İNDİ GÜLÜRƏM AYRILIQLARA
İndi gülürəm ayrılıqlara
Gülürəm
Dalğaların vurduğu qayalıqlara
Hündür binalara
Gülürəm, alçaqlıqlara
Yaşananlara, yaşanmayanlara
Yumub gözlərimi, atıram ümidlərimi
Boşluqlara, qaranlıqlara
Baxışların özgə gözlərə toxunanda
Daha mən də gülürəm acılara, ayrılıqlara
Sən güldüyün tək, el qapısında
Vağzalı oxunanda
Bax uzaq bir diyarda ayrıldı yenə sevənlər
Qoca, pullu bir ayqırın yatağında
Solur, yorulur – ölür güllər
Baxır oğlam bir ayqıra, bir sevdiyinə
Gülür, gülür- nifrət edir onu sevdiyinə
Sevməyi bildiyinə
Və atır özünü bir əxlaqsızın qollarına
Və and içir
Və həsr edir qalan ömrünü
Pullu bir ayqır olmağa
Bir daha solmayıb
Qucağında güllər soldurmağa
İndi gülürəm ayrılıqlara
Atıb sevgini
Qayalıqlardan- qaranlıqlara
Gülürəm – dodaqlarımdan axır göz yaşlarım.