Sarıb səmamızı qara buludlar ,
Sabaha güman da öldü manatla !
Heç oldu , puç oldu əllərdə nə var
Az olan imkan da öldü manatla !
Qeybə çəkilibdi haqqla ədalət ,
Bürüyür ölkəni zülüm , zəlalət !
Daha əlli faiz artdı səfalət ,
Ac Azərbaycan da öldü manatla !
Yenə dağılacaq neçə yuvalar ,
Bizə qan ağladır zatı yavalar !
Arxivə gedəcək bütün tavalar ,
Çömçə də , qazan da öldü manatla !
Ta verir bu xalqa belə məsləhət ,
Hadı Rəcəbli ki , edin qənaət !
Daha insanlıq da olacaq qəhət ,
Hörmət , ehtişam da öldü manatla !
Qalib Şamxaloğlu düşübdü dərdə
İnsan insan kimi yaşamır Yerdə !
Kimsə gəlməyəcək insafa bir də ,
Tərazi mizan da öldü manatla !