Nə deyim,dünyanın xeyir-şərinə,
Ağı ayrı yığır,qaranı ayrı.
Mat qalıb özü də bu işlərinə,
Dağı ayrı yığır,Aranı ayrı.
Dağa tamarzıdır,bax Arandakı,
Aran sevdasına düşür,dağdakı,
Kürü,Araz ilə su qovuşdurur,
Qollar parçalayır,aranı ayrı…
Diz atdım,süründüm,bildim bağ nədi,
Xəyalda düşündüm,dərə-dağ nədi.
Min budaq budandım,bir budaq nədi,
Gözüm görməz oldu,haranı,ayrı?
Başından dəli yel,əssə bilinməz,
Kələklər yolunu,kəssə bilinməz.
Yarından ürəyi,küssə bilinməz,
Unutmaz,heç ara vuranı ayrı.. .