Daha sənə dönük çıxır,
Yaxın dostun, sirdaşın da.
Göynəyirsən için-için,
Boğulursan göz yaşında.
Heç bilmirsən nə vaxtadək,
Sızlayasan, göynəyəsən?
Bir dərd qanan varmı bəyəm,
Açıb dərdini deyəsən?
Yaxşılığa yamanlığın,
Dərdini çəkməyim necə?
Bax, bu qəmdir ürəyimi,
Sızıldadır gündüz, gecə.
Namərd gördüm, bu həyatda,
Neçə-neçə ,,mərd” adamı.
Heç Allah da yıxa bilməz,
Yıxan yerdə dərd, adamı!..