Azərbaycan Dillər Universitetinin koordinatorluğu ilə TEMPUS proqramı çərçivəsində həyata keçirilən və Azərbaycan Dövlət Aqrar Universitetinin (ADAU) tərəşfdaş olduğu “Peşəkar Sahələrdə Xarici Dillərin Tədrisi” (Foreign Languages for Professional Purposes-FLEPP) layihəsi çərçivəsində təlimlər keçirilib.
ADAU-nun mətbuat xidmətindən [url=http://gundelik.info/]Gundelik.info[/url]-ya bildiriblər ki, 5 gün davam edən təlim ADAU-da alman dili müəllimləri üçün əhəmiyyətli olub. Təlimlərdə layihənin tərəfdaşı olan Azərbaycanın ali təhsil müəssisələri ilə yanaşı, Qırğızıstandan 4 nəfər, Tacikistandan 3 nəfər, Almaniyadan 1 nəfər müəllim iştirak edib.
Təlim müddətində qonaqlar universitetin maddi-texniki bazası, tədris prosesi, habelə Gəncə şəhəri ilə yaxından tanış olublar.