Honiədəm vinde zinə,
Çaşım mande mı bə kinə.
Otəşıj jəy bəçmı sinə,
Ə kinə çiç karde pidə?
Dimij vəşdə bənə həşi,
Sütdə mıni, qətdəm təşi.
Bəmı duə de otəşi,
Ə kinə çiç karde pidə?
Dardi dödə dardi səpe,
Xıdo şoyde, vində bə pe.
Deşdə fərişton bə qəpe,
Ə kinə çiç karde pidə?
Bə astovə şər ğandedə,
Çı oşımi səmandedə,
Bə həşi məydon handedə,
Ə kinə çiç karde pidə?
Mınıj vinde diəro vite,
Noz kardedə, itkə şite.
Qıləy bəmı ,,ha” votdəni,
Mais mandə süte-süte,
Ə kinə çiç karde pedə??