Günəş olub həyatıma doğanım,
Sənsən ilham pərim, sözümün üstə.
Sevinc verib, qəm-kədəri boğanım,
Demərəm qaşın var gözünün üstə.
Məni məndən alıb, aparan səni,
Çəkib xəyalımı qoparan səni.
Hər gecə yuxuda taparam səni,
Qoymaram yanasan közümün üstə.
Söz vermişəm, and içmişəm düzünə,
Ömür böyü düz baxaram gözünə.
Bir telini dəyişmərəm yüzünə,
Xəyalın baş qoyar dizimin üstə.
Yadlar baxıb bizə, köksün ötürüb,
Bu sevgi günahın Tanrı götürüb.
Nur yağışda sənə pənah gətirib,
Söykərəm üzümü üzünün üstə.
30.12.2015