Azərbaycanın Mədəniyyət və Ədəbiyyat Portalı

Blog

  • “Qış lövhələri” adlə əyləncəli tədbir keçirilib

    Sumqayıt şəhər S.Vurğun adına Mərkəzi Kitabxananın uşaq şöbəsində “Qış lövhələri” adlə əyləncəli tədbir keçirilib.
    Tədbirdə balaca oxucular qış mənzərələrini əks etdirən əl işləri hazırlayıblar. Rəngli kağızlardan və küknar ağacının qozalarından istifadə olunaraq hazırlanan əl işləri uşaq şöbəsi tərəfindən sərgilənib.
    Kitabxanada növbəti tədbir NAKO Edu club tədris mərkəzi ilə birgə baş tutub. “Sehirli kitabların yaşadığı ev “adlı tədbirdə nağıl qəhrəmanları Cırtdan, Göyçək Fatimə və Tıq-tıq xanım tərəfindən qarşılanan qonaqları şöbənin müdiri Yeganə Hüseynova salamlayıb və kitabxana haqqında məlumat verərək onları böyük və kiçik abonement, qiraət zalı, multimedia və nağıl otaqları ilə tanış edib.
    Nağıl otaqında balaca qonaqlara nağıl qəhrəmanları Cırtdan və Göyçək Fatimə Azərbaycan xalq nağıllarını oxuyub, əyləncəli oyunlar keçiriblər.
    Daha sonra oxu zalında qonaqlar cizgi filmi izləyib, oxucuların əl işlərindən ibarət hazırlanan “Qış lövhələri” sərgisi ilə yaxından tanış olublar.
    Sonda NAKO Edu club tədris mərkəzinin müəllimləri əməkdaşlıq və səmimi qarşılanmaya görə təşəkkürünü bildirib və əməkdaşlığın bundan sonra da davam edəcəyini vurğulayıblar.

    Sumqayıt şəhər Mədəniyyət və Turizm idarəsinin Mətbuat xidməti

  • Rahilə DÖVRAN.Yeni şeirlər

    rahileanam

    Şairə-jurnalist-publisist
    Azərbaycan Yazıçılar Birliyinin üzvü,
    “Qızıl qələm” media mükafatı laureatı,

    OLAN OLDU

    “Könül dəftərim” – silsiləsindən

    Lənət olsun kor şeytana,
    Sevgim, sevdam, yalan oldu.
    Həyat çəkdi imtahana,
    Sənli dünyam, talan oldu.

    Qəfil çarpdı, zalım fələk,
    Arzularım getdi hədər.
    Məsum vüsal, hey dərbə-dər,
    Fələk qisas, alan oldu.

    Həyat eşqi, inam söndü,
    Dünya gözə dar göründü.
    Üz- üvandım, tərsə döndü,
    Könül ağlar, nalan oldu.

    Kimlər qurdu bu qurğunu?
    Hər həsrətin, var bir sonu.
    Ala gözlər yol yorğunu,
    Möhlət, vədə,dolan oldu.

    Bir az qeyrət, bir az hünər,
    Fitnə odu susar, sönər.
    Dövran, sevən geri dönər
    Sən də söylə;- “olan- oldu”…

    GÖRÜŞƏCƏYİK

    “Könül dəftərim” – silsiləsindən

    Ayrılıq gör necə haxladı məni,
    Çökdü başım üstə, həsrətin çəni.
    Qəflətən gələrmiş, ayrılıq dəmi,
    Qismətdə vardısa, görüşəcəyik.

    Odlanıb yanırıq, bax için- için,
    Karvanı yetişdi, bu qəmli köçün.
    Qəlbimdə söylədim, təsəlli üçün;-
    Qismətdə vardısa, görüşəcəyik.

    Yollar zənci saçı, çözə bilmədik,
    Qanadsız quş kimi, süzə bilmədik.
    Adadan- adaya, üzə bilmədik,
    Qismətdə vardısa, görüşəcəyik.

    Vüsalın uzaqda, bir güman kimi,
    Qəddimi əyibdir, yay- kaman kimi.
    Hicran sarsa belə, sis- duman kimi,
    Qismətdə vardısa, görüşəcəyik.

    Vardır zərbi- məsəl, atalar sözü;-
    “Kül altda qorunar, ocağın közü”.
    Yollardan yığışar, Dövranın gözü,
    Qismətdə vardısa, görüşəcəyik…

  • Müzəffər MƏZAHİM.Yeni şeirlər

    mm

    İNSANLIĞA

    Bir günahkar bəndə varsa, yox nicat insanlığa,
    Hər bir insan saf əməl versin zəkat insanlığa.

    Qoy arınsın büs-bütün hər cür günahdan bəndələr,
    Eyləsinlər çox savab işlər barat insanlığa.

    Durmadan karvan gedir, yollar uzaqdır, yük ağır,
    Sən də ver öz töhfəni, vaxtında çat insanlığa.

    Vermə əldən insafı, fürsət var ikən adil ol,
    Pak əməllər bəxş edər sonsuz həyat insanlığa.

    Sözlərinlə, gəl, Müzəffər, qəlbləri abad elə,
    Mənəviyyat müjdəni şövq ilə qat insanlığa.

    KİMİYƏM

    Sənin eşqinlə, gülüm, cismə gələn can kimiyəm.
    Sən küləksən, mən isə kükrəmiş ümman kimiyəm.

    Sevgimiz nur selidir, qərq eləyib ömrümüzü,
    Sən günəş, mən işığından ağaran dan kimiyəm.

    Ömrümüz güllü-gülüstandı bütün, sayəndə,
    Sevgimiz bal, sən arı, mən dolu bir şan kimiyəm.

    Sən mənim eşqimə təşnə çiçəyimsən, mən isə,
    Bir məhəbbət buludu, eşq dolu leysan kimiyəm.

    Tapdı xoşbəxtliyini səndə Müzəffər əbədi,
    O zamandan elə öz ömrümə mehman kimiyəm.

  • Uşaq bağçasında əyləncəli şənlik keçirib

    Sumqayıt şəhər C.Cabbarlı adına mədəniyyət evinin özfəaliyyət kollektivi 34 saylı uşaq bağçasında əyləncəli şənlik keçirib.
    “Şənlik edək, əylənək” adlı tədbirdə məzhəkəçilər Elgiz Məmmədov və Rauf Sadıxovun ifasında müxtəlif əyləncəli oyunları sevinclə qarşıayılayan uşaqlar şeirlər ifa edib, mahnı oxuyublar.
    Daha sonra mədəniyyət evinin “Turan” milli rəqs qrupunun üzvlərinin ifasında uşaqlara milli və dünya xalqlarının rəqsləri təqdim olunub.
    Tədbir uşaqlar və tərbiyəçilər tərəfindən maraqla qarşılanıb.

    Sumqayıt şəhər Mədəniyyət və Turizm idarəsinin Mətbuat xidməti

  • Beynəlxalq Əlillər günü münasibətilə Sumqayıtda tədbir keçirilib

    3 Dekabr Beynəlxalq Əlillər günü münasibətilə Sumqayıtın Şəhər Mədəniyyət Evində tədbir keçirilib.
    Tədbirdə Azərbaycan Gözdən Əlillər Cəmiyətinin Sumqayıt şəhər təşkilatı idarə heyətinin üzvü İlham Səməd çıxış edərək cəmiyyətin fəaliyyəti haqqında məlumat verib, əlillər üçün yaradılan şəraitdən danışıb.
    Daha sonra Şəhər Mədəniyyət Evinin “Xəyal” insturmental ansamblının müşayiəti ilə müğənnilər Allahverdi Xəyal və Elşən Quliyev öz mahnı sovqatları ilə tədbiri rövnəqləndiriblər.
    Tədbirdə həmçinin gənc müğənnilər Zaur Yusifli, Türkan Orucova, İlkin Əlizadə, Kamil Ağazadənin ifasında xalq və bəstəkar mahnıları, Əlipaşa Paşayevin ifasında Zəlimxan Yaqubun “İmzalı, möhürlü həqiqətimsən” şeiri tədbir iştirakçıları tərəfindən maraqla qarşılanıb.

    Sumqayıt şəhər Mədəniyyət və Turizm idarəsinin Mətbuat xidməti

  • Saqif QARATORPAQ.Yeni şeirlər

    s

    * * *

    Bir arzum var içimdə,səni deyib uçunar,
    Qanadı bərkiməmiş qaranquş balasıdı.
    Su içməsə bir dəfə titrəyən əllərindən
    Ömrüboyu ümidi gözündə qalasıdı…

    Hər gecə yuxusunda uçar səsinə sarı,
    Hər səhər yuxusundan durar hamıdan öncə.
    Çırpar qanadlarını ürəyimin başına,
    Səsi tutular,ancaq susmaz sən gəlməyincə.

    Bircə sözünə bənddi,min ildi yol gözləyir,
    Bir anda təslim olar gəlsən dodaqlaına.
    Barı insafın olsun,bir gün gəlib çıxmasan
    Özünü çırpıb ölər qəlbimin divarına…

    ***
    Yenə damır ürəyim,
    Isladır ağ varağı.
    Azalır yavaş-yavaş
    Ömrün-günün marağı.

    Islanır pəncərəmiz
    Payızın nəfəsindən.
    Gecələrin yuxusu
    Qaçır addım səsindən.

    Üşüyür qaranquşun
    Eyvanda boş yuvası.
    Özümə qəsd edirəm
    Hər gecə sözdən asıb…

    Narın yağışlar yağır
    Kövrək xatirələrdən.
    Bürünüb həsrətinə
    Yenə üşüyürəm mən.

    ***

    Məni yollar çağırar,
    düşüb yola gedərəm.
    Bir ömrü sonunacan
    bir sağ ola gedərəm.

    Yolum adsız dağacan,
    ya qaradan ağacan.
    Ürəkdən yanağacan
    dola-dola gedərəm.

    Bir sevda məni danıb,
    bu yolda əlim yanıb…
    Ya sevgiyə aldanıb,
    ya xəyala,gedərəm…

    ***

    İçinə su dolan gəmi kimiyəm,
    Elə qərq olmuşam ümidsizliyə.
    Qəfil yıxılmışam arzularımdan,
    Daha bircə kimsə yetməz köməyə.

    Tufanlar qabartmaz ağ yelkənimi,
    Mənə yoldaş olan yellər susdular.
    Yolumu gözləyən gözlər yoruldu,
    Arxamca əl edən əllər susdular…

    Mənsiz qəribsəməz bir doğma liman,
    Adım bir sahilin yadından çıxar.
    Ürəyim bir qara qutudan betər,
    Yanmış xatirələr altından çıxar.

    Ömür bir səfərdi,bitər nə vaxtsa…
    Yalan elə şirin, həqiqət acı.
    Mən elə ölmüşəm biganəlikdən,
    Daha təsəlliyə yox ehtiyacım.

    ***

    Qanadım çıxmışdı dünən,
    Təzə qalxmışdım göylərə.
    Sənə güvənmişdim,heyif…
    Alıb məni vurdun yerə.

    Sənə sığınmışdım bir az,
    Yağışa düşən quş kimi.
    Dedim bahar olub isit,
    Demədim dondur qış kimi.

    Hamıdan üzdüm əlimi,
    Üz tutmağa yox bir adam.
    Üzdə hamının doğması,
    Könüldə hər kəsə yadam.

    Daha buz tutub ürəklər,
    Yoxdu sevgi,yoxdu qılıq…
    Gözlə, gəlirəm,təkliyim!
    Sevin,səninəm,ayrılıq!

    ***

    Mən tez gəldim dünyaya,
    Yoxsa sənmi gecikdin?
    Nə yollarda durmaqdan,
    Nə baxmaqdan bezikdim.

    Of…bu görüş nə imiş,
    Bəs nəymiş ayrılıqlar?!
    Necə çəksin bu dərdi
    Mənim kimi yazıqlar?

    Axı indi neyləyim,
    yoxsa gülüm bəxtimə?
    Ya sən bir asca ağla
    Mənimtək bəxti kəmə.

    Bu gecə elə uzun…
    Ahımdan asılmışam.
    Kimsəsiz uşaq kimi
    Adına qısılmışam.

    Könlüm sığala həsrət,
    Bir xoş sözə acam mən.
    Məni qırma nə olar,
    Tək sənə möhtacam mən.

    ***
    Unutmuşam nə vaxtdı,
    xəbərim yox… adımı.
    beləmi çıxardırlar
    darıxmağın dadını?!

    Təklənib sığınmışam
    içimdəki kədərə.
    Daşıyıram gecəni
    kipriyimdə səhərə.

    Gəl,külümlə oynama,
    çoxdan sönmüş təndirəm.
    Nə adamdan-adamam,
    nə qəbirdən qəbirəm…

    Mən getdiyim yol deyil,
    bəlkə də elə sondu…
    Əlimdən tutanların
    əli çibində dondu…

    Boşla,nə varsa,getsin…
    dərd etmə,ömrüm-günüm!
    Başının üstündən as
    səni gördüyüm günü.

  • Əziz MUSA.Yeni şeirlər

    em

    Azərbaycan Yazıçılar və Jurnalistlər Birliklərinin üzvü,
    “İlham çeşməsi” qəzetinin təsisçisi və baş redaktoru,
    Azərbaycan Respublikası Prezidentinin Təqaüd Fondunun təqaüdçüsü

    ÖMÜR

    Bu payızı qışa calaq eylədim,
    Əkdiyimi yazda alaq eylədim,
    Kimi gördüm, öz sözümü söylədim,
    Eylədim yağır yolu.

    Aran çılpaq, dağlar yaşıl donludu,
    Axan selin ağzı qurd tək qanlıdı,
    Dağ da, daş da möcüzədi, canlıdı,
    Açdım bir cığır yolu.

    Naz eyləyir şəlalə dağ çayına,
    O, buz bulaq gözəllərə bir ayna,
    Öyrənmişəm qartalların qıyına,
    Yordum mən fağır yolu
    .
    Bu dağların hər qayası qızıldı,
    Elə bilmə var-dövləti azaldı,
    Taleyimə qəmli günlər yazıldı,
    Ümidim sıxır yolu.

    Qış işində, yaz işində tarazdı,
    Dərdə düşən Həkəridi, Arazdı,
    Əziz Musa dərddən, qəmdən çox yazdı,
    Keçdi bu ağır yolu.

    OLUR

    Sözünə vəfalı, sadiq çıxanın,
    Ömrü uzun olur, günü xoş olur.
    Öz evi yıxılır, evlər yıxanın,
    Könlü tox olanın, cibi boş olur.

    Kaş ki, ilk məhəbbət daşa dəyməsin,
    Heç kimin işini fələk əyməsin,
    Ana məhəbbəti görməyən kəsin,
    Ürəyi daş olur, qəlbi daş olur.

    Eşqdir bəzəyən ömrü, həyatı,
    Sevgidi insanın qolu, qanadı,
    Ürəyi kövrəldir həzin bayatı,
    Sevgisiz bir ömür qarlı qış olur.

    Gülün bülbülü var, gölün sonası,
    Gözlərdi ürəyin billur aynası,
    Ağlamaz igidin, mərdin anası,
    Namərdin qazancı qan-qarğış olur.

    İnsandı dünyanın əşrəfi, tacı,
    Qardaşı hörmətə mindirər bacı,
    Həyat gah şirindi, gahda kı, acı,
    Sevinc də, kədər də gözdə yaş olur.

    İnsaf da, mürvət də dinlə yarıdı,
    Qeyrət də, namus da ömrün varıdı,
    Kim ki haqq, ədalət tərəfdarıdı,
    Əziz Musa ilə dost, qardaş olur

  • Müzəffər MƏZAHİM.Yeni şeirlər

    mm

    VAR

    Görünən hər bir şeyin,
    İlkini, təməli var.
    Yaxşılığın, pisliyin,
    Mütləq bir bədəli var.

    Dünya tək şənlik deyil,
    Dərdləri sənlik deyil.
    Uyma, beş günlük deyil,
    Axırı, əvvəli var.

    Varın artsa öyünmə,
    Qürurdan don geyinmə,
    Bəxtin yatsa deyinmə,
    Eniş-yoxuş, bəli, var.

    Asi olma heç zaman,
    Çıx şübhə dumanından,
    Qorxmaz haqq divanından,
    Kimin düz əməli var.

    Həyatın hikmətində,
    İnsanın xislətində,
    Hər kəsin qismətində,
    Allahın öz əli var.

    SÖZÜN

    Kül altında qoyma sönə,
    Odunu qaçırma sözün.
    Yoğur, vəzlə dönə-dönə,
    Zatını qaçırma sözün.

    Boşa atma tilovunu,
    Vermə yelə alovunu,
    Möhkəm saxla cilovunu,
    Atını qaçırma sözün.

    Varlığına odur xoca,
    Qoy əbədi dönsün taca,
    Gün kimi, ay kimi uca
    Adını qaçırma sözün.

    Dur amadə yedəyində,
    Yerin olsun ətəyində,
    Yığ, ballansın pətəyində,
    Dadını qaçırma sözün.

  • TÜRK DÜNYASINDA SEVİLEN BESTECİ SEVİNÇ TOFİQQIZI İLE SÖYLEŞİ

    “Sevinç Tofiqqızı kimdir?” diye sorsam kendinizi nasıl anlatırdınız?
    “Sevinç Tofiqqızı öncelikle Türk dünyasını, vatanını, milletini çok seven ve bu uğurda canını feda etmeye hazır olan bir Türk kadınıdır. Sonra bestecidir aynı zamanda da çocuklara müzik dersi vermektedir.” derdim.

    Beste yaparken kimlerden destek ve teşvik gördünüz?
    Her şeyden önce yüce Allah’ımın yardımıyla bugünlere geldim. Allah’ımın bana verdiği özgücümle ayağa kalktım. Allah’ın izniyle de bestecilik yolunda başarıyla azimle yürümeye devam ediyorum.

    İlk albümünüz hangisidir?
    İlk ışık gören birinci albümümün adı “Bir Meleyin Yürek Sesi”dir. Türk dünyası çocuklarına 23 Nisan Ulusal Egemenlik ve Çocuk Bayramı için “Benim Meleklerim” adını verdiğim bir beste yaptım. Bu albümümde o eserimle beraber 12 kompozisiyam vardır:
    1. Bir meleğin Yürek Sesi 2. Gözlere Nur Veren Melek 3. Benim Atatürk’üm 4. Unutulmaz anlar 5. Umut köprüleri 6. Sevgi Nağmesi 7. Hayaller Kanadında 8.Hasretindeyim 9. Arzular Prelyudiyasi 10. Benim Meleklerim 11. Rüyalar 12. Ayrılan Yollar… İkinci ve üçüncü albümüm de bu yakınlarda ışık yüzü görecek.

