafları, gənc yazarlar Nofəl Ümid, Sərvər Kamranlı, Gündəlik İnformasiya Agentliyinin Mətbuat xidmətinin rəhbəri, Süleyman Rəhimov adına Qubadlı rayon ədəbi ictimai birliyinin üzvü, gənc yazar Kənan Aydınoğlu, “Gənc Ədiblər Məktəbi”nin üzvü, gənc yazar İltimas Səmimi, Azərbaycan Yazıçılar və Jurnalistlər Birliklərinin üzvü, DAMM-ın Mətbuat xidmətinin rəhbəri, şairə, jurnalist Nəcibə İlkin, Azərbaycan Yazıçılar və Jurnalistlər Birliklərinin üzvü, Azərbaycan Respublikası Prezidentinin Təqaüd Fondunun təqaüdçüsü, “Ulduz” jurnalının Poeziya şöbəsinin redaktoru, şairə Fərqanə Mehdiyeva, Azərbaycan Yazıçılar Birliyinin üzvü, Azərbaycan Respublikası Prezidentinin Təqaüd Fondunun təqaüdçüsü Narıngül Nadirqızı, Azərbaycan Yazıçılar Birliyinin üzvü, Azərbaycan Respublikası Prezidentinin Təqaüd Fondunun təqaüdçüsü , “Rəsul Rza” Beynəlxalq Ədəbiyyatı Mükafatı laureatı Balayar Sadiq və digər qonaqlar iştirak ediblər.
Tədbir Azərbaycan Respublikasının Dövlət Himninin səsləndirilməsi ilə başladı.Daha sonra müsabiqəyə qatılan gənc yazarlar Günay Həsənli, Gülnarə İsrafilqızı, Sevil İşıq, Əfsanə Bayramqızı, Kənan Aydınoğlu, Qoşqar Qaraçaylı, Nofəl Ümid, Əntiqə Səməndər, Cəmilə Vaqifqızı, İltimas Səmimi, Ramiq Mehdisoy, İsa Həsənoğlu, Sərvər Kamranlı öz şeirlərini tədbir iştirakçıları üçün səsləndirdilər.Daha sonra məktəbin müəlim heyətinin təşkilatçılığı ilə həmin məktəbin şagirdlərinin iştirakı Vətənpərvliklə bağlı şeirlər səsləndirildi, rəqslər ifa olundu.Müsabiqənin gedişatında Münsiflər heyətinin qərarı ilə gənc xanım yazar Əntiqə Səməndər birinci yerə, gənc yazar İltimas Səmimi ikinci yerə, üçüncü yerə Aynur Şahtelli, dördüncü yerə Gülnarə İsrafilqızı layiq görüldü.

15 noyabr 2014-cü il tarixdə, saat 16:00-da, Axın Poeziya Klubunda Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar Birliyinin üzvü, “Hüseyn Arif” Ədəbi Birliyinin sədri Saqif Qaratorpağın sayca üçüncü və yeni “Üç addım” kitabının təqdimat mərasimi keçiriləcək.İştirak etmək istəyən hər kəs dəvətlidir.Kütləvi informasiya vasitələrinin nümayəndələrinin də iştirakı gözlənilir.
Ünvan: Azərbaycan Respublikası, Bakı şəhəri, Səbail rayonu, Şəhidlər Xiyabanı, Mehdi Hüseyn küçəsi 1a, Azərbaycan Respublikası Milli Məclisinin yanı)

Azərbaycan Respublikasının Prezidenti yanında Gənclər Fondunun maliyyə dəstəyi ilə “Gənc yazarların vətənpərvərlik ruhunda şer müsabiqəsi”
həyata keçirlir.Müsabiqədə bütün gənc şairlər iştirak ede bilərlər.Müsabiqə 19 noyabr 2014-cü il tarixdə, saat 11:00-da, Bakı şəhəri, Yasamal rayonu 21 saylı orta məktəbə baş tutacaq.Qaliblər münsiflər heyətinin səs verməsi nəticəsində təyin ediləcəck və ilk 5 yer diplom və müxtəlif hədiyyələrlə mükafatlandırılıacaq.

Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Rəhbərliyi Sizi, Azərbaaycanın istedadlı gənc xanım yazarını, Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Baş redaktor müavinini doğum günü münasibətilə səmimi qəlbdən təbrik edir, Sizə uzun ömür, möhkəm cansağlığı, xoşbəxtlik, ailə səadəti, ədəbi-bədii yaradıcılığında bol-bol uğurlar diləyir!

Mətbuat xidməti

Qaranlıq

Gecənin sükütu pozulsun yenə
Duyulsun zülmətdə işiq nəfəsi
Röyalar xeyirə yozulsun yenə
Sevdiyin kəslərin gəlincə səsi

Yalnızkən gecələr sıxır insanı
Təkliyin əlindən qaçmaq da olmur
Fikirlə hər şeyin çəkilir ərşə
Beləcə səhəri açmaq da olmur.

Susmaq istəmirəm, dinə dərdlərim
Axı kimə danışım, kim dinlər məni
Divara danışsam bəlkə dağılar
O da çəkə bilməz bu qədər qəmi

Gecənin qənimi işıq deyilmi
Günəş doğanda şəfəq görünür
Mənim qaranlığımın işığı hanı
Bəxtimin günəşi niyə sürünür

Gözlərim açıqdır görmür heç nəyi
İşıqda görünən olan cahanı
Bəlkədə gözümün nuru tükənib
Çökübdür gözümə zülmət dumanı

İnsanın özü də cavabsız sual
Kim verər izzahın, kim bunu anlar
” Cismi içərsinə sığan otağın
Bəs necə ruhunu sıxır divarlar ”

Deyəsən sıxıntı zülmətlə çökür
Gecələr insana dar olur həyat
Gündüzlər görünür aləmin rəngi
Deməli işıqla var olur həyat…

Məna

Bir şeydə yüz məna olan həyatda
Hansını bacarsan sən də onu tut
Misalı ağacdan edim rəvayət
,, olanda beşikdir, öləndə tabut”

Biri həyatın pəncərəsidir
Seyr edir dünyanı, gətirir tabı
İçində həyatla vidalaşdığın
O biri ölümə açılan qapı

Bu necə fərqdir yaranır belə
Biriylə insanı çəkir yuxarı
Son evin yerini bilirmiş kimi
Digəri aparır torpağa sarı

Bu necə hikmətdir anlamıram mən
Gah xeyirə iş görür, gah da fələyə
Bu fərqin inzzahı göylə yer kimi
Gah sevincə şərikdi, gah da naləyə

Qocaya əsadır, yaxşıdı demək!
Çevrilsə bir oxa nədir savabı?!
Oturub əşyada məna gəzirsən
Bəlkə də özünsən mənaların cavabı

İstər ağac olsun istərsə dəmir
Qüdrəti verdiyin forma qədərdi
Deməli təməlin özmüz qoyuruq
İstəsək xeyirdi, istəsək şərdi.

Nədir gözlərdəki o dərin baxışlar
Yoxsa yollardamı qalıbdır gözün
Göz yaşın kiprikdə olubdur naxış
Yoxsa qürbətdə bir canınmı var
Ağlama gözləri yorulmuş , qadın
Gözləri yol gedib yol gəlir elə
Dilində sözləri quruyub qalıb
İndisə gözləri gəlibdir dilə
Dərdini tək yeyib tək içən , qadın
Arada bir nəfəs al bir nəfəs ver
Əgər boğsa öz dərdin səni
Valla qurtarmaz sevincin səni
Susmusan ,düşünən qadın?
Niyə susanda danışırsan sən
Səssiz danışmağı necə öyrəndin?
Yoxsa narahat hislərin öyrətdi sənə
Baxışın qılıncdan sərtmiş, ey qadın
O baxış min yerə bölər ürəyi
Sənin gözlərini susdurmaq lazım
Yoxsa bu gözlər öldürər məni
Dərdinin əlacın tapıb gətirib
Rahat fikirlərlə yalnız qoyacam
Bəlkə fikirləşməyi bir az unudub
Rahat yaşamağa davam edəsən.

Eşqindən edir aşiqə mə`şuq cəfani
Eşq əhli olan lütf bilər dərdü bəlani.

Daim bizi nurunla işıqlandırib ey məh,
Məhrum elə nurundan özün əhli riyani

Yersiz deyil aşiqlərə cövr eyləsə canan,
Səbriylə müəyyən eləyir əhli vəfani

Vəsl isə muradin qəmi-hicranə döz ey dil,
Hicranə dözənlər görəcək zövqü sefani.

Ya Rəbbi özün rəhmin ilə Salehə lütf et
Görsün,ne qədər var nəfəsi Kerbü bəlani…

Həzin bir yalvarış kimi,
Qəfil yağan yağış kimi,
Bəxtə düşən naxış kimi,
Sevgi dolu baxış kimi,
Hisslərimi duyarmısan?
Məni məndən alarmısan?
Ürəyimdə qalarmısan?..

Susuz quraqlıqdan sonra,
Leysan yağışlardan sonra,
Uzun ayrılıqdan sonra,
Tellərimi tumarlayıb,
Gözlərimi yumarmısan?
Məni məndən alarmısan?
Ürəyimdə qalarmısan?..

Söz də çəkilər vaxtına,
Kimlər oturdu taxtına?
Yəqin yazılıb baxtına,
Şehli söyüdlər altında,
Busəmə bal qatarmısan?
Məni məndən alarmısan?
Ürəyimdə qalarmısan?..

Xəyal dəryasında gəmim,
Bir gün itər dərdi-qəmim,
Yenə gələr sevgi dəmim!!
Bu dünyadan qopub gülüm,
Qollarımda uyarmısan?
Məni məndən alarmısan?!.
Ürəyimdə qalarmısan?……

Dünya gəldi-gedər, düşünsək əgər,
Təmiz ad, təmiz söz qalandı yadda.
Yaxşılıq – qiyməti bilinməyən zər,
Bütün dünya yaşar bir təmiz adda.

Kimdir tutub duran axı dünyanı,
İnsan gəlib-gedər milyonlar sanı.
Qızıldan, ziynətdən geysək də donu,
İçimiz dəyişmir içdəki qatda…

Yaradan yaradıb hərəni bir cür,
Ümmanı başqa cür, zərrəni bir cür.
Sözü bir cür deyib, kəlməni bir cür,
Ömrü başa vurruq bir yatayatda!

Boz qarğa nə bilir xoş avaz nədir,
Yaz günü qar nədir, qışda yaz nədir.
Şeir nə, sənət nə, ya almaz nədir,
İstəsən ən uca zirvəyə çat da!

Bir xoş söz bəs edər var olmaq üçün,
Təşnə könüllərə yar olmaq üçün.
Çağlayıb-çağlayıb durulmaq üçün,
Bir bulaq qaynayır hər kiçik çatda!

Kimlər söz gəzdirir, kimlər söz qanır,
Kimlər korun-korun içindən yanır.
Qiymət hər insanı gözündən tanır, –
Əfilər bəslənir yenə əl altda!

Dalğalan bayrağım, gözlər önündə
Qan uddur düşmənə silah əlində.
Bayrağım görün sən,gözəl biçimdə,
Dalğalan bayrağım, bir daha enmə!!!

