Sevinc Ağa Xəlilqızı (Basqallı) Ulu öndərə həsr etdiyi “Ucadan-ucasan, ey bəşər oğlu!” şeirini oxuculara təqdim etdi
Bakı şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin (MKS) M.Ş.Vazeh adına Mərkəzi Kitabxanasının Fəxri oxucusu, yazıçı-publisist, şairə Sevinc Ağa Xəlilqızı (Basqallı) Ulu öndərə həsr etdiyi yeni şeirini oxuculara təqdim etdi.
Müəllifin bütün həyatını doğma xalqına həsr edən, milli dövlətçiliyin əsasını qoyan dahi lider Heydər Əliyevə həsr etdiyi “Ucadan-ucasan, ey bəşər oğlu!” adlanan bu şeiri fenomen insana olan sevginin bariz nümunəsidir. Şairə şeirində hər zaman oz xalqının qəlbində yaşayaraq əbədi yer tutmuş bu müdrik insanla qürür duyduğunu vurğulayır və Azərbaycan xalqının onunla fəxr etdiyini söyləyir.
Ucadan-ucasan, ey bəşər oğlu!
Vətənin daşına, torpağına qurban,
Anamın saçının ağına qurban,
Səni yetişdirdi bu Ana Torpaq.
Bəslədi boynunda həzin nəğmə tək
Gələcək qələbələrlə səslədi Vətən.
Hər an bu arzu, ümid, istək-dilək.
Poladdan mətin, vüqarlı oğul!
Vətəni sevirdin, böyük qəlbində.
Ona bağlanmışdın canı-könüldən.
Elin sevimlisi, Heydər oğlusan.
Xalqın heyrandır qüdrətinə də.
Dahi siyasətçi, o müdrik insan!
Fəxrlə çəkilir dünyada adın.
Çağırdın birliyə bütün elləri,
Yumruq tək birləşdi xalqın da sənin,
Yetişdin pənahına hər zaman onun.
Səninlə fəxr edir, uca adınla
Qarşında baş əyir, millətin-elin.
Azərbaycan adlı məmləkətin
Adına şeirlər, dastanlar, nəğmələr bəstələnir.
Ey Azərbaycanın, Ulu Öndər oğlu!
Tarixlərə, əsrə, haray salan oğulsan!
Ucadan-ucasan, ey bəşər oğlu!!!
10 may 2020-ci il