    Besteleriniz sizin deyiminizle kompozisiyalarınız hakkında bilgi alabilir miyim?
    Elbette… Kompozisiyalarım (bestelerim) şunlardır:

    1.”Ulu Önderim Hatıralar” kompozisiya ve klipi Heyder Aliyev’in aziz hatırasına hesr olunur.
    2. “İlhamlı Azerbaycan’ım”
    Müzik: Sevinc Tofiqqizi (Cenab prezidentimiz İlham Aliyev’in ad günü için bu eseri besteledim.)
    3. “Gözlere Nur Veren Melek”
    Müzik: Sevinc Tofiqqizi (Bu kompozisiya ve klipi Zerife Hanım Aliyeva’nın aziz hatırasına hesr ettim.)
    4. “Hocalı Feryadı”
    Müzik: Sevinc Tofiqqizi (Bu kompizisiya ve klip Hocalıların aziz hatırasına hesr olunmuştur. Ayrıca bu klipin kompozisiyanın takdimi Susha İcra Hakimiyyetin Rehberi Bayram Seferov tarafından yapılmıştır ve büyük takdimata geçirilmiştir.)
    5. “Umut Köprüleri”
    Kompozisiya ve klip: Sevinç Tofiqqizi (20 Yanvar şehidlerimizin aziz hatırasına hesr olunmuştur.)
    6.”Hasretindeyim”
    Müzik: Sevinç Tofiqqizi Kompozisiya ve klip: rejisör Rauf Sahiboglu. (Vatana olan sevgimi hesr ettim.)
    7. “Kalbim Türkiye’m”
    Müzik: Sevinç Tofiqqizi (Bu kompizisiya klip Türk dünyası için bestelediğim eserimin kompozisya ve klibini TRT Avaz hazırladı, TRT Avaz ve TRT’nin diğer kanallarında yayımlandı.)
    8. “Menim Meleklerim”
    (23 Nisan bütün dünya çocuklarına hediye ettim. Müzik: Sevinc Tofiqqizi kompozisiya ve klipi bütün TRT kanallarında yayımlandı.)
    9. “Can Azerbaycan” 2014 yılında Türkiye’nin değerli şairi Harika Ufuk’un“Can Azerbaycan” adlı şiirini besteledim. İki devlet, bir milletiz. Bu eser bu yönden Türk dünyası için çok değerlidir. En kısa zamanda aranjesini yaptıracağım ve klip çekerek size sürpriz yapacağım.
    10. “Çanakkale” 2015
    Çanakkale’nin 100. Yılı için güzel bir kompozisya eseri yazdım. Türk sefirliğinden diploma ödül aldım.
    11.”Erdoğanlı Türkiye’m”
    Müzik: Sevinç Tofiqqizi kompozisiya ve klip (Türkiye’nin Cumhurbaşkanı Recep Tayyip Erdoğan’a hesr ettim. Cumhurbaşkanımız için bu eseri hem besteledim ve hem de ona klip çektirdim.)
    12. “Futbol Himni”
    Müzik: Sevinç Tofiqqizi Söz: Baba Veziroglu İfa(Yorum): Aslan Huseynov
    13. “Mekke’de”
    Müzik: Sevinç Tofiqqizi Söz: Halk şairi Zelimxan Yagub. Bu mahnimi İbrahim Tatlises’e yazmıştım.
    14. “Hayaller Kanadında”
    Müzik: Sevinç Tofiqqizi kompozisiya ve klip
    15. ” Ya Tak Xocu S Toboy Poqovorıt” (Ben Seninle Konuşmak İstiyorum)Ve sonuncu bu yakınlarda yeni çıkan mahni sözleri Heyder Aliyev Fondunun Vitse prezidenti Leyla Aliyeva
    Müzik: Sevinç Tofiqqizi İfa(Yorum): Ceyhun Bakinskiy tarafından seslendirilen mahnimdir.
    16. “Yiğitler Yurdusun Ey Azerbaycan” Vatanperver mahni 2016
    (Müzik: Sevinc Tofiqqizi Söz: Asif Fermanov Söyleyen Yorumcu: Aslan Huseynov ve Leyla Nur)
    17. “Çağır Beni” 2016
    (Müzik: Sevinc Tofiqqizi Söz: Hanim İsmayilqizi İfa-Yorum: Aslan Huseynov – Klip ve film Karabağ şehitlerinin hatırasına april dövüşlerinde şehit olanların anısına adadım. Hem beste yaptım hem de klipte ve filmde bir şehidin hanımını oynadım. Bu filmdeki başarım dolayısıyla ödül aldım. Bu film yurt dışında da oynatılacaktır.)
    18. “Hayat Güzeldir”
    Müzik: Sevinç Tofiqqizi (Yeni kompozisiyam 2016)
    Aldığım tüm ödüllerin dışında benim asıl ödülüm yaptığım bestelerin dilden dile dolaştığını ve severek dinlendiğini görmektir. Bu nedenle gurur duyuyorum.

    Türkiye’de de çok sevilen ve tanınan bir hanım milletvekiliniz var. Ben de çok iyi tanıyorum, o da beni iyi tanır. Ganire Paşayeva Hanımefendi sizin de en iyi dostunuz, arkadaşınız… Onun eserlerine de beste yaptınız. Bu konuda bize bilgi verir misiniz?
    Azerbaycan Milletvekili Sevgili Ganire Paşayeva Hanımın pek çok şiirini besteledim:

    1. “Seni Gözleyeceğim” Yorumlayan sanatçı: Halk artisti Flora Kerimova, Mahni ve Klip Rejisörü Nail Naiboğlu
    2. “Söyle senmisen? “ ( Söyle sen misin?) Yorumlayan sanatçı: Emektar Artist Manana Japaridze
    3. Senin Olum” (Senin Olayım) Yorumlayan sanatçı: Nadir Qafarzade
    4. “Qayit” Yorumlayan sanatçı: Akper Aliyev
    5. “Söyle” Yorumlayan sanatçı: Aysel Alizade
    6. “Seni uzaglardan sevmek de xowdur” (Seni Uzaklardan Sevmek de Zordur) Yorumlayan sanatçı: Emektar Artist Semed Semedov
    7. “Aradım” Yorumlayan sanatçı: Shebnem Qehremanova
    8. “Sensizlik” Yorumlayan sanatçı: Resad Ilyasov
    9. “Deyılsen” (Değilsin) mus.Sevinc Tofiqqizi Yorumlayan sanatçı: Nuriyye Huseynova
    Yorumlayan sanatçı: İlham Askeroğlu
    10. “Turan Eli” Yorumlayan sanatçı: Aslan Huseynov (Türk dilli himn mahni)
    11. “Görmürsen meni” (Beni Görmüyorsun) Yorumlayan sanatçı: Halk artisti Fidan Haciyeva
    12. “Hardasan” (Neredesin) Yorumlayan sanatçı: Niyam Salami

    Bestekârlık ve film alanındaki ödülleriniz hakkında bilgi verebilir misiniz?
    Hatırladığım ödüllerimden bazıları şunlardır:

    2009 yılında Oskar Medeniyet Gazetesi’nin “Qızıl Açar” Milli Musiki Ödülü
    2010 yılında Bakü Geceleri Türkü Festivalinde “Çağır Beni” eserimle “En iyi Türkü Bestecisi” Ödülü (Müzik: Sevinc Tofiqqizi Söz: Xanim Ismayilqizi Yorumlayan sanatçı: Aslan Huseynov)
    2011 yılında Azerbaycan ailesi film festivalinde bestekârı olduğum “İşıqlı Zülmət” filmi “En iyi film” ödülünü kazandı. (2011 yılında Heyder Aliyev Fondu. Azerbaycan Ailesi 2011 Filmler Festivalinde “Işıklı Zulmet” senetli filminde Müzik: Sevinc Tofiqqizi -Rejisör ve senaryo yazarı Mehsim Muellim’di. Bu filmde (Olimpiyat Şampiyonu) Paralimpiyaci İlham Zekiyev’in aile hayatından bahsedilmektedir.
    Hayat Varsa, Hayat Dersi, Hayat Varsa, Qürur filmlerinde başrolde oynadım. 2012’de Hayat Varsa ile Kelimeyi Şehadet filmlerine göre “The First 2012″ yılının en iyi oyuncusu mükâfatına layık görüldüm. Bu mükâfat bana Ankara’da Milletvekili Nurdan Şanlı tarafından verildi.
    2012’de”TheFirst 2012” ödülü yani “Yılın En İyi Oyuncusu Ödülü”
    2013’te “Azerbaycan’ın En İyi Bestekârı Ödülü”
    Ağustos 2014’te “Azerbaycan’ın En Çalışkan Bestekârı Ödülü”
    Eylül 2014’te Türkiye’de “Türk Dünyası Hizmet Ödülü”
    2014’te “Azerbaycan’ın En Sevilen Bestekârı Ödülü”nü 3. kez kazandım.
    2014’te Ankara Etimesgut Belediyesinin her yıl düzenlediği “Uluslararası Anadolu Günleri Medeniyet ve İnce Sanat Festivali” çerçevesinde ödüllendirildim.

    2014 yılının Eylül ayında Ankara Kültür Sanat Platformu Başkanı Sultan Özateş bana “Kültür ve Sanata Katkı Sağlayanlar Başarı Ödülü” takdim etti.
    2014 yılında Azerbaycan Gençler Merkezi tarafından gençlerin en çok sevdiği bestekâr olarak seçilerek “Gençlerin Dostu “ödülüne layık görüldüm.
    Rejisör Sirac Mustafayev’in “Bir Ovuc Torpag” (Bir Avuç Toprak) dizi filminin de bestekârıydım. Bu filmde de Rasim Balayev oynuyordu.
    2014 yılında Millet Vekili Ganire Paşayeva tarafından “Fahri Ferman” “Azerbaycan ve Türk Dünyasının Değerli Sanatçısı” ve Azerbaycan- Türkiye Türk devletleri ve halkları arasında medeni alakaların oluşmasında gösterdiğim hizmetler çerçevesinde taltif edildim.
    2015’te “Azerbaycan’ın En Çalışkan Favori Bestekârı Ödülü”nü aldım.
    2015’te “Azerbaycan’ın En Sevilen Bestekârı Ödülü” nü aldım.
    2015’te “Bakü Oskarı” film festivalinde “Yetim” filminin bestesiyle de “En İyi Bestekâr” ödülüne layık görüldüm.

    2015’te Türkiye Cumhuriyeti Bakü Büyükelçiliği tarafından “Çanakkale” 100. Yılı için bestelenmiş Kompozisiya ile hazırlanan klipe göre Fahri Diploma ile taltif edildim.
    2016’da “İki Devlet Bir Millet Türk Dünyası Hizmet Şeref Ödülü”nü Ankara Kültür Sanat Platformu Başkanı Sultan Özateş tarafından layık görüldüm.
    2016’da Irak Kerkük Türkmenleri tarafından Türk Dünyası Kültür Sanat Platformu Onur Belgesi mükâfatına layık görüldüm.
    2016’da Irak’ın Kerkük şehrinde (TERT) Türkmeneli Radyo Televizyonunun Rehberi Türkeş Salihi tarafından mükâfata layık görüldüm. Bu TERT Televizyonunda bütün bestelerim, kliplerim ve filmlerim yayınlanmaya devam etmektedir.

    Bestekârlık dışında çalışmalarınız var mıdır? Bilgi alabilir miyim?
    Ben Naci Çelik Berksoy tarafından 30 dakikalık kısa bir filmde oynamak üzere davet almıştım. “Kelime-i Şehadet” adlı bu filmde oynadım. Bu, benim ilk oyunculuk çalışmamdı. Film beni çok etkiledi. Günlerce etkisi altında kaldım. Bu filmdeki oyunculuğumla “The First 2012 ” ödülünü aldım. Yani yılın en iyi oyuncusu seçildim. Çok mutlu oldum.

    Beş film çevirdim: Birinci filmim az önce sözünü ettiğim “Kelime-i Şehadet”adlı bana ödül kazandıran kısa metrajlı film… İkinci filmim “Oğurlanan Çocuk”yani “Çalınan Çocuk”; üçüncü filmim “Hayat Dersi”; dördüncü filmim ise “Qurur”yani “Gurur”; beşincisi “Yetim” 2015
    “Yetim” adlı filmin başrol oyuncusuydum. Hem anne rolünü oynadım hem de bu filmin bestecisiydim. Bu film festival için özel olarak çekilen ön beş dakikalık kısa metrajlı bir filmdi.
    Sonra başka dizilerden de davet aldım.”Senden Sonra” dizisinde Vekil rolünde, sonra 2015 “Bakü Oscarı Film Festivalinde “Yetim” filmindeki ana rolünde hem de filmin bestekârına göre de festivalde üç ödül kazandım.
    Bana vakit ayırdığınız için çok teşekkür ederim. Başarılarınız daim olsun. Okurlarımıza son olarak söylemek istediğiniz bir şey var mı?
    Ben bütün Türk Dünyasının her zaman birlik beraberlik içinde olmalarını canı gönülden arzu ediyorum. Allah, Türk’ü korusun diyorum. Türkiye benim ikinci vatanımdır. Size de bu güzel röportaj için çok teşekkür ediyorum.

    HARİKA UFUK
    TÜRKİYE
    ARALIK 2016

  • “Ay işığı” ədəbi məclisinin üzvü Mürfəttar Seyidməmmədovun “Nəyi qalıb bu dünyanın”ilk şeirlər kitabının imza günü qeyd olunmuşdur

    4-Dekabr Qubada ustad şair Ramiz Qusarçaylının rəhbərlik və təsis etdiyi “Ay işığı” ədəbi məclisinin üzvü Mürfəttar Seyidməmmədovun “Nəyi qalıb bu dünyanın”ilk şeirlər kitabının imza günü qeyd olunmuşdur. Qubanın və Qusarın görməli yerlərini gəzəndən sonra dəvət olunan qonaqlar Qusarda “Ay işığı” istirahət zonasına toplaşmışlar. Dəyərli şairin sənət dostları onun yaradıcılığı haqqında çıxış edərək öz ürək sözlərini söyləmişlər. Musiqili-ədəbi gecəni nura, şeirə qərq edən sənət adamları şairi təbrik edərək yeni-yeni yaradıcılıq uğurları arzulamışlar.

    Şakir RƏHMAN,
    Azərbaycanın Mədəniyyət və Ədəbiyyat Portalının
    Sumqayıt şəhəri üzrə xüsusi müxbiri,
    (FOTOQRAF-Foto müxbiri)

  • Elvin Rəhimovu doğum günü münasibətilə təbrik edirik! (5 dekabr 1987-ci il)

    14701079_1813689672241558_4076808877490831360_n

    Azərbaycan Jurnalistlər Birliyi Sumqayıt şəhər təşkilatının Gündəlik Analitik İnformasiya Agentliyinin və Azərbaycanın Mədəniyyət və Ədəbiyyat Portalının Rəhbərliyi və Kollektivi Sizi doğum gününüz münasibətilə səmimi qəlbdən təbrik edir, Sizə uzun ömür, möhkəm cansağlığı, xoşbəxtlik, ailə səadəti arzulayır!
    XOŞBƏXT OLUN!!!

  • Rahilə DÖVRAN.Yeni şeirlər

    rahileanam

    Şairə-jurnalist-publisist
    Azərbaycan Yazıçılar Birliyinin üzvü,
    “Qızıl qələm” media mükafatı laureatı,

    NAZ SAÇIRSAN

    “Könül dəftərim” – silsiləsindən

    Görən nədir qəbahətim?
    Tükənmişəm, yox taqətim.
    Yaya dönüb, şah qamətim,
    Əda, işvə, naz saçırsan.

    Yaradana alqış, əhsən,
    Gözəllikdə yeganəsən.
    Lalə, Nərgiz, Yasəmənsən,
    Günü- gündən gül açırsan.

    Kiçik deyil gülüm,- yaşın,
    Gəlin olub dost- sirdaşın.
    At ətəkdən inad daşın,
    Niyə məndən gen qaçırsan?

    Yetər qaldım, bəxti qara,
    Daha dözüm gəlmir kara.
    Gəl, son qoyaq intizara,
    Qəlbə qəmə, ox sancırsan.

    Ey qəlbimin həyəcanı,
    Insaf elə, Haqqı tanı.
    Asiliklə, mən Dövranı,
    Sönməz oda, sən atırsan…

    YADINDAMI

    Yadındamı, aylı gecə,
    Bulaq başı, salxım söyüd?
    Qəlb unutsun onu-necə?
    Mən bir pəri, sən bir igid.

    Yadındamı, sevgi dolu,
    Söylədiyin bal kəlmələr?
    Gözlərində samanyolu,
    Necə gözəl, xoş ilmələr.

    Yadındamı, pıçıldaşan,
    O, baş-başa cüt qumrular?
    Sevdasıyla qucaqlaşan,
    Gah kövrələn, gah da ağlar.

    Yadındamı, sən də mənim,
    Gözlərimdən öpüb dedin:-
    “Mən səninəm, sən də mənim?!”
    Sonra həmən, gülümsədin.
    Yadındamı???…

    03.12.2015.

  • Müzəffər MƏZAHİM.Yeni şeirlər

    mm

    DÜŞÜNCƏ

    Küləklər səmanın silgiləridir,
    Sıxdı buludları, yudu göyləri.
    Şəfəqlər Günəşin gölgələridir,
    Bir anda yandırdı odu göyləri.

    Təzadlar olmasa yaşamaz aləm,
    Kainat görünməz nizamla dönür.
    Qiyamət yaradar təbiətdə kəm,-
    Bir ulduz yananda bir ulduz sönür.

    Bu sonsuz kəhkəşan nurdan yaranıb,
    Günəşi, ulduzu, ayı da nurdur.
    Torpağa can verən yağışın, qarın,
    Göylərdən süzülən suyu da nurdur.

    Üzür Yer gəmimiz öz ləngəriylə,
    Sonsuz kainatın ənginliyində.
    Hələ də qorunur sirr səngəriylə,
    Dünya öz tükənməz zənginliyində.

    BİLƏ-BİLƏ

    Düşmən danır haqqımızı,
    Həqiqəti bilə-bilə.
    Min fəsadla ləkələyir,
    Əmanəti, bilə-bilə.

    Olan-olmazı talayır,
    Kökümüzü baltalayır,
    Hər fürsətdə tapdalayır,
    Ləyaqəti, bilə-bilə.

    Dörd yanımız şeytan, iblis,
    Bəd fikirli xain-xəbis,
    Hər yandan yağdırır pis-pıs,
    Həqarəti, bilə-bilə.

    Böhtan yayır barəmizdə,
    Qurdalanır yaramızda,
    Qarışdırır aramızda,
    Ədavəti, bilə-bilə.

