Ədəbiyyat İnstitutunda Məmməd Cəfər Cəfərova həsr olunmuş elmi sessiya keçirilib

https://c.radikal.ru/c34/1912/0c/0cf49c6477a5.jpg

https://d.radikal.ru/d28/1912/3c/5a86e75a0b5b.jpg

https://a.radikal.ru/a21/1912/45/28747eb187f8.jpg

Azərbaycan Milli Elmlər Akademiyası Nizami Gəncəvi adına Ədəbiyyat İnstitutunda AMEA-nın Humanitar Elmlər Bölməsinin təşkilatçılığı ilə “Akademik Məmməd Cəfər Cəfərov və Azərbaycan humanitar elminin müasir problemləri” mövzusunda elmi sessiya keçirilib.
Tədbiri giriş sözü ilə AMEA-nın vitse-prezidenti, Nizami Gəncəvi adına Ədəbiyyat İnstitutunun direktoru, akademik İsa Həbibbəyli açaraq elmi sessiyanın Azərbaycan Respublikası Prezidentinin 15 aprel 2019-cu il tarixli “Akademik Məmməd Cəfər Cəfərovun 110 illiyinin qeyd edilməsi haqqında” Sərəncamına uyğun olaraq keçirildiyini bildirib. Akademik İsa Həbibbəyli Məmməd Cəfər Cəfərovun hərtərəfli şəxsiyyət olmasından, onun bir ədəbiyyatşünas, tənqidçi kimi fəaliyyəti ilə birgə, dilçilik, folklor, estetika, teatrşünaslıq, tarix və digər sahələrdə də araşdırmalarından bəhs edib.
Akademik İsa Həbibbəyli əlavə edib ki, Məmməd Cəfər Cəfərov nədən yazırsa yazsın, o, ilk növbədə konseptual baxışlara malik olan nəzəriyyəçidir. Akademikin bu tipli tədqiqatlarına nümunə olaraq “Nizaminin fikir dünyası”, “Hüseyn Cavid” və digər əsərlərinin məziyyətlərindən danışıb. Həmçinin Məmməd Cəfər Cəfərovun öz məktəbini yaratması haqqında da fikir bildirib. Bunlardan başqa alimin “Get dolangilən, xainsən hələ” tragikomediyasının tapıldığını, çap olunaraq Naxçıvanda tamaşaya qoyulduğunu diqqətə çatdırıb. Araşdırmalar nəticəsində Məmməd Cəfər Cəfərovun 30-40 məqaləsinin, 100-ə qədər məktub və teleqramlarının əldə edildiyini də bildirib.
Sessiyada akademik Teymur Kərimli “Akademik Məmməd Cəfər Cəfərov və klassik ədəbi irs”, akademik Möhsün Nağısoylu “Akademik Məmməd Cəfər Cəfərovun dilçilik görüşləri” adlı elmi məruzələrlə çıxış ediblər. Digər alimlərdən filologiya elmləri doktorları Şirindil Alışanlı “Məmməd Cəfər Cəfərov və Azərbaycan ədəbi-nəzəri fikrinin problemləri”, Tahirə Məmməd “Məmmməd Cəfər Cəfərovun elmi irsi nəzəri baza kimi”, Vaqif Yusifli “Məmməd Cəfər Cəfərov tənqidçi kimi”, sənətşünaslıq üzrə fəlsəfə doktoru, dosent Vidadi Qafarov “Məmməd Cəfər Cəfərovun teatrşünaslıq baxışları” mövzularında məruzə ilə çıxış ediblər.
Sonda akademik Məmməd Cəfər Cəfərovun ailəsi adından professor Ulduz Həşimova çıxış edərək tədbirin təşkili üçün təşəkkürünü bildirib.

Nizami Gəncəvi adına Ədəbiyyat İnstitutu, İctimaiyyətlə əlaqələr şöbəsi

Sumqayıt şəhər Heydər Əliyev Mərkəzində Sumqayıt Regional Mədəniyyət İdarəsinin şura iclası keçirilib

https://b.radikal.ru/b24/1912/dc/bbf283f8c248.jpg

https://d.radikal.ru/d17/1912/75/0e081cd65586.jpg

https://b.radikal.ru/b07/1912/ab/0ee3498521b9.jpg

https://a.radikal.ru/a35/1912/29/4e5a9ccb8761.jpg

https://a.radikal.ru/a29/1912/f3/72e1488d8f52.jpg

Sumqayıt şəhər Heydər Əliyev Mərkəzində Sumqayıt Regional Mədəniyyət İdarəsinin şura iclası keçirilib. İclasda Sumqayıt Regional Mədəniyyət İdarəsinin rəisi Mehman Şükürov çıxış edib.
Əvvəlcə mədəniyyət işçilərini Yeni il və Dünya Azərbaycanlılarının Həmrəyliyi günü münasibətilə təbrik edib, xoş arzularını çatdıran idarə rəisi görüləcək işlərdən danışıb.
O, çıxışında yaradıcı düşüncəyə malik olan gənclərin irəli çəkilməsi, kreativ layihələrin hazırlanması, optimallaşma ilə əlaqədar görüləcək tədbirlər, musiqi məktəblərində keçiriləcək attestasiya, keçirilən tədbirlərin KİV-də işıqlandırılması, mədəniyyət müəssisələrində ödənişli xidmətin təşkili, inventarizasiya işləri və s. ilə bağlı fikir və iradlarını bildirib, tapşırıqlarını verib.
Sonda baş məsləhətçilər İlham Manafov, Möhsün Bağırov, Zahid Abbasov, Mehman Nəsirov çıxış edib, bayram təbriklərini çatdırıb, bildiriblər ki, irad və təkliflər nəzərə alınaraq qeyd olunan problemlər tez bir zamanda aradan qaldıracaq.

