“Gənc Ədiblər Məktəbi”nin müdavimi, Azərbaycan Yazıçılar Birliyi Gənclər Şurasının və Azərbaycan Jurnalistlər Birliyinin üzvü, Azərbaycanın Mədəniyyət və Ədəbiyyat Portalının Baş məsləhətçisi, Prezident təqaüdçüsü, Gənclər müfakatçısı

Bütün zəlzələlər, qar uçqunları
Bir insan ruhunun sancısındandı…
Şeirlər hisslərin uçurumları,
Romanlar ən ucuz intiharlardı…

Səhər “sevda!”- deyə yansa könlümüz
Axşam can ağrısı qor edir bizi…
Uğrunda şeirlər öldürdüyümüz
Bir ağ gün eşqinə öldürür bizi…

Nə gözəl aldadır bizi bu dünya…
Ayaq tutan hər nə varsa, yeridir…
Təbiət Tanrının oyuncağıysa
Ruhumuz ən gözəl oyun yeridi…