    Nə həs qanır, nə hüs qanır,
    Nə yorulur, nə usanır,
    İrişə-irişə danır,
    Ədaləti, bilə-bilə.

    Söz gəzirlər sözümüzdə,
    Qıl çəkirlər gözümüzdən,
    Axtarırlar özümüzdə,
    Qəbahəti, bilə-bilə.

    Qalmışıq bu çilədə biz,
    Çırpınırıq tələdə biz,
    Aldanırıq hələ də biz,
    Bəd niyyəti bilə-bilə.

    Nədir bəla, nədir illət?
    Yetər, çırpın, oyan millət,
    Bəsdir çəkdin bunca zillət,
    Xəyanəti bilə-bilə.

    Birləş, qoru torpağını,
    Qoru vahid bayrağını,
    Qeyrətinlə poz yağının,
    Vəhdətini bilə-bilə.

  • Şair-jurnalist Rafiq Odayın şeirləri “Azərbaycan” jurnalında çap olunub

    Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar və Jurnalistlər Birliklərinin üzvü, Azərbaycan Jurnalistlər Birliyi Sumqayıt şəhər təşkilatının sədri, respublikanın Əməkdar jurnalisti, “Kümbet” eğitim, kültür, sanat ve edebiyat dergisinin Azərbaycan təmsilçisinin Başkanı, şair-publisist cənab Rafiq Odayın şeirləri Azərbaycan Yazıçılar Birliyinin aylıq ədəbi-bədii orqanı “Azərbaycan” jurnalının noyabr sayında işıq üzü görüb.
    Qeyd edək ki, ”Möhtəşəm Azərbaycan” müstəqil ictimai-siyasi, ədəbi-bədii qəzetinin təsisçisi və baş redaktoru, ”Qızıl qələm”, “Həsən bəy Zərdabi”, “Qafqaz-Media” mükafatları laureatı, şair-publisist Rafiq Odayın şeirləri keçən ilin oktyabr ayında Azərbaycan Jurnalistlər Birliyi Sumqayıt şəhər təşkilatının xətti ilə göndərilib.

    Kamran MURQUZOV,
    Azərbaycanın Mədəniyyət və Ədəbiyyat Portalının
    Mətbuat xidmətinin rəhbəri,
    Azərbaycan Jurnalistlər Birliyinin üzvü

  • Professor Əli Həsənovun “Geosiyasət” kitabı Daşkənddə özbək dilində çap edilib

    Azərbaycan Respublikası Prezidentinin ictimai-siyasi məsələlər üzrə köməkçisi, tarix elmləri doktoru, professor Əli Həsənovun “Geosiyasət” kitabı Daşkənddə özbək dilində çap edilib.
    Azərbaycanın Özbəkistandakı səfirliyi nəzdindəki Heydər Əliyev adına Azərbaycan Mədəniyyət Mərkəzi və AZƏRTAC-ın birgə layihəsi əsasında “Tamaddun” nəşriyyatında çap olunan kitabı orijinaldan alim və tərcüməçi Babaxan Məhəmməd Şərif tərcümə edib. Nəşrin redaktoru Leyla Xasanovadır.
    Kitab “Siyasətin ilkin mənbələri və inkişaf tarixi: qədim və orta əsrlər dövrünün geosiyasi ideya və nəzəriyyələrinin tarixşünaslığı”, “Klassik geosiyasət: XIX əsrin ikinci, XX əsrin birinci yarısında Qərb geosiyasi məktəblərinin əsas ideya və nəzəriyyələri”, “İkinci Dünya müharibəsi dövründə əsas iştirakçı dövlətlərin geosiyasi konsepsiyaları və hədəfləri”, “XX əsrin ikinci yarısı və müasir dövrdə Qərb ölkələrinin geosiyasəti”, “Rusiya geosiyasət məktəbi: formalaşması, nəzəri mənbələri, xarakterik xüsusiyyətləri və əsas konsepsiyaları”, “Türklərin geosiyasi baxışları və nəzəriyyələri”, “Geosiyasət elminin yaranması və inkişafı (anlayışı, obyekti və predmeti, kateqoriyaları, qanunları, funksiyaları, metodologiyası və metodları)”, “Dünyanın siyasi strukturunun formalaşdırılması: geosiyasi dövrlər və modellər”, “Müasir dünya sistemi və onun geosiyasi reallıqları” adlı fəsillərdən ibarətdir.
    Nəşrdə geosiyasətin elm sahəsi kimi meydana gəlməsi, əsas anlayışlarının yaranması, formalaşması və inkişafının tarixşünaslığına nəzər salınır, onun nəzəri mənbələri, qanunauyğunluqları, obyekt və predmeti, kateqoriyaları, aktorları ilə bağlı klassik geosiyasət xadimlərinin və müasir tədqiqatçıların baxışları təhlil edilir.
    Kitabda müxtəlif dövrləri və fərdi geosiyasi məktəbləri təmsil edən siyasətşünasların elmi nəzəriyyələri araşdırılır, qarşılıqlı şəkildə müqayisə olunur. Həmçinin orta əsrlərdən başlayaraq müasir dövrə qədər dünyada cərəyan edən əsas geosiyasi hadisələr, Planetin geosiyasi xarakteristikası, geosiyasi güc mərkəzləri və onlar arasındakı münasibətlər, qloballaşan dünyada geosiyasi məsələlərə yeni baxışlar, milli dövlət maraqları uğrunda mübarizə və yeni dünya nizamı ilə bağlı məsələlər təhlil olunur.
    Kitabda bəşəriyyəti təhdid və məşğul edən əsas iqtisadi, siyasi, enerji təhlükəsizliyi, qlobal nəqliyyat-kommunikasiya, ticarət, xammal, beynəlxalq daşımalar kimi məsələlərin mövcud vəziyyəti və perspektivləri haqqında müfəssəl məlumat verilir, oxucuların geosiyasi biliklərini, təsəvvür və anlayışlarını dərinləşdirən zəngin materiallar təqdim edilir.

    “Olaylar” İnformasiya Agentliyi

  • Sofya Tolstayanın “Mənim həyatım” adlı kitabı işıq üzü görüb

    XIX əsr dünya ədəbiyyatının görkəmli nümayəndəsi, yazıçı-mütəfəkkir Lev Nikolayeviç Tolstoyun ömür-gün yoldaşı Sofya Tolstayanın “Mənim həyatım” adlı kitabı 2016-cı ildə respublikanın paytaxtı Bakı şəhərində fəaliyyət göstərən “Kitab Klubu” nəşriyyatı tərəfindən 232 səhifə həcmində, 100 tirajla işıq üzü görüb.
    Lev Tolstoyun arvadı, dostu və köməkçisi Sofya Andreyevnanın bu əlyazması uzun illər arxivdə saxlanmış və oxuculara məlum olmamışdır. Çünki S.Tolstayanın vəsiyyətinə görə əlyazması yalnız onun ölümündən 50 il sonra çap edilə bilərdi. Oxucular kitabdan bu böyük insan, onun ailəsi, yaxın adamlarla münasibəti barədə çox şey öyrənəcəklər. Eyni zamanda xatirələr Lev Tolstoyun məlum obrazının dəqiqləşdirilməsinə, bəzi geniş yayılmış şayiə və dedi-qoduların aradan qaldırılmasına kömək edəcəkdir.

    Gülnarə ŞÖHRƏDDİNQIZI,
    “Möhtəşəm Azərbaycan”

  • Nikolay Vasilyeviç Qoqolun “Ölü canlar” (roman-poema) kitabı işıq üzü görüb

    Görkəmli rus yazıçısı, dramaturqu, şairi, tənqidçisi, publisisti Nikolay Vasilyeviç Qoqolun “Ölü canlar” (roman-poema) kitabı 2016-cı ildə respublikanın paytaxtı Bakı şəhərində fəaliyyət göstərən “Kitab Klubu” nəşriyyatı tərəfindən 428 səhifə həcmində, 100 tirajla işıq üzü görüb.
    Ölü canlar – Ukrayna əsilli rus yazıçısı Nikolay Vasilyeviç Qoqolun 1842-ci ildə ilk cildini tamamladığı amma bitirmədiyi romanıdır. Romanın mövzusu ona Puşkin tərəfindən təklif edilmişdir. Üç cild olaraq düşünülən roman-poema əslində Dantenin İlahi Komedyasından ruhlanaraq yazılmışdır. İlk cilddə romanın baş qəhrəmanı Çiçikovun öz mənfəətləri uğruna etdiyi pisliklər əks olunmuşdur. Qoqol, cəhənnəmi izah etdiyi bu hissədən sonra cənnəti izah edəcəyi, Çiçikovun əxlaq və vicdan sahibi olduğunu göstərəcəyi ikinci cildin əlyazmalarını keçirdiyi böhran nəticəsində yandırmışdır. Daha sonra bir neçə dəfə təkrar yazmağa çalışdığı bu hissələri toplayıb dərc etmişlər.
    Çiçikov, Rusiyada şəhər-şəhər gəzib, feodal qanunlara görə torpaq sahiblərinin malı olan kölə kəndlilərini satın alır. Ancaq istədiyi kəndlilər işini yaxşı bilən ya da sağlam olanlar deyil, tam əksinə ölü canlardır. Dövrün tənqid oxlarını üzərinə çəkən, feodal quruluşunun düşüncə tərziylə qarşı-qarşıya qoyan roman, bu baxımdan müəyyən təbəqə insanların həyatında çevriliş etmişdir.

    Gülnarə ŞÖHRƏDDİNQIZI,
    “Möhtəşəm Azərbaycan”

  • Lev Nikolayeviç Tolstoyun “Bugünümüzdəki köləlik” kitabı işıq üzü görüb

    XIX əsr dünya ədəbiyyatının görkəmli nümayəndəsi, yazıçı-mütəfəkkir Lev Nikolayeviç Tolstoyun “Bugünümüzdəki köləlik” kitabı 2016-cı ildə respublikanın paytaxtı Bakı şəhərində fəaliyyət göstərən “Kitab Klubu” nəşriyyatı tərəfindən 408 səhifə həcmində, 300 tirajla işıq üzü görüb.
    Oxuyacağınız bu kitabda, başlıca olaraq, Tolstoyun öz sağlığında çapı senzura tərəfindən qadağan olunmuş məqalə və məktubları toplanmışdır. Bəlli olduğu kimi, Tolstoy ömrünün son illərində özünün dini, fəlsəfi və ictimai-siyasi baxışları ilə bağlı çoxlu əsərlər yazmış və onunla görüşən çağdaşlarının dediyinə görə o, bu yazılarını özünün bütün bədii yaradıcılığından, hətta ölməz “Hərb və sülh” romanın da, üstün saymışdır. Bu yazılara görə Tolstoy dövlət və kilsə tərəfindən təqib olunmuş, sıxışdırılmış, onun üzərinə qaragüruhun yönəldilməsi də baş vermiş, Rus kilsəsi isə Tolstoyu pravoslav-xristian məzhəbindən çıxardığını elan eləmişdir. Ancaq bütün bunlara baxmayaraq, Tolstoy öz yolundan dönməmiş, sonradan dünyanın bir sıra ölkələrinə yayılmış, elə indi də bir sıra izləri qalmaqda olan “tolstoyçuluq” deyilən cərəyanın müdəalarının əks olunduğu məqalə və məktublarını öz tanışlıq çevrəsində yaymaqda davam eləmişdir.
    Tolstoyun bu düşüncələri bir sıra yerlərdə bugünkü oxucuya mübahisəli görünə bilsə də, ancaq bu dahi yazıçının qələmindən çıxmış, özünün məntiqi və psixoloji dərinliyi ilə seçilən bu yazıların onu oxuyacaq bütün oxucuların dərin marağına səbəb olacağına inanırıq.

    Gülnarə ŞÖHRƏDDİNQIZI,
    “Möhtəşəm Azərbaycan”

  • Çingiz Aytmatovun “Erkən gələn durnalar” kitabı işıq üzü görüb

    Çağdaş qırğız ədəbiyyatının görkəmli nümayəndəsi, Qırğızıstan xalq yazıçısı, SSRİ dövlət mükafatı, Sosialist Əməyi Qəhrəmanı Çingiz Aytmatovun “Erkən gələn durnalar” kitabı 2016-cı ildə respublikanın paytaxtı Bakı şəhərində fəaliyyət göstərən “Kitab Klubu” nəşriyyatı tərəfindən 252 səhifə həcmində, 100 tirajla işıq üzü görüb. “Erkən gələn durnalar” kitabında yer alan “Erkən gələn durnalar”, “Ana tarla” povetləri Azərbaycan dilinə tərcümə olunub.
    “Erkən gələn durnalar” povestində Böyük Vətən müha-ribəsi illərində arxa cəbhədə atalarını, böyük qardaşlarını yüksək vətəndaşlıq qeyrəti ilə əvəz edən, vaxtından əvvəl kişilənmiş yeniyetmələrin igidliyindən bəhs edilir.
    “Ana tarla” povestində Ç.Aytmatov öz nəsrində ilk dəfə şərti formadan istifadə etmiş, əsərdəki hadisələri Tolqanay ananın torpaqla söhbəti şəklində göstərmişdir.

    Gülnarə ŞÖHRƏDDİNQIZI,
    “Möhtəşəm Azərbaycan”

  • Əli Kərim adına Sumqayıt şəhər Poeziya klubunun direktoru İbrahim İlyaslı ilə görüş keçirildi

    Dekabrın 1-də “Hüseyn Cavid Ədəbi Məclisi”nin təşkilatçılığı ilə Yeni Yasamal 1-də yerləşən 286 saylı tam orta məktəbdə tanınmış şair, Azərbaycan Yazıçılar Birliyinin üzvü, Prezident təqaüdçüsü, Əli Kərim adına Sumqayıt şəhər Poeziya klubunun direktoru İbrahim İlyaslı ilə görüş keçirildi.Kütləvi informasiya vasitələrinin, ictimaiyyət nümayəndələrinin iştirakı ilə keçirilən tədbirdə məktəblilər və poeziyasevərlər iştirak etdilər.
    Tədbiri giriş sözü ilə “Hüseyn Cavid Ədəbi Məclisi”nin sədri, şair Kəmaləddin Qədim açdı. O, iştirakçıları salamlayaraq, məclisimizin fəaliyyəti barədə qısa məlumat verdi. Sonra İbrahim İlyaslının yaradıcılığını izlədiyini və şairin qələminin uğurundan söhbət açdı. Çıxış üçün söz Məclisin üzvlərindən filologiya üzrə fəlsəfə doktoru, şair Adilə Nəzərə verildi. Adilə xanım İbrahim İlyaslını öncə milli-mənəvi dəyərlərimizə sahib çıxan, əslini unutmayan, barışdan yana, türk olmanın haqlı qürurunu yaşayan bir şair, ozan, eyni zamanda ədəbiyyatımızın, mədəniyyətimizin xidmətində layiqincə dayanan bir məsul şəxs kimi, sonra isə sirli-sehrli, irfan yolu ilə seçilən şeirlər müəllifi kimi tanıdığını, qələminin vurğunu olduğunu qeyd etdi. Şairin şeirlərindən nümünələr oxudu. Sonra çıxış üçün söz şair-publisist Mübariz Məsimoğluna verildi. O, belə ədəbi tədbirlərin məktəblərdə keçirilməsinin önəmindən danışdı, şagirdlərin Azərbaycanın şairlərini, yazıçılarını – bir sözlə yaradıcı adamlarını tanıması baxımından bu görüşlərin faydalı olacağını qeyd etdi. Şagirdlərə əlifbadan başlayaraq ümumi ədəbiyyatın nə olduğunu, şeir nədir, şair kimdir? – deyə anlatdı. Milli duyğuların aşılanması baxımından İbrahim İlyaslının şeirlərini öyrənməyi tövsiyyə etdi.
    Məktəblilərdən Hüseynbəyli Əfsanə, Tağızadə Sənan, Əliyeva Aida, Vəlizadə Səbinə, Zeynalova Tamilla şairin şeirlərini qiraət etdilər.
    Hüquq elmləri doktoru, professor Məhəbbət Dəmirçiyeva söz alaraq, şairi təbrik etdi, İ.İlyaslının xüsusilə təbiət şeirlərini bəyəndiyini vurğuladı. Növbəti təbrik Sultan xanımdan gəldi. O, tədbirin təşkilatçılarına və şairə uğurlar arzuladı. Daha sonra iştirakçılardan tanınmış şair və yazıçı kimi oxucular tərəfindən sevilən Vaqif Nəsib Sarıhüseynoğlu Hüseyn Cavidi yad edərək məclisimizə və şairə uğurlu yol arzuladı. O, H.Cavidin “Qız məktəbində” şeirini məktəblilər üçün səsləndirdi.
    Tədbir iştirakçılarından Aləm Kəngərli, Nəriman Zeynalzadə, Kamil Məhərrəmoğlu, Arzu Nehrəmli, İlqar Türkoğlu, Niyaz Əsgərov, Firudin Şahbuz, Ələsgər Talıboğlu, Surxay Qocayev, Rəhim Mehnət, Yusif Məhəmmədoğlu təbriklərə qoşuldular və şairdən şeirlər oxumasını arzu etdilər.
    Şair İbrahim İlyaslı fasilələrlə, xüsusilə auditoriyanın çoxunun məktəblilərdən ibarət olduğunu nəzərə alaraq milli ruhda yazılmış şeirlərindən səsləndirdi. O, tədbirin təşkilatçılarına və iştirak edən qonaqlara təşəkkür etdi.
    Tədbirin aparıcısı, şair Kəmaləddin Qədim də öz novbəsində gələn qonaqlara, xüsusilə, tədbirin keçirilməsi üçün şərait yaradan məktəbin direktoru Samir Mehdizadəyə və iştirak edən müəllim heyətinə təşəkkürünü bildirdi. Tədbirin sonunda xatirə şəkilləri çəkdirildi.

    Şakir RƏHMAN,
    Azərbaycanın Mədəniyyət və Ədəbiyyat Portalının
    Sumqayıt şəhəri üzrə xüsusi müxbiri,
    (FOTOQRAF-Foto müxbiri)

  • Nisə QƏDİROVA.Yeni şeirlər

    11153468_731421923638953_1561011028_o

    Azərbycan Yazıçılar və Jurnalistlər Birliklərinin üzvü,
    “Qızıl Qələm” Media Mükafatı laureatı,
    “Möhtəşəm Azərbaycan” müstəqil ictimai-siyasi, ədəbi-bədii qəzetinin redaktoru,

    Nəyə gərək

    Göz deyirsə dil deyəni,
    Danışmağın nəyə gərək?
    Köz qalmırsa yandığından
    Alışmağın nəyə gərək?

    Arzu sonsuz,ömür qısa,
    Tez itirdik nə tapdıqca.
    Bəxt dediyin qaradırsa,
    Çalışmağın nəyə gərək?

