Azərbaycan Dövlət Aqrar Universitetində arı xəstəliklərinin təlim kursu başa çatıb

Azərbaycan Dövlət Aqrar Universitetinin dəstəyi ilə Gəncə şəhərində Almaniya Beynəlxalq Əməkdaşlıq Cəmiyyətinin (GİZ) Azərbaycanda həyata keçirdiyi “Seçilmiş məcburi köçkün icmalarında məşğulluq imkanlarının yaxşılaşdırılması” layihəsi çərçivəsində mayın 25-dən başlayan bal arısı xəstəliklərinin nəzarətdə saxlanılması üzrə intensiv təlim kursları başa çatıb. Seminar zamanı Göygöl, Samux və Goranboy rayonlarında olan arıxanalarabaxılıb, Respublika Baytarlıq Laboratoriyasının işçilərinin dəstəyi lə arıxanalardan nümunələr toplanıb və bu nümunələr ADAU-nun laboratoriyasında və seminar zamanı müxtəlif xəstliklərə qarşı lobarator müayinədən keçirilib. Müayinə əsnasında Varroa gənəsi, Nosema Cerenae və Nosema Apis, Akarapidoz kimi parazit və digər infeksion xəstəliklər aşkarlanıb, bunlara qarşı mübarizə üsulları və profilaktik tədbilər müzakirə edilib.
ADAU-nun mətbuat xidmətindən [url=http://gundelik.info/]Gundelik.info[/url]-ya bildiriblər ki, təlim kurslarına təqdimatçı kimi Türkiyənin Muğla Sıtkı Koçman Universitetinin Milas Veterinar fakültəsinin dekanı, İstanbul Universiteti Veterinar Fakültəsinin professoru, doktor Hayrettin Akkaya dəvət edilib.
ADAU və respunlika Kənd Təsərrüfatı Nazirliyi yanında Baytarlıq Nəzarəti Xidmətinin dəstəyi ilə keçirilən yekun konfransında 8 gün davam edən intensiv təlim kursunun davamı olaraq Azərbaycanda arı xəstəliklərinin nəzarətdə saxlanılması istiqamətində mütəxəssislərin bilik və bacarıqlarını artırmaq və arı xəstəliklərinin yayılmasının qarşısını almağa töhfə vermək məqsədi ilə bir sıra dəyərli fikirlər səsləndirilib, məruzələr dinlənilib. Arı xəstəlikləri barədə son məlumatlar, onların nəzarətdə saxlanılması üçün tədbiq olunan ən yeni üsullar, profilaktik addımlar, bu istiqamətdə aparılan araşdırmaların nəticələri barədə iştirakçılara ətraflı məlumatlar verilib, müzakirlər aparılıb. Eyni zamanda Türkiyədə arı xəstəliklərinin nəzarətdə saxlanılması ilə əlaqədar təcrübələr bölüşdürülüb. Məqsəd həm də arıçıları, baytar-həkimləri və yuxarı kurs tələbələrini toplayaraq onlar arasında məlumat mübadiləsini gücləndirmək və arı xəstəliklərinin nəzarətdə saxlanılmasını təkmilləşdirməkdən ibarətdir.
İştirakçı kimi gənc baytar-həkimlər, baytarlıq laboratoriyalarının işçiləri, təcrübəli arıçılar və Azərbaycan Dövlət Aqrar Universitetinin arıçılıq sahəsi üzrə mütəxəssisləri və yuxarı kurs tələbələri fəal olub.
Geniş auditoriya üçün nəzərdə tutulan professor, doktor Hayrettin Akkayanın çıxışı konfransdan əvvəl keçirilən təlim kursunda əhatə olunan mövzuların ümumiləşdirilən təqdimatına həsr olunub.