Azərbaycan Yazıçılar Birliyinin və “Gənc Ədiblər Məktəbi”nin üzvü,
Azərbaycan Respublikası Prezidentinin Təqaüd Fondunun təqaüdçüsü
O gətirən ümidlərin
Yüzü gedər ,biri gəlməz.
Günüm, ayım, ilim mənim
Diri gedər, diri gəlməz.
Bu dünyanın adamıyla
Əyrim, düzüm düz gəlmədi.
Mənim tər -təmiz hisslərim
Qız getmişdi, qız gəlmədi.
Vur ,yarala ürəyimi,
Mən öləndə sağalaram.
Tut başı aşağı məni
Tut ,sirkələ, çoxalaram.
Ruhum düşər bədənimdən-
Qoru məni ,ruh qardaşım.
Bu qocalmış ,əldən düşmüş
Qarı məni ,ruh qardaşım.
Cənnətə savabım mənim,
Cəhənnəmə suçum çatmır.
Qaldım iki aralıqda-
Qayıdımmı ,gücüm çatmır.