Axıdıb göz yaşımı bağrımı xak eyləmisən,
Yumusan yanağımı nə yaxşı, pak eyləmisən.
Ey Rəbb, şükr eylərəm ki, yaradıb küllü aləmi,
Mərhəmət sahibisən, bizi də xalq eyləmisən.
Özündən başqasına əymə qulunun boynunu,
Çünki tək ibadəti yalnız sən haqq eyləmisən.
Qəzəbinlə bağları səhrayi-çöllü-biyaban,
Sevgin ilə çölləri çikəkli bağ eyləmisən.
Sevməsin əğyar məni, sən sev ki, bu yetər mənə,
Sevdiyinçün torpağı ucaldıb dağ eyləmisən.
Əsməra giley etməz, sual eylər, görən niyə,
Dilimi qılıncdan sərt, qəlbimi yağ eyləmisən?
01-V-2016