    Boş ümüddü yanıb sönüb,
    Ömür zülmətə bürünüb.
    Sevmirsənsə, geri dönüb
    Barışmağın nəyə gərək?

    Ağlarsan

    Dönüb getdin, sən də bir gün
    Yetməzsən başa,ağlarsan.
    Sevənləri şəhər-axşam,
    Görərsən qoşa,ağlarsan.

    Ümidlərin puça çıxar,
    Fələk üzünə kəc baxar,
    Başın üstə şimşək çaxar,
    Baxıb yağışa ağlarsan.

    Səsini çox çəkmə zilə,
    Aldadarlar gülə-gülə,
    Bacarırsan innən belə,
    Sevgisiz yaşa…ağlarsan!

  • Polad SABİRLİ.Yeni şeirlər

    Polad Sabirli

    Yalnız

    Səni bədnəzərdən ğözüm qoruyar,
    Sənin gözmuncuğun gözümdü yalnız.
    As onu yaxandan, tək səni görsün,
    Baxıb doymayan göz bizimdi yalnız.

    Tutmadım heç nədən mən ikiəlli,
    Tək özüm özümə verdim təsəlli,
    Sözə bağlılığım, sözümdən bəlli,
    Məni ilk tanıdan sözümdü yalnız.

    Gah sağında qaldım, gah da solunda,
    Gah ətəyindəyəm, gah da yalında,
    Yıxılıb-dururam şeirin yolunda,
    Arxadan boylanan, izimdi yalnız.

    Zirvəyə yol gedər, təpədən, düzdən,
    Başa bəla gələr gəzəyən gözdən,
    Kimdi fayda görən, hər quru sözdən,
    Yalanı qorxudan düzümdü yalnız.

    Qorxuram sənsizlik qəddimi əyə,
    Kor kimi baxıram sənsiz hər şeyə,
    Eşqim bulud olub, sığınıb göyə,
    Məni baş eyləyən, dözümdü yalnız.

    Bildim

    Sözü sözün üstə qoyub,
    Sözdən qala qura bildum.
    Nahaqqın düz gözün oyub,
    Haqq yolunda dura bildim.

    Gülə-gülə dərd, qəmimi,
    Üst-üstə gəlib cəmimi,
    Ağ varaqda qələmimi,
    Mən o ki var, yora bildim.

    Haramzadə kalanların,
    Haqsızların, yalanların,
    Mən də gözü olanların,
    Düz gözündən vura bildim.

    Qürdü mənə kim tələni,
    Öz-özünə etdi yəni,
    Qardaşdan gələn zərbəni,
    Ürəyimdə yara bildim.

    5.11.2016

  • Rahilə DÖVRAN.Yeni şeirlər

    rahileanam

    Şairə-jurnalist-publisist
    Azərbaycan Yazıçılar Birliyinin üzvü,
    “Qızıl qələm” media mükafatı laureatı,

    YAŞADIM

    1- Dekabr Ustad Məmməd Arazın anım günü münasibəti ilə şairin –
    “Bu da belə bir ömürdü yaşadım” –şeirinə

    Zaman-zaman seyrəlibdir dost,tanış,
    Dörd fəslim də qışdır, yağır qar, yağış.
    Əllər göydə, Rəbbə dua, yalvarış,
    “Bu da belə bir ömürdü yaşadım”.

    “Ətdən çəpər, yad gözünə oxdu”lar,
    Hanı oğul?,hanı qzım? –yoxdular.
    Körpü altdan axıb keçdi çox sular,
    “Bu da belə bir ömürdü yaşadım”.

    Xatirəynən, xəyallarnan ovundum,
    Hisslərimə vəkil oldum, sovundum.
    Fələk çarpdı,tərsim oldu uvandım,
    “Bu da belə bir ömürdü yaşadım”.

    Araz üstə Xudafərin, daş kilim,
    Ömür boyu Təbriz dedi, hey dilim.
    O tay dərdi, əbədilik nisgilim,
    “Bu da belə bir ömürdü yaşadım”.

    Qurban ollam pak adına vətənin,
    Ocaq oldum gur oduna vətənin.
    Vətən daşı olub Ana vətənin,
    “Bu da belə bir ömürdü yaşadım”.

    Intizardı həm Borçalı, Savalan,
    Şuşa, Laçın,Ağdam,Göyçə,İrəvan.
    Qəlbi,bağrı, yurdu kimi hey talan,
    “Bu da belə bir ömürdü yaşadım”.

    Məmməd Araz ocağından od alan,
    Dövran oldum, el-obaya səs salan.
    Odlar qızı,kökü üstə ucalan,
    “Bu da belə bir ömürdü yaşadım”.

    QOCALIRAM

    “Mənim dünyam” – silsiləsindən

    Olsam da ömrümün orta çağında,
    Hərdən xəyalımda uşaq oluram.
    Babamın, nənəmin gül qucağında,
    Şirin xəyallara dalıb, qalıram.

    Hər sabah saçların ana darayan,
    Cır səsin eyvana, bağçaya yayan.
    Daraqdan qaçmağa çarə arayan,
    O, totuş qız kimi, “şivən” salıram.

    Darayı çit donun, hövlək deyinən,
    Ətrafa, hər kəsə, şövqlə öyünən.
    Kiçicik, şən qəlbi, tıp- tıp döyünən,
    Ürkək ahu kimi, nəfəs alıram.

    Salıb “gəlinciyin”, ayaq nənniyə,
    Hey sığal çəkirəm, uyusun deyə.
    Necə incə, kövrək, xoş bir hədiyyə.
    Hərdən gülümsəyir, hərdən doluram.

    Gözəl anıları olana nə qəm?
    Ötən xatirələr, hey olur həmdəm.
    Beləcə yaranır , yanaqda şəbnəm,
    Boynuna al Dövran,- day qocalıram…

  • Müzəffər MƏZAHİM.Yeni şeirlər

    mm

    ANAMSIZ

    Dünya işığına həsrətdi anam,
    Dünyanın işığı söndü anamsız.
    Nə qədər sağ idi qoymadı sınam,
    Qəddim də, qəlbim də sındı anamsız.

    Həm sevincim idi, həm qəmim idi,
    Könlümə yeganə həmdəmim idi.
    Mənim kəhkəşanım, aləmim idi,
    Gen dünya zindana döndü anamsız.

    Ümid qaynağımdı, mehribanımdı,
    Sevgisi, qayğısı can dərmanımdı,
    Dərdimi açdığım tək ünvanımdı,
    Yanar ürəyim də dondu anamsız.

    Darıxa-darıxa ağlayır içim,
    Bu qərib dünyadan hayana köçüm,
    Azmışam, tənhayam necə yol seçim,
    Yollarım dumandır, çəndir anamsız.

    Bu ölüm həyatı gözümdən saldı,
    Analı dünyamı əlimdən aldı,
    Burda yaşamağa səbəbmi qaldı,
    Göylər də başıma endi anamsız.

    YAXINAM

    Tanrı pıçıldayır mənə:
    Mən sənə səndən yaxınam.
    Əbədi, sönməz od kimi,
    Qəlbinə gündən yaxınam.

    Yarandım sudan, atəşdən,
    Müqəddəs ruhla görüşdən,
    Göylərə aydan, günəşdən,
    Torpağa dəndən yaxınam.

    Ömürdür ilk-son pənahım,-
    Içimə sığmayır ruhum…
    Göylərdə dolanır ahım,
    Dağlara çəndən yaxınam.

    Qiyamət öz içimdədir,
    Gəlişimdə, köçümdədir,
    O dünya mən biçimdədir,
    Mən ona ündən yaxınam.

  • Rafiq ODAY.”Bölük-bölükdü”

    rafiq-oday

    Bir bölük dərddi dərdim,
    Dərdim bölük-bölükdü.
    Dedim bir məlhəm qoyum,
    Gördüm bölük-bölükdü.

    Bu dərdin qan adımı?
    Toxundun qanadımı?
    Üstünə qanadımı
    Sərdim, bölük-bölükdü.

    Seçmədi sərdə fəndim,
    Keçmədi dərdə fəndim,
    Bu nasıl dərd, əfəndim? –
    Sordum, bölük-bölükdü.

    Gəl yaşayaq bir ömür,
    Dərvişsayaq bir ömür.
    Mən başayaq bir ömür,
    Sürdüm, bölük-bölükdü.

    Bu bazar, açıq bazar,
    Özündən ha çıx – bazar…
    Ərənlər məzar-məzar,
    Yurdum bölük-bölükdü.

  • Fidan ABBASOVA.”Nə yaxşı şer var dərdim boşalır”

    fa

    Yazıq millətimin halına yazıq
    nə qədər dözməli bu haqsızlığa
    nə qədər razıyıq o qədər acıq
    ölsən tulayarlar boş alaçığa..

    Qalxdı işıq pulu qalxdı qaz pulu
    qışı keçirdirik qalın paltoda
    götürə bilmirəm bu haqsızlığı
    yeməyə heçnə yox otur stolda..

    Gözünü qapıya dikərək boylan
    sabaha çıxasan ya çıxmayasan
    millətim nə olar ayıl yuxudan
    bəlkə yerdən yerə çaxılmayasan..

    Ruhu tox, gözü ac üsdə duranlar
    nə qədər dözməli bəsdi yalanlar
    millətin qaınını içib doyanlar
    yazıqdır bu millət , bu ac insanlar.

    Keçdi başımızdan aprel savaşı
    unutduq dənizdə batan qardaşı
    Binada çarəsiz yanan soydaşı
    hansı yerə qoyaq hansı vicdana.

    Dinəni kəsirlər dilinin üsdə
    düz sözü bəs necə söyləməyəsən
    Artıq dözmək olmur bir yaşıq gözdə
    bu soyuq qış ilə inildəyirsən.

    Nə yaxşı şer var dərdim boşalır
    bir azda qəlbimə təsəlli verdim
    gün keçir , ay ötür insan qocalır
    çevrilib arxaya əllvida dedim…..

  • Günel ƏLİYEVA.Şeirlər-ŞƏKİLLƏRDƏ

    gex

  • Günel Əliyevanı doğum günü münasibətilə təbrik edirik! (1 dekabr 1991-ci il)

    gex

    Azərbaycan Jurnalistlər Birliyi Sumqayıt şəhər təşkilatının Gündəlik Analitik İnformasiya Agentliyi və Azərbaycanın Mədəniyyət və Ədəbiyyat Portalının Rəhbərliyi və Kollektivi Sizi, yeni nəsil Az\rbaycan gəncliyinin istedadlı nümayəndəsini, zərbaycan Jurnalistlər Birliyi Sumqayıt şəhər təşkilatının Gündəlik Analitik İnformasiya Agentliyi və Azərbaycanın Mədəniyyət və Ədəbiyyat Portalının Redaksiya heyətinin Fəxri üzvünü və əməkdaşını, gənc xanım yazarını doğum gününüz münasibətilə səmimi qəlbdən təbrik edir, Sizə uzun ömür, möhkəm cansağlığı, xoşbəxtlik, işlərinizdə uğurlar diləyir!
    Dodaqlarınızdan gülüş, yanaqlarınızdan təbəssüm əskik olmasın! Sevib, sevdiyiniz insanların əhatə dairəsində olun! İnşAllah!

    Mətbuat xidməti

  • Prezident təqaüdçüsü şair İbrahim İlyaslı ödülə layiq görülüb

    Beynəlxalq Mətbuat Mərkəzində “Mahmud Kaşqari Medalı” laureatlarına ödüllərin təqdimetmə mərasimi keçirilib. Azərbaycan Yazıçılar Birliyinin üzvü, Prezident təqaüdçüsü, Əli Kərim adına Poeziya Klubunun direktoru, şair İbrahim İlyaslı Ümumtürk mədəniyyəti qarşısında göstərdiyi xidmətlərə görə “Mahmud Kaşqari Medalı”na layiq görülüb.

    Şakir RƏHMAN,
    Azərbaycanın Mədəniyyət və Ədəbiyyat Portalının
    Sumqayıt şəhəri üzrə xüsusi müxbiri,
    (FOTOQRAF-Foto müxbiri)

  • Xalq şairi Nəriman Həsənzadənin 85 illik yubileyi “Gənclər şəhəri” Sumqayıtda qeyd olunub

    Sumqayıt şəhər Poeziya Evində Azərbaycan Respublikasının Xalq şairi, Əməkdar incəsənət xadimi, Fərdi Prezident təqaüdçüsü, filologiya elmləri doktoru, professor, şair-dramaturq Nəriman Həsənzadənin 85 illik yubileyinə həsr edilmiş tədbir keçirilib.
    Tədbiri şairin “Zirvə” şeiri ilə açan Azərbaycan Yazıçılar Birliyinin üzvü, Prezident təqaüdçüsü, Əli Kərim adına Poeziya Klubunun direktoru, şair İbrahim İlyaslı yubilyar şairin ömür və yaradıcılıq yolundan söz açıb və şairi yubileyi münasibətilə təbrik edib.
    Tədbirdə çıxış edən professor Rüstəm Kamal, tənqidçi Vaqif Yusifli, yazıçı-publisist Atababa İsmayıloğlu, şair Əşrəf Veysəlli, cənublu şair Aqşin Ağkəmərli, şairə Ofelya Babayeva və digərləri Xalq şairi Nəriman Həsənzadə yaradıcılığı haqqında ətraflı çıxış edib, şairlə bağlı maraqlı xatirələrini söyləyiblər.
    Tədbirdə bədii qiraətçilər Gülbəniz Abbasova, Amil Babayev və Elvin Əlizadənin ifasında şairin müxtəlif illərdə yazdığı şeirlər böyük maraqla dinlənilib, xanəndə Təhmiraz Şirinovun ifasında səslənən mahnılar, Aşıq İlham Aslanbəyli, Aşıq Şəhriyar Qaraxanlı, Aşıq Pəri məclisinin gənc nümayəndələrinin ifasında saz havaları xoş ovqat yaradıb.
    Sonda Sumqayıtda son zamanlar gedən quruculuq işlərindən söz açan Xalq şairi Nəriman Həsənzadə tədbirin təşkilatçılarına öz səmimi minnətdarlığını bildirib, həyatı və fəaliyyəti ilə bağlı xatirələrini bölüşüb, şeirlərindən nümunələr söyləyib.

  • TOSAYAD Başkanı Sayın Remzi Zenginin başçılıq etdiyi nümayəndə heyəti Bakıya səfər edəcək

    rafiq-oday

    Noyabrın 30-da Qardaş Türkiyə Cümhuriyyətinin Tokat şəhərində fəaliyyət göstərən TOSAYAD (Tokat Şairler ve Yazarlar Derneği) Mətbuat xidmətindən Edebiyyat-Az.Com-a bildiriblər ki, gələn ilin yaz aylarında TOSAYAD Başkanı Sayın Remzi Zenginin başçılıq etdiyi nümayəndə heyəti Bakıya səfər edəcək.“Gənclər şəhəri” Sumqayıtda Azərbaycan Jurnalistlər Birliyi Sumqayıt şəhər təşkilatının sədri, respublikanın Əməkdar jurnalisti, şair-publisist cənab Rafiq Odayın təşəbbüsü və təşkilatçılığı ilə keçirilməsi nəzərdə tutulan görüşdə AJB Sumqayıt şəhər təşkilatının saytlarının (gundelik.info və edebiyyat-az.com) redaksiya heyətinin üzvlərinin, Azərbaycan Jurnalistlər Birliyi Sumqayıt şəhər təşkilatının maliyyə dəstəyi ilə həyata keçirilən “Yeni nəsil Azərbaycan gəncliyinin istedadlı nümayəndələrinə dəstək”, “Çağdaş Azərbaycan poeziyasının inkişafına dəstək” layihələri çərçivəsində bədii yaradıcılıq nümunələri TOSAYAD-ın yayın orqanı “Kümbet” eğitim, kültür, sanat ve edebiyat dergisinin yeni saylarında yayınlanan azərbaycanlı qələm sahiblərinin, media təmsilçilərinin, ictimaiyyət nümayəndələrinin də iştirakı gözlənilir.
    Qeyd edək ki, Azərbaycan Jurnalistlər Birliyi Sumqayıt şəhər təşkilatının təşkilatçılığı ilə keçirilməsi nəzərdə tutulan görüşdə anlaşma memorondumunun imzalanması, qarşılıqlı əməkdaşlıq əlaqələrinin inkişaf etdirilməsi və digər məsələlərin müzakirəsi nəzərdə tutulub.

    Gülnarə ŞÖHRƏDDİNQIZI,
    “Möhtəşəm Azərbaycan”

  • “Buta” Türk Dünyası almanaxının təqdimat mərasiminin keçirilmə vaxtı dəyişdirilib

    b

    Paytaxtın Nərimanov rayonunda fəaliyyət göstərən “Ziyalı Ocağı” İctimai Birliyinin maliyyə dəstəyi ilə həyata keçirilən layihə çərçivəsində işıq üzü görən “Buta” Türk Dünyası Şairlərinin bədii yaradıcılıq nümunələri toplusunun təqdimat mərasiminin keçirilmə vaxtı dəyişdirilib.Birliyin mətbuat xidmətindən Edebiyyat-Az.Com-a bildiriblər ki, toplunun təqdimat mərasimi gələn ilin yaz aylarında respublikanın paytaxtı Bakı şəhərində keçiriləcək.Layihənin rəsmi informasiya dəstəyi Azərbaycan Jurnalistlər Birliyi Sumqayıt şəhər təşkilatının Gündəlik Analitik İnformasiya Agentliyi (Gundelik.info) və Azərbaycanın Mədəniyyət və Portalı (Edebiyyat-Az.Com) olacaq.Təqdimatda mədəniyyət, ədəbiyyat, incəsənət xadimlərinin, media təmsilçilərinin, ictimaiyyət nümayəndələrinin, bədii yaradıcılıq nümunələri çap olunan müəlliflərin də iştirakı gözlənilir.
    Qeyd edək ki, Buta” Türk Dünyası Şairlərinin almanaxının redaktoru “Ziyalı Ocağı” İctimai Birliyinin Başkanı, Sumqayıt Dövlət Univetsitetinin mətbu orqanı “Sumqayıt Universiteti” qəzetinin baş redaktoru, araşdırmaçı-yazar İlahə Bayandurdur.

