“Vektor” Beynəlxalq Nəşrlər Evi tərəfindən çağdaş Azərbaycan ədəbiyyatının görkəmli nümayəndəsi, Azərbaycan Yazıçılar Birliyinin üzvü, Azərbaycan Respublikası Prezidenti Təqaüd Fondunun təqaüdşüsü, “Türk Ədəbiyyatına Xidmət” Beynəlxalq Ədəbiyyat Mükafatı (Türkiyə Cümhuriyyəti), “Şahmar Ələkbərzadə adına Beynəlxalq Ədəbiyyat Mükafatı” laureatları şair Kəmaləddin Qədimin “Yolu ürəyimin üstdə gedirəm” adlı yeni şeirlər kitabı işıq üzü görüb. Ön sözün müəllifi Azərbaycan Yazıçılar Birliyinin üzvü, şair Musa Yaqubdur.

Kitab müəllifin oxucularla sayca on birinci görüşüdür. Geniş oxucu auditoriyası üçün nəzərdə tutulub. Poeziyasevərlər və ədəbiyyatşünaslar tərəfindən rəğbətlə qarşılanacağına ümid edirik.

Qeyd edək ki, bundan öncə şair Kəmaləddin Qədimin “Keçir məni bu çaydan”, “Üzü qibləyə”, “Günahı yazan mələk”, “Yığış gedək, günahım”, “Allahdı, şeytandı, mənəm”, “Yaşamaqda nə varsa”, “Allahı sevsəydin”, “Daha sonumu yazıram”, “Dünya qonaq sevən deyil”, “Burdan ayrılıb keçib” şeirlər kitabı nəşr olunmuşdu.

Azərbaycanın Mədəniyyət və Ədəbiyyat Portalının Mətbuat xidməti