Sumqayıt Regional Mədəniyyət İdarəsinin tabe müəssisələrində Yeni il və Dünya Azərbaycanlılarının Həmrəylik günü münasibətilə silsilə tədbirlər keçirilib

https://d.radikal.ru/d18/1912/e3/8edf0afba83b.jpg

https://a.radikal.ru/a27/1912/0c/3e4023f362c8.jpg

https://d.radikal.ru/d30/1912/ef/7a7fdca12bdc.jpg

https://b.radikal.ru/b14/1912/c6/a76a3b24da86.jpg

https://d.radikal.ru/d20/1912/3f/7a0886759a90.jpg

https://b.radikal.ru/b23/1912/c5/f2f6770f0e73.jpg

https://a.radikal.ru/a31/1912/e4/5e5804e298d6.jpg

https://d.radikal.ru/d43/1912/d0/937ebc25e563.jpg

https://d.radikal.ru/d02/1912/35/205758e72231.jpg

Sumqayıt şəhər N.Nərimanov adına mədəniyyət mərkəzində maraqlı yeni il şənliyi keçirilib. Şənlikdə bayram atributları şaxta baba və qar qız, köhnə və yeni ilin atributları olan donuz və siçan personajlarınin ifasında maraqlı səhnəcikıər nümyiş olunub. Eləcə də bir-birindən musiqi nömrələri səslənib, əyləncəli oyunlar keçirilib. Uşaqlar mahnı oxuyub, şeir deyib, rəqs ediblər.
“Dostluq” mədəniyyət evinin “Start” və “Səmt” estrada qrupları Bakı şəhər Binə qəsəbəsində yerləşən “Ümid yeri” uşaq sığınacağında bayram konserti ilə çıxış ediblər. Konsertdə Azərbaycan və dünya bəstəkarlarının əsərləri ifa edilib. Rusiya federasiyasının Azərbaycandakı Səfirliyi ilə birgə təşkil olunmuş tədbirdə səfirlik tərəfindən uşaqlara yeni il hədiyyələıri təqdim olunub. Bundan başqa, mədəniyyət evinin estrada kollektivləri Rusiya Mədəniyyət və İnformasiya mərkəzində “Yeni iliniz mübarək!” adlı konsert proqramı ilə çıxış ediblər. Azərbaycan və dünya estrada mahnılarını ifa edən kollektiv üzvləri qonaqlara əsl yeni il ovqatı bəxş ediblər.
Q.Qarayev adına uşaq musiqi məktəbində keçirilən bayram tədbirində məktəbin xor şöbəsinin, xalq çalğı alətləri, violin, fortepiano şöbələrinin müəllim və şagirdlərinin ifasında Azərbaycan xalq və klassik bəstəkarlarının əsərləri səslənib.
S.Rüstəmov adına uşaq incəsənət keçirilən konsertdə məktəbin kiçik xorunun ifasında “Yeni il” mahnısı, skripkaçalanlar ansamblının ifasında “Qar dənələrinin valsı”, fortepianoda Seyran Haşımzadənin ifasında F.Listin “La Danza”, klarnetdə Əfrail Mirzəzadənin ifasında T.Quliyevin “Dostluq mahnısı”, qarmonçalanlar ansamblının ifasında “Yaqutu” oyun havası, nağaraçalanlar ansamblının ifasında “Azərbaycan ritmləri” və sairə musiqi nömrələri səslənib.
F.Əmirov adına Uşaq Musiqi məktəbində keçirilən tədbirdə məktəbin kiçik xor kollektivinin ifasında Yeni il haqqqında mahnılar, violin ixtisası üzrə I sinif şagirdi Zəhra Həşimzadənin, qanun ixtisası üzrə II sinif şagirdi Ləman Quliyevanın, Faiq Talıbov və Bağır Bagirovun ifalarında Azərbaycan və Dünya bəstəkarlarının mahnıları sinlənilib.
S.Vurğun adına Mərkəzi Kitabxananın uşaq şöbəsi “N” sayl hərbi hissədə bayram tədbiri keçirib. “Kimyaçı” mədəniyyət sarayının “Kimyaçı” instrumental ansambılının ifasında musiqi nömrələri, oxucuların ifasında şeir və səhnəciklər əsgər və zabitlər tərəfindən maraqla qarşəılanıb.
Abşeron rayon Qobu İncəsənət Məkətəbinin kollektivi Güzdək Qəsəbəsi Tam orta Məktəbində bayram konserti ilə çıxış edib. Məktəbin rəqs kollektivinin ifasında maraqlı rəqs nömrələri izlənib, şagirdlərin ifasında bayram ovqatlı mahnar dinlənilib.
Xızı Rayon Uşaq Musiqi Məktəbində də şagird və müəllim kollektivinin ifasında maraqlı konsert proqramı keçorilib.
Şuşa şəhər Bülbülcan adına uşaq musiqi məktəbində də bayram konserti keçirilib. Konsertdə yeni ilə həsr olunmuş mahnılar səslənib.

Sumqayıt Regional Mədəniyyət İdarəsinin Mətbuat xidməti