    Gülnarə ŞÖHRƏDDİNQIZI,
    “Möhtəşəm Azərbaycan”

  • Sumqayıtda “Multkulturalizm ili” ilə bağlı sərgi keçirilib

    Sumqayıt şəhər Mədəniyyət və Turizm idarəsinin dəstəyi ilə keçirilən sərgidə ləzgi, talış, rus, belarus xalqlarının nümayəndələri öz məişət əşyalarını, zəngin mətbəxlərini və əl işlərini nümayiş etdiriblər.
    Sumqayıt şəhər İcra Hakimiyyəti Başçısının müavini Teymur Səmədov və Mədəniyyət və Turizm İdarəsinin rəisi Mehman Şükürov tədbirə qatılaraq sərgi ilə yaxından tanış olublar.
    Sumqayıt İH başçısının müavini Teymur Səmədov çıxış edərək tədbirin təşkilatçılarına təşəkkür edib. O, qeyd edib ki, multkultural dəyərlərə hörmət Azərbaycan xalqının canında, qanındadır. Sumqayıtda son bir ildə görülən tikinti və abadlıq işlərinə diqqət çəkən Teymur Səmədov bildirib ki, bütün bu görülən işlər milliyyətindən asılı olmayaraq hər bir Sumqayıt sakininin rahatlığı, asudə vaxtının səmərəli təşkili üçündür. “Biz sumqayıtlı olmağımızla fəxr etməliyik” deyən natiq tədbir iştirakçılarını təbrik edib, uğurlar arzulayıb.
    Daha sonra Sumqayıt şəhər Mədəniyyət və Turizm idarəsinin rəisi Mehman Şükürov çıxış edib. O, bildirib ki, multkulturalizm, bir çox fərqli mədəniyyətin bir arada yaşaması deməkdir. Bu günkü tədbirdə biz bunun bariz nümunəsini gördük. Sumqayıt Dövlət Rəsm Qalereyasının bir çox tədbirlərə ev sahibliyi etdiyini diqqətə çatdıran idarə rəisi belə tədbirlərin şəhər sakinləri arasında mədəniyyət sahəsinə marağın artmasına səbəb olduğunu vurğulayıb.
    Sonda Sumqayıt Dövlət Rəsm Qareyasının direktoru Ellada Həsənova qonaqlara tədbirdə iştiraklarına görə təşəkkür edib.
    Tədbirdə “Dostluq” mədəniyyət evinin “Şahinlər” və C.Cabbarlı adına mədəniyyət evinin “Turan” rəqs kollektivlərinin çıxışı, Şəhər Mədəniyyət evinin “Veteran” xalq xorunun gənc müğənni Kamil Ağazadə ilə dueti, eləcə də Moskvada keçirilən Birinci Beynəlxalq Musiqi Festivalının II yer qalibi, “Suvar” xalq kollektivinin solisti Cəmilə Zalovanın, yetirmələri Alisa Məhsimova və Günay Vəlixanovanın ifasında ləzgi mahnıları tədbir iştirakçıları tərəfindən maraqla qarşılanıb.

    Sumqayıt şəhər Mədəniyyət və Turizm idarəsinin Mətbuat xidməti

  • Насиба Егембердиева.”СƏЛЕМ БАКУ”

    Менің өлеңдерімді, мақалаларымды интернеттегі əлеуметті желіден оқып, жақсы баға беріп жатқан қаншама, бауырлас ағайындарға алғысым шексіз. Олар өлеңдерімді өз тілдеріне аударып жарияламақшы екен. Осындай көреген əзербайжандық жазушы, журналист, ақын, композитор, əнші достарыма, оқырман қауымға басымды иіп; үлкен рахметімді жеткізгім келеді. Алланың шапағатына бөленіңіздер əрдайым дегім келеді. Əнімді орындаған достарыма, бизнесімен достарымның менің суретімді салып шығарған ыдыстарына, пайдаланбасам да мен үшін алған путевкаларыңызға, жазған жақсы сөздер мен өлеңдер үшін, анау көктемде де бір апта ауруханаға түскенімде аяақтарымен тіке тұрып бүтін минздравты шулатқан достарыма, бəріне үлкен рахмет! Аман болыңыздар!

  • Şəfa VƏLİYEVA.”Gele bilirmisin?”

    sv

    “Gənc Ədiblər Məktəbi”nin müdavimi, AYB və AJB üzvü,
    Prezident təqaüdçüsü, Gənclər müfakatçısı

    Gele bilirmisin?
    Gel…
    Gide bildiyin gibi gel …
    Gidişini kucaklayan yolları
    Sana tarif edemem…
    Bitanem…
    Gel…
    Bildiyin gibi gel….

  • “Azərikimya” İB-nin Etilen-polietilen zavodunda yeni layihələrin icrasına başlanılmışdır

    Sumqayıt Kimya Sənaye Parkında “SOCAR-Polymer” layihəsi çərçivəsində tikintisinə başlanılmış Polipropilen və Polietilen qurğularını xammalla təmin etmək zərurəti “Azərikimya” İB-nin Etilen-polietilen zavodunda “EP-300” istehsalatının modernizasiyası, rekonstruksiyası, yeni qurğularının və köməkçi istehsalatların tikintisinə ehtiyac yaratmışdır. Bu işlərin icrası ilə bağlı İtaliyanın “TECHNİP İTALY S.p.A.” şirkəti ilə müqavilə imzalanmış, 2018-2019-cu illərə qədər davam etdiriləcək yenidənqurma layihələrinin mürəkkəbliyi nəzərə alınaraq, mühəndislik, texniki təchizat, satınalma, tikintiyə nəzarət və s. funksiyasının yerinə yetirilməsi üçün bu sahədə böyük təcrübəyə malik “SOCAR-KBR” Birgə Müəssisəsi podratçı qismində işlərə cəlb olunmuşdur.
    Əslində “Azərikimya” İB-də modernizasiya və yenidənqurma işlərinə hələ 6 il bundan öncə – SOCAR-ın strukturuna verildikdən sonra başlanılmışdır. Zəhərli və zərərli, müvafiq standartlara cavab ver¬mə¬yən, şəhərin ekolo¬giyasına mənfi təsir göstərən istehsalatlar ləğv edilmiş, “Azərikimya” İB-nin əsas istehsal sahəsi olan “Etilen-polietilen” zavodunda isə hərtərəfli yenidənqurma işlərinə start verilmişdir. Bu dövr ərzində SOCAR-ın dəstəyi ilə Azot-oksigen və Susoyutma kompleksləri, Mütləqləşdirilmiş izopropil spirti qurğusu, İstehsalata və keyfiyyətə nəzarət, sənaye-sanitar sahələrini özündə birləşdirən laboratoriya, Propan-propilen fraksiyasının kükürdlü birləşmələrdən təmizlən¬məsi və Butan-butilen fraksiyasının hidrogenləşməsi qurğuları, həmçinin yeni inzibati və məişət binaları tikilib istifadəyə verilmiş, digər sahələrdə isə əsaslı təmir işləri aparılmışdır.
    Bununla belə SOCAR-Polymer layihəsi çərçivəsində Sumqayıt Kimya Sənaye Parkında inşa olunan Polipropilen və yüksək sıxlıqlı Polietilen zavodlarını yüksək keyfiyyətli və lazım olan miqdarda xammalla təmin etmək məsələsi ortaya gələndə “EP-300” istehsalatının effektliyinin artırılması zərurəti yarandı. Çünki bu qurğular “Azərikimya” İB-nin Etilen-polietilen zavodu tərəfindən ildə 150-180 min ton propilen, 100 min ton etilen məhsulu, həmçinin hidroqen və buxarla təmin edilməlidir.
    Artıq “EP-300” istehsalatının effektliyinin artırılması layihəsi çərçivəsində icrası iki fazada nəzərdə tutulan işlərə start verilmişdir. Bura mövcud propan-propilen fraksiyasının ayrılması bölməsinin modernizasiyası nəticədə məhsuldarlığının 130 min ton/ildən 190 min ton/ilə çatdırılması, Bakı Neft Emalı zavodundan gələn propan-propilen fraksiyasının və Quru qazın təmizlənməsi qurğularının tikintisi, hidrogenin qatılığının yüksəldilməsinə xidmət edən modul tipli elektroliz üsulu ilə hidrogen istehsalı qurğularının tikintisi, istehsalatların 7 günlük stabil və təhlükəsiz işləməsini təmin etmək və boşdayanmaların qarşısını almaq məqsədi daşıyan etilen və propilenin saxlanması üçün yeni anbarların tikintisi daxildir.
    Təbii ki, ”EP-300” qurğusunun modernizasiya işləri bunlarla məhdudlaşmır. Layihəyə həmçinin 4 ədəd müasir piroliz sobasının tikintisi, mövcud izotermik reaktorun adiobatik reaktorla əvəzlənməsi, NÖC və texniki hava istehsalı qurğusunun tikintisi, yeni operator otağının inşası, pnevmatik idarəetmə sisteminin yeni rəqəmsal sistemlə əvəz edilməsi, köməkçi qurğuların və infrastrukturun modernizasiyası və s. daxildir.
    Artıq Etilen istehsalatının əsas hissəsində sxemlərin yoxlanması başa çatmaq üzrədir. “Azərikimya” İB tərəfindən layihə yerlərinin hazırlanması və planlaşma işlərinə başlanılmışdır. Müvəqqəti saflaşdırma qurğusunun əsas avadanlıqları gətirilmiş və layihə ərazisi hazırlanmışdır. Həmçinin “TECHNİP İTALY S.p.A.” şirkəti tərəfindən hazırda lazer skan işləri aparılır ki, bu da sahələrin daha dəqiq görüntüsünü almağa şərait yaradacaqdır. SOCAR-FUGRO şirkəti tərəfindən tikinti aparılacaq ərazilərdə isə süxurların araşdırılması və torpağın möhkəmliyi işləri yekunlaşmışdır. Həmçinin enerji və buxar istehsalı sahəsində fəaliyyət göstərəcək birgə müəssisə olan “SOCAR-UNIPER” MMC ilə Etilen-polietilen zavodunda Buxar Generator Kompleksi¬nin enerji effektivliyinin artırılması və əlavə enerji istehsal edilməsi məqsədi daşıyan yeni Buxar Turbogenerator qurğusunun tikintisi barədə İlkin Layihə Sazişi imzalanmışdır.
    Həyata keçirilən bir layihə də kimyəvi çirkab suların təmizlənməsi qurğusunun tikintisidir. Bu quru Etilen-polietilen zavodunun və “SOCAR-Polymer” MMC-nin kimyəvi çirkab və məişət tullantı sularının təmizlənməsinə xidmət edəcəkdir. Bütün avadanlıqları Türkiyə, Almaniya və ABŞ istehsalı olan qurğunun tikintisi Türkiyənin “İdeal atık su və su arıtma sistemləri SAN.TİC AŞ” tərəfindən həyata keçirilir.
    Layihələrdə nəzərdə tutulan işlər yekunlaşdıqdan sonra Etilen-polietilen zavodunun istehsal gücü artacaq, Polipropilen və Polietilen qurğuları xammalla tam təmin ediləcək, ölkənin bu məhsullara tələbatı ödənilməklə bərabər, ixrac potensialı artacaq, texnoloji prosesin stabil və təhlükəsiz istismarının gücləndirilməsi, xammal və hazır məhsulların keyfiyyətinin yüksəldilməsi təmin olunacaqdır.

    Oqtay Niftəliyev,
    SOCAR “Azərikimya” İB-nin Etilen-polietilen zavodunun direktoru

  • Səfərbərlik və Hərbi Xidmətə Çağırış üzrə Dövlət Xidməti “Sabahın əsgəri” adlı yazı müsabiqəsi elan edir

    0930

    Səfərbərlik və Hərbi Xidmətə Çağırış üzrə Dövlət Xidməti vətənpərvərlik təbliğatının yüksəldilməsi və Xidmətin yaradılmasının 5-ci ildönümü münasibəti ilə ümumtəhsil məktəblərinin X – XI sinif şagirdləri arasında “Sabahın əsgəri” adlı yazı müsabiqəsi elan edir.

    Müsabiqənin şərtləri:

    1. Müsabiqəyə hər şagird yalnız bir yazı təqdim edə bilər.
    2. Müsabiqəyə 2016-cı ilin dekabr ayının 1-dən 2017-ci ilin yanvar ayının 18-dək olan müddətdə Səfərbərlik və Hərbi Xidmətə Çağırış üzrə Dövlət Xidmətinin elektron poçt ünvanına təqdim olunmuş yazılar buraxılacaq.
    3. Yazılar 5 min işarədən çox olmamalıdır.
    4. Təqdim olunan bütün yazılarda vətənpərvərlik ruhu yaradılmalı, gənc nəslin dövlətçilik ənənələrinə ehtiramı, qüdrətli ordu quruculuğu yolunda bilik və bacarıqlarını səfərbər edəcəyi əksini tapmalıdır.
    5. Müsabiqəyə təqdim olunan yazılar təbliğat, maarifləndirmə, çap məqsədi ilə Xidmətin nəşrlərində istifadə edilə bilər.
    6. Müsabiqə üçün yazılar 2017-ci ilin yanvar ayının 18-dək elektron formada info@seferberlik.gov.az ünvanına göndərilməlidir. Müəllifin özü haqqında məlumatları (adı, soyadı, atasının adı, oxuduğu ümumtəhsil məktəbi və sinfi) və əlaqə nömrələrini göstərməsi zəruridir.

    Qaliblərin mükafatlandırılması:
    I yer – Noutbuk
    II yer – Netbuk
    III yer – Planşet
    Həvəsləndirici mükafatlar (10 mükafat) – E-book elektron kitab

    Müsabiqənin qalibləri Səfərbərlik və Hərbi Xidmətə Çağırış üzrə Dövlət Xidmətinin diplomları ilə təltif olunacaqlar.
    Əlavə məlumat almaq üçün aşağıdakı ünvana müraciət edə bilərsiniz:
    Ünvan: Bakı şəhəri, Z.Əliyeva küçəsi, 30.
    Səfərbərlik və Hərbi Xidmətə Çağırış üzrə Dövlət Xidməti Aparatının inzibati binası
    Əlaqə telefonu: 493-06-52

  • Azərbaycan Respublikasının Prezidenti yanında Gənclər Fondunun maliyyə dəstəyi ilə “Həyatımızı geri qazanaq” adlı layihə həyata keçirilib

    Layihənin rəhbəri Nuray Rüstəmova bildirdi ki, layihə çərçivəsində 2 təlim təşkil edilmişdir. İlk təlim 25 noyabr Gəncə şəhəri 5 saylı orta məktəbdə, ikinci təlim isə 26 noyabr Gəncə Dövlət Universitetində həyata keçirilmişdir. Təlimlərdə iştirakçılara ekologiyanın qorunması, gələcək nəslin də təbii resurslardan istifadə edə bilməsi üçün təkrar emalın əhəmiyyəti vurğulanmışdır. Kağızın təkrar emalı vasitəsilə 16 ədəd ağacın kəsilməsinin qarşısının alınması, ətraf mühitin tullantılardan təmizlənməsi, oksigen qazının qorunub saxlanmasının mümkünlüyü iştirakçılara təlimlər vasitəsi ilə aşılanmışdır.
    İştirakçılara layihə çərçivəsində hazırlanmış məlumatlandırıcı bukletlər və dəftərxana ləvazimatları paylanılmışdır.

    “eProject” Groupun Mətbuat xidməti

  • “Gənclik və davranış” layihəsi uğurla davam edir

    Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilən “Gənclik və davranış” layihəsi çərçivəsində növbəti təlim keçirilib. Təlimin açılışında layihə rəhbəri Bəhlul Nuriyev gəncləri salamlayaraq bildirib ki, “Gənclik və davranış” layihəsinin əsas məqsədi ictimai davranış qaydalarını gənclər arasında təbliğ etmək və bu qaydalara riayət edilməsinə gəncləri töşviq etməkdən ibarətdir.
    Layihə rəhbərinin çıxışından sonra, təlimçi tərəfindən gənclərə mövzu ilə bağlı ətraflı məlumatlar verilmiş və iştirakçı gəncləri maraqlandıran suallar cavablandırılmışdır.
    Təlim zamanı iştirakçı gənclərə davranış qaydalarını əks etdirən bukletlər paylanmış və mövzu ilə əlaqədar videogörüntülər təqdim edilmişdir.
    Layihənin ikinci təlimində əsasən ali və orta ixtisas məktəblərinin tələbələri iştirak etmişdir.
    Təlimin sonunda gənclərə sertifikatlar təqdim edilmiş və xatirə şəkilləri çəkilmişdir.

    “eProject” Groupun Mətbuat xidməti

  • Alim, rektor, millət vəkili və baba…

    8a447bbbf465

    Əhməd Vəliyev – 67
    Bu gün Odlar Yurdu Universitetinin rektoru, Milli Məclisin III (2005-2010) və IV (2010-2015) çağırış deputatı, Fizika-riyaziyyat elmləri doktoru, Professor, “Şöhrət” ordenli, Amerika Riyaziyyatçıları Cəmiyyətinin və Nyu-York Elmlər Akademiyasının üzvü Sosial və pedaqoji Elmlər Akademiyasının həqiqi üzvü olan Əhməd Vəliyevin doğum günüdü.
    Əhməd Vəliyev 1949 – cu il noyabrın 29 – da Qazaxın Alpout kəndində anadan olub. 1964-cü ildə orta məktəbi bitirərək Azərbaycan Dövlət Universitetinin “Mexanika-riyaziyyat” fakultəsinə daxil olub, ali təhsilini başa vurduqdan sonra Azərbaycan Xalq Təsərrüfatı İnstitutunun riyaziyyat kafedrasında laborant, baş laborant, laboratoriya müdiri, müəllim, baş müəllim, dosent vəzifələrində çalışıb.
    1990 – 1997 ci illərdə Əhməd müəllim elmi fəaliyyətini davam etdirmişdi, Bakı Sənaye-Pedaqoji texnikumunun direktoru vəzifəsində işləmişdi. 1995-ci ildə isə direktoru olduğu texnikumun bazasında Odlar Yurdu Universitetini yaradır. Əhməd Vəliyev Fizika-riyaziyyat elmləri namizədi, Fizika-riyaziyyat elmləri üzrə fəlsəfə doktoru (Ph.D), Fizika-riyaziyyat üzrə Elmlər doktoru elmi dərəcələrini və dosent, professor elmi adlarını alıb.
    Beynəlxalq elmi fəaliyyətində də uğur qazanan Əhməd müəllim Amerika Riyaziyyatçıları Cəmiyyətinin və Nyu-York Elmlər Akademiyasının üzvü, Sosial və pedaqoji Elmlər Akademiyasının həqiqi üzvü və yeni təhsil texnologiyalarının tətbiqindəki nailiyyətlərinə görə Fransa İqtisadiyyatına Yardım Assosasiyasının qızıl medalına layiq görülüb.
    Əhməd Vəliyev ixtisası üzrə əllidən çox elmi məqalə, bir elmi monoqrafiya, onlarla dərslik və dərs vəsaitinin, eyni zamanda möhtərəm prezidentimiz cənab İlham Əliyevin hələ prezident olmadığı zamanda onun gələcək siyasi taleyi, təkcə Azərbaycan üçün yox, dünya siyasi arenasında tutacağı yüksək mövqe, qazanacağı uğurlar haqqında proqnoz verdiyi siyasi publisistika janrında yazılmış “Bəsirət ünvani” adlı kitabın müəllifidi. Kitab latın və ərəb qrafikası ilə Azərbaycan dilində, Prezident seçkiləri qabağı 2003-cü ildə ingilis dilində çap olunub. Bundan başqa Azərbaycanın birinci xanımı, YUNESKO və İSESCO-nun xoşməramlı səfiri, Heydər Əliyev Fondunun prezidenti, millət vəkili Mehriban xanım Əliyeva haqqında “Adının sahibi” kitabının da müəllifidi.
    Elmi fəaliyyəti ilə bərabər siyasi fəaliyyətini də davam etdirən Əhməd Vəliyev III və IV çağırış Azərbaycan Respublikası Milli Məclisinə deputat seçilib. Milli Məclisin Elm və Təhsil məsələləri daimi komitəsinin üzvüdü. Eyni zamanda Azərbaycanla Almaniya, Litva, Çexiya, Türkiyə, Şimali İrlandiya, Gürcüstan Parlamentlərarası dostluq qrupunun üzvü və Cənubi Afrika dostluq qrupunun rəhbəridi.
    Əhməd Vəliyev təkcə təhsil ocaqlarında elmi davamçılarını yetişdirməyib. Övladları da elmi seçərək, uğur qazanıblar. Böyük oğlu Samir Vəliyev ölkənin ən gənc hüquq elmləri doktoru və professoru, qızı Vəfa Vəliyeva həkim, doktorant, kiçik oğlu Munir Vəliyev isə iqtisadçı, iqtisadiyyat üzrə fəlsəfə doktorudu.
    Elmi fəaliyyəti İlham Əliyev tərəfindən qiymətləndirilən Əhməd Vəliyev 25 noyabr 2016-cı il tarixli Sərəncamı ilə “Şöhrət” ordeni ilə təltif olunub. Həm gözəl ata, həm də qayğıkeş baba olan Əhməd müəllimin 8 nəvəsi var.
    Əhməd Vəliyevi rektoru olduğu “Odlar Yurdu” universitetində çox sevirlər. Çünki o hər tələbənin qayğısı ilə maraqlanır. Odlar Yurdu Azərbaycanın bütün qəlbi ilə sevən Əhməd müəllimi təbrik edir, daha böyük uğurlar arzulayırıq!

