Yaşadığımız ömrün hər bir günündə yeniliklərin ya şahidi oluruq, ya da televeziya və ya KİV nümayəndələrinin hazırladığı məlumatlardan oxuyub, öyrənirik.Gündən-gündən qloballaşan və müasirləşən dünyanın daha çox inkişafa meyl etməsi ictimiayyət nümayəndələrinin və media təmsilçilərinin diqqətindən yayınmır.
Hal-hazırda dünyanın müxtəlif ölkələrində mövcud olan istər humanitar, istər texniki, istərsə də tibbi elmlər öz inkişaf səviyyəsinə görə biri-birindən köklü surətdə fərqlənir.Hər bir elm sahəsinin inkişafının müəyyən səbəbləri vardır.Çağdaş dönəmdə daha çox müraciət edilən və öyrənilən elm sahələrindən biri də tibbdir.Son dövrlərə nəzər salsaq, görərik ki, tibb elmi öz inkişaf səviyyəsinə görə digər dövrlərdə əldə edilən uğurlarının sayına görə liderliyini qoruyub, saxlamaqdadır.
Hələ sovet hakimiyyəti illərində Azərbaycanın adı tibb sahəsinin inkişafına görə dünyanın ən qabaqcıl ölkələri ilə yanaşı çəkilirdi.Bu isə təbii bir haldır.Çünki Azərbaycan tibb elmi üçün görkəmli həkimlər yetişdirmişdi.Tibb sahəsinin inkişafındakı xidmətlərinə görə xüsusilə fərqlənən və elmi dərəcə almış həkimlərimiz də az olmayıb.Ən bariz nümunə kimi Müasir müstəqil Azərbaycan dövlətinin qurucusu və memarı, Azərbaycan xalqının ümummilli lideri, ictimai-siyasi xadim Heydər Əliyevin həyat yoldaşı Zərifə xanım Əliyevanı göstərmək mümkünür.
Tibb elmləri doktoru, professor, əməkdar elm xadimi, Azərbaycan Respublikası Elmlər Akademiyasının həqiqi üzvü, alim-oftolmoloq Zərifə xanım Əliyeva Azərbaycanda ilk dəfə olaraq, Müasir Oftolmologiya elminin əsasını və bünövrəsini qoymuş, xaricdə ali təhsil alarkən, əldə etdiyi bilik və təcrübəni azərbaycanlı həmkarları ilə bölüşərək, Azərbaycanda yeni bir elmin-Oftolmologiya elminin əsasını qoymuşdur.
Doğma yurduna, vətəninə bütün varlığı ilə bağlı olan əməkdar elm xadimi Zərifə xanım Əliyevanın elmi fəaliyyəti diqqətdən kənarda qalmamış, müxtəlif mükafatlara layiq görülmüşdür.Eyni zamanda geniş elmi və pedaqoji fəaliyyət ilə məşğul olan Zərifə xanım Əliyeva Akademik M.İ.Averbax mükafatına layiq görülən ilk qadındır.
Azərbaycan Respublikasının Prezidenti, Silahlı Qüvvələrin Ali Baş Komandanı Heydər Əliyev siyasi məktəbinin layiqli davamçısı və yetirməsi cənab Prezident İlham Əliyevin 7 fevral 2013-cü il tarixli sərəncamı ilə tibb elmləri doktoru, professor, əməkdar elm xadimi, alim-oftolmoloq Zərifə xanım Əliyevanın anadan olmasının 90 illik yubileyi respublikada dövlət səviyyəsində qeyd olundu, respublikanın müxtəlif rayon və bölgələrində silsilə tədbirlər həyata keçirildi və gerçəkləşdirildi.
2013-cü ildə Azərbaycan Milli Elmlər Akademiyası Rəyasət Heyətinin qərarı ilə respublikanın paytaxtı Bakı şəhərində “Elm” nəşriyyatı tərəfindən “Azərbaycanın elm və mədəniyyət xadimləri” silsiləsindən “Zərifə Əziz qızı Əliyeva” adlı biblioqrafiya işıq üzü gördü.Biblioqrafiya görkəmli oftolmoloq Zərifə xanım Əliyevanın keçdiyi şərəfli ömür yolundan bəhs olunur, ictimai fəaliyyətinin əsas tarixləri xronoloji ardıcılıqla sadalanır.
Dünya şöhrətli alim Zərifə xanım Əliyevanın adı əbədiləşdirilmişdir.Respublikanın paytaxtı Bakı şəhərində fəaliyyət göstərən Z.Əliyeva adına Göz Xəstəlikləri Elmi-Tədqiqat İnstitutunda çalışan təcrübəli həkim heyəti akademik Zərifə xanım Əliyevanın Azərbaycan tibb elminə gətirdiyi yeniliklərdən lazımınca bəhrələnirlər.
Paytaxtın Xətai rayonunda Heydər Əliyev Fondu tərəfindən Zərifə Əliyeva adına uşaq bağçası inşa edilərək, istifadəyə verilmişdi.2013-cü ilin oktyabr ayının 1-də Azərbaycanın birinci xanımı, Heydər Əliyev Fondunun prezidenti, UNESCO və ISESCO-nun xoşməramlı səfiri, Azərbaycan Respublikası Milli Məclisinin deputatı, millət vəkili Mehriban xanım Əliyeva Zərifə Əliyeva adına uşaq bağçasının açılış mərasimində iştirak etmişdi.Hər il dünyanın müxtəlif ölkələrindən gələn nümayəndə heyəti I Fəxri Xiyabanda dəfn olunan akademik Zərifə xanım Əliyeva büstü önünə əklil qoyb, hörmət və ehtiramlarını bildirirlər.
Azərbaycanın Mədəniyyət və Ədəbiyyat Portalının
Mətbuat xidmətinin rəhbəri,
Azərbaycan Jurnalistlər Birliyinin üzvü.
Bakı şəhəri.12 oktyabr 2015-ci il