Nur töküldü
Gözündən.
Yollar utandı,
Sən qayıdınca.
Addımlar sarıldı
Ayağına,
Büküm-büküm
Həsrətin.
Tutdu ətəyindən,
Səninlə qayıdan
Məhəbbətin.
Saçlarını darayıb
Gündüzün,
Gecəyə qonaq getdi
Hislər.
Yolunu gözlədi,
Səndən aldığım,
Nəfəs.
Çəkildi ciyərlərimə
Hıçqırdı səs.
Sən qayıdınca.
Kədər itdi,
Üzündən,
Təbəssümün.
Sarıldı ruhumuz.
Qovuşdu,əzab çəkən
Duyğumuz…
Sən qayıdınca.
07.06.2014.
Uçmuram zirvələrə!
Zirvalərə üçan şair
Başqasını kiçiltməklə
Böyüyürsən.
Qələmini qucan şair
Öz sözünlə özünü
Döyürsən.
Üzün hələ qızarmayıb
Qocalığın
Dərs almayıb.
Tər salmayıb
Şillələrdən.
Tənələrdən.
Hələ fürsətin varkən
Çıx ən-ənələrdən.
Ayağının altındakı
İnsanları az taptala
Qadınlara mədh etdiyin
Sevgi şerin yaz taptala.
Zirvələrə uçurmayır
Mənə gələn vətən şeri,
Qaçqın şeri,
Şəhid şeri,
Əsir şeri,
İtgin şeri,
Bəlkə mən də sənin kimi
Mədh eyləyim.
Zirvələri fəth eyləyim?
Mən özüməm,
Uçmuram zirvələrə,
Yerimdəyəm.
İnsan kimi
Yeriyirəm.