Azərbaycan Respublikasının Prezident Təqaüd Fondunun təqaüdçüsü, Azərbaycan Yazıçılar Birliyinin üzvü
Arzular çəp görünür
Ömür yanımdan ötür
Bir kölgə, bir fon kimi.
Arzular çəp görünür,
Sonuncu vaqon kimi.
Deyən, dərdə xoş gəlir
Sifətimin ağlığı.
Nə qədər gözləyəcəm,
Burax bu uşaqlığı.
Ürəyin ağ varaqdı,
Bir kəlmə yaz, uzat, qız.
Mən gəlməyən yollara,
Gözünü az uzat, qız.