Sumqayıt Regional Mədəniyyət və Turizm idarəsinin təşəbbüsü ilə Sumqayıt şəhər Mərkəzi Uşaq kitabxanasında silsilə tədbirlər keçirilib

Gecəni giriş sözü ilə kitabxananın multimedia mütəxəssisi Səbinə Qasımova açaraq şairin yaradıcılığı, onun Azərbaycan ədəbiyyatında və tarixində xüsusi rolu haqqında məlumat verib.
Sonra tədbir İsmət Qayıbov adına 1 saylı orta məktəb şagirdlərinin iştirakı ilə hazırlanmış bədii hissə ilə davam etdirilib.
Dağbəyi Hətəmli və Murad Haqverdilinin sazda müşayiəti ilə Sona Salamzadə, Leyla Ağazadə, Kamran Hətəmli, Nəzrin Məmmədli, və digərlərinin ifasında qoşmalar və müxəmməslər, Nazənin Məmmədquliyevanın ifasında şairin “Durnalar” rədifli qoşmasına bəstələnmiş mahnı, o cümlədən, şagirdlərin ifasında S.Vurğunun “Vaqif” dramı əsasında qurulan səhnəcik tədbir iştirakçıları tərəfindən maraqla qarşılanıb.
Sonda tədbir iştiraşçıları şairin zəngin həyat və yaradıcılığını özündə əks etdirən “Vaqif, yad et səni yad eyləyəni” adlı kitab sərgisi ilə yaxından ilə tanış olublar.
Kitabxanada daha bir tədbir 12 saylı məktəbin 2R1 sinif şagirdlərinin iştirakı ilə nağıl qəhrəmanlarımıza olan marağın artırılması məqsədilə milli və dünya xalqları nağılllarının qəhrəmanlarının paradı keçirilib.
Öncə oxuculara tədbirin mahiyyəti, məqsədi haqqında geniş məlumat verilib. Daha sonra uşaqların ifasında Azərbaycanın nağıl qəhrəmanları ilə dünya xalqlarının nağıl qəhrəmanlarının görüşünü əks etdirən bədii kompozisiya, məktəblilərin ifasında Azərbaycan və rus xalq nağılları əsasında hazırlanmış səhnəciklər nümayiş olunub.
Tədbirin sonunda iştirakçılar dünya xalqlarının adət-ənənələri, mədəniyyəti, folkloru, xalq qəhrəmanlarından bəhs edən uşaq kitablarından ibarət sərgi ilə də yaxından tanış olublar.
Kitabxanada “Kim? Harada? Necə?” intellektual klubunun üzvlərinin iştirakı ilə “Sirli və əyləncəli riyaziyyat” adlı keçirilən viktorina da balaca oxucuların maraqla qatıldığı tədbirlər sırasındadır. Viktorina riyazi məsələlər, məntiqi suallar, “Riyaziyyatı niyə sevirəm?” ev tapşırığı əsasında üç turda keçirilib. Turlararası fasilədə iştirakçılar “Riyaziyyat haqqında bildiklərimiz və bilmədiklərimiz” adlı videoçarx, kitabxana əməkdaşları tərəfindən hazırlanmış “Riyaziyyat dahiləri” adlı slayd izləyibər.
Sonda yarışın qaliblərinə hədiyyələr təqdfim olunub.

Sumqayıt Regional Mədəniyyət və Turizm idarəsinin Mətbuat xidməti