Rəngi, gözəlliyi, qoxusu bəlli,
Hələ açılmamış qönçələr kimi,
səhərlər açılar, ömrə təsəlli.
Hər gün keçdiyimiz küçələr kimi,
Tələsik keçirik ömür yolundan,
Günlər bir-birinə bənzəyir yaman.
Bir dəli arzuya, istəyə təşnə,
Çırpınır qəlbimiz güman içində,
Heç nə gözləmirik, elə bil, heç nə,
Fikrimiz azıbdır duman içində.
Adilik içində əriyir hər an,
Günlər bir-birinə bənzəyir yaman.
Qatıb başımızı sirli düyünlər,
Cəmlənib insanın ağlı səbrdə.
Təsbeh dənələri deyil ki, günlər,
Firlanıb qayıda əlinə bir də,
Dyişməz qanunla dovr edir zaman,
Günlər bir-birinə bənzəyir yaman.
Günlər ki, günışin tutub əlindən,
Körpə uşaq kimi aldanıb gedir.
Həsrətlə baxırıq qüruba gendən,
Ömrümüz beləcə talanıb gedir,
Bu gündən sabaha boylanır insan,-
Günlər bir-birinə bənzəyir zaman.
1986