Azərbaycan Yazıçılar Birliyinin üzvü, Prezident mükafatçısı, Azərbaycanın Mədəniyyət və Ədəbiyyat Portalının BAKI Bürosunun Rəhbəri
Axırda sən qaldın mənə,
Gözlərimi zillədiyim
Yola baxan pəncərə.
Bu ərköyün payızın,
Ən ərköyün yalqızı,
Ən kədərli adamı,
Elə mənmişəm demə.
Milyon kərə silmişəm
Göz yaşımı pərdənə,
Yola baxan pəncərə…
* * *
Elə-belə nə uzağıq, nə yaxın,
Bu nə nizam, bu nə qayda bilmirəm.
O hələ də mənim üçün yad axı,
Mən hələ də onun üçün heçkiməm…