Yüksəliş səninsə, sevinc bizimdir,
Qürurla duruşun, bütöv elindir.
Millətin Türkdüsə, İslam dinindir,
Dalğalan bayrağım bir daha ENMƏ!!!

Qırmızı tökdüyün Şəhid qanındır
Bu adın önündə ucalığındır!
Mavi rəngin isə TÜRK sorağındır,
Yaşılın İslama bağlanmağındır

Ucal sən, bayrağım, ucal sən Ucal!
Soy kökün dərindir, gəl yadına sal,
Qartal tək vüqarla zirvələrdə qal.
Dalğalan bayrağım, bir daha ENMƏ!!!

09.11.2014.

Hərdən yuxum sürgün olur,
Üz tutur sənin qoynuna.
Gah da qəfil yolu düşür,
“Səninlə mənim toyuma”.

Yeyir, içir, sağlıq deyir,
Utanmayıb oynayır da.
Hamını özütək bilir,
“Sən”li, “mən”li bu dünyada.

Eh…bezdirir çoxunu,
Arzumu gizləməliyəm.
İnsaf et, qaytar yuxumu,
Səhər işə getməliyəm.

Sevgi elə belə olmur ki?!
Sevginin gülən gözləri olur.
Sevgi sən görən deyil ki?!
Sevginin bapbalaca əlləri olur.

Sevgi elə belə olmur ki?!
Sevginin dadı var, şirin bal kimi.
Sevgi sən görən deyil ki?!
Sevginin qəlbi olur körpə quş kimi.

Sevgi elə belə olmur ki?!
Sevgi ayaq tutub evdə də gəzir.
Sevgi sən görən deyil ki?!
Sevgi hərdən şıltaqlıq edir.

Sevgi elə belə olmur ki?!
Sevginin dili var, danışa bilir.
Sevgi sən görən deyil ki?!
Sevgi ata deyir, ana söyləyir…
Sevgi elə belə olmur ki!

YADIMA DÜŞÜBDÜ

Yurd-yuvamda keçirtdiyim hər günüm,
Ötüşən il, ay yadıma düşübdü!
Bir səs olcaq ayağından başacan,
Kəndə düşən hay yadıma düşübdü!

İşdən-gücdən yorğun-arğın qayıdıb,
Dincələrdik körpələri oynadıb.
Qapımızda samavarı qaynadıb,
Dəmlədiyim çay yadıma düşübdü!

Neçə vaxtdı bir dərd əyib qəddimi,
Bölə bilmir köhnə qonşum dərdimi.
Düşünürəm viran qalan kəndimi,
Başdan-başa tey yadıma düşübdü!

Demə orda yaşamışıq bəy kimi,
İndi burda dolaşırıq səy kimi…
El yığışıb götürdüyü toy kimi,
Qapımdakı vay yadıma düşübdü!

Ov etdiyim dərələrdə hənirti,
Kol dibindən qopartdığım göyərti,
Hərlədiyim yeddi nömür kərənti,
Qatladığım lay yadıma düşübdü!

Yad dolanır ta “Hərtiz”i, “Səngər”i,
Hardan alım Qoç Nəbini, Həcəri?!
Göz yaşımdı Bərgüşadla Həkəri,
Baş vurduğum çay yadıma düşübdü!

Kəndimizdə “toybaşı”ydı üç nəfər,
Həsənalı, Həsənqərə, Qəzənfər…
Qara zurna nazlanardı bəxtəvər,
O “Yallı”lı toy yadıma düşübdü!

Gül açmadı ta Qafqazın dediyi,
Zəhər oldu neçə vaxtdı yediyi…
Qonşuların qonşulara verdiyi,
Göndərdiyi pay yadıma düşübdü!!

2005.

SORUŞ

= Bir nəfər yerli “şair” biz qaçqınlara xitabən mənə: Eh,
sizin nə dərdiniz var e, bütün kommunal – işıq,
qaz, su və s. xərclərinizi dövlət ödəyir, üstəlik də
sizlərə verilən yardımlra əlavələr də alırsız,- dedi =

Mənə dərdsiz deyən, ay zalım oğlu,
Sən məni mən dərdli olandan soruş!
Yuvası uçandan, yurdu yanandan,
Obası virandan, talandan soruş!

Qapını kəsməyib hələ duman-çən,
Demirəm mən dərdə sən də düşəsən.
Dərdimi öyrənib bilmək istəsən,
Qəzadan qəhərin alandan soruş!

Fələk qarğayandan, evin yıxandan,
Başına qayalar, daşlar yağandan,
Gündüzlər yurd sarı durub baxandan,
Şər vaxtı gözləri dolandan soruş!

Ətirli baxçası, bəhrəli bağı,
Yarpızlı bostanı, çiçəkli tağı,
Laləli çəməni, reyhanlı dağı,
Yamyaşıl ormanı solandan soruş!

Başının üstünü kəsəndə yağı,
Qazanda qatığı, nehrədə yağı,
Ləyəndə ayranı, teştdə qaymağı,
Atıb qaça bilən nalandan soruş!

Ulağı alıxda, dəvəsi xıxda,
Sürüsü ağılda, malları mıxda,
Toyuğu-cücəsi əldə-ayağda,
Itləri zəncirdə qalandan soruş!

Qız-gəlin bulaqda atdı sənəyi,
Tavada xörəyi, sacda çörəyi…
Bir təhər çıxartdım anam Göyçəyi,
Sal bizdən yolunu, bir ondan soruş!

Qaldı qapılarda tığla taxılı,
Tayası vurulu, kumu tıxılı…
Saydıqca birbəbir qəlbim sıxılır,
Bilmə ki, deyirəm yalandan, soruş!

Halakın çıxar e, itsə bir iynən,
Olarsan imandan, çıxarsan dindən…
Bir çöp götürməyib dolu evindən,
Yol boyu saçını yolandan soruş!

Taptaq altındadı qəbirstanlığım,
Qoparıb daşını, aparıb yağım.
Qaralıb ocağım, sönüb çırağım,
Dərd nədi, havasın çalandan soruş!

Dördgözlü açıram hər gecə danı,
Gedib yoxlayıram yirdu-yuvan.
Hər gün xatırlayıb eli-obanı,
Şirin xəyallara dalandan soruş!..

GEDİM

Qoşulub qərib durnaya,
Qərib-qərib köçüm gedir.
İlahi, bir yol aç mənə,
Bu yerlərdən köçüm gedim.

Qərib durna, qərib ağı,
Darıxanda məni çağır.
Göndər bir piyalə ağu,
Şərbət kimi içim gedim.

Yaranışdan beləyəmmi,
Azadammı, köləyəmmi?!
Zəncir kəsir biləyimi,
Dizlərimdən gücüm gedir.

Aldanıb ağlıma gəlim,
Qoşulub ilğıma gəlim.
Yolumdan saxlama, gəlim,
Qoy sakitcə keçim gedim.

Kəc baxılsa yurd daşına,
El dağılar, yurd daşınar.
Bu dünyanın yaddaşına
Əbədilik köçüm, gedim.

USTAD, BİR DÖN SİNƏMƏ BAX…

«Gəl gör mənə eşq neylədi»
Yunis İmrə

Bu sevda dəli sevdadı,
Tükənməz macərası var.
Nə bu dərdə əlac edən,
Nə bu dərdin çarısı var.

Oldu ömrün yazı talan,
Yazıq satan, yazıq alan.
Nə ondan bir razı qalan,
Nə ondan bir narazı var.

Yön çevirib dağa-daşa,
Bulaq oldu gözüm – daşan.
Nə gözümdə ağdan nişan,
Nə gözümün qarası var.

Eşq qonaqmış, sinəm otaq,
Qonaq çəkdi sinəmə dağ.
Ustad, bir dön sinəmə bax,
Gör, salamat harası var?

* * *

Bəlkə bu gün
günlərin ən gözəlidi,
sabahlar ağlamalı,
dünənlər gülməlidi.
Bəlkə bir də
sevinməyəcəyik belə,
belə şirin
olmayacaq həsrətin.
belə gözəl olmayacaq
ayrılıqlar…
belə gözəl olmayacaq
təbəssümün.
Bəlkə bu gün
elə sən deyən gündü,
təkcə sənin üçündü…
Bəlkə bir də
sevməyəcəksən belə,
titrəməyəcək əllərin
bu qədər,
Belə gözəl olmayacaq
kədər…
Bəlkə elə…
Bu gün
bitməyib hələ.

* * *

Bir həsrət qoxusu var
bu səhər sazağında.
Hər gün adın üşüyər
dilimdə,dodağımda.

Gözlərimin yaşında
bir xatirə islanar.
Göz yaşımı silməyə
yarpaq tökər ağaclar.

Rəsmini çəkmək üçün
durmuşam yol üstə mən.
Fırçasını almışam
son baharın əlindən.

Gözdən,könüldən uzaq,-
Düşüb aralı sevdim.
Oxlanıb kirpiyinlə,
Səni yaralı sevdim.

Lalələr qan içində,
Ha alış,yan içində.
Dağda duman içində,-
İtən maralı sevdim.

Heykəl qurub xəzəldən,
Eşq umdum hər gözəldn.
Bu dünyanı əzəldən,-
Ağlı-qaralı sevdim.

Yetdi sevgimizin son bazar günü…

Yetdi sevgimizin son bazar günü,
Sənə də yaxşı yol, mənə də, gedək.
Axır ki, lal etdin bu xəstə canı,
Güldün saçımdakı dənə də, gedək.

Sevda nəğmələri karıma yetmir,
Həsrət uşaq döyən dayə kimidi.
Sanki ruhun köçür, dediyin sözlər,
Yad dildə oxunan ayə kimidi.

Kimdir yanağına dodaq uzadan?
Bir kölgə kəsdirib yanını sənin…
Sən ki məni sevdin, daha qəm yemə,
Ta tütyə biləcəm canını sənin.

Dərdin soyuğundan könül buz tutub,
Qaçım, küçədəki xanımı büküm.
Arada əynimdən sürüşür ruh da,
Mənə yaylıq gətir, canımı büküm.

Soyuq rüzgarlara can qapı açmaz…

Soyuq rüzgarlara can qapı açmaz,
Sən yoxsan, dən basıb telimi yenə.
Bilmir hara uçsun kor alabaxta,
Qatı duman basıb elimi yenə.

Ruhumun damında quşlar ev tikir,
Ömür şüşəmizdə çatlar böyüyüb.
Durma gen sahildə boş qayıq kimi,
Bir bax, hürkütdüyün atlar böyüyüb.

Könül al butalı palaz kimidi,
Bir doğru fikir yox, közüm öyrəşsin.
Mən səni çox gördüm çəhrayı rəngdə,
Bir az da ağ geyin, gözüm öyrəşsin…

Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Rəhbərliyi Sizi, Çağdaş Azərbaycan ədəbiyyatının görkəmli nümayəndəsini, Azərbaycan Yazıçılar Birliyinin üzvünü, Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının “Aran bölgəsinin ədəbiyyatı” bölməsinin Baş redaktorunu
doğum günü münasibətilə səmimi qəlbdən təbrik edir, Sizə uzun ömür, möhkəm cansağlığı, xoşbəxtlik, işlərinizdə uğurlar diləyir!