  • Rahilə DÖVRAN.Yeni şeirlər

    rahileanam

    Şairə-jurnalist-publisist
    Azərbaycan Yazıçılar Birliyinin üzvü,
    “Qızıl qələm” media mükafatı laureatı,

    ŞƏNGÜLÜMLƏ, ŞÜNGÜLÜM

    “Uşaq şeirlərim” – silsiləsindən

    Saqqalları əlçim-əlçim,
    Vardır iki bala keçim.
    Bilmirəm ki, necə seçim?
    Hansı- alagöz Şəngülüm?-
    Hansı qaragöz Şüngülüm?.

    Ikisi də, ala-bula,
    Ikisi də, üzü yola.
    Giribdilər, bax qol-qola,
    Hansı –alagöz Şəngülüm?-
    Hansı- qaragöz Şüngülüm?.

    Səs-küyləri göyə çatır,
    Bir- birinə buynuz atır.
    Biri durur, biri yatır,
    Hansı –alagöz Şəngülüm?-
    Hansı –qaragöz Şüngülüm?…

    ÖMRÜN FƏSİLLƏRİ

    “Mənim dünyam” – silsiləsindən

    Bu dünyada hər şeyin var zamanı,
    Yaradandır nizamlayan hər anı.
    Dərə çəni, dağlar sevər dumanı,
    Yaz gəlməsə axan çaylar çağlamaz,
    Gül- çiçəklər qönçə, buta bağlamaz.

    Yay zamanı hamı sevər yaylağı,
    Zümrüd meşə, yaşıl çəmən, bulağı.
    Yal- yamaclar olar könül oylağı,
    Duman, nə sis qar yağdırıb çığlamaz,
    Şən buludlar, gözün sıxıb ağlamaz.

    Son baharda quşlar çıxar səfərə,
    Elat enər dağdan- düzə, şəhərə.
    Hacət yoxdur ağlamağa, qəhərə,
    Təbiətin taxtı, tacı laxlamaz,
    Ulu dağlar qışda qonaq saxlamaz.

    Ahıl, qoca möhkəm tutar əsasın,
    İstər sürsün hər anının səfasın.
    Fani dünya sonda alar qisasın,
    Dövran, əcəl xəzan çiçək qoxlamaz,
    Payız- yazı, nə qış- yayı haxlamaz…

  • Müzəffər MƏZAHİM.Yeni şeirlər

    mm

    GÖTÜRMƏZ

    Öz yükünü özün daşı,
    Bu dünya şələ götürməz.
    Gözlərindən axan yaşı,
    Bir kimsə ələ götürməz.

    Gözün tox, qəlbin dolusa,
    Bəndəsən, Allah qulusan.
    Getdiyin haqqın yolusa,
    Əyri əmələ götürməz.

    Sevgi ələm yanğısıdır,
    Vüsalsız qəm yanğısıdır,
    Bu od Kərəm yanğısıdır,
    Bu dərdi Lələ görürməz.

    Həyatın hər cür üzü var,
    Eniş-yoxuşu, düzü var,
    Qəlbində ki, qəm izi var,
    Ürəyin çilə götürməz,

    Ömür yollarda əsirdir,
    Hər yolun məramı sirrdir,
    Sonsuzluğun yolu birdir,
    Hər yol əcələ götürməz.

    VAR

    Görünən hər bir şeyin,
    İlkini, təməli var.
    Yaxşılığın, pisliyin,
    Mütləq bir bədəli var.

    Dünya tək şənlik deyil,
    Dərdləri sənlik deyil.
    Uyma, beş günlük deyil,
    Axırı, əvvəli var.

    Varın artsa öyünmə,
    Qürurdan don geyinmə,
    Bəxtin yatsa deyinmə,
    Eniş-yoxuş, bəli, var.

    Asi olma heç zaman,
    Çıx şübhə dumanından,
    Qorxmaz haqq divanından,
    Kimin düz əməli var.

    Həyatın hikmətində,
    İnsanın xislətində,
    Hər kəsin qismətində,
    Allahın öz əli var.

  • Azərbaycan Dövlət Aqrar Universiteti Avropanın “Ən yaxşı universitet”i oldu

    Azərbaycanda aqrar təhsilə Dövlət səviyyəsində qayğı və diqqət bu sahənin inkişafında əsaslı rol oynayıb. Tədrisin təşkilindən tutmuş güclü və müasir maddi-texniki bazanın yaradlmasınadək atılan hər addım da sonda ürək açan uğurlara səbəb olub. Bu günlərdə Azərbaycan Dövlət Aqrar Universitetinin qapısını daha bir sevindirici xəbər döyüb.
    AAzərbaycan Dövlət Aqrar Universitetinin mətbuat xidmətindən Gundelik.info-ya bildiriblər ki, Oksford Akademik Birliyi (Oksford, Böyük Britaniya) təhsil müəssisənin rektoru, professor, AMEA-nın müxbir üzvü İbrahim Cəfərova bir məktub ünvanlayıb. Məktubda deyilir: “Oksford Akademik Birliyi müasir cəmiyyətdə elm və təhsilin nüfuzunun artırılması, elm və istehsalatın inkişafına vermiş olduğunuz töhfəyə görə sizə öz dərin hörmət və ehtiramını çatdırır.
    Elm, texnologiya, təhsil sahəsində ən nüfuzlu Avropa mükafatlarndan biri olan “Ən yaxşı Universitet” mükafatınin təqdimetmə mərasimi Avropanın ən qədim elm və universitet mərkəzi olan Oksfordda, 20 dekabr 2016-ci ildə olacaq. Mərasim, Avropa Biznes Assambleyası (EBA), Avropa Rektorlar Klubu (CRE), Oksford Elm Cəmiyyəti (OAS), güclü ictimai təşkilatlar və dünyanın 46 ölkəsinin ən tanınan professional, elm və yaradıcılıq birliklərinin dəstəyi ilə Beynəlxalq Sokrat Komitəsi tərəfindən həyata keçiriləcəkdir. Tədbir Oksfordda keçiriləcək və liderlərin beynəlxalq sammitinin “Elm və təhsilə yatırım – gələcəyə yatırımdır” adlı proqramı əsasında baş tutacaq. EBA və CRE tərəfindən verilən versiyaya görə dünyanın ən yaxşı universitetlərinin reyestri formalaşdırılıb. Bu reyestr həmin ali təhsil olcaqlarının beynəlxalq nüfuzunu artırmaq məqsədilə yaradılmışdır. Sizin rəhbərliyiniz ilə idarə olunan kollektivin iş fəaliyyəti “Ən yaxşı regional Universitet” reyestr göstəricilərinə tamamilə uyğundur. Göstəricilər isə təhsilin əlçatanlığı (əlverişliyi, təhsil haqqı, qəbul şərtləri), müəllim heyətinin professionallığı, universitetin akkreditasiya səviyyəsi, tələbə və məzunların rəyləri, texniki təminat səviyyəsi, beynəlxalq elmi proqramlarda və eləcə də beynəlxalq mübadilə proqramlarında iştirak, yeni fənnlərin tədrisi, istifadə olunan metodik vəsait və proqramların rəngarəngliyi, beynəlxalq əməkdaşlıq perspektivlərinin mövcudluğundan ibarətdir.
    Sokrat adına Beynəlxalq Nominasiya Komiteti sizin rəhbərlik etdiyiniz ali təhsil müəssisəsini “ən yaxşı universitet” beynəlxalq mükafatına, sizi isə “Elm sahəsi üzrə ilin ən yaxşı top-meneceri (rəhbər) nominasiyasına layiq görmüşdür.
    Hörmətli Ibrahim Həsən oğlu! Məhsuldar elmi, peşə və professional fəaliyyətiniz dünyanın intellektual elitası arasında sizin şərəfli yer tutmağınıza əsas olmuşdur. Biz sizin sammit iştirakçıları arasında nüfuzlu mərasimdə iştirak etməyinizdən şad olarıq. Əminik ki, sammitdəki iştirakınız tədbirin işinə zənginlik qatacaq və Avropanın elm və işgüzar cəmiyyəti tərəfindən müsbət qarşlanacaqdır.”
    Təqdim edilən bu məktub həm də ADAU-nun təhsil səviyyəsinin, müasir maddi-texniki bazasının, bütövlükdə Azərbaycanda aqrar sahə üzrə yeganə təhsil müəssisənin inkişaf istiqamətlərinin Avropa miqyasında da tanınmasının təsdiqidir.

  • Meral Konrat Sumqayıtda

    Türkiyənin tanınmış sənətçisi, “Təhminə və Zaur” filmində yaratdığı “Təhminə” obrazı ilə tanınan Meral Konrat və rejissor Öner Kılıç, aktyor Emre Kızılırmak, digərlər sənətçilər, jurnalistlər şəhərimizdə qonaq olub.
    Sumqayıt şəhər Mədəniyyət və Turizm idarəsi və “Bilik” Tədris Mərkəzinin birgə təşkil etdiyi səfər çərçivəsində xanım sənətçi və yaradıcı heyət yeni tikilən mədəniyyət müəssisələri ilə yaxından tanış olub, şəhərimizdə son bir ildə aparılan abadlıq, tikinti və quruculuq işləri haqqında məlumatlandırılıb.
    Heydər Əliyev Mərkəzi və “Poeziya Evi”ndə olan qonaqlar görülən işlərdən heyrətlərini gizlətməyib, kiçik bir şəhərin sakinləri üçün belə bir şəraitin yaradılmasını alqışlayıblar.
    Qonaqlar həmçinin Sumqayıt Dövlət Dram Teatrında olublar. Teatrda yaradılmış şəraitlə yaxından tanış olan sənətkarlar səhnədə tamaşaçılar qarşısında çıxış ediblər.
    “Belə bir teatr səhnəsində məmuniyyətlə çıxış etmək istərdik”deyən sənətkarlar bu səfərin mədəni əlaqələrin inkişafında mühüm rol oynaya biləcəyini dilə gətiriblər. Tanınmış aktrisa Meral Konrat çıxış edərək, Sumqayıtda ilk dəfə olduqunu və gördüyü mənzərələrin onda xoş təəssürat yaratdığını bildirib.
    Sumqayıt tamaşaçılarına xoş arzularını çatdıran sənətkarlar sonda xatirə şəkli çəkdiriblər.
    Daha sonra Türkiyəli sənətkarlar yeni salınan şəhər bulvarı ilə tanış olublar. Bulvarda gəzintinin onlarda xoş əhval-ruhiyyə yaratdıını bildirən qonaqlar görüşün təşkilinə və mehriban qonaqpərvərliyə görə təşilatçılara öz təşəkkürünü bildirib.
    Sumqayıt mədəniyyət işçiləri adından qonaqlara öz xoş arzularını çatdıran Sumqayıt şəhər Mədəniyyət və Turizm idarəsinin rəisi Mehman Şükürov dəvəti qəbul edib gəldiklrinə görə sənətkarlara öz təşəkkürünü bildirib, belə tədbirdlərin davamlı olacağını vurğulayıb.
    Sonda Türkiyəli sənətçi Sumqayıtın yerli televiziya kanalı və informasiya vasitələrinə müsahibə verib.

    Sumqayıt Şəhər Mədəniyyət və Turizm İdarəsinin Mətbuat xidməti

  • Türkiyənin tanınmış sənətçiləri Sumqayıtın qonaqları oldular

    Türkiyənin tanınmış sənətçisi, “Təhminə və Zaur” filmində yaratdığı “Təhminə” obrazı ilə tanınan Meral Konrat və rejissor Öner Kılıç, aktyor Emre Kızılırmak və digərləri Sumqayıtda qonaq olub.
    Sumqayıt şəhər Mədəniyyət və Turizm idarəsi və “Bilik” Tədris Mərkəzinin birgə təşkil etdiyi səfər çərçivəsində xanım sənətçi və yaradıcı heyət yeni tikilən mədəniyyət müəssisələri ilə yaxından tanış olub, şəhərimizdə son bir ildə aparılan abadlıq, tikinti və quruculuq işləri haqqında məlumatlandırılıb.
    Heydər Əliyev Mərkəzi və “Poeziya Evi”ndə olan qonaqlar görülən işlərdən heyrətlərini gizlətməyib, kiçik bir şəhərin sakinləri üçün belə bir şəraitin yaradılmasını alqışlayıblar.
    Qonaqlar həmçinin Sumqayıt Dövlət Dram Teatrında olublar. Teatrda yaradılmış şəraitlə yaxından tanış olan sənətkarlar səhnədə tamaşaçılar qarşısında çıxış ediblər.
    “Belə bir teatr səhnəsində məmuniyyətlə çıxış etmək istərdik”deyən sənətkarlar bu səfərin mədəni əlaqələrin inkişafında mühüm rol oynaya biləcəyini dilə gətiriblər. Tanınmış aktrisa Meral Konrat çıxış edərək, Sumqayıtda ilk dəfə olduqunu və gördüyü mənzərələrin onda xoş təəssürat yaratdığını bildirib.
    Sumqayıt tamaşaçılarına xoş arzularını çatdıran sənətkarlar sonda xatirə şəkli çəkdiriblər.
    Daha sonra Türkiyəli sənətkarlar yeni salınan şəhər bulvarı ilə tanış olublar. Bulvarda gəzintinin onlarda xoş əhval-ruhiyyə yaratdıını bildirən qonaqlar görüşün təşkilinə və mehriban qonaqpərvərliyə görə təşilatçılara öz təşəkkürünü bildirib.
    Sumqayıt mədəniyyət işçiləri adından qonaqlara öz xoş arzularını çatdıran Sumqayıt şəhər Mədəniyyət və Turizm idarəsinin rəisi Mehman Şükürov dəvəti qəbul edib gəldiklrinə görə sənətkarlara öz təşəkkürünü bildirib, belə tədbirdlərin davamlı olacağını vurğulayıb.
    Sonda Türkiyəli sənətçi Sumqayıtın yerli televiziya kanalı və informasiya vasitələrinə müsahibə verib.

    Sumqayıt Şəhər Mədəniyyət və Turizm İdarəsinin Mətbuat xidməti

  • Şair-jurnalist Rafiq Odayın şeirləri “Azərbaycan” jurnalında çap olunub

    rafiq-oday

    Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar və Jurnalistlər Birliklərinin üzvü, Azərbaycan Jurnalistlər Birliyi Sumqayıt şəhər təşkilatının sədri, respublikanın Əməkdar jurnalisti, “Kümbet” eğitim, kültür, sanat ve edebiyat dergisinin Azərbaycan təmsilçisinin Başkanı, şair-publisist cənab Rafiq Odayın şeirləri Azərbaycan Yazıçılar Birliyinin aylıq ədəbi-bədii orqanı “Azərbaycan” jurnalının noyabr sayında işıq üzü görüb.
    Qeyd edək ki, ”Möhtəşəm Azərbaycan” müstəqil ictimai-siyasi, ədəbi-bədii qəzetinin təsisçisi və baş redaktoru, ”Qızıl qələm”, “Həsən bəy Zərdabi”, “Qafqaz-Media” mükafatları laureatı, şair-publisist Rafiq Odayın şeirləri keçən ilin oktyabr ayında Azərbaycan Jurnalistlər Birliyi Sumqayıt şəhər təşkilatının xətti ilə göndərilib.

    Kamran MURQUZOV,
    Azərbaycanın Mədəniyyət və Ədəbiyyat Portalının
    Mətbuat xidmətinin rəhbəri,
    Azərbaycan Jurnalistlər Birliyinin üzvü

  • Şair-publisist Rafiq Odayın yeni işıq üzü görmüş kitabının elektron versiyası “kitabxana.net” saytında yerləşdirilib

    rafiq-oday

    Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar və Jurnalistlər Birliklərinin üzvü, Azərbaycan Jurnalistlər Birliyi Sumqayıt şəhər təşkilatının sədri, respublikanın Əməkdar jurnalisti, “Kümbet” eğitim, kültür, sanat ve edebiyat dergisinin Azərbaycan təmsilçisinin Başkanı, şair-publisist cənab Rafiq Odayın cari ilin sentyabr ayında “Elm və təhsil” nəşriyyatı tərəfindən işıq üzü görən “Qərib durnalar nəğməsi” kitabının elektron versiyası pdf formatda Yeni Yazarlar və Sənətçilər Qurumu ilə Azərbaycan Yazıçılar Birliyinin tərəfdaşlıq etdiyi Milli Virtual-Elektron Kitabxanada-“kitabxana.net” saytına yerləşdirilib.
    Qeyd edək ki, ”Möhtəşəm Azərbaycan” müstəqil ictimai-siyasi, ədəbi-bədii qəzetinin təsisçisi və baş redaktoru, ”Qızıl qələm”, “Həsən bəy Zərdabi”, “Qafqaz-Media” mükafatları laureatı, şair-publisist Rafiq Odayın yeni işıq üzü görmüş kitabının elektron versiyası sədri olduğu Azərbaycan Jurnalistlər Birliyi Sumqayıt şəhər təşkilatının xətti ilə göndərilib.

