Bir ömrün yolunda qəfil görüşdük,
Tale yollarımız ayrı olsa da…
Üz-üzə dayandıq, göz-gözə gəldik.
Xatırə yükündən gözlər dolsa da.
O dalgın gözlərdə özümü gördüm
Sankı həyatımı sən vərəqlədın.
“Sevirəm” dediyin sözünü duydum,
Üzümə sən baxıb, sən gülümsədin.
İllər yaman ötüb, çox qocalmısan,
Bu sevgim ölməyib qocalmayıbdır.
Məgər bilmirsən mi sən sevdiyimi,
Gözlərim axtarıb, yorulmayıbdır.
Bilirdim şəhərdə yaşadığını,
Hər dəfə yollarda mən axtarmışam.
Özümdən xəbərsiz, bu gün bu yolda,
Bir yetim, bir nakam sevgi tapmışam.
Yenə üz-üzəyik xatırələrlə,
Gözümdən bir damla qəmlı yaş axdı.
Boylandım səninlə ötən illərə,
Sanki bir nəgməli könül dil açdı.
Utanma, yaxın gəl, kefimi soruş,
Yoxsa həqiqəti tanıyammadın?
İllər acısını unut, gəl barış,
İllərin üstündən adlayammadın?
Üz -üzə dayandıq, göz-gözə durduq,
Taleyə, qısmətə nələr yazılmış…
Nə eşqi unutduq, nə yuva qurduq
Niyə qısmətimiz ayrı yazılmış?!