Möminlər Allaha və Onun yaratdığı qədərə iman gətirdiyinə görə daima sevinclidirlər. Bu hal onların gündəlik həyatına da yansıyır və möminlərin xarakterinin əsas mənbəyini təşkil edir. Allaha iman gətirməyin, hər an imanın dəlillərini görməyin, yaxşı işlər görməyin, batil fəlsəfələrə qarşı fikri mübarizə aparmağın və Cəhənnəmdən qorxub Cənnəti qazanmaq cəhdinin həyəcanı ilə yaşayırlar. Quran əxlaqının yayılmasını arzulayır və bilirlər ki, Quran əxlaqı sakit, monoton əxlaq modeli ilə hakim olmaz. Bu səbəbdən, zəif və passiv olduğunun fərqinə varan mömin dərhal özünə bu sualları verməlidir:
Əgər dünyadakı bütün müsəlmanlar bu şəkildə öz dərdlərinə başı qarışıb ləng olub özünə qapansalar, Quran əxlaqı insanlara necə təbliğ edilər? İnkar edənlərin müsəlmanlara və din əxlaqının yayılmasına qarşı qurduğu tələlər necə pozular?
İnsanlara yaxşı işləri əmr edib pis işlərdən çəkindirmək vəzifəsini kim boynuna götürər? Müsəlmanları kim şövqləndirər? Müsəlmanları daha gözəl əxlaqlı olmağa kim təşviq edər?
Allahdan layiqincə qorxub çəkinən mömin Allahın Quran hökmləri ilə boynuna qoyduğu məsuliyyətləri öhdəsinə götürər və şövqlə mübarizə aparar. Uca Allahın Quranda: “…Möminləri də təşviq et!..” (Nisa surəsi, 84) ayəsi ilə əmr etdiyi kimi, ətrafındakı möminləri də şövqləndirər.
Din əxlaqı ilə yaşamayan insanlar gördükləri işdən mənfəətləri olmadıqca şövqlə hərəkət etməzlər. Əsla həyatlarına məna verən idealları olmaz. Bu hal işlərinə də yansıyır və gördükləri işin nəticəsi bərəkətsiz olur. Halbuki möminlərin imanlarından qaynaqlanan enerji və şövqləri heç tükənmir. Hər gün Allahın rizasını daha çox qazanmaq üçün səmimi cəhd göstərirlər. Qısa dünya həyatında Allahın rizasını qazanmaq üçün nə qədər çox saleh əməl etsələr, axirətdəki mükafatlarının o qədər böyük olacağını bilirlər. Bu müjdə Quranda belə bildirilir:
Və öndə olanlar. Onlar öndədirlər! Onlar yaxınlaşdırılmış kimsələrdir. Onlar Nəim cənnətlərində olacaqlar. Çoxu əvvəlkilərdən, bir azı da axırıncılardandır. Bəzənmiş taxtlar üstündə qərar tutacaq. Onlara söykənib bir-biri ilə qarşı-qarşıya əyləşəcəklər. (Vaqiə surəsi, 10-16)
Gülnarə YADİGAROVA