    Kamran MURQUZOV,
    Azərbaycanın Mədəniyyət və Ədəbiyyat Portalının
    Mətbuat xidmətinin rəhbəri,
    Azərbaycan Jurnalistlər Birliyinin üzvü

  • Rahilə DÖVRAN.Yeni şeirlər

    rahileanam

    Şairə-jurnalist-publisist
    Azərbaycan Yazıçılar Birliyinin üzvü,
    “Qızıl qələm” media mükafatı laureatı,

    SEVİMLİ DOSTUM, ƏZİZ BACIM RAYA XANIMIN CİYƏRPARASI CULİDANI DOĞUM GÜNÜ MÜNASİBƏTİLƏ TƏBRİK EDİR.
    NƏNƏSİNƏ VƏ VALİDEYİNLƏRİNƏ TƏBRİKLƏRİMİ GÖNDƏRİRƏM. CULİDE

    Nənənin gül balası,
    Gözü mərcan Culide.
    Al yanaqlı lalası,
    Culidə, can Culide.

    Gözümün qarasısan,
    Dərdimin çarasısan.
    Qəlbimin parasısan,
    Culide, can Culide.

    Şükür səni verənə,
    Dünya bəxş edib mənə.
    Xoş sevincsən nənənə,
    Culide, can Culide.

    Ömrün yaz, bahar olsun,
    Allah sənə yar olsun.
    Atan, anan var olsun,
    Culide, can Culide.

    Yaşam –həyat oyunu,
    Böyü, tanıt soyunu,
    Nənə görsün toyunu,
    Culide, can Culide.

    KOROĞLU DASTANI

    “Uşaq şeirlərim” – silsiləsindən

    Babam mənə danışıb,
    “Koroğlu “ dastanını.
    Rövşən necə alıbdır,
    Atasının qanını.

    Hasan Paşa çıxarmış,
    Atasının gözünü.
    Rövşən “misri” qılıncla,
    Demiş ona sözünü.

    Həmin gündən adına,
    Deyilib Qoç Koroğlu.
    Yetib məzlum dadına,
    Olub Vətənin oğlu.

    Çapa-çapa “Qırat”ın,
    Yurd seçib “Çənlibel”i.
    Dastan edib həyatın,
    Qoruyub doğma eli.

  • Kənan AYDINOĞLU.Türkmənçay sülh müqaviləsi ilə ilgili şeirlər

    1902788_614529541965133_896121757_n

    DAĞILSIN TÜRKMƏNÇAY MÜQAVİLƏSİ

    “Dağılsın Türkmənçay müqaviləsi,
    O tayda, bu tayda kədərlə birgə”.
    Müəllif

    On fevral həminki Türkmən kəndində,
    Sənəd imzalanır xalq əleyhinə.
    Ortada ikiyə bölünən vətən,
    Yenə də bölünür rusun xeyrinə.

    Ruslar qarşılayır bunu fərəhlə,
    Onun nə vecinə torpaq kimindi.
    Şimalı cənubdan ayıran zaman,
    Torpaq bizimdisə günah kimindi?!

    Ovuca sığmayan bu Ana torpaq,
    Rusun nəzərində bu gün kiçilir.
    Tökülən millətin bax o al qanı,
    Qədəhə süzülüb
    burda içilir.
    Əsgərlər durubdu dəstəbədəstə,
    Onların içndə biri seçilir.

    Danlaya-danlaya fikri içində,
    Əhdindən indicə dönmək istəyir.
    Əynində boz şinel, başında papaq,
    Elə bil kim isə dinmək istəyir.

    Bax budur həminki bizim qəhrəman,
    Yenə də içində fəryad qoparır.
    Fikirlər, duyğular aləmi onu,
    Özündən uzağa-haqqa aparır.

    Səhərdən ətrafa boylanan günəş,
    Ömrü gül-çiçəklə yenə bəzəyir.
    Axı o neyləsin onun da ömrü,
    Aldanmış sahibsiz itə bənzəyir.

    SƏNƏD İMZALANDI TÜRKMƏN KƏNDİNDƏ

    “Pozulsun Türkmənçay müqaviləsi,
    Nə hücum, nə qırğın, nə bir dərd olsun”.
    Nəriman Həsənzadə

    Sənəd imzalandı Türkmən kəndində,
    İkiyə bölündü bu ana torpaq.
    Düzü, gözləməzdim rus öz əliylə,
    Xalqın tarixinə kədər yazacaq.

    Şimalla cənubu ayrı saldılar,
    O tayda, bu tayda axdı göz yaşı.
    Araz da çağladı tarixlə birgə,
    Yasa qarışanda millətin başı.

    Təbriz qardaşından ayrı düşəndən.
    Bakının gözləri yenə yol çəkir,
    İnana bilməsən həmin sənədə,
    Gəl, gör ki, millətin başı nə çəkir.

  • Polad SABİRLİ.Yeni şeirlər

    Polad Sabirli

    Şair etdilər

    Tək özün düşünər, düşüncəsi dar,
    Elə nəsə umar, kara gəlməz o.
    Könül ovundurmaz, ancaq qəlb qırar,
    İnsafa gəlməz o, ara gəlməz o.

    Hərə öz kefində, öz halındadı,
    Zənmətsiz qazanclar, başa dəyibdi.
    Kişinin vüqarı kamalındadı,
    O qədər sözüm var, daşa dəyibdi.

    Haqq-divan olmayıb, yoxdu bu yerdə,
    Oturub haqlıyla, haqsız diz-dizə.
    Haqqı tanımayan çoxdu bu yerdə,
    Haqsıza rast gəldim, haqq gəzə-gəzə.

    Özümə güvənib qələbə çaldım,
    Məni mən eləyən, mənliyim oldu.
    Haqqı uca tutdum, özüm ucaldım,
    Haqqa aparan yol, ən ali yoldu.

    Arzularım yatıb köksümdə dən-dən,
    Hər nə etdilərsə, bir-bir etdilər.
    İndi minnətdaram, ətrafıma mən,
    Mənə dərd verdilər, şair etdilər.

    Hər kəs vicdanıyla, qalsın baş-başa,
    Bir belə təlaşdan, kar aşmaz Polad.
    İnsanlıq məhv olub, dönməsin daşa,
    Bədbin olmaq sənə, yaraşmaz Polad.

    10.08.2015.

    Ömrü

    Haqq ucadır, biz quluyuq,
    Vermək olmaz boşa ömrü.
    Olmasın buz kimi soyuq,
    Döndərməyək qışa ömrü.

    Həyatın hər naxışında,
    Hər kəs yaşar öz xoşunda,
    Ey gül, eniş yoxuşunda,
    Bir keçirək qoşa ömrü.

    Odda qovrul, közdə yaşa,
    Ürəkdə qal, gözdə yaşa,
    Xoş müqəddəs sözdə yaşa,
    Qoyma dəysin daşa ömrü.

    Saç ağardıb yüz çağında,
    Ata baba ocağında,
    Aşiqinin qucağında,
    Kim vurmaz ki, başa ömrü?

    Qəlb oxşayar ismətli yar,
    Abır, həya, mərifət, ar,
    Polad, bil ki, hər üzü var,
    Sevə-sevə yaşa ömrü.

    2.01.2015.

  • Təvəkkül GORUSLU.Yeni şeirlər

    tm

    MISRAMSAN MƏNIM!

    Camalın ay kimi, xoşdur niyyətin,
    Görənlər gizlədə bilmir heyrətin,
    Sən mənim ismətim, namus, qeyrətim,
    İgid xatunumsan, Saramsan mənim!

    Gündə milyon kərə kəşf eləsm də,
    Taleyə, ömrümə yar diləsəm də,
    Şerimlə, sətrimlə vəsf eləsəm də,
    Hələ deyilməmiş misramsan mənim!

    Sən mənim dağ gülüm, yanağı laləm,
    Telləri alnında cığalı haləm,
    Nə vaxtdır vurğunam, sənə mailəm,
    Qaşları, gözləri qaramsan mənim!

    RUhum səndə qalıb, gözüm sənlədi,
    Nitqim səndə qalıb, sözüm sənlədi,
    Qəlbim səndə qalıb, özüm sənlədi,
    Canıma, ürəyə paramsan mənim!

    06. 11. 2016

    ..NƏ DƏ İSTƏYİM

    Tanrı üz göstərmir, dönübsə yada,
    Əlim asılısa, yetmirsə dada,
    Ümidi, arzunu atmışam oda,
    DAha nə arzum var, nə də istəyim!

    İçimdə baharım qışa dönübdü,
    Ürəyim bir parça daşa dönübdü,
    İztirab gözlərdə yaşa dönübdü,
    Daha nə arzum var, nə də istəyim!

    İndi zirvəsində soyuyan qaram,
    İndi sinə üstdə çalmayan taram,
    Ürəkdə qan saçır, sızlayır yaram,
    Daha nə arzum var, nə də istəyim!

    İndi sözə baxmır sərrast yerişim,
    DƏyişib, tərsinə dönüb gərdişim,
    Daha bacarmıram tutum, dirəşim,
    Daha nə arzum var, nə də istəyim!

    06 11 2016

  • Müzəffər MƏZAHİM.Yeni şeirlər

    mm

    ÇOX DA ARXALANMA

    Güvənmə rütbəyə, səlahiyyətə,
    Dağ olsan qəddimi əyməz varlığın.
    Çox da arxalanma vara, dövlətə,
    Bircə misrama da dəyməz varlığın.

    Bu gün hökm sənin, meydan sənindir,
    Çap yalın atını belədən belə.
    Yer sənin, göy sənin, ümman sənindir,
    Nə qədər istəsən xor bax bu elə.

    “Burda mən, Bağdadda kor xəlifədir,
    Kimsə çıxa bilməz qarşıma “— dedin.
    “Burdakı nemətlər mənə töhfədir,
    Qonub şahlıq quşu başıma”—dedin,

    Dövləti taladın doymadı gözün,
    Yetim-yesirin də haqqını yedin,
    O qədər qudurdun, sırtıldı üzün,
    “Mənəm bu yerlərin allahı”—dedin.

    Vətən səlahiyyət, rütbə verəndə,
    Nəfsə yox, güvənər adam ağlına.
    Millət qəhrəmanı olmaq yerinə,
    Oldun xalq düşməni, qadam ağlına.

    BİR DƏ XƏBƏR TUTURSAN Kİ…

    Bu dünya xəlbir dünyadır,
    İçində saxlamaz bizi.
    Gəlib sahmana salarıq,
    Gedəndə ağlamaz bizi.

    Hər gün keçdiyim yolları,
    Oxuyub bitirəm gərək.
    Daşıdığım qısa ömrü,
    Mənzilə yetirəm gərək.

    Qırılan son umuddan da,
    Sıxılır canı admaın.
    Azca qara buluddan da,
    Qaralır qanı adamın.

    Hər şey verib Tanrı, hətta,
    Aşımızı qarışdırır.
    Ömrü də oyuncaq verib,
    Başımızı qarışdırır.

    Bir də xəbər tutursan ki,
    Bir anlıq aman qalmayıb.
    Ruh da yır-yığış eləyib,
    Qalmağa zaman qalmayıb.

  • Beynəlxalq Həmkarlar İttifaqları Konfederasiyasının MDB ölkələrinin üzv təşkilatlarının nümayəndələri “Azərikimya” İstehsalat Birliyində olmuşlar

    Bakıda Beynəlxalq Həmkarlar İttifaqları Konfederasiyası Pan Avropa Regional Şurasının MDB ölkələrinin üzv təşkilatları üçün Sağlamlıq və Təhlükəsizlik üzrə təşkil etdiyi – “Əməyin mühafizəsi, istehsalat təhlükəsizliyi, ekoloji risk və təhlükələrə dair həmkarlar ittifaqları siyasətinin əsas istiqamətləri” mövzusunun müzakirəsinə həsr olunmuş 3 günlük beynəlxalq seminar çərçivəsində böyük bir nümayəndə heyəti “Azərikimya” İstehsalat Birliyində olmuşdur.
    Rusiya, Belarusiya, Qazaxıstan, Gürcüstan, Qırğızıstan, Moldova, Ukrayna, Özbəkistan, həmçinin Beynəlxalq Həmkarlar İttifaqları Konfederasiyasınin Brüssel və Moskva ofislərini təmsil edən 15 nəfərlik nümayəndə heyətini Azərbaycan Həmkarlar İttifaqları Konfederasiyasının Baş texniki inspektoru Arqutin Vladimir Vasilyeviç və Neft və Qaz Sənayesi İşçiləri Həmkarlar İttifaqı Respublika Komitəsinin Baş texniki inspektoru İsrafil Əliyev müşayiət edirdi.
    Qonaqlar “Azərikimya” İB-nin əsas istehsalat müəssisəsi olan Etilen-polietilen zavodunun bütün ərazisini gəzmiş, müəssisənin Buxar-generator, Azot-oksigen və Susoyutma kompleksləri, Mütləqləşdirilmiş izopropil spirti qurğusu, İstehsalata və keyfiyyətə nəzarət, sənaye-sanitar sahələrini özündə birləşdirən laboratoriya, həmçinin Propan-propilen fraksiyasının kükürdlü birləşmələrdən təmizlən¬məsi və Butan-butilen fraksiyasının hidrogenləşməsi qurğuları ilə tanış olmuş, kimyaçılarla iş başında görüşüb söhbət etmişlər.
    Qonaqlara məlumat verilmişdir ki, əmək şəraitinin yaxşılaşdırılması, təhlükəsiz iş yerlərinin yaradılması, əməyin mühafizəsinin təkmilləşdirilməsi, ətraf mühitə və ekologiyaya neqativ təsirlərin, bədbəxt hadisələrin, istehsalat qəzalarının və peşə xəstəliklərinin qarşısının alınması, əməkçilərin həyatı üçün təhlükə do¬ğura biləcək risklərin aradan qaldırılması “Azərikimya” İstehsalat Birliyində prioritet məsələlərdəndir və SOCAR-ın strukturuna verildikdən sonra bu istiqamətdə mühüm addımlar atılmışdır. Zəhərli və zərərli, müvafiq standartlara cavab ver¬mə-yən, şəhərin ekolo¬giyasına mənfi təsir göstərən bütün istehsalatlar ləğv edilmiş, “Azərikimya” İB-nin əsas istehsal sahəsi olan “Etilen-polietilen” zavodunda isə hərtərəfli yenidənqurma və modernizasiya işlərinə start verilmişdir. Hazırda Birlik müəssisələrində əməyin mühafizəsi istiqamətində görülən işlər “Azərbaycan Neft Sənayesində Əməyin Mühafizəsinin Vahid İdarəetmə Sistemi”nin tələblərinə uyğun təşkil edilmişdir. Yeni inzibati və məişət binalarının tikilib istifadəyə verilməsi kimyaçıların həm iş, həm də məişət şəraiti xeyli yaxşılaşdırmışdır. Bütün fəhlə və mühəndis-texniki işçilər fərdi mühafizə vasitələri ilə yüz faiz təmin olunmuşlar. “Paşa Sığorta” ASC ilə bağlanmış müqavilə əsasında “Azərikimya” İB üzrə bütün işçilər könüllü tibbi sığortalanmışdır. İl ərzində hər bir işçi siğorta şirkəti ilə əməkdaşlıq edən respublikamızın 40-a yaxın tibbi klinikalarında 50 min manat dəyərində müayinə və müalicədən bəhrələnmək imkanı əldə etmişlər.
    Nəticə etibarilə, əməyin mühafizəsi istiqamətində mühəndis-texniki işçilər və fəhlələr arasında maarifləndirmə işinin aparılmasına geniş yer verildiyinə, əməkçilər üçün sağlam və normal iş şəraiti yaradıldığına görə “Azərikimya” İB-nin kollektivi Ümumdünya əməyin mühafizəsi günü çərçivəsində Əmək və Əhalinin Sosial Müdafiəsi Nazirliyinin təşkilatçılığı ilə keçirilən konfransda Azərbaycan Həmkarlar İttifaqı Konfederasiyasının sağlam və təhlükəsiz əmək şəraitinin yaradilmasi üzrə “İlin ən yaxşi müəssisəsi” devizi altında keçi¬rilən respublika müsabiqəsinin qalibi elan olunmuş və fəxri fərmanla təltif olunmuşdur.
    Qonaqlara həmçinin 2019-cu ilə qədər həyata keçirilməsi planlaşdırılan və hazırda istiqamətdə işlərin davam etdirildiyi yeni layihələr haqqında da ətraflı məlumat verilmişdir.
    Müəssisənin ərazisinin təmizliyinə, yaradılmış səliqə-səhmana, yaşıllıq zolaqlarının həcminə məmnunluqlarını ifadə edən nümayəndə heyətinin üzvləri, belə bir şəraitin əksər MDB olkələrinin müəssisələrində olmadığını etiraf etmişlər.

