Azərbycan Yazıçılar və Jurnalistlər Birliklərinin üzvü,
“Qızıl Qələm” Media Mükafatı laureatı,
“Möhtəşəm Azərbaycan” müstəqil ictimai-siyasi, ədəbi-bədii qəzetinin redaktoru,
Bələdin könlümə ahı,
Axtarıb yol, riz gəzirəm.
Bu dərdə əlac etməyə
Dərə, təpə düz gəzirəm.
Gəzirəm başı havalı,
Əlimdə haqqın qavalı…
Xəlbir doldurmur çuvalı,
Hey ələyir söz, gəzirəm.
Soldurur kədər yazımı,
İtirir zaman izimi,
Dara çəkirəm gözümü
kirpiyimdə köz gəzirəm.
Gülümsəyib hər zülümə,
Bir taxt qurmuşam ölümə,
Əcəl kimi çıx önümə,
Ünvanımı yaz, gəzirəm.