Mətbuat xidməti

Əlirza HƏSRƏT (Abbasov Əlirza Azadxan oğlu) 1 noyabr 1963-cü ildə Əli-Bayramlı şəhərində anadan olub.İbtidai və orta təhsilini öz doğma şəhərlərində alıb.
Şeirləri “Azərbaycan”, “Ulduz”, “Azərbaycan qadını” jurnallarında, “Ədəbiyyat qəzeti”, “Kaspi”, “Yeni Azərbaycan”, “Möhtəşəm Azərbaycan”, “Yeni Axtarış” qəzetlərində, müxtəlif ədəbiyyat, o cümlədən mədəniyyət və ədəbiyyat yönümlü portallarda dərc olunub.
2009-cu ildə Azərbaycan Yazıçılar Birliyinin “Qadınlara Həsr olunmuş ən yaxşı şeir müsabiqəsi”nin qalibi olmuşam.2013-cü ildə Dünya Gənc Türk Yazarlar Birliyi-“Türk Dünyasına Xidmət Ödülü” ilə təltif olunub. “Kim sənə oxşayıb, sevmişəm elə”, “Ayrılıq sevginin dar ağacıdır”, “Edam çiçəyi”, “Sükut nəğməsi”, “Bundan belə ayrılıqdır” şeirlər kitabının müəllifidir.Azərbaycan Yazıçılar Birliyinin üzvüdür.
Azərbaycanın Mədəniyyət və Ədəbiyyat Portalının “Aran bölgələrinin ədəbiyyatı” bölməsinin Baş redaktorudur.
İxtisasca mühəndis-texnoloqdur.Altı şeir kitabının müəllifidir.Respublikanın bütün ədəbi orqanlarında ədəbi-bədii nümunələri çap olunur.Şeirləri dok.professor İsa KAYACANIN məsləhəti ilə dəfələrlə Türkiyə mətbuatında dərc olunub.Bir sıra almanaxlarda şeirləri bir neçə dəfə dərc olunub.Şeirlərinə müsiqi bəstələnib.

QUZEY BƏNÖVŞƏSİ

Bənövşə gözləri gülür baharın,
Götürüb aləmi quşların səsi.
Tumurcuq-tumurcuq çıxır canından,-
Çılpaq ağacların soyuqdəyməsi.

Gecənin yuxusu ərşə çəkilib,
Bənövşə ətrinə elçi düşüb dan.
Gözümdə qışlanan həsrət çiçəyim,-
Səni də tanıdım ayrılığından.

Quzey bənövşəsi biraz gec solur,
Sevən ürəkləri sərinlətməyə.
Dağların döşünə yatıb ahım ki,-
Üzünə bənövşə həniri dəyə!

İGİD OĞULLARA VƏTƏN AD VERİR
(Əsgər oğlum Ülvi Abbaszadə üçün)

Tökülür çöhrəndən mərdlik,cəsarət,
Vətən arxalanır sənə dağ kimi.
Əsgər papağında yanan Ay-ulduz,-
Nur saçır aləmə çilçıraq kimi.

Dünyanın ən gözəl səadət payı,-
Sevib qorumaqdır ana vətəni.
Başını uca tut,ay əsgər oğlum,
Zirvəyə aparır hər pillə səni.

Əsgərtək bağrıma basıram səni,
Sanıram o körpə yaşdasan elə.
İnamın bayraqdır,and yerin Vətən,
Əsgər geyimində başqasan elə.

Hər gün əsgərlərin ayaq səsində,-
Hünər nəğməsini dinləyir Vətən.
Əsgərlik borcunu verirsən deyə,-
Səninlə gör necə öyünürəm mən?!

Qızlar çiçək tutub əsgər yoluna,
Arzular adama qol-qanad verir.
Həyatın müqəddəs neməti kimi,-
İgid oğullara Vətən ad verir!

QAPIMIZA ELÇİ DÜŞÜB EHTİYAC

Haradandır bu hıçqırıq neydəki?
Şirinləşdi dilim bu gileydə ki.
Tənha quşdan qatar olmaz Göydə ki,
Durnaları sevdim dəstə şəklində.

Xatirənlə oynayıram “gizlən-qaç”,
Gəl saçına düyün vurum,sın də aç.
Qapımıza elçi dşüb ehtiyac,
Bir alagöz,boyubəstə şəklində.

Gördün yolum dirənibdir yoxuşa,
Pöhrə oldun sığındığım koğuşa.
Hər gün səni nəzmə çəkdim, ay Şuşa,
İtkin düşmüş bir “Şikəstə” şəklində..

Kaş, belə üz-üzə gəlməyəydik heç,
Kaş, özgə girəydi gözümə o gün…
Mən sənin yanında sultan kimiydim,
…Paxıllıq elədim özümə o gün.

Keçib Məcnun eşqi, Leyli vəfası,
Heç kim öz canını yaş tutmaz, canım.
Ta məni özündən uzaq tut bir az,
Bilirəm, bu sevgi baş tutmaz, canım.

Bax, yüz göz boylanır arxanca hər gün,
Bax, yüzü istəyir kamına çatsın.
Mən səni bu kökdə sevə bilmərəm,
Burax, sevda quşum damına çatsın.

Fəqət, neyləyim ki, qəlb rahat durmur,
Mənə ruh verirsən, gözəl, sən axı…
Paymı bu gözəllik? Kim verib, söylə?
Sən niyə bu qədər gözəlsən axı?

İş yoldaşımla hər gün üzbəüz küçədəki balaca kafedə nahar edərdik. Yaxın olmaqdan başqa orda həm qiymətlər münasibdi, həm də yeməkləri çox dadlı bişirirdilər. Ev xörəklərindən fərqlənmirdi.

Məqsədim nə o kafeni, nə də onun yeməklərini reklam etməkdi, orada, necə deyərlər, ilk baxışdan vurulduğum qəşəng bir qız haqqında danışmaqdı. Ortaboylu, sarıyanız, zərif bir qızdı. O da kafeyə nahara rəfiqəsi ilə gələrdi. Həmişə də yuxarı başda, sağ tərəfdəki küncdə, eyni yerdə əyləşərdilər. Kafenin nahar fasiləsindəki gündəlik müştəriləri, demək olar, eyni adamlardı. Ona görə də hamı adət elədiyi stolu qoyub başqasının yerində oturmurdu. Təsadüfi müştəriləri kafenin işçiləri qarşılayıb boş stollara yönəldirdilər.

Qızı ilk dəfə görəndə çəngəl-bıçaq əlimdə dondum. İş yoldaşım təəccüblə:

– Nooldu sənə? – deyəndə ayıldım.

Fikrim qızda idi. Arabir oğrunca mən ona, o da mənə baxırdı. Baxışlarımız toqquşanda gözlərimizi yayındırırdıq.

Hər şey belə başlandı. Onlar da kafeyə hər gün eyni vaxtda gəlirdilər. Əvvəl nahara aşağı-yuxarı bir az geciksəm də indi buna ciddi yanaşırdım. Dəqiqəsinə söz ola bilməzdi. İş yoldaşım bir az ləng tərpənəndə dözmür, əsəbləşir, tələsdirirdim. Guya aclığa tabım yoxdu. Əslində gecikməkdən qorxurdum. Qızı tez görməkdən yana ürəyim gedirdi. Axı bunu iş yoldaşıma necə deyəydim? Mənə elə gəlirdi heç nədən xəbəri yoxdu. Həm də belə daha yaxşıdı!

Hələ qıza yaxınlaşmağa, tanış olmağa cürətim çatmırdı. Münasib məqam gözləyirdim.

– Qurtar, gedək də! – Kafedə də iş yoldaşım məni tələsdirirdi.

– Qaçhaqaçdı? Yemək yeyəndə gərək tələsməyəsən, yediyin-içdiyin canına sinə.

– Belə dee! – Bic-bic qımışırdı.

Onların qurtarmağını, kafedən çıxmağını gözləyirdim. Yanımızdan keçib gedəndə qızın ətrinin iyi məni bihuş eləyirdi.

***

Arxasınca hayıl-mayıl baxırdım. Birdən iş yoldaşımın:

– Qəşəng qızdı, – deyən səsini eşidib diksindim.

– Nəə?..

– Deyirəm, qəşəng qızdı. Ancaq daha bəsdi gözlədiyin. Tanış olmağın, ürəyini açmağın vaxtıdı.

Zalım oğlu hər şeydən xəbərdarmış.

– Qorxuram, – dedim. – Birdən “yox” cavabı verdi…

– Amma onun sənə baxan gözlərindən “hə” oxunur.

– Hardan bilirsən?..

Başı çəkmişdi. Nə vaxtdı dərdindən dəli-divanə olduğu, arxasınca süründüyü qızla iki-üç aydı dil tapmış, ailə qurmuşdu.

***

Növbəti bazar günü anamı yoluxmaq üçün rayona yollandım. Böyük qardaşım bir neçə il əvvəl institutdan təyinatla göndərdikləri rayonda məskunlaşmış, elə orda da ailə qurmuşdu. Atam dünyasını dəyişəndən sonra anam da onun yanında qalırdı.

Arabir zəng vurur, ərkyana danlayırdı. Tələs, deyirdi, evlənmək lazımdı. Mən də ürəyimə yatan qız tapmadığımı söyləyirdim. Son vaxtlar özünün tapdığını deyib məni rayona çağırırdı.

Dediyinə görə, qonşunun qızıydı. Yaraşıqlı, savadlı, müasir qızdı. İnstitutu bu il bitirmiş, Bakıda qalmışdı. Hardasa işləyirdi. Həftənin şənbə və bazar günləri valideynlərinə baş çəkmək üçün evlərinə gəlirdi. Anam, nə böyük yoldu, deyirdi, bir istirahət günü də sən güzarını biz tərəflərə sal. İnanıram ki, görüşsəniz, sən qızı bəyənəcəksən, qız da səni. Gecikmə, bir də gördün böyürdən biri çıxdı.

Qardaşımgildə cəmi bir-iki dəfə olmuşdum. O da atüstü. Hansı qonşusundan söhbət getdiyini bilmirdim. İndi lap məqamıydı. Gözaltıladığı qızı görməyə deyil, anama kafedəki qız haqqında söz açmağa tələsirdim.

***

Qardaşımgilin məhəlləsində nəzərimi ilk cəlb edən qələbəlik oldu. Ürəyim əsdi. Addımlarımı yeyinlətdim. Evlərinə çatanda qonşusunun darvazasını taybatay açıq gördüm. Həyətdə mağar qurulmuşdu. Baxışlarından kədər yağan adamlar o qapıya girib çıxırdılar. İçəridən yanıqlı ağlaşma səsi eşidilirdi.

Bir azdan anamın gözaltıladığı qızın dünən, şənbə günü avtobusla Bakıdan gələrkən yolda qəzaya uğradığını, dünyasını dəyişdiyini öyrəndim.

Qızı görməsəm, tanımasam da özümü çox pis hiss elədim.

Bakıya dönərkən anamın könlünü açmaq üçün şəhərdə ürəyimə yatan bir qız tapdığımı söylədim.

