İsmayıl İMANZADƏ.”Pozulur”

Azərbaycan Yazıçılar Birliyinin Mingəçevir bölməsinin sədri

Başda hökm eləyir qarın,
Hüdudu görünmür varın.
Şər dinəndə yaxşıların –
Cərgəsi – səfi pozulur.

Zülmət minbər, dərd azançı,
Yalğquzağa dönür sancı.
Kiminin artır qazancı –
Kiminin nəfi pozulur.

Göylər solğun çöhrə kimi,
Ömür  yağsız cəhrə kimi…
Yer çalxanır nəhrə kimi –
Dünyanın kefi pozulur.

25.03.2020