    Rafiq Oday,
    Əməkdar jurnalist

    Vüqar Abdullah (foto)

  • «Təhqiqat» -dan başlayan jurnalist ömrü

    Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət dəstəyi Fondu yaranandan sonra müxtəlif məzmunlu müsabiqələrin təşkili media nümayəndələrini bir araya gətirdi. Bu müsabiqələr bizə ayrı-ayrı mətbuat orqanlarında çalışan həmkarlarımızın yaradıcılığı ilə daha yaxından tanış olmaq imkanını qazandırdı.
    Heç yadımdan çıxmır. 2014-cü il idi. Fond yeni il ərəfəsində Rabitə və İnformasiya Texnologiyaları Nazirliyi ilə birgə fərdi yazı müsabiqəsi təşkil etmişdi. Mən də qatıldım. Düzü bu sahə mənim tez-tez yazı hazırladığım sahə olmadığından çox axtarışlar etdim. Yazı ilə bağlı kifayət qədər məlumat toplamaq məqsədilə neçə-neçə kitab, jurnal mütaliə etməli oldum. Sonda çox maraqlı və fərqli bir yazı alındı. Yazını fonda təqdim etdikdən sonra internet vasitəsilə digər həmkarlarımın yazısını da gözdən keçirdim. Artıq fərqi hiss edirdim. Mövzuya baxış bucağımın fərqli prizması mənə müsabiqədə uğur qazanmağım üçün ümid verirdi. Etiraf edim ki, oxuduğum yazılar da peşəkarlıqla hazırlanmışdı. Sadəcə onları birləşdirən «süjet xətti» idi. Sanki bütün jurnalistlər mövzuya eyni baxış bucağından yanaşırdılar. İnformasiya baxımından zəngin olan bu yazılar biri digərinin təkrarını xatırladırdı. Oxuduğum yazılarda yeni informasiya görmədim…
    Nə isə… Uzun sözün qısası, müsabiqə yekunlaşdı. Və çox az jurnalist müsabiqənin qalibi adını qazandı. Müsabiqədə üç əsas, 10 nəfər isə həvəsləndirici yerə layiq görüldü. Mən də o qaliblər sırasında oldum. Həmin müsabiqədə birinci yeri «Olaylar» İnformasiya Agentliyinin müxbiri qazandı. Bu Samir Güləliyev idi. Düzü nəticələrdən sonra müsabiqəyə təqdim olunan yazıları oxuya bilmədim. Samirin o yazını necə yazması, hansı məqamlara toxunması mənim üçün maraqlı olsa da, məqalə ilə tanış olmağa zamanım olmadı. O zaman atam dünyasını yenicə dəyişmişdi. Müsabiqənin nəticələrinə həsr olunan tədbirə də kədərli qatılmışdım…
    Növbəti dəfə Samir Güləliyevin imzasına KİVDF-nin təşkilatçılığı ilə nəşr olunan 100 ən yaxşı məqalədən ibarət olan topluda – «Sözün zirvəsində» adlı kitabda rast gəldim. Bu kitabda Samirin «Erməni həyasızlığı erməni dilində» adlı məqaləsi dərc olunub.(bax:Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu, «Sözün zirvəsində», Bakı-2015, səh. 99)
    Samir Güləliyev imzası mətbuatda kifayət qədər tanınan imzalardandır. Bu da təsadüfi deyil. Samir bu imzanı zəhməti ilə tanıdıb. Tanrı ona istedad və savadla yanaşı hadisələrə özünəməxsus baxış bucağından yanaşmaq, təhlil etmək, analiz etmək kimi bacarıqları da bəxş edib. Məhz buna görə də Samir Güləliyev imzası mətbuatda seçilib, fərqlənib.
    Ağsu rayonunun Bico kəndində ziyalı ailəsində doğulub Samir Güləliyev. Rayonun Bico kəndindəki orta məktəbdə təhsil alıb. Orta təhsilini əla qiymətlərlə bitirib, Əlibəy Hüseynzadə adına Azərbaycan Dövlət Mədəniyyət və İncəsənət Universietinin Bədii Yaradıcılıq fakültəsinə daxil olub. Bu universitetdə «teatr kollektivinin aktyoru və rejissoru» ixtisası üzrə təhsil alan Samirin arzuları köksünə sığmayıb. Yaradıcılığa olan həvəsi onu mətbuat aləminə gətirib. Məhz elə buna görə də ikinci təhsilini Bakı Dövlət Universitetinin jurnalistika fakültəsində alıb.
    Tədbirlərin birində söhbətimiz əsnasında Samirə – «jurnalistikanı sevmisənmi?» – deyə müraciət etdim. Cavabı qısa oldu: – «hə»… Sonra da bu fakültə uğrundakı mübarizəsindən danışdı. Söhbətimizdən məlum oldu ki, sən demə Samir bu arzusunu həyata keçirmək üçün böyük bir «savaş»göstərib, çətin mübarizələri arxada qoyub. Düzü inadkarlığı, mübarizəsi diqqətimi çəkdi.
    Samirin mətbuata gəlişi 1996-cı ilə təsadüf edir. Onun ilk məqalələri məhz o zaman işıq üzü görüb. 1997-ci ildə «Təhqiqat» qəzetinin baş redaktorunun müavini, 1998-ci ildə həmin qəzetin baş redaktoru olub. 2002-ci ildən isə «Olaylar» İnformasiya Agentliyində jurnalist kimi fəaliyyətini davam etdirib. 2005-ci ildən həmin agentliyin Prezident Administrasiyasında akkreditasiya olunmuş müxbiri olub. 2015-ci ilin noyabr ayından «Trend» İnformasiya Agentliyində çalışır.
    Samir Güləliyev KİVDF- nin keçirdiyi fərdi yazı müsabiqələrində həmkarlarından fərqlənib, əsas yerlərin qalibi olub. Bu il həmkarımız Samir Əlinin fəaliyyətinin 20 ili tamam olur. Jurnalist üçün 20 illik təcrübə qısa zaman kəsiyi deyildir. O bu illər ərzində müxtəlif mövzularda araşdırmalar edib, Azərbaycan jurnalistikasında bir jurnalist kimi özünü təsdiqləyib, sözünü deyə bilib. Samir Güləliyev sözün həqiqi mənasında vətəndaş, Vətənə layiqli övlad olmağı bacarıb.
    Samir Güləliyev yaxşı jurnalist olmaqla yanaşı həm də gözəl insan, sədaqətli dostdur. «Olaylar» İnformasiya Agentliyindəki uzun müddətli fəaliyyəti dövründə kollektivin sevimli üzvünə çevrilib. O bu gün doğma kollektivdən ayrılmasına baxmayaraq, dostları ilə tez-tez əlaqə saxlayır.
    Bir gün söhbətlərimizin birində Samirin kədərli olduğunu hiss etdim. O bildirdi ki, dostlarından biri dünyasını dəyişib. Bu hadisə ona çox təsir etmişdi. Və mən ona telefon vasitəsilə xeyli təsəlli etməyə çalışdım. Həmin gün Samirin dostluqda etibarlı olduğunun şahidi oldum. Və həmkarımın nə dərəcədə dostcanlı olmasını özüm üçün kəşf etdim.
    O, «Trend»in yaradıcı kollektivi arasına yenicə qatılıb. Burada da öz işinə məsuliyyəti, dəqiqliyi ilə rəhbərliyin etimadını qazana bilib, məhz ona görə də kollektivdə hörmət və nüfuz sahibi kimi tanınır.
    Samir haqqında hazırladığım yazını təsadüfdən yazmadım. Düzü hər dəfə qələm özgələrindən yazıb. Biz jurnalistlər hər gün müxtəlif məzmunlu informasiyaları yayım üçün hazırlayır, vaxtın zamanın necə keçdiyini hiss etmirik. Bu dəfə isə özümüzdən – həmkarımız Samir Güləliyevdən yazmağa çalışdım…
    Son olaraq dəyərli qələm dostumuzu, istedadlı jurnalist Samir Güləliyevi fəaliyyətinin 20 ili, həm də bu günlərdə qeyd etdiyi ad gününü münasibətilə, bütün dostları adından təbrik edir, ona uğurlar arzulayırıq. Arzu edirik ki, Samirin sözü heç vaxt tükənməsin. Onun səsi-sədası hər zaman yüksəkliklərdən eşidilsin. Ən əsası isə ürəyindəki yaradıcılığın odu daim yanar olsun.

    Dilşad Xaqaniqızı,
    «Təhsil problemləri»

  • BMT-nin nümayəndəsi Azərbaycan Dövlət Aqrar Universitetində

    Gəncədə BMT-nin Mərkəzi Asiya ölkələrinin iqtisadiyyatları üçün Xüsusi Proqramının (SPECA) “Əməkdaşlıq vasitəsilə davamlı inkişaf məqsədlərinin həyata keçirilməsinin gücləndirilməsi” mövzusunda keçirilən forum çərçivəsində qrumun Asiya və Sakit okean regionu üzrə İqtisadi və Sosial
    Komissiyasının (UNESCAP) icraçı katibinin davamlı inkişaf üzrə müaviniKaveh Zahidi Azərbaycan Dövlət Aqrar Universitetində olub.
    Azərbaycan Dövlət Aqrar Universitetinin mətbuat xidmətindən Gundelik.info-ya bildiriblər ki, Azərbaycan Dövlət Aqrar Universitetinin rektoru, professor, AMEA-nın müxbir üzvü İbrahim Cəfərov qonağı qəbul edib, universitetə gəlməsindən məmun olduğunu bildirib. Sonra universitetin əməkdaşlıq qurduğu dövlətlər barədə ətraflı məlumat verib. Ən sası BMTnin (UNESCAP) universitetlə hansı layihələrdə əməkdaşlıq etmək arzusunu bildirib. Deyib ki, ADAU-xarici əməkdaşlığa önəm verən aqrar sahə üzrə tək və ilk ali təhsil ocağı kimi, beynəlxalq konfransların keçirilməsi və tələbə, müəllimlərin xarici universitetlərə göndərilməsini prioritet məsələ hesab edir. Azərbaycana yüksək ixtisaslı kadrlar lazımdır. Dünya ilə ayaqlaşmaq və qlobal problemlərlə mübarizə aparmaq üçün lokal düşünmək deyil, məsələ daha geniş prizmadan baxmaq və çox çalışmaq lazımdır.
    Kaveh Zahidi isə dəvətə və əməkdaşlıqda göstərilən marağa görə təşəkkürünü bildirib, əlavə edib ki, qlobal məqsədlərə nail olmaq üçün ilk növbədə onu təmin edəcək bir mühitə ehtiyac var. Bu mühit isə yüksək səviyyəli texnika və texnologiyaların cəlb edilməsini tələb edir. Baxmayaraq ki, kənd təsərrüfatı üzrə BMT-nin ixtisaslaşmış qurumu müstəqil fəaliyyət göstərən Ərzaq və kənd təsərrüfatı təşkilatıdır (FAO), Asiya və Sakit okean regionu üzrə İqtisadi və Sosial Komissiyasının (UNESCAP) da xüsusən davamlı inkişaf və ərzaq təhlükəsizliyi məsələləri baxımından kənd təsərrüfatı ilə yaxından əlaqəsi vardır. Qonaq eyni zamanda dünyadakı aclıq və səfalətin kökündə ərzaq təhlükəsizliyi probleminin olduğunu, insanların kifayət qədər informasiyaya shaib olmadıqlarını və dünyadakı bütün ölkələrin birgə yaratdığı problem olduğunu da vurğulayıb.
    Rektor İbrahim Cəfərov fikirə münasibət olaraq bizim siyasətə qarışmadığımızı, amma siyasətin birbaşa bizim həyatımıza müdaxilə etdiyini bildirib. Kür çayının çirklənməsinin Xəzər dənizində nərə balıqlarının həyatına son qoyduğunu, və bu balıq növünün 80 faizinin Xəzər dənizində olduğunu deyib. Bundan əlavə, bütün ərzaq təhlükəsizliyi məsələlərinin yalnız bir yerə aid olmadığını bunun qlobal bir məsələ olduğunu nəzərə çatdırıb.
    Rektorun sözləri ilə razılaşan qonaq əlavə edib ki, yeni qəbul edilən strateji plana görə ərzaq təhlükəsizliyi, davamlı inkişaf məsələləri artıq kənd təsərrüfatı və bu kimi sektorlardan kənar, müstəqil bir bölmə kimi öyrənilir və nəzərə alınır.
    Sonda Kaveh Zahidi Aqrar Universitetə hər hansı bir layihələrin həyata keçirilməsi üçün kontaktların verilməsinə və bu işdə yardımçı olacağına söz verib. Kaveh Zahidi həmçinin universitetin mühəndislik korpusu ilə də yaxından tanış olub.

  • Yalçın YÜCEL.”Seni düşünmek”

    175054_178868168822977_4360000_o

    Azerbaycanın Kültür ve Edebiyat Portalının Türkiye temssilcisi

    Bir güne koyamam ki seni
    Bir günde gülümsetemem ki
    Onca yükler yüklenmişken üstüne
    Onca acılar, hüzünler
    Nasıl sığarsın ki, bir güne öğretmenim?
    Kara önlüğü giydiğim o ilk gündü
    Hatırlıyorum, kapıdan uğurlamıştı anam
    Ve çamur yollarını geçerek
    Ve korku büyüterek içimde
    O kapıdan girmiştim; yırtık ayakkabılarımdan utanarak
    Sanıyordum ki kızacaksın
    Gölgen düşecek üstüme
    Ve yanıldığımı anladığım
    Sınıfa girdiğinde
    O güleç yüzünle
    Ne günlerdi o günler
    Dertleşmek isterdim yanına gelerek
    Duydum ki ayrı düşmüşsün bu yaşamdan
    Mezar taşın varmış yalnızca
    Yaptıramamışlar belli ki
    Hatırlıyorum
    Yamalı bir elbisen vardı, lacivert
    Onu giyerdin her gün
    Benim yırtık ayakkabılarım gibi
    Şimdi bende bir öğretmenim
    Doğuda, yoksul bir köyde işte
    Fakat çocuklar vardı, gözleri ışıl ışıl
    Yürekleri senin yüreğin gibi zengin
    Ve birlikte süslüyoruz zamanı, Atatürk’ü konuşurken
    Nasıl koyarım seni bir güne şimdi
    Nasıl sığdırırım o küçük günün içine
    Sevgin yüce dağları aşmışken
    Geçmişken ulu nehirleri
    Seni bir günle değil, günlerle kucaklarım.
    YALÇIN YÜCEL
    TÜM ÖĞRETMENLERE SAYGI VE SEVGİYLE…

  • Harika UFUK.Yeni şiirler

    h

    Azerbaycanın Kültür ve Edebiyat Portalının Türkiye temssilcisi

    ÖĞRETMENLER GÜNÜMÜZ KUTLU OLSUN.

    Öğretmenim Sevgi Koçer’e saygıyla…

    ÖĞRETMENİM

    Küçük bir filizdim, şimdi dal oldum,
    Hep senin sayende, can öğretmenim!
    Bin bir emeğinle şimdi al oldum,
    Seninle renk buldum, ben öğretmenim!

    Sen yokken bu âlem bilmece idi,
    Sensiz gündüzlerim hep gece idi,
    Adın dudağımda hep yüce idi,
    Aydınlattın beni, sen öğretmenim!

    Çocuktum, minicik, güçsüz bir kuldum,
    Senin ilmin ile geliştim, doldum,
    Bana yön gösterdin, gerçeği buldum,
    Damarımda akan kan öğretmenim!

    Uzattın sevgiyle, dost idi elin,
    Güzel sözler dedin, tatlıydı dilin,
    Tayin olup geldin, farklıydı ilin,
    Karanlığa doğan gün öğretmenim!

    Elimde kalemle yazımda sensin,
    Ağzımda, dilimde, sözümde sensin,
    Bana ufuk açan gözümde sensin,
    Bugün öğretmenim, dün öğretmenim!

    Harika yurdumda çiçek öğretmen,
    Bilgilerle dolu petek öğretmen,
    Vatanı süsleyen bezek öğretmen,
    Atatürk yolunda ün öğretmenim!

    HARİKA UFUK
    ADANA
    21 KASIM 2008
    SAAT: 14.00

    NOT: Bu şiir Edebiyat Defteri adlı Türkiye’nin en büyük şiir sitelerinden birinde 24 Kasım 2013’te “Uğur Böceği” ile ödüllendirilmiştir.

  • Zeynəb DƏRBƏNDLİ.Yeni şeirlər

    11665411_1690704784490598_9087155491968421030_n

    Azərbaycan Jurnalistlər Birliyinin Sumqayıt şəhər təşkilatının Gündəlik Analitik İnformasiya Agentliyi və Azərbaycanın Mədəniyyət və Ədəbiyyat Portalının “Cənubi Qafqaz Xalqları üzrə xüsusi müxbir”i,
    İraq Türkmən Yazarlar Birliyinin, Dərbənd Ədəbiyyatçılar Birliyinin, Azərbaycan Yazıçılar Birliyinin üzvü

    OLUR

    Nə ağırmış bu dünyanın gedişi,
    Gəlişimiz bayram olur toy olur.
    Nə zamansa bu dünyadan köçməmiz,
    Ağrı olur, haray olur, vay olur.

    Ata Ana sevinir biz gələndə,
    Laylay süzür Anaların dilində.
    Görürsən ki, vaxt yetişib öləndə,
    Arzuların, əməllərin zay olur.

    Gəlişinlə dünyada yer edirsən,
    Həyat boyu taleyini güdürsən.
    Vaxt yetişir bu dünyadan gedirsən,
    Arxanca göz yağışları çay olur.

    Zeynəb, səndə tanı fani dünyanı,
    İtirdin qardaşı, Ata, Ananı.
    Bu həyatda, xoşbəxt gün görən hanı,
    Hərə üçün dərddən, qəmdən pay olur.

    QARDAŞ YARASI

    Gözümü yumuram, gözümdə odur,
    Həsrətdən saralan üzümdə odur.
    Hər dilimə gələn, sözümdə odur,
    Necə ağır imiş qardaş yarası.

    Ətrafa baxıram yanımda odur,
    Cismimdə qaynıyan canımda odur.
    Damarımda odur, qanımda odur,
    Necə ağır imiş qardaş yarası.

    Əlimi açıram, əlimdə odur,
    Sızlayan qəlbimdə, dilimdə odur.
    İçim odsuz yanır külümdə odur,
    Necə ağır imiş qardaş yarası.

    Zeynəbəm, bu ağır cağımda odur,
    Gülü xəzan olmuş bağımda odur.
    Zirvəsi qan sızan dağımda odur,
    Necə ağır imiş qardaş yarası

  • Kənan AYDINOĞLU.”Nəriman Həsənzadəyə”

    1902788_614529541965133_896121757_n

    “Yenə gözlərindən həsrət tökülür,
    bu səhər sübh çağı işıq yerinə”.
    Müəllif

    Yenə də yol çəkir gözlərin, şair,
    Duyub yaşadıqca ömrün gününü.
    Bəzən də bir insan tapa bilməyir,
    Sevib-sevilməyin əsl yönünü.

    Amma bu işdə də təcrübən çoxdu,
    Çünki sən bir ömrü girov qoymusan.
    Qadınsız bir ömrün hər bir anını,
    Qadınsız yaşayıb birgə duymusan.

    Dərd-səri saydıqca sətirbəsətir,
    Mətləbdə gəlmədin de, hara qədər?!
    Bəlkə də sevmirdi Fərhad Şirini,
    Həsrətin çəkdiyin bir Sara qədər.

  • Nəğməkar-şairə Zeynəb Dərbəndli şeiri “Pinar” dərgisində çap olunub

    Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar Birliyinin üzvü, “Cəsarətli qələm” media mükafatı laureatı, nəğməkar-şairə Zeynəb Dərbəndlinin “Elim Karabağ” şeiri Türkiyə türkcəsində İraq Respublikasında ən böyük 4-cü böyük şəhəri Kərkükdə fəaliyyət göstərən “Pinar dərgisində çap olunub.