***

Nahar fasiləsində iş yoldaşımla yenə kafedə idik. İki gündü qızı görmürdüm. Özümə söz vermişdim ki, necə olur-olsun bu gün ürəyimi ona açmalıyam!

Tərslikdən qızlar gözə dəymirdilər.

Nahar fasiləsi başa çatsa da gəlib çıxmadılar. İş yoldaşımdan ayrılıb onları kafenin qabağında bir xeyli gözlədim.

– Ürəyini sıxma, yəqin nəsə vacib bir işləri çıxıb. – Dilxor halda qayıtdığımı görən iş yoldaşım təskinlik verdi.

Mən də o cür fikirləşirdim.

Səhərisi rəfiqəsi kafedə yaşlı bir qadınla göründü. Daha mən özümü saxlaya bilmədim. İrəli durub qızı xəbər aldım.

… Mənim aşiq olduğum qız anamın gözaltıladığı qız imiş.

Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar Birliyi tərəfindən həyata keçirilən “Bir bənd şeir” müsabiqəsinin ikincisi olmuş, şair, publsist Mais Təmkinin “İlhamlı günlərin nəğməsi” adlı kitabı 2014-cü ildə Bakı şəhərində “Nərgiz” Nəşriyyat Poliqrafiya Mərkəzi tərəfindən 72 səhifə olmaqla, işıq üzü görüb.Kitabın redaktoru və ön sözünün müəllifi Akademik M.Mehdizadə adına və Qızıl qələm mükafatları laureatı, Respublikanın Təhsil əlaçısı Hidayət Musabəylidir.
Poema Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Heydər oğlu Əliyeva həsr olunub.2003-2010-cu illərdə qələmə alınıb.Kitab müəllifin oxucularla sayca dördüncü görüşüdür.Geniş oxucu kütləsi üçün nəzərdə tutulub.

* * *

Dağın pıçıltısını,
Eşitmir kar olan qulaq.
Görmür gözlər,
Çəkir başa,
Çəkir başa bəyaz duvaq.
köksündə qayanı görür,
Çınqılı boz daşı görür,
Bilmir, bilmir çox heyif ki..
Dağın da qəlbi döyünür.
Dağın nəfəsi kəslir,
Bağırır səsi kəsilir.
Çağırır səsi gəlmir heç,
danışan çağı kəslir.
Görmür kor olan gözlər,
Eşitmir kar olan qulaq.
Öz özünə deyir susur,
O səsi geyinir dərə,
O səsi geyinir bulaq.
Sular dəyir çınqıllara…
Bəlkə dağın səsi elə,
Bu cür, bu cür eşidilə.

Bütün aləm yığışıb

Boynumda bitib ağac,
Torpağa budaq atıb,
Iki budaq havada,
Ikisi qucaq açıb.
Hər budağın beş çiçək,
Beş yaşıl yarpağı var.
Ağacın gövdəsində,
Suyu var, torpağı var.
Fəsil bahar istisi,
Fəsil qışın şaxtası.
Həm yay ətri qoxuyur,
Həm də payız havası.
Dörd fəsil bir fəsildə,
Bir fəsil dörd fəsildə.
Min ahəng var,min rəng var,
Bu gövdədə, bu sirrdə.
Göyün də, ahəngi var,
Yerin də, ahəngi var.
Bütün yad cisimlərin,
Bu gövdədə rəngi var.
Sinədə damar-damar,
Okianlar parçalanıb.
Yerə pərçim olunmuş,
Dağlar, daşlar dolanıb.
Göylərin parıltısı,
Boyundan az yuxarı,
Əks etdirir üzündə,
Günəşi, ulduzları.
Ağacın kökü yumru,
Ucalıb göyə tərəf.
Görnüşü çox balaca.
Bütün planetləri,
Bütün hərəkətləri,
Yığıb ovcuna tərəf.
Baş qoyub min bir aləm,
Min aləmin dizinə.
Bütün aləm yığışıb,
Bir aləmin gözünə.

Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Rəhbərliyi Sizi, Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Redaksiya Heyətinin Fəxri üzvünü doğum günü münasibətilə təbrik edir, Sizə uzun ömür, möhkəm cansağlığı, xoşbəxtlik, ədəbi-bədii yaradıcılığınızda bol-bol uğurlar diləyir!

Yolçuzadə Məhəmməd Yolçu oğlu 2000-ci il oktyabr ayının 29-da Bakı şəhərində ziyalı ailəsində anadan olub.2006-cı il sentyabr ayının 15-də Bakı şəhəri, Qaradağ rayonu, Müşfiqabad qəsəbəsindəki 320 saylı orta məktəbin birinci sinfinə gedib.Fənlər üzrə müxtəlif olimpiadalarda birincilik qazanıb və mükafatlandırılıb.

Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Rəhbərliyi Sizi, Çağdaş
Azərbaycan ədəbiyyatının görkəmli nümayəndəsini, Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Redaksiya Heyətinin Fəxri üzvünü doğum günü münasibətilə təbrik edir, Sizə uzun ömür, möhkəm cansağlığı, xoşbəxtlik, ədəbi-bədii yaradıcılığınızda bol-bol uğurlar diləyir!

Sevinc Həmzəyeva(Sevinc Səyyad qızı Həmzəyeva) 1977 – ci il oktyabr ayının 29-da anadan olmuşdur. 1984-1994 – cü illərdə orta məktəbdə oxumuş, 1995 – ci ildə ADPU–nun Filologiya fakültəsinə daxil olmuş, 1999 – cu ildə həmin universitetin bakalavr pilləsini, 2001–ci ildə isə “Antik ədəbiyyat” ixtisası üzrə magistraturasını fərqlənmə diplomu ilə bitirmişdir.
Hələ orta məktəb illərindən poeziyaya maraq göstərir.Dövri mətbuatda ara-sıra şeirləri ilə çıxış edib.Şeirləri “Sumqayıt Universiteti”, “Sözün Sehri” qəzetlərində dərc olunub.2012-ci ilin oktyabr ayının 6-dan Azərnbaycanın Mədəniyyət və Ədəbiyyat Portalının Redaksiya, Yaradıcı, Nümayəndə Heyətlərinin Fəxri üzvüdür.
2001 – ci ildən Sumqayıt Dövlət Universitetində Filologoiya fakültəsində işləyir.2003 – cü ildə Azərbaycan Milli Elmlər Akademiyasının Nizami adına Ədəbiyyat İnstitunun “Xarici ölkələr ədəbiyyatı və ədəbi əlaqələr” şöbəsində əyani aspiranturasına qəbul olmuş, 2006 – cı ildə prof. Vaqif Arzumanlının rəhbərliyi ilə “Azərbaycan – ingilis ədəbi əlaqələrinin inkişafında bədii tərcümənin rolu” adlı dissertasiyasını aspirantura müddətində tamamlamış və şöbəyə təqdim etmişdir. Hazırda həmin şöbənin əməkdaşıdır. Eyni zamanda Sumqayıt Dövlət Universitetində Filologiya fakültəsində dekan müavinidr, filologiya üzrə fəlsəfə doktorudur. Onlarla elmi məqalənin müəllifidir. Həmçinin dövri mətbuatda da yazıları ilə çıxış edir.

* * *

Rəqs edək…
Musiqisiz, çalğısız,
Qəlbimizin ahənginə…
Əvvəl baxışların
baxışımı qucaqlasın…
Nəzərlərdə qovuşaq…
Çəkmə məndən gözünü
Həkk olunum bəbəyinə…
Sonra…
əllərimdən tut…
barmaqlarını
bircə –bircə oxşayım…
Bircə – bircə öpüm baxışlarımla…
Yanağına toxunum
Ovcumun istisinə
Alışsın üzün, eşq ilə…
Sonra…
Rəqs edək
Qəlbindən süzülən nəğməyə
Dodaqların incə –incə təmasında
Duyğularımla baş – başa
Sarmaşıb sənin duyğularına
Rəqs edək…
Sonra, içimə çəkim səni bir udum nəfəs kimi
Sonra, içinə çək məni
Sənə həyat verən
Bir məlhəm kimi…

2008

* * *

İçimi didən həsrətin
Könlümü üzən həsrətin
Az qala…
Məni sevdi həsrətin
Səndən də çox…

Yarım oldun
Bağrımı yaran oldun
Xatirəmə həkk olunub
yadım oldun
Hərdən doğmadan doğma…
Hərdən ögey, yadım oldun…

Hər anımda anılan…
Hər yanımda duyulan
Yandırdıqca…
Həsrətinə sarılan
Nəvazişim, mehrim, şəfqətim…
Sənə həsrət
Özüm kimi…

2008

* * *

Sən – həsrətlər içindən
Sevgiyə bürünüb gəldin
Sən – hicranın içindən
vüsala çönüb gəldin
Ayaz vurmuş budaq üstə
Tumurcuğa dönüb gəldin
Günəş boyda şəfəq olub
zülmətləri dağıtdın…

Fərəh olub qəhərimi
bir gülüşlə yox etdin
Nəğmə olub hər sözümü
musiqinlə dindirdin
Ruhum olub bu canımda
varlığımı diriltdin
İnam oldun! Öz eşqinlə
şübhələri dağıtdın…

2010

(Həyati bir hekayə, olmuş bir əhvalat, 80 yaşa yaxın ahıl bir babanın dedikləri)

Qızım, sənin nur saçan, bu mələk çöhrən mənə
Elə əziz gəlir ki……
Elə bil, haradasa dəqiq görmüşəm səni…
Elə bil ürəyimə yaxın bilmişəm səni….
Elə bil ki, leysanlı, çiskin payız gecəsi,
Qaranlıq gümanıma günəş bilmişəm səni…
Qızım bu bağa girmə…
Bilmirsən axı qızım, bu bağa kimlər girir,
Kimlər çıxır bu bağdan?!
Yəqin inanmısan sən,
O insanın iblistək verdiyi vərdlərinə,
Ey mələksima qızım,
Amma bələd deyilsən, onun əməllərinə!!
İnanmısan sən onun saxta şirin dilinə!!
Qızım, girmə bu bağa….
Bu bağın bağbanıyam,
Qoca, ahıl insanam.
And olsun tək Allaha,
İndiyədək buraya gələn bir kimsəyə də,
“Qurtul” deməmişəm mən,
Elə bildim Aysan sən,
Başdan –başa nursan sən!!
Qurtul qızım, qaç qızım….
Sənin gələcəyin var,
Günəştək nur saç qızım.
Noolsun, imkanlıdı?
Həm də ki, arxalıdı?
Neçə qadının gözü yaşlı qalıb a qızım,
İnandığın o insan,
Neçə qızı bu bağdan yola salıb, a qızım!!!
Qaç get qızım….
Nə qədər ki gec deyil,
Qurtul qızım, nə qədər ki, gec deyil!!!

Sənin üçün

Qəlbindən qəlbimə nur axını var,
Qəribə hisslərin gur axını var.
Her şeyin bir uzaq, bir yaxını var,
Sən niyə bu qədər doğmasan mənə?!

Bircə yol baxdınmı geriyə dönüb,
Bu yerin üstündə, göyün altında?
Bir həzin bir kövrək ürəyə dönüb,
Döyün bu sinəmin, döyün altında, –
Sən niyə bu qədər doğmasan mənə?!

