Nemət HACIƏLİYEV.Yeni şeir

1234565_164022843791194_755412179_n

QİTƏ

Həyat bir dənizdi üzəsən gərək,
Dayansan, sən boğularsan, batarsan.

Həyat bir ağacdı kölgəsində ol,
Getsən, kənara istidən yanarsan.

Həyat bir oyundu sınaqla dolu,
Çalış diqqətli ol, yoxsa azarsan.

Həyat bir imtahan əgər ki, bezsən,
Açıb sən “Quran”ı varaqlayarsan.

Həyat bir sevgidir, sevgi də həyat,
Yadına salıb məni ağlayarsan.

Həyat bir həyatdı yaradıb Allah,
Düşünmə ki, dünya malı udarsan.

Həyat bir nərdivan üstündə Nemət,
Üzülmə, gah enib, gah da qalxarsan.