“Təhsilin təşkilinə müasir pedaqoji yanaşmalar” kitabı haqqında

Azərbaycan Respublikasının Təhsil İnstitutunun şöbə müdiri, pedaqogika üzrə elmlər doktoru, professor, Pedaqogika və Psixologiya Problemləri üzrə Elmi Şuranın sədri İntiqam Hilal oğlu Cəbrayılovun yeni kitabı çapdan çıxmışdır. Kitab, “Təhsilin təşkilinə müasir pedaqoji yanaşmalar” adlanır. Kitabda pedaqogika üzrə elmlər doktoru,prof. İntiqam Cəbrayılovun müxtəlif illərdə nəşr etdirdiyi nəzəri və metodik, eləcə də tarixi məzmun daşıyan tədqiqatları (elmi məqalələri) toplanmışdır. Bu tədqiqatlar elmin müxtəlif sahələrini və onların nəzəri-metodik məsələlərini əhatə etməklə dərin elmi-pedaqoji əhəmiyyətə malikdir.
Kitabda bəzi tədqiqatlar türk, rus, ingilis və Ukrayna dillərində də verilmişdir. Kitab beş bölmədən ibarətdir və burada yer alan məqalələr “Təhsilimizin Heydər Əliyev mərhələsi”, “Ümumpedaqoji məsələlər”, “Pedaqoji fikir tarixindən”, “Azərbaycan tarixinin tədrisinin aktual məsələləri”, “Tənqid və biblioqrafiya” yarımbaşlıqları altında ümumiləşdirilmişdir.
Kitabın elmi redaktoru pedaqogika üzrə elmlər doktoru, professor Akif Nurağa oğlu Abbasov, “Ön söz”ün müəllifi pedaqogika üzrə fəlsəfə doktoru, dosent, əməkdar müəllim, Təhsil İnstitutunun direktor müavini Ənvər Məhəmməd oğlu Abbasov, rəyçiləri pedaqogika üzrə elmlər doktoru, professorlar Humeyir Hüseyn oğlu Əhmədov və Piralı Behbudalı oğlu Əliyevdir.
Kitabın redaktoru və nəşrə hazırlayan Təhsil İnstitutunun böyük elmi işçisi, Azərbaycan Dövlət Pedaqoji Universitetinin dissertantı, Azərbaycan Jurnalistlər Birliyi Sumqayıt şəhər təşkilatının Gündəlik Analitik İnformasiya Agentliyinin (gundelik.info) və Azərbaycanın Mədəniyyət və Ədəbiyyat Portalının (edebiyyat-az.com) Məsul katibi, şairə-publisist Şəfa Eyvazdır. Şəfa Eyvaz qızı Kazımovadır.
Kitab pedaqoji sahədə fəaliyyətlə məşğul olan hər kəs, eləcə də cəmiyyət üşün faydalıdır.