Azərbaycan Yazıçılar və Jurnalistlər Birliklərinin üzvü,
“İlham çeşməsi” qəzetinin təsisçisi və baş redaktoru,
Azərbaycan Respublikası Prezidentinin Təqaüd Fondunun təqaüdçüsü
O ÜRƏK Kİ, SƏN DƏ VAR
O ürək ki, səndə var,
Dərdimə ağlamazsan,
Məni qan aparsa da,
Yaramı bağlamazsan,
O ürək ki, səndə var,
Halma acımazsan,
Dünya uçub dağıla,
Sən qapımı açmazsan,
Q ürək ki, səndə var,
Baxıb bir ah çəkməzsən.
Görsən ki, lap ölürəm,
Göz yaşı da tökməzsən.
O ürək ki, sən də var,
Qara daşdı sinəndə.
Gözlərini yummusan,
Göydən sevgi enəndə.
O ürək ki, səndə var,
Yanmazsan dərdə, qəmə.
Sənin gözəlliyinə,
Aldanmışam mən demə.
ÖYRƏDİM SƏNƏ
Gəl uzaq durmayaq bir-birimizdən,
Eh nədir, ax nədir, öyrədim sənə,
Bu eşqin oguna yanaq, yaxılaq,
Az nədir, çox nədir. öyrədim sənə.
Danış hər kəlməni sinəmə yazım,
Baxışlar dinirsə, dil nəyə lazım,
Qoyma bu yollarda mən çaşım, azım,
Ac nədir, tox nədir öyrədim sənə.
Səni görən gündən ömrüm girovdu,
Sevda yollarımda taleyim ovdu,
Dərdini çəkməkdən saçım qırovdu,
Var nədir, yox nədir, öyrədim sənə.
Mən keçib gəlmişəm dumandan, çəndən,
Ayıra bilmirəm gözümü səndən,
O qaşı, kipriyi gizlətmə məndən,
Yay nədir, ox nədir, öyrədim sənə.
Səni düşünürəm, mən səni, hər an.
Ölüb, dirilirəm, söküləndə dan,
Fələyi yandıran, qəlbi yandıran,
Od nədir, ah nədir , öyrədim sənə.