Haydı gəl qələmim bir yalan yazaq
Dünyanın dərdi yox, sevdadan yazaq
Sevənlər bəxtiyar, üzləri gülür
Yalançı aşiq yox, vefadan yazaq.
Heç kim başqasına əyri baxmayır
Hiylə çələngini başa taxmayır
Üzə gülüb sonra qara yaxmayır
Mehriban dostlardan, səfadan yazaq.
Gül üzlü gözəllər nazla gəzirlər
Çəməndən çiçəklər, güllər üzürlər
Hərdən cuşa gəlib göz də süzürlər
Vurduğu oxlardan, cəfadan yazaq.
Böyüklər, kiçiklər Allah yolunda
Dədələr, nənələr evlad qolunda
Hər kəs sədaqətli, yarın solunda
Tapmazsaq belece kafadan yazaq.
27.05.2016