(Sevən bir qızın dılindən)
Az oyna qəlbimin sönən közüynən-
özünnən,imanlı ol,məni apar!
bezdim dərdləşməkdən çeşmə gözüynən-
yarpazam,su içib,yol-məni apar.
Atma yarı yolda-özgə qaldırar,
sevən yar–yarına könül aldırar!
bahar-lalələri erkən soldurar,
dönüm bənəvşəyə,kol,məni apar.
Görsən lal-dinməzəm,biraz ərk elə,
ya sev,ya könlümü tamam tərk elə!
sarmana bilməsəm-bilərzik elə,
yapış barmağımdan,qol,məni apar.
Gəlsən,gecələrdə,de-ayıq olum,
sən odlu-alovlu,mən soyuq olum,
sevgi dəryasında bir qayıq olum,
yarpaq yelkənimə dol,məni apar.
Bəlkə o,ağ atlı tanışdı sənə?
hansı bəxtəvəri aldı tərkinə?
qoşulub gedənlər çətin ki,dönə,
özün bitən yerə,yol,məni apar…