Gənclərimiz radikallıqla mübarizə mövzusunda maarifləndirilib

[url=http:// edebiyyat-az.com/]Ədəbiyyat-Az.Com[/url] xəbər verir ki, Azərbaycan Respublikasının Prezidenti yanında Gənclər Fondunun maliyyə dəstəyi ilə “Könüllü Gənclər” İctimai Birliyi “Radikallıqla Mübarizədə Mənəvi Dəyərlərimizin Rolu” adlı layihənin icrasına start verib. Layihə çərçivəsində ilk olaraq Şəki şəhərində maarifləndirmə seminarları həyata keçirilib. Seminarlara orta məktəb şagirdləri, ali məktəblərdə təhsil alan gənclər və QHT-lərin nümayəndələri iştirak ediblər.
Qeyd edək ki, “Könüllü Gənclər” İctimai Birliyi ölkədə radikal dini qrupların və qeyri-ənənəvi təriqətlərin zərərli təbliğatlarının qarşısını almaq, milli-mənəvi dəyərlərin, eləcə də ölkədəki tolerantlıq mühitinin qorunub-saxlanılması məqsədiylə bu layihəni həyata keçirir.
Seminarlarda ilahiyyatçı və araşdırmaçı Fizuli Hüsiyev çıxış edərək İslam mədəniyyət tarixi, Milli-mənəvi dəyərlərimiz, Mənəvi saflıq , Ailə dəyərlərimiz və valideynlərə ehtiram, İslamda əxlaqın yeri, Doğruluq və səbr, İslama görə vətən sevgisi, İslamın digər dinlərə baxışı, Radikalizm və ekstremizimin zərərləri haqqında yeniyetmə və gənclərə ətraflı məlumat verib.
Tədbirin sonunda gəncləri maraqlandıran suallar cavablandırıldı və treyninq iştirakçılarına yazılı təsvirli köynək və papaqlar, bukletlər, bloknotlar və qələmlər təqdim olundu.