Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,
Aşiqəm, qadan allam,
Qolum boynuna sallam.
Amandır uzaq getmə,
Mən sənsiz necə qallam?
Aşıq deyər başından,
Torpaqından, daşından.
Söhbət yurddan düşəndə,
Boğular göz yaşından
Yollarımı alıb çən,
Ürəyimdə kədər, qəm.
Həsrətin pəncəsində,
Sənsiz necə qalım mən?
Öz- özümü öymərəm,
Boşuna söz demərəm.
Mənə qismət olmasan,
Toy libasın geymərəm.
Şimşək təkin çaxaram,
Atəş olub yaxaram.
Yar gözümə görünsə,
Ulduz kimi axaram.
Qəm neyin çalana gəl,
Qaydına qalana gəl.
Əğyar qədrini bilməz,
Qadanı alana gəl.
03.01.2016.