Sentyabrın 20-dən 30-dək İngiltərənin Kolçester şəhərində “Roman River” festivalı keçiriləcək.
AZƏRTAC festivalın saytına istinadla xəbər verir ki, azərbaycanlı violonçel ifaçısı, beynəlxalq müsabiqələr laureatı Camal Əliyev festival çərçivəsində sentyabrın 28-də Müqəddəs Məryəm kilsəsində Eduard Elqarın violonçel üçün konsertini səsləndirəcək.
Camal Əliyev Türkiyə, Böyük Britaniya, Fransa, İsveçrə, Çin və başqa ölkələrdə festivallarda iştirak edib, solo konsertlər verib. O, Azərbaycan tarixində ilk dəfə BBC radiosunda orkestrin müşayiəti ilə solo çıxış edib, “BBC Introducing Classical Artist” proqramının iştirakçısı olub.
Mənbə: https://azertag.az