Külək döyür,ömrümüzün yazını,
Yarpaq-yarpaq günlər uçur ömürdən.
Yaşayırıq Tanrı yazan yazını,
Hər günümüz gün-gün köçür ömürdən.
Kiçilirik böyüdükcə yaşımız,
Ağır olur bəzən ömür daşımız.
Dünya boyda bir qazanda aşımız,
Qaynadıqca buğ-buğ içir ömürdən.
Elnur Coşqun,sevgi ömrün marağı,
Qəlb telini darar eşqin darağı.
Həyat alıb əlinə bir orağı,
Gün keçdikcə günü biçir ömürdən.