Ədəbiyyat İnstitutu növbəti tədbirlərini müəyyənləşdirib

Azərbaycan Milli Elmlər Akademiyasının Nizami Gəncəvi adına Ədəbiyyat İnstitutunun direktoryanı müşavirəsinin növbəti iclası keçirilib.
İnstitutdan AZƏRTAC-a bildirilib ki, ilk olaraq böyük Azərbaycan şairi İmadəddin Nəsiminin 650 illik yubileyinə həsr edilmiş beynəlxalq elmi konfransa xaricdən dəvət olunan qonaqlarla bağlı müzakirə aparılıb. Tədbirin dekabrın 8-10-da keçirilməsi qərara alınıb.
İkinci məsələ Azərbaycan 60-cıları ədəbi nəslinə həsr olunan monoqrafiya ilə bağlı olub. İnstitutun direktoru, akademik İsa Həbibbəyli monoqrafiyada yer alacaq müəlliflərin siyahısı ilə tanış olub, lazımi tövsiyələr verib.
Sonra akademik Məmməd Cəfər Cəfərovun 110 illik yubileyinin keçirilməsi tarixi dəqiqləşdirilib. Hazırlıq və çap olunmuş kitablar haqqında məlumat verən İsa Həbibbəyli tədbirin 15-20 dekabr aralığında keçirilməsini tövsiyə edib.
İclasda, həmçinin Ədəbiyyat İnstitutunun 2019-cu il üçün elmi hesabatlarının ilkin nəticələrinə dair müzakirələr aparılıb.

Mənbə: azertag.az