Belə harasından girim qoluna,
İlahi,bu başın bədən yeri yox.
Qəhrindən saçıma düşən bu dənin,-
Göyərən yeri yox,bitən yeri yox.
Kim vurub yollara bu dayaq izi?
Yolların tacıdır hər ayaq izi.
Belə bircə-bircə ha sayaq izi,-
Qərib beşiyidir,gedən yeri yox.
Baxmaz ki gözünün yaşına qürbət,
Ad olar hər ömrün qışına qürbət.
Dünyanı götürüb başına qürbət,-
ŞUŞAdan o yana VƏTƏN yeri yox!