Dəyişən bir sənsən, birdəki zaman
Yer də həmən yerdir göy də həmən göy
Sənin bu dünyayla işin olmasın,
Yetər deyindiyin arxasınca hey.
Bir damla göz yaşın sonda ölən köz,
Dilinlə gor eşmə ürəyimdə sən.
Dünən sevincimə şərik olan, qız,
Bu gün kədərinlə ürəyimdəsən.
Əllərim bulaşır göz yaşlarına,
Alın yazısıdır-göz yaşı deyil,
Qucub dizlərini hönkürmə belə ,
Dizlərin eşqinə baş-daşı deyil.