Azərbaycan Yazıçılar və Jurnalistlər Birliklərinin üzvü, “İlham çeşməsi” qəzetinin təsisçisi və baş redaktoru, Azərbaycanın Mədəniyyət və Ədəbiyyat Portalının Qarabağ Bürosunun RəhbəriAzərbaycan Respublikası Prezidentinin Təqaüd Fondunun təqaüdçüsü

QIZ UŞAĞISAN

Ürəklər deyəni dil deyə bilmir,
Oxu gözlərimi qurbanın olum.
Dərdindən gecələr yuxum da gəlmir,
Qoyma ki, gül kimi saralım, solum.

Sən tər bənövşəsən, sən yaz gülüsən,
Şəfəqlər hüsninlə oynayır hələ,
Səni çox sevirəm, bunu bilirsən,
Boylanıb baxırsan sən gülə-gülə.

Könlüm ayrılığa dözməyir daha,
Qorxuram ruhumu canım itirə,
Dilim öyrənibdi naləyə, aha,
Ovunmur sinəmdə neçə xatirə.

Düşünmə mən səndən küsəm, inciyəm,
Sənsiz ötən günə, gün demərəm mən.
Məcnundan, Kərəmdən mən birinciyəm,
Bülbülü yox isə, nə lazım çəmən.

Nurlu bir günəşsən sən bəbəyimdə.
Şimşəkdən sonrakı göy qurşağısan,
Gəl səni gizlədim bu ürəyimdə,
Hələ öpülməmiş qız uşağısan.

ARZU, İSTƏYİMSƏN

İlahi nuru var, o gül üzündə,
Baxmaqdan doymuram, gül camalına,
Günəş şəfəqlənir, qara gözündə,
Aləm heyran olub, qara xalına,

Arzu, istəyimsən, xoş baharımsan,
Ruhuma qanadsan, gözümə işıq,
Canımsan, gözümsən, eşqim, yarımsan,
Sənsən bu dünyaya vallah yaraşıq.

Onsuzda bu dünya eşq dünyasıdır,
Məcnun eyləmisən yeri, göyü sən.
Qaşların elə bil, ay parasıdır,
Canım sənə qurban, öldür istəsən.

Hər gözəl könlümü, oxşaya bilməz,
Mənim qismətimsən, bəxt ulduzumsan,
Sənsiz ruhum ağlar, ürəyim gülməz,
Sən mənim tər gülüm, nurlu yazımsan.

Mənə çox əzizsən, doğmasan inan,
Çöhrən bu dünyaya işıq, nur saçır,
Mənəm eşqin ilə, alışıb yanan,
Səni görən zaman, qəlbim gül açır.

Başımın tacısan, ay ömrüm, günüm,
Könül sarayımın sultanı sənsən,
Pirim , ocağımsan başına dönüm,
Əzizin ümidi, gumanı sənsən.

One Reply to “Azərbaycanlı şair Əziz MUSA.Yeni şeirlər (VII hissə)”

  1. Çok beğendim yüreğinde yaprak yaprak yeşeren çiçek çiçek açan o güzel duygularınla yaşam boyu hep mutlu ol kutluyorum

Comments are closed.