"Türkay" aylıq ədəbiyyat dərgisinin rəsmi elektron orqanı-Azərbaycanın Mədəniyyət və Ədəbiyyat Portalı

Nənəm üçün…

Sınıb fələyin qələmi,
Nənəmin qarğışı tutub…
Xançobanım gələmmədi,
Deyir, yolda yağış tutub…

Elə islanıb yaddaşı,
Qarışıb xatirə-rənglər…
Axtarır bir ocaq başı-
Xatirəmi daşa sərə…

Düşmədi, nənəm, düşmədi,
Yaz yağışı qış bəxtimə…
Adım dilindən düşmədi,
Elə bir alqış bəxtimə…