Məlum olduğu kimi, Prezident İlham Əliyev tərəfindən elan edilən “Multikulturalizm ili” çərçivəsində yanvarın 15-i Bakıdakı Heydər məscidində məzhəbindən asılı olmayaraq, bütün müsəlmanlar ilk dəfə bir araya gələrək, eyni vaxtda, bir yerdə, bir sırada vəhdət namazı qıldılar.
Bəlkə də dünyada bir ilkdir ki, məzhəbindən asılı olmayaraq bütün müsəlmanlar bir araya gələrək, eyni vaxtda bir sırada namaz qılıb, dualar ediblər. Dünyada sünni-şiə məsələsinin süni şəkildə qabardıldığı bir zamanda Heydər Məscidində şiələrlə sünilər vəhdət namazı qılmaq üçün bir araya gəlidilər.
Azərbaycanın dövlət siyasəntində müsəlmanları vəhdət-i vücud halına gətirmə cəhdləri alqışlanacaq bir hadisədir. Çünki hər sahədə birlik-bərabərlik ölkələrə sülh, əmin-amanlıq və əsl, uzun müddətli inkişaf təmin edir. Dövlətlərin xarici qüvvələr tərəfindən parçalanmağa müsaid vəziyyətinin də qarşısı alınır. Hər bir ayrılıq sevgisizlikdən irəli gəlir. Bir qrupun başqa qrupa, insanların bir-birinə bəslədiyi kindən meydana çıxır. Bu isə öz növbəsində vətən sevgisini də azaldır. Vətənini bölmək istəyən güclərə qarşı da milli bərabərliyi zəiflədir.
Bütün dünyada müsəlmanlar vəhdət-i inanc sahibləri yəni İslam dini mənsubları namazlarında belə ayrılığa düşüblərsə, Məscidlər inananların ortaq ibadət məskənləri və inanclı insanları bir araya toplayan məkan olduğu təqdirdə, sünni, şiyə, vəhabi və s. məscidlər adı altında bir daha ayrılığa yol veriblərsə parçalanan, zəifləyən, xaraba olan müsəlman ölkələrinin halına təəccüb etməmək olar. Çünki Rəbbimiz bir ayədə “parçalanmayın, ayrılığa düşməyin yoxsa gücünüz gedər, zəifləyərsiniz” deyə bildirir. Həm də “bütün dünyada fitnə-fəsad baş verər” deyə buyurur. Bu səbəblə, ilk əvvəl müsəlmanlar öz aralarında ayrılığa, nifrətə son qoymalı və birlik içində bir-birinə sevgi bəsləməlidirlər, sevgi bağı ilə bir olmalıdırlar.
Bütün İslam aləmini məhv etmək istəyən güclərin planları müsəlman ölkələrini bir-birilə savaşacaq qədər bu vəziyyətə gətirmələri asan olmamalıdır.
“Sevgisizlik dövlətləri xaricdən parçalayıcı gücdür. Dərin dövlətlərin üzərində durduğu ən önəmli məsələ sevgisiz cəmiyyətlər formalaşdırmaqdır. Çünki sevgisiz cəmiyyətlərdə ixtilal, daxili münaqişələr, bir çox sahəyə yayılmış cinayətlər, qanunsuzluqlar, iç savaş, hər növ alçaqlığa müsaid vəziyyətlər yayılmış olur. Onlar üçün bütün məsələ kinlə dolu insanlar topluluğu formalaşdırmaqdır. Dərin dövlətlər yıxmaq istədiyi ölkələri nifrətlə, kinlə doldurarlar. Sonra bir-birilərinə qarşı çevirib savaşa sürükləyərlər. Və ya başqa millətlərə, dövlətlərə qarşı nifrət bəsləməyi öyrədərlər. Beləliklə, yıxmağı nəzələrində tutduğu dövlətləri nifrətlə yalqızlaşdırarlar, məsələn ruslardan nifrət etdirərlər, yunandan, iranlıdan, ərəblərdən, israildən və s.millətlərin öz içində nifrəti çoxaldarlar, bu zaman yıxmaq istədikləri dövlətlər, millətlər özü-özünü boğmağa başlayar. Bu dövlətləri öz içində yıxmağa çalışdıqları ən güclü stratejiləridir.
Sevgisiz insanlar meydana gətirərlər, öz hökümətini təhqir edən, ağıl-almaz nifrət bəsləyən, dövlətini düşmən gözündə görən insanlıq formalaşdırarlar. Belə cəmiyyətləri yıxmaq ən asan bir şeydir. Dövlətin tərkibindəki də bəzi güclər dövlətin əlehinə xarici qüvvələrə dəstək verərlər. Məsələn bəzi dövlət adamlarının özləri qanunsuzluqları artıraraq insanları qıcıqlandırmaq istəyərlər.
Nifrəti benzin kimi ərtafa yayırlar, sonra kibriti çəkirlər ortalıqda infilaq meydana gəlir. Əmək-əmək hazırladıqları, cəmiyyətlərə əkdikləri nifrət toxumlarını medya sayəsində, yanlış ideologiyalar sayəsində yayırlar. Bunları tamamilə təmizləyib, izole edib. arındırmaq məsuliyyəti daşıyırıq. Bu ancaq sevgi sayəsində olar. Çünki bir cəmiyyətdə nifrət yayılıbsa, bir, iki dəfə ayaqlanmaya cəhd edilibsə, dərin dövlətlərin artıq istədikləri nəticəni ala bilərlər təhlükəsi var deməkdir. Dərin dövlətlər ağlı başında, müdrik, təmkinli cəmiyyətlərin formalaşmasını istəməz. Bu səbəblə hər bir dövlət siyasətində müdrik, sevgi dolu, tolerant, milli şüura sahib cəmiyyət formalaşdırmağı məsuliyyəti sırasında görməlidir..” (Adnan Oktar)
Azərbaycanda dövlət tərəfindən həm də rus pravoslav, katolik, alban kilsələrinin, sinaqoqların tikintisi, təmiri aparılıb. Dinimiz bizə yalnız müsəlmanlar arasında birliyi təmin etmək deyil, digər din mənsublarına və inanc sahiblərinə hörmət və qayğı göstərməyi də tövsiyyə edir. Peyğəmbərimiz (s.ə.v)-də daim kilsələri və sinaqoqları himayəsi altına almış, fərqli inanc və millətlər arasında sevgi və sülhü təmin etmişdir
Qürur verici haldır ki, dövlətimiz tolerant bir ölkə kimi dünyaya nümunə olmağa qadirdir.
Çünki birincisi, Azərbaycan əsrlər boyu mədəniyyətlərin qovuşduğu məkanda yerləşməklə dinlər və sivilizasiyalararası anlaşmada aparıcı rol oynayıb, bununla bağlı möhkəm tarixi baza formalaşdırıb. Ölkəmizdə tarix boyu dini və etnik zəmində heç bir qarşıdurma olmayıb və bu proses indi də uğurla davam etdirilir. İkincisi, Azərbaycan cəmiyyətindəki dözümlülük ölkədə unikal tolerantlıq mühiti yaradıb və indi bu, bir nümunə kimi beynəlxalq ictimaiyyətin diqqətini cəlb edir. Üçüncüsü isə Azərbaycanda multikulturalizm ənənələrinin inkişafı və möhkəmlənməsi üçün bütün zəruri siyasi və sosial şəraitin mövcud olmasıdır.
Esmira Nizami qızı