Sərhəd dirəkləri dikəlib bir-bir,
Nə zəvvar qalıbdır o yerdə,nə pir.
Haçandır dan üzü sökülmək bilmir,
Basıbdır bağrına qürub ŞUŞANI.
Ruhsuz da oynayır bədən yerindən,
Təmənna gözləmə gedən yerindən.
Bu başı bəlalı Vətən yerindən,-
Zalımlar nə yaman qırıb ŞUŞANI.
Nəğmə bəstələyib gündə bir ahla,
Döyüşə gedirik qoşunsuz şahla.
“İtkin şişəstə”ylə, “yetim segah”la,-
Necə ovunduraq qərib ŞUŞANI?!