Azərbaycanın Mədəniyyət və Ədəbiyyat Portalının Baş redaktor müavini
Usanma dünyada, sınma həyatda.
Sabaha açılan bir yol tapılar.
Qəbullan qisməti,olsa bayat da,
Səbrinə ‘şükranlıq bir ol’ tapılar.
Ariflər içində görünərsənsə,
Yaxşılıq biçimli bürünərsənsə,
İlahi sevgiyə sürünərsənsə,
Şəfqəti əlində bir qul tapılar.
Çoxunun əlindən zəhər içərsən,
Alovla yanarsan, qora düşərsən,
İmdada yetişib suya düşərsən,
Quruya çıxaran bir qol tapılar.
Əzabın çarəsiz bir ömür boyu,
Yusifin göz yaşı, bir sonsuz quyu,
Səhrada dodağın qurusa suyu,
Yoluna fışqıran bir göl tapılar.