Meni basdır gözlərində

Gözlərinə qurban olum,
Meni basdır gözlerinde.
Qoyma bulud teki dolum,
Qebir qazdır gözlerinde.

Apar meni öz yanına,
Hasret kalmışam canına.
Susamışam al qanına,
Meni basdır gözlərində.

Bağlanıb uzanan yolum,
Qırılıb qanadım-qolum.
Düşmən olub sağım-solum,
Meni basdır gözlərində.

Dəymiş durub, yaş tökülüb,
Şahanə mülküm sökülüb.
Ayağım altdan yer çöküb,
Meni basdır gözlərində.

Qebrimi tapan olmasın,
Seven dostlarım solmasın.
Doğmalarım saç yolmasın,
Meni basdır gözlərində.

AZMIŞ XƏYALLAR

Bədirlənmiş ay kimi,
Çətirlənmiş humay kimi,
Oxundan çıxmış yay kimi,
Səni gördüm, vuruldum…

Sevinirdim, nəşəliydim,
Dünya mənim sanırdım,
Mən eşqimin alovunda zərrə-zərrə,
gilə-gilə yanırdım…

…Nə gözəldi, necə şəndi,
o dəmlərim, çağlarım,
Sənin ilə qurduğum xəyallarım,
Gəlib çıxmadı, nədən?
Harda qaldı, azdılar?..
Sevgi çeşmən tez qurudu,
su tükəndi, kor quyuynu qazdılar?
Sənin sevgin öldü, getdi…
köksün üstə,
başdaşısız,
ona məzar qazdılar?

Gün gələcək, geydiyin don süzüləcək,
Yanağına yalanlardan isti damla düzüləcək.
Bilməlisən, sevənlərə əzab verən,
özünü qəhrəman bilən,
Gün gələcək, mütləq ayağa düşəcək,
Mütləq ayağa düşəcək!