Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,
“Mənim dünyam” – silsiləsindən
Ömür boyu öz ruzimi,
Zəhmətimlə qazanmışam.
Qoruyaraq od,közümü,
Kül altında hey yanmışam.
Qeyrət,namus altun tacım,
Qorumuşam gözüm kimi.
Çox olsa da ağrım,acım,
Sındırmışam hər tilsimi.
Fələk qıcardıb dişini,
Hey payını alıb gedib.
Zaman görüb öz işini,
Yel atını çapıb gedib.
Ulu Rəbbim gözəl bilir,
Haqq yoludur mənim yolum.
Gülümsəyib bəxt üzümə,
Açılıbdır əlim-qolum.
Dövran,həmd et Allahına,
Quran,kitab,dinin olsun.
Nur çiləsin sabahına,
İki cahan sənin olsun.