Gördünmü gözümdə sökülən danı,
Duydunmu səsini lal harayların?
Yağışa bələnər gözümün qanı,
Çilənər üstünə sal qayaların, –
Sən niyə bu qədər doğmasan mənə?!

Dərdim batmanlara tən gələr, keçər,
Gözümə vədəsiz çən gələr, keçər.
Hələ əllərinə əlim yetməmiş,
Həsrət ürəyimi çəngələr, keçər, –
Sən niyə bu qədər doğmasan mənə?!

Bir ümid qapımı döyə bir səhər,
Bir ilğım aldanış gətirə, qoyma.
Qəmlə dil taparam bəlkə birtəhər,
Xiffətin ömrümü bitirə, qoyma, –
Sən niyə bu qədər doğmasan mənə?!

Zəncirdən, buxovdan aç əllərimi,
Sığala, tumara ac əllərimi.
Sən mənə yaşamın yolunu göstər,
Mən qovum qapıdan əcəllərimi, –
Sən niyə bu qədər doğmasan mənə?!

Çox şükür, döyüldü bu qapı yenə,
Çox şükür, sən idin gələn, əzizim.
Qoyma ürəyimi həsrətlə dinə,
Sevgi ol, ruhuma ələn, əzizim, –
Sən niyə bu qədər doğmasan mənə?!

26.10.2014.

Dirəkdən asıblar məftili,
İntihar edibmiş kimi.
Otağın lampası sükuta qərq olub,
Ayrılıb sevdiyindən.
Həsrətini çəkir məftilin.
Boynunu yaralayıb qayçı iki gündür.
İnsafsız işıqçı…
Hardan bilsən ki, intiharı?
Qaralıb lampa.
Şam işığı işıqlandırmır üzünü.
Zəng etdik,
Yollarda ilişib qalıb, yəqin tıxacdır yollar.
Məsafələr uzanır.
Yollar layla çalır…işıqçıya
Hər gün gəlirik, indi gəlirik, gəlib çıxmır ki, çıxmır.
Daha gəlməsədə olar.
Gözümüz qonaq edib qaranlığı.
Qonşudan bir adam çağırıb,
Məftili lampaya qovuşdurarıq.
İşıqlandırar sevgi evimizi.
İşıqçı, sən isə yollara aşiq ol,
Yollar sənə aşiq olan kimi.

Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Rəhbərliyi Sizi, Çağdaş Azərbaycan ədəbiyyatının görkəmli nümayəndəsini, Azərbaycan Yazıçılar Birliyinin üzvünü, “Hüseyn Arif” Ədəbi Birliyinin Başkanını, Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Redaksiya heyətinin üzvünü doğum günü münasibətilə təbrik edir, Sizə uzun ömür, möhkəm cansağlığı, xoşbəxtlik, ədəbi-bədii yaradıcılığınızda bol-bol uğurlar diləyir!

Mətbuat xidməti

Saqif QARATORPAQ (Babayev Saqif Qnyaz oğlu) 1963-cü il oktyabr ayının 26-da Qazax (indiki Ağstafa) rayonunun Köçəsgər kəndində anadan olub.İbtidai və orta təhsilini öz doğma rayonlarında alıb.1982-ci ildə Azərbaycan Texniki Universitetinə qəbul olub.1986-cı ildə həmin Universiteti bitirib.1999-2003-cü illərdə Qazax Müəllimlər İnsitutunun Tarix fakültəsində ali təhsil alıb.
Şeirləri Azərbaycan türkcəsindən Türkiyə türkcəsinə tərcümə olunub.Şeirləri “Ziyalı Ocağı”,“Ulduz”, “Azərbaycan”, “Gənclik” jurnallarında, “Sözün Sehri”, “Möhtəşəm Azərbaycan”,”Elimiz.günümüz”, “Kaspi”, “Avrasiya”, “Yol”, “Ədəbiyyat və İncəsənət”, “Ekspress” qəzetlərində, “Türkün səsi” dərgisində, müxtəlif ədəbiyyat, o cümlədən mədəniyyət və ədəbiyyat portallarında dərc olunub.
Azərbaycan Yazıçılar Birliyinin üzvdür.”Hüseyn Arif” Ədəbi Birliyinin sədridir.”Şamın kölgəsi” (Bakı, “Adiloğlu”, 2006) ,“Bir könül varağında” (Bakı, “Ünsiyyət”, 2012), “Üç addım…” (Sumqayıt, “Bilik”, 2014) şeirlər kitabının müəllifidir.

Kamran AYDINOĞLU (Murquzov Kamran Aydın oğlu) 1989-cu il oktyabr ayının 25-də Bakı şəhərində ziyalı ailəsində anadan olub.2008-2013-cü illərdə Azərbaycan Dövlət İqitisad Universitetinin Mühasibat Uçotu və Audit fakültəsində bakalavr dərəcəsi üzrə ali təhsil alıb.2012-ci ildə Azərbaycanın Mədəniyyət və Ədəbiyyat Portalını (Ədəbiyyat-Az.Com), 2013-cü ildə Gündəlik İnformasiya Agentliyini (Gundelik.İnfo) təsis edib.Gənc yazarlar Gülnarə İsrafilqızının, Fidan Abbasovanın, Teymur Həbibinin, Kənan Aydınoğlunun şeirlərini Azərbaycan türkcəsindən Türkiyə türkcəsinə tərcümə edib.Məqalələri “Təzadlar” qəzetində, shahbulaq.az vehdet.org, carci.az, edebiyyat-az.com. gundelik.info portallarında dərcolunub. “Hüseyn Arif” Ədəbi Birliyinin üzvüdür.

Kənan AYDINOĞLU (Murquzov Kənan Aydın oğlu) 1989-cu il oktyabr ayının 25-də Bakı şəhərində ziyalı ailəsində anadan olub.2008-2012-ci illərdə Sumqayıt Dövlət Universitetinin Filologiya fakültəsində bakalavr dərəcəsi üzrə ali təhsil alıb.”Ömürdən bir səhifə” (Bakı, “Adiloğlu”, 2007) və “Ömrün yarı yolunda” (Bakı, “MK”, 2010) şeirlər kitabının müəllifidir.Gündəlik İnformasiya Agentliyinin Mətbuat xidmətinin rəhbəridir.Azərbaycanın Mədəniyyət və Ədəbiyyat Portalının Baş redaktor müavinidir.Süleyman Rəhimov adına Qubadlı rayon ədəbi ictimai birliyinin üzvüdür.

BİLMİRSƏN

Ey ürək nə üçün gizlədiyini,
Sən özün özünə aça bilmirsən.
Elə yerindəcə hey çırpınırsan,
Bu acı taleydən qaça bilmirsən.

Bilirəmki, için kədərlə dolub,
Arzuların gül tək saralıb, solub.
Söylə, axı neyçün bir quşa dönüb,
Badağdan budağa uça bilmirsən.

Narahat olursan mənimçün bəzən,
Yaman düşünürsən olub, keçənnən.
Ülə sevirsənki, insanları sən,
Yaxşını, yamannan seçə bilmirsən.

Darıxırsan bizə nəsə olanda,
Içində gizlənir doğru, yalanda.
Səninlə ikimiz tənha qalanda,
Fikirli aləmdən köçə bilmirsən.

Açıb öz yolundan qara tilsimi,
Sil öz yaddaşından kədəri, qəmi.
Öz oduna yanan aşiqlər kimi,
Niyə eşq badəsi içə bilmirsən.

Zeynəbəm, bilmirəm nə deyim sənə,
Düşmüsən bir acı hicran əlinə.
Yaman pərişansan gördüklərinə,
Vüsaldan, sevgidən keçə bilmirsən.

YANDIRIR MƏNİ

Özüm Dərbənddəyəm, ürəyim orda,
Cənnətməkan yerlər qalıbdır darda.
Düşmən göz dikibdir o gözəl yurda,
Qarabağın dərdə yandırır məni.

Kaş məndə göreydim cənnət yerləri,
Şuşanı, Ağdamı, o Kəlbəcəri.
Allah, o diyarı sən qaytar geri,
Qarabağın dərdi yandırır məni.

Yaman nalə çəkir, ustad Üzeyir,
Məni yad ayağdan qurtarın deyir.
O gözəl torpağda özgə yeriyir,
Qarabağın dərdi yandırır məni.

Görmürük nə qalıb o gözəl yerdə,
Çəkiblər araya bir qara pərdə.
Dözə bilməyirik daha bu dərdə,
Qarabağın dərdi yandırrır məni.

Divarlar yıxılıb, evlər sökülüb,
Küçələr boyunca qanlar tökülüb.
Elimin, obamın qəddi bükülüb,
Qarabağın dərdi yandırır məni.

Əldən gedib neçə kənd, neçə şəhər,
Şirin bulağlara qatılıb zəhər.
Xalqım dözür buna elə bir təhər,
Qarabağın dərdi yandırır məni.

Ürəyim göynəyir adı gələndə,
Elə bu dərd gəzir elin dilində.
Düşmən at oynadır onun çölündə,
Qarabağın dərdi yandırır məni.

Anlaya bilmirəm bu haqsızlığı,
Görəsən necədir Isa bulağı.
Ölməmiş göreydim kaş o torpağı,
Qarabağın dərdi yandırır məni.

Sovrulub torpağı, ocağı, daşı,
Sıldırım qayalar tökür göz yaşı.
O namərd qonşular, pis tutdu işi,
Qarabağın dərdi yandırır məni.

Zeynəbəm, ürəyim ağlayır mənim,
Damarımda qanım çağlayır mənim.
Bu həsrət qəlbimi dağlayır mənim,
Qarabağın dərdi yandırıt məni.

DÜNYA

Doğolannan kor olmuşam,
Kor olasan səni dünya.
Dərd çəkməkdən yorulmuşam,
Yorulasan səni dünya.

Az idi mi çəkdiklərim,
Tikan bitir əkdiklərim.
Dagılırlar tikdiklərim,
Dağılasan səni dünya.

Həsrət ilə yordun məni,
Hər yetənnən sordun məni.
Zərrə zərrə qırdın məni,
Qırılasan səni dünya.

Sən Zeynəbi, yaratdın tək,
Qoydun zülümnən təkbətək.
Ölürəm, mənə kəfən tək,
Sarılasan səni dünya.

Məhşərə gedənin əzabdır yükü,
Günahla doldurur kəfəni insan.
Hansı tərəziyə sığışar bu dərd,
Satırsa “bazarda” bədəni insan.

Getdikcə hər şeyi robotlaşdırır,
Oyuncaq meyvələr ağıl çaşdırır.
Ayaq dəyən yeri asfaltlaşdırır
Betona döndərir çəməni insan.

Dünən yüz yaxşılıq etsən birinə
Əlini uzatsan dərdi-sərinə
Bu günsə bir pislik gətir yerinə
O saat unudar dünəni insan.

Vətəni sevməyən döyüşə gəlməz
Ölü tək yaşayar, nə olsun ölməz.
Burada qeyrətdən söz gedə bilməz
Satırsa düşmənə vətəni insan.

Arxamdan izimi silməyim gəlir
Saxta “hörmətimə” gülməyim gəlir.
Dirini görəndə ölməyim gəlir
Müqəddəs eləyir öləni insan.

Namusa-qeyrətə verilmir dəyər.
Yenə daş dövrünə qayıdır bəşər.
Soyunmaq mədəni olmaqsa əgər,
Meymundu hamıdan mədəni “insan”

TƏRCÜMEYİ-HAL

Əntiqə SƏMƏNDƏR (Muradova Əntiqə Səməndər qızı) 1994-cü il may ayının 16-da Ağdam rayonunda anadan olub.2001-2012-ci illərdə Xətai rayonu 58 saylı orta məktəbə təhsil alıb.2012-ci ildə Bakı Slavyan Universiyetinin Pedaqoji fakültəsinə qəbul olub.Bakı Slavyan Universitetinin “Ədəbi Yaradıcılıq” fakültəsinin məzunudur.
Azərbaycan Yazıçılar Birliyi ilə Mədəniyyət və Turizm Nazirliyinin birgə layihəsi olan “Gənc Ədiblər Məktəbi”nin müdavimidir.
2008-ci ildə “Can Qarabağım”adlı şeir kitabı çapdan çıxıb.2009-cu ildə təhsildə göstərdiyi uğurlu nəticəyə görə fəxri fərmanla təltif olinub.2010-cu ildə “Şair dostlar”adlı şeir kitabı çap olunub.2011-ci ildə “Ədalət və Həqiqət “qəzetində müxbir işləyib.Daha sonra “Bütöv Azərbaycan “qəzetində xüsusi müxbir işləyib.”Məcməüş-şüara”ədəbi məclisinin katibidir.”Son söz “qəzetində xüsusi müxbir işləyir.

* * *

Mən içimdən kiçilirəm,
Bölünürəm hissələrə,
budaq-budaq…
Hopuram sözlərinə
yaz məni, dostum.
varaq-varaq…
Alnımdan yere düşüb,
Sımıbdı alın yazım,
qırıq-qırıq.
Səni duymağa nə var ki,
Üzündə yazılıb,
Taleyin sənə verdiyi
-bir ömür əzab.
Səni görməyə nə var ki?
Gözündə gizlənib,
Taleyin səndən aldığı,
-bir anlıq sevinc.

* * *

Bütün sözlə oynayıram,
Bircə cümlə qurmaq üçün.
Bir bəhanə axtarıram,
Ürəyini qırmaq üçün.

Oyunda daşı gizlətdim.
Səni yaman çox gözlətdim.
Ehh..daha nələr etdim? …
Burda səni yormaq üçün.

Qələm əhlinin özünə məxsus nəfəsi, ruhu olur. Bu insanlar digər insanlardan çox fəqlənir. Həddindən artıq həssas ,tez küsən, tez qarşı tərəfi bağışlayan olurlar. Allah qatında da, seçilmiş, üstün şəxslərdir. Bu gün sizə Gülnarə Sadiq haqqında söhbət açacam. Onun şeirləri ilə Carçı.az sayıtında işləyəndə tanış olmuşdum. Şeirlərində yeni ruhun çalarları vardı. Sonra özü ilə də, yaxından tanış olduqda insani keyfiyyətlərin yaradıcılığı ilə üst-üstə düşdüyünün şahidi oldum. Sizə Gülnarə xanım haqqında qısa məlumat vermək istəyirəm ki, yaxından tanıyasınız.

Gülnarə Sadiq (Qasımova ) Ələkbər qızı 1985-ci il Azərbaycan respublikası,Gəncə şəhərində anadan olub. İlk təhsilini 2000-ci ildə həmin şəhərdə bitirdikdən sonra Gəncə Dövlət Universitetinə qəbul olub. 2006-cı ildə həmin Unuversiteti bitirib.Uşaqlıq illərindən şer yazmağa başlayıb. Yazıları “Töhvə”, “Odlar Yurdu“qəzetlərində,”Məhəbbət işığında”,”Gəncliyin Səsi” almanaxlarında dərc edilib.Gəncə Dövlət Universitetinin nəzdində fəaliyyət göstərən “Gəncliyin Səsi”ədəbi dərnəyinin üzvü olub. Hal-hazırda www.vehdet.org saytının drektorudur.

Sevindirici haldır ki, Gülnarə xanımın şeirləri qardaş Türkiyədə Dünya Türk yazarlar birliyinin Bursa filalında, ”Altın Kalemler” antalogiyasında və bir sıra qəzet və jurnallarda dərc olunub.

Gülnarə xanımın şeirləri ilk dəfə, türkiyənin mədəniyyət və incəsənət xadimi Ərdəm Can adlı şəxs tərəfindən bəyənilib. Ərdəm Can bəyin öz dilindən bir parçanı sizə təqdim edirəm.

“MÖCÜZƏM MƏNİM” Bu şeiri ilk dəfə oxuyanda düşündüm ki, bunu yazmağı bacaran kalp büyük olmalı. Elə də oldu zatən Gülnarə Sadiq kendi şeirləri ilə bunu mənə sübut etdi. O gündən bu yana neçə-neçə deyişmələrimiz oldu və hər birində sadə, anlaşılır terzdə verdiyi cavablarla istedadını göstərdi…”

Erdem Can.

Onu da deyim ki, Ərdəm Can bəyin özü də, kifayət qədər qızıl və gümüş medallar, mükafatlar əldə etmiş, Almanyada, Türkiyyədə, Belçikada hər kəs tərəfində sevilən, hörmət olunan sənətçidir. Türk dünyası, aşıq sənətində gənclərin yetişməsinə vəsilə olub. O, 12 CD, 24 kaset, “QURBET ÇİÇƏYİ” adlı kitabın müəllifidir.

Bu yaxınlarda Ərdəm Can bəylə Gülnarə Sadiqin birlikdə kitabı işıq üzü görəcək. Bu istedadlı xanımımıza uğurlar diləyirəm və ürəkdən təbrik edirəm.Ərdəm Can bəyə də uğurlar və təşəkkürlərimi bildirirəm. İndi isə kitabın ərsəyə gəlməsinə və Ərdəm bəylə tanışlığa səbəb olan şeir parçasını sizə təqdim edirəm.

Möcüzəm mənim!

Sən mənim ömrümün payız çağında
Açan tər çiçəksən sevda bağımda.
Sən mənim könlümün solan anında
Gələn nəfəsimsən,möcüzəm mənim.

Sən mənim dünyamsan,öz dünyam mənim,
Gecikmiş olsa da,öz sevdam mənim,
Gizli məhəbbətim,öz eşqim mənim,
Vuran ürəyimsən,möcüzəm mənim.

Sən yanan qəlbimə səpilən susan,
Canını itirmiş ruha bir cansan,
Qaranlıq dünyamın sən işığısan,
Doğan günəşəimsən,möcüzəm mənim.

Gülnarə İsrafilqızı.

…Tumurcuq gözləri gülür baharın,
Bənövşə ah çəkir kolun içində.
Diksinib boylanır ayaq izlərim,
Arxamca uzanan yolun içində.

Şəklimiz çəkilib quzey qarına,
Bu sevda dağın da gələr karına.
Ovcunu tutmusan göz yaşlarına,
Hələ oynayırsan selin içində.

…Gəl qucaq qollarım çəpərin olsun,
Çəpərdən keçməyə təpərin olsun.
Sənə çiçək dedim,xəbərin olsun,
Bu qədər çəmənin,gülün içində.

Eşq dərdin sonuncu mərtəbəsidi…
Qəlb ora adamı dillə çıxardır.
Yuxuda gördüyüm alagöz gəlin,
Göz yummur, elə bil çillə çıxardır.

Mənim də içimdə eşq odu sönüb,
…Eh, mənə bu kəndin havası düşmür.
Anam ocaq çatır, külək söndürür,
Anamla küləyin davası düşmür…

İştahı çoxalır qonşu qızın da,
Az qalır çəpərdən tullanıb, gəlsin.
…Ruhuma deyin ki, ürək tab etmir,
Getsin, yad şəhərdə pullanıb, gəlsin.

Gündəlik İnformasiya Agentliyinin Mətbuat xidmətinin Azərbycanın Mədəniyyət və Ədəbiyyat Portalına istinadən yaydığı məlumata görə, yaxın günlərdə, Gündəlik İnformasiya Agentliyinin Mətbuat xidmətinin rəhbəri, “Hüseyn Arif” Ədəbi Birliyinin üzvü, gənc yazar Kənan Aydınoğlunun yeni-ədəbi-bədii yaradıcılığından bəhs edən portalı istifadəyə veriləcək.
Portal “Özgeçmiş”, “Poeziya”, “Nəsr”, “Dramaturgiya”, “Publisistika”, “İslam”, “Ön sözlər”, “Publisistik qeydlər”, “Kitablar”, “Görkəmli şəxslər gənc yazar haqqında”, “Fotoqalereya” bölmələrindən ibarət olacaq.
Qeyd edək ki, gənc yazar Kənan Aydınoğlu bundan öncə Çağdaş Azərbaycan ədəbi elektron məkanında fəaliyyət göstərən bir çox mədəniyyət və ədəbiyyat portalların həm informasiya, həm təşkilati, həm də maliyyət dəstəyi ilə layihələri gerçəkləşdirməkdə öz töhfələrini vermişdi.

Çağdaş Azərbaycan ədəbiyyatının görkəmli nümayəndəsi,Azərbaycan Yazıçılar Birliyinin və Avrasiya Yazarlar Birliyinin üzvü, “Tələ”, “Bələdçi” romanlarının müəllifi, yazıçı Eyvaz Zeynalovun Türkiyədə çıxan aylıq “Berceste” dərgisində “Kaysı ağacı” (“Ərik ağacı”) adlı hekayəsi yayımlanıb. Hekayəni Türkiyə türkcəsinə Ömər Küçükmehmetoğlu çevirib.

“ “MÖCÜZƏM MƏNİM”

Bu şeiri ilk dəfə oxuyanda düşündüm ki, bunu yazmağı bacaran kalp büyük olmalı. Elə də oldu zatən Gülnarə Sadiq kendi şeirləri ilə bunu mənə sübut etdi. O gündən bu yana neçə – neçə deyişmələrimiz oldu və hər birində sadə, anlaşılır terzdə verdiyi cavablarla istedadını göstərdi…”
Erdem Can
“Ilk dəfə Erdem bəy mənə birlikdə kitab çıxarmaq istəyini bildirəndə çox sevindim. Milli mənəvi dəyərləri bir iki türk övladının birlikdə ərsəyə gətirdiyi bu layihə gözəl olacaqdı. Almanyada, Türkiyyədə, Belçikada hər kəs tərəfində sevilən, sayqı duyulan bir sənətkarla bir çərçivədə yer almaq çox qürur vericidi…”
Gülnarə Sadiq
Erdem Can – 12 CD, 24 kaset, “QURBET ÇİÇƏYİ” adlı kitabın müəllifi, çoxlu sayda mükafatlar almış, müxtəlif illərdə mütəlif kanallarda ədəbi verlişlərin sunucusu olmuş, dəfələrlə aşıq deyişmə festivallarının qalibi olm
\
uş – qızıl, gümüş medallarla təltif olunmuşdu. 12 dən çox türk dünyasına aşıqlar yetişdirmiş.Türkiyyə cumhuriyyətinin mədəniyyət və incəsənət xadimidir.

Aydın Əliyev 1996-cı il sentyabr ayının 8-də Bakı şəhərində ziyalı ailəsində anadan olub.2003-2014-cü illərdə Bakı şəhəri 221 saylı orta məktəbdə təhsil alıb.2014-cü ildən Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Baş redaktor müavinidir.

* * *

Elə bilmə asan gəlməsin sənə,
Məni ürəyindən silə bilməzsən,
Bir könül sındırıb , agladıb yenə,
Özün qəhqəhəylə gülə bilməzsən,

Deyirəm sevgidə gəl vəfalı ol,
Ya belə yaşa , yada saral sol,
Budur Sirattək bircə dənə yol,
Getsən bir daha dönə bilməzsən,

Aydınam eşqimin kamanı var, tarı var,
Həm vəfalı, həm vəfasız yarı var,
Yaza bel baglama boran , qarı, var,
Verərsən ömrünü yelə bilməzsən

23. 09. 14

* * *

Məni intizarda çox buraxmısan,
Söylə susmağının səbəbi nədir?
Sevgindən, o qədər çox danışmısan,
İndi susmağının səbəbi nədir?

Şirin xəyallarım məni tərk edib,
Yumşaq sözümü alıb,bərk edib,
Sözümü anlayıb gözəl, dərk edib,
Söylə susmağının səbəbi nədir?

Vəfasız deməklə ürək soyumaz,
Bu dövran keçər belə də qalmaz,
Dinməsən bilirsən Aydın yaşamaz,
Söylə susmağının səbəbi nədir?

06.10. 14.

Salam! Bu gün mən qələminin ucuyla qəlbini ifadə edən əslən gözəl Qarabağ torpağının dilbər rayonlarından olan Cəbrayıllı gənc yazar Rəşad Məmmədoğludan aldığım müsahibəni Sizlərlə paylaşmaq istərdim.
– Yaradıcılığa neçə yaşından başlamısınız?
– Mən yaradicılığa 1989-cu ildən başlamışam. İlk şerim 1989 -cu ildə sovet vaxtı şagirdlər və tələbələr üçün dərc olunan “Azərbaycan pioneri” qəzetində dərc olunub
– Şer sənin üçün nə deməkdir?
– Şer mənimçün insanın oxucuya çatdırdığı yaşadğı duyğularıdı. İkinci həyatdı
– Şer dünyası varmı? Varsa hamının olduğu dünyadan necə fərqlənir?
– Bəli, Var. O dünyanı seyr edən şairlərmiz olsa da İndi o seyricilər azdı. Şer dünyasını daim seyr edənlər adi şer yazanlar və poeziya həvəskarlarıdı. Şer dünyasının sakini olmaq isə xalqın şairi olmaq deməkdi.
– İlham pəriniz Sizi ən çox nə zaman ziyarətə gəlir?
– Şer dünyasının bu dünyadan fərqi odur ki, şer dünyasını hiss etməyənlər həyata real baxır. Görüb düşdüyüb bir izdikamlı hadisəni xəyal edən zamanda.
– Şer yazmaqda sizə ilk dəstək kim olub?
– Şer yazmaqda mənə ilk dəstəyi o vaxt, ədəbiyyat müəllimim Kamal müəllim və tarix müəllimim Zakir müəllim dəsdək olub.Hər ikisinə borcum və hörmətim böyükdü.
– Çox insan düşünür ki, şairlər öz düşüncələrində utopik fikirlər daşıyırlar nə dərəcədə doğrudur?
– Şairlərin sözə,düşüncəyə və bir hadisəyə olan baxışları, fikirləri obyektivdir. Utopik bir az qabarıq səslənir.
– Ən sevdiyiniz şeriniz və tarixçəsi?
– Mən bütün şerlərimi sevirəm. Əgər bir şer mənim düşüncəmin məhsuludursa güclü, zəif də olsa özümündür.
– Oldu. Çox sağ olun. Təşəkkür edirəm. Sizə yaradıcılığınızda uğurlar bol enerji arzulayıram.

Salam, Əziz oxucular! Bu gün gənc yazar, duyğulu qəlb sahibi İlkin Abbasla həmsöbhət olduq. Bu müsahibəni Sizlərə təqdim etmək istərdim. Buyurun. Gözəl şerlər müəllifini daha yaxından tanıyaq.
– Yaradıcılığa neçə yaşından başlamısınız?
– Bədii yaradıcılıga 2010 cu ilde yazdığım ”Azərbaycan dili” adlı şeirlə başlamışam və bu mənim həyatımda bir dönüş oldu.
– Şer sizin üçün nə anlam verir
– Bilirsiz, şeir biz ədəbiyyat adamlarının – şair və yazıçıların həyatının bir parçasına çevrilib. Bir parça kağıza duygu və düşüncələrımızı yazmaqla qəlbımızın dərınliklərındən gələn sozlərı ifadə edirik… Ona görə də mən deyərdim ki, şer mənim özümü ifadə edir.
– Şer dünyası varmı? Varsa hamının olduğu dünyadan necə fərqlənir?
– Əlbəttə var. Şeir dünyası elə bir dünyadır ki, orda Allahın seçdiyi xususi insanlar yer alıb. Hamının yer aldıgı dünyadan ən böyük fərqi də elə budur. Şeirin özü məxsusi bir dünyadır ki, bu dünyada yer almaq hər insana nəsib olmur.
– İlham pəriniz Sizi ən çox nə zaman ziyarətə gəlir?
– Dərdli qəmli vaxtlarımda… Bu da əsasən gec saatlara təsadüf edir. Saat 2-3 , bəzən də daha gec.
– Şer yazmağa ilk həvəsləndirən kim olub?
– İlk həvəsləndirən Yaşadığım acı taleyim olub. Ondan sonra yurd sevgisi, vətən həsrəti, torpaq özləmi, ve digər şeyler olub. Şairlik ele bir hissdir ki, sırf ürəklə baglıdır. Üreyin ne zaman dolur, qeherlenir, yazırsan. Şeirin məkanı və zamanı olmur.
– İlk dəstək kim verib?
– İlk dəstək kimi meyxana ilə başlanılıb .. Bunun üçün ustadım qəzəlxan – İman Əlioğluna minnətdaram.
– Çox insan düşünür ki, şairlər öz düşüncələrində utopik fikirlər daşıyırlar, xəyallar dünyasında yaşayırlar. Nə dərəcədə doğrudur?
– Əslində düzgün düşünürlər. Var xəyali şair – sadəcə xəyal dünyasına bas vuraraq yazırlar. Bir də var ki real şair yaşadığını yazir .. Mənim kimi.. Məncə elə şair nə yaşayıbsa onu qələmə alsa, daha məqsədəuyğun olar.
– Ən sevdiyihiz şeriniz və tarixçəsi?
– Bütün yazılarım mənə doğma və əzizdir. Çünki ayrı ayrılıqda məni ifadə edirlər.. Amma sırf birini seçmək gərəkirsə, ”Ana” adli şeirimi seçərdim ki, o da ötən il yazılıb. Bu arada bütün anaların qarşısında baş əyirəm
– Təşəkkürlər və uğurlar! Sizə də əziz oxucularımız minnətdaram ki, dəyər verib oxudunuz.

Azərbaycan Respublikasının Prezidenti yanında Gənclər Fondu tərəfindən maliyyələşdirilən və Dünya Gənc Türk Yazarlar Birliyi tərəfindən həyata keçirilən “Bölgələrdən Paytaxta… Paytaxtdan Bölgələrə” adlı layihə çərçivəsində “Bölgələrdən səslər” kitabının ikinci hissəsi “Nurlan” nəşriyyatı tərəfindən işıq üzü görüb.Layihənin rəhbəri DGTYB Yönətim Kurulunun başqan yardımcısı, gənc xanım yazar Əfsanə Bayramqızıdır.Lahiyə çərçivəsində Azərbaycanın müxtəlif bölgələrində yaşayıb ədəbi-bədii yaradıcılıqla məşğul olan istedadlı gənc yazarların özkeçmişləri, ədəbi-bədii nümunələri, poeziya örnəkləri toplanaraq kitablaşdırılıb.Kitabda yer alan yazıları toplayıb, tərtib edib, nəşrə hazırlayanlar DGTYB üzvləri, gənc yazarlar Şəfa Vəli, Tural Adışirin, Gülnar Səma, İntiqam Yaşar, məsləhətçiləri AYB üzvü Əlirza Həsrət, DGTYB YK başkanı, gənc yazıçı-dramatuq Rəvan Tohidoğlu DGTYB Təsisçilər Şurasının üzvü, şair, jurnalist Dəyanət Osmanlı, redaktorları isə DGTYB Təsisçilər Şurasının başqanı, yazıçı-publisist Əkbər Qoşalı, DGTYB Təsisçilər Şurasının üzvü, dosent, dr. Rəsmiyə Sabirdir.
Qeyd edək ki, “Bölgələrdən səslər” kitabının birinci hissəsi Azərbaycan Respublikası Gənclər və İdman Nazirliyinin maliyyələşdirdiyi “Bölgələrdə yaşayan yaradıcı gənclərlə görüşlər” adlı layihə çərçivəsində 2013-ci ildə “Bilik” Poliqrafiya Mərkəzi tərəfindən 240 səhifə olmaqla 500 tirajla dərc olunub.Layihə rəhbəri Dünya Gənc Türk Yazarlar Birliyinin başqanı Əkbər Qoşalı, tərtibçisi Dünya Gənc Türk Yazarlar Birliyinin Baş katibi Rəsmiyyə Sabir, redaktorları Azərbaycan Yazıçılar Birliyinin üzvü, Prezident təqaüdçüsü İbrahim İlyaslı, Azərbaycan Yazıçılar Birliyinin üzvü Elşən Əzim, məsləhətçilər Azərbaycan Yazıçılar Birliyinin üzvü Əlirza Həsrət, Azərbaycan Yazıçılar Birliyinin Qazax Bölməsinin sədri Barat Vüsal, Azərbaycan Yazıçılar Birliyinin Gəncə Bölməsinin sədri Məmməd Alim, Azərbaycan Yazıçılar Birliyinin Şəki Bölməsinin sədri Vaqif Aslan, Azərbaycan Yazıçılar Birliyinin Quba Bölməsinin sədri Ramiz Qusarçaylı, texniki redaktoru Bahar İsmayılova, üz qabığının tərtibçisi Nəvai Metindir.Kitabda 28 rayon və şəhərimzdən 75 gənc qələmin yazıları yer alıb. Onların bir çoxu respublika səviyyəsində ilk dəfə təqdim olunub.“Bölgələrədn səslər” respublikanın aparıcı kitabxanalarına pulsuz paylanıb.

Fidan ABBASOVA,
Gündəlik İnformasiya Agentliyinin Baş redaktoru.

Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurası tərəfindən maliyyələşdirilən və “Türk Dünyası İnfo” İctimai Birliyi tərəfindən həyata keçirilən “Mustafa Kamal Atatürkün Azərbaycan siyasəti haqqında tədqiqatlar və nəşrlər” layihəsi çərçivəsində “Atatürkün Azərbaycan siyasəti (öz dili ilə)” kitabı “QHT” nəşriyyatı tərəfindən 96 səhifə olmaqla, 1000 tirajla işıq üzü görüb.
Layihənin rəhbəri Azərbaycanda Atatürk Mərkəzinin Baş redaktoru, “Türk Dünyası İnfo” İctimai Birliyinin sədri, şair, jurnalist Dəyanət Osmanlıdır.Kitabın redaktoru Şahyəddin Əliyevdir.
Türkiyə Cümhuriyyətinin qurucusu Mustafa Kamal Atatürkün nitq, çıxış və mülahizələri əsasında hazırlanmış kitab-toplu böyük öndərin Azərbaycan siyasətini əks etdirir.

Kənan AYDINOĞLU,
Gündəlik İnformasiya Agentliyinin Mətbuat xidmətinin rəhbəri.

Hər bir gənc vətənpərvər olmalıdır. Vətənpərvərlik böyük bir məfhumdur. Bu, sadəcə orduda xidmət etmək deyil, Vətənə sadiq olmaq, Vətəni sevmək, torpağa bağlı olmaq – budur vətənpərvərlik.
Azərbaycan Respublikasının Prezidenti yanında Gənclər Fondunun 5-ci qrand müsabəqəsində qalib olmuş Şirinov Qabil Ədalət oğlunun “Vətən sevgisi sərhəddən başlamır sərhəddə bitmir” adlı, layihəsinin icrası davam edir. Layihənin icrası üçün vətənpərvərlik ruhunda yazılmış şerlərdən ibarət kirabça çap olunacaq. Buklet və digər vətən sevgisi təbli edən materiallardan istifadə oluacaq. Təbliğat materialları gənclər fondununmaliyyəsi hesabına çap edilərək tədbirlərin iştirakçılarına paylanacaq.
Gəncliyimizə öyrədəcəyimiz ilk söz düşmənini tanı, vətənini sev, vətənin üçün ölməyi və öldürməyi bacar sözü olmalıdır. İdeyamız vətənini canından artıq sevən gəncliyin formalaşmasıdır. Bu yolda insanların səfərbər olmasına təşəbbüs göstərməyə çalışacağıq. Vətən övladımızın məskənidir, Vətən əcdadımızın mədfənidir.
Tarixin məhvəri fırlandığca həqiqətlər hadisələrin axınında dəyişir. Yanlışlıqlar meydana çıxır. Azərbaycan tarixinin belə yalanlarla əvəz edilməsi nəticəsində çox fəlakətlərlə üz- üzə qalıb. Bunun üçündə vətənimizin keşiyində ayıq sayıq dayanmaq hər birimzin borcudur. Vətən bizim həyatımızında məkanıdır, məzarımızında ünvanıdır. Hazırki Azərbaycan gənclərinin müxtəlif missioner təşkilatların təsirinə düşdüyü sirr deyil. İllərdir Azərbaycanın məcburən üzləşdiyi Qarabağ müharibısi milli genofondumuza ağır zərbə vurub. İgidlərimizin evlənmədən, ailə sahibi olmadan övladsız şəhid olması milli genofondumuzun məhv olmasına paran yoldur. Bu gün biz gəncliyimizi qorumalıyıq. Missioner təşkilatlar vətəndaşlarımızı yanlış yola çəkərək onları vətən sevgisindən məhrum edirlər. Həmin gənclər bizim üçün itirilmiş hesab edilir. Qarşılaşdığımız bu ciddi probleminın fəsadları bir neçə il sonra özünü daha çox büruzə verəcəkdir. Gəncliyimizin vətən sevgisi, milli düşüncə ilə formalaşması Azərbaycanımızın, gələcəyimizin qarantıdır.
Nəzərdə tutulan layihə Ağcabədi rayonun müxtəlif kəndlərində yaşayan gənclərlə görüşlər və tədburlər keçirilməsi ilə həyata keçiriləcəkdir.

Layihənin rəhbəri: Qabil Şirinov
12 oktyabr 2014

Kəndli atını yolun kənarındakı ağacın kölgəsində saxladı. Xeyli əlləşəndən sonra ağır xurcununu birtəhər aşırıb yerə saldı. Əlini atın yanına şappıldatdı.

– Yeri, ay allahın heyvanı, sən də bir nəfəsini dər.

Bağlamasını çıxardıb süfrə açdı. Оlanından yeyib-içdi, dincəldi. Sоnra “ya allah!”, deyib ayağa qalxdı. Atını yedəkləyib gətirdi. Nə qədər güc verdi, çalışdısa dоlu xurcununu təzədən atın belinə qaldıra bilmədi.

Yaxınlıqdan ötən bir nəfər bunu görüb dayandı.

– Salam, qardaş. Yükün ağırdı, deyəsən?..

– Hə, ağırdı. Allah xatirinə, kömək eləməzsən?

– Allaha da qurban оlum, оnun bəndəsinə də! Niyə eləmirəm, eləyərəm.

Köməkləşib hərəsi xurcunun bir gözündən yapışdı. Yolçu ağırlıq altında hıqqıldadı:

– Yükün belə ağır olmaqda daşdı, nədi, qardaş?..

– Daş da var, başqa şey də, – deyib kəndli xəfifcə qımışdı.

Yolçu xurcunu qaytarıb yerə qоydu. Kəndlini şübhəli-şübhəli süzdü.

– Dоğrudan, daşdı?..

– Hamısı yоx. Bir gözündəki daş, о biri gözündəki buğdadı.

– Buğda buğdadı, bəs daş nə daşdı, qardaş?..

– Tarazlıq üçündü.

Yolçu kəndlinin avamlığına əməlli-başlı güldü.

– İndicə daşsız da tarazlıq yaradarıq, – dedi. – Havayıdan özünə də əziyyət verirsən, yazıq heyvana da.

Xurcunun gözlərini açdı. Daşları yerə bоşaltdı. Buğdanı yarı böldü. Bu dəfə xurcunu atın belinə ikisi asanca qaldırdı.

Kəndli ağızdоlusu alqış etdi:

– Allah səni heç zaman darda qоymasın, qardaş! Bu cür ağlım оlsaydı, yəqin padşahdan-zaddan idim.

– Əşi, padşah-zad bizlik deyil!.. – Yolçu dedi.

Atın yanınca yanaşı addımlayırdılar. Kəndli yolçunu sоrğu-suala tutmuşdu.

– Bu ağılla necə dоlanırsan barı?..

– Belə də, birtəhər dоlanıram, naşükür deyiləm. – Yolçu közü-könlü tox cavab verdi.

Kəndli əl çəkmədi.

– Yəqin bəy kefindəsən? Kimsəyə ehtiyacın yоxdu? Həyət-baca, ev-eşik, mal-at, var-dövlət…

– Hardandı, əşi? Allah ağılı mənə, var-dövləti də başqalarına verib.

Kəndli yenə inanmadı.

– Sən Allah, dоğru sözündü, yoxsa məni dоlamısan?..

– Əlbəttə, dоğrü sözümdü. Üst-başımdan, piyada yolun ağına düşməyimdən görünmür?

Kəndli dayandı. Yolçunu ilk dəfə görürmüş kimi başdan ayağa diqqətlə süzdü. Nə fikirləşdisə atın yüyənindən yapışıb ağzını geri döndərdi.

– Hara, əşi? – Yolçu bərk təəccübləndi.

– Arxamca gəl, indi bilərsən.

Kəndli bayaq dayanıb dincəldiyi ağacın altına çatanda xurcunu aşırıb atdan yerə saldı. Yolçuya dedi:

– Acığın tutmasın, necə bоşaltmısansa, qaytar mənim daşlarımı o cür də xurcunuma yığ!..

– Nə danışarsan? Dəli оlmusan?..

– Dəli оlmamışam! Bu cür ağıl mənə lazım deyil. Öz yоx, kəndli ağlımla səndən yaxşı dоlanıram, bəsimdi.

Gündəlik İnformasiya Agentliyinin Mətbuat xidmətinin Əli Kərim adına Sumqayıt şəhər Poeziya Klubuna istinadən yaydığı məlumata görə, Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar Birliyinin üzvü, “Hüseyn Arif” Ədəbi Birliyinin başqanı, “Ədəbiyyat-Az.Com” Azərbaycanın Mədəniyyət və Ədəbiyyat Portalının Fəxri sədri Saqif Qaratorpağın “Üç addlm…” şeirlər kitabı 2014-cü ildə Sumqayıt şəhərində “Birlik” Poliqrafiya Mərkəzi tərəfindən 320 səhifə olmaqla, 500 tirajla dərc olunub.Kitabın redaktoru Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar Birliyinin üzvü, Azərbaycan Respublikası Prezident Fondunun Təqaüd təqaüdçüsü, Əli Kərim adına Sumqayıt şəhər Poeziya Klubunun direktoru, Azərbaycanın Mədəniyyət və Ədəbiyyat Portalının Məsul katibi İbrahim İlyaslı, rəssamı isə Nəvai Metin Dəmirçioğludur.
“Üç addım…” şair Saqif Qaratorpağın “Şamın kölgəsi” (2006) və “Bir könül varağında” (2012) şeir kitablarından sonra oxucularla üçüncü görüşüdür.Kitaba şairin əvvəlki kitablarından seçmələrlə yanaşı, yeni şeirləri də daxil edilmişdir.

Azırbaycan Yazıçılar Birliyinin üzvü,
Azərbaycan Respublikası Prezidentinin Təqaüd Fondunun təqaüdçüsü

Sumqayıt şəhərinin 60 illik yubileyinə

Böyük arzusuydun böyük millətin,
Böyük talelərin şəhəri oldun.
Xəzərin qoynunda Azərbaycanın
Üzünə açılan səhəri oldun.

Həyatın özünə verdik imtahan,
Adınla gecəni gündüzə qatdıq.
Alın tərimizlə yoğruldu mayan,
Səni qarış-qarış qurub yaratdıq.

Yaşıl bağlar saldıq, ağ məhəllələr,
Zülmət gecələri çıraqban etdik.
Gündüz fəhlən olduq, axşam tələbən,
Halal haqqın ilə murada yetdik.

Doğma ağuşunda sevdik, sevildik,
Sevgilər yaşadıq sulardan təmiz.
Qubalı, qazaxlı, qəbələliydik,
Sumqayıtlı oldu körpələrimiz.

Ürəkdən, könüldən bağlandıq sənə,
Döndün qəlbimizdə sevgili yurda.
İgidlik görküdü, «Can Vətən!»- deyib,
Şəhid düşənlərin məzarı burda.

Qan-qada da gördük, qələbəlik də,nn
Şanlı tarixini yazdıq kitaba.
Bağçada şəninə şeirlər deyən
Qızlar nənə oldu, oğlanlar baba.

Ağ günlər gözləyir səni qarşıda,
Ağ günlər eşqiylə yaranan şəhər.
Bu dünya durduqca yaşa, sən yaşa,
Ey başdan ayağa gülüstan şəhər.

2009