This image has an empty alt attribute; its file name is ustadzelimxanyaqub.jpg

Mәhәbbәtsiz yer üzündә tanrı heç nә yaratmadı,
Bulaqların zümzümәsi, dәnizlәrin lәngәri var.

Hәr gülüstan çiçәklәrin hәyat eşqi, görüş yeri,
Hansını istәsәn qoxla, min cür әtri-әnbәri var.

Mәğlubolmaz igidlәrә güc torpaqdan bağışlanar,
Qaya döşü, dağ arxası, yurd adlanan sәngәri var.

Yerdә olan sevgilәri göylәrә çatdırmaq üçün,
Hәr zamanın öz Bilalı, öz mәscidi, minbәri var.

Şair әgәr unutmursa haqqın ona verdiyini,
Demәk, başının üstündә Allahı